جحـــــــــــود....

روايات_مشيره_محمد
شريف فضل واقف في نص الصالة وعينيه متعلقة بالموبايل اللي في إيدي وكأنه سمع حاجة ما كانش متوقع يسمعها أبدًا
شريف إنت كلمت حسام ليه يا بابا
عبدالعزيز وإنت مالك قلقان ليه كده ما إنت جايب ناس من دار المسنين عشان مصلحتي زي ما بتقول
شريف أنا بس بسألك إنت بتعمل إيه
عبدالعزيز وأنا هجاوبك لما أستاذ حسام يوصل
الست اللي كانت قاعدة على الكنبة بصت لشريف وقالت
الست هو فيه مشكلة يا أستاذ شريف إحنا مش فاهمين حاجة
شريف لا مفيش أي مشكلة بس واضح إن والدي متوتر شوية ومحتاج يرتاح
بصيت له وقلت
عبدالعزيز متقولش إني متوتر عشان أنا واعي لكل كلمة بقولها ولكل تصرف إنت بتعمله
الراجل اللي كان مع الست فتح الملف وقال
الراجل يا حاج عبدالعزيز إحنا محتاجين نعرف هل حضرتك موافق على الانتقال لمكان رعاية ولا لأ
عبدالعزيز لأ مش موافق وعايز أقول لحضرتك حاجة أنا ما طلبتش من ابني يتواصل معاكم أصلًا
شريف اتدخل بسرعة
شريف يا بابا إحنا اتكلمنا في الموضوع قبل كده
عبدالعزيز إمتى يا شريف أنا مش فاكر إني وافقت
شريف إنت قلت لي إنك تعبان ومش قادر تعيش لوحدك
ضحكت من المفاجأة
عبدالعزيز أنا قلت لك كده إمتى
شريف مش فاكر يمكن من فترة
عبدالعزيز يبقى لازم تفتكر كويس لأن الكلام ده ما حصلش
في اللحظة دي جرس الباب رن
قمت وفتحت ولقيت الأستاذ حسام المحامي واقف ومعاه شاب شايل شنطة أوراق
حسام صباح الخير يا حاج عبدالعزيز
عبدالعزيز صباح النور يا أستاذ حسام اتفضل
دخل حسام وبص لشريف وقال
حسام صباح الخير يا أستاذ شريف واضح إننا اتقابلنا في ظرف مش لطيف
شريف حاول يبتسم
شريف أهلا يا أستاذ حسام بس أنا مش فاهم إنت جيت ليه
حسام حط الشنطة على الترابيزة وقال
حسام لأن والدك اتصل بيا وطلب مني أحضر بخصوص تصرفات حضرتك الأخيرة
شريف تصرفاتي إيه بس أنا ابنه وبحاول أحافظ عليه
حسام الحفاظ على والدك حاجة ومحاولة إجباره على التنازل عن ممتلكاته حاجة تانية خالص
شريف بص لي بعصبية
شريف إنت حكيت له إيه يا بابا
عبدالعزيز أنا ما حكيتش غير الحقيقة
حسام فتح ملفه وطلع مجموعة أوراق
حسام قبل ما نكمل أحب أسأل حضرتك سؤال واضح يا أستاذ شريف هل والدك وافق كتابة أو شفهيًا على نقله لدار رعاية
شريف إحنا عيلة ودي أمور عائلية مش محتاجة أوراق
حسام السؤال بسيط هل عندك موافقته
شريف سكت
حسام كمل
حسام وهل معاك تقرير طبي حديث بيقول إنه فاقد القدرة على إدارة شؤونه أو محتاج رعاية إجبارية
شريف هو مش لازم يكون مريض عشان نتصرف ونحافظ عليه
حسام بالضبط وده معناه إن قرار الإقامة أو الانتقال من حقه طالما مفيش سبب قانوني يثبت غير كده
الست اللي جاية من دار الرعاية بدأت تقفل الملف وقالت
الست أنا شايفة إن الأفضل نوضح إننا ما نقدرش نستقبل أي حالة من غير موافقة الشخص نفسه أو الإجراءات القانونية المطلوبة
شريف بص لها وقال بعصبية
شريف إنتوا مش جايين تساعدونا
الست ردت بهدوء
الست إحنا جايين بناء على طلب حضرتك لكن واضح إن الحاج عبدالعزيز مش موافق وده كفاية إننا نوقف الموضوع لحد ما الأمور تتضح
وقفت وقلت لها
عبدالعزيز أشكرك يا بنتي على احترامك ليا
قامت هي والراجل واستأذنوا ومشيوا
فضل شريف واقف مش عارف يتكلم
حسام قال له
حسام دلوقتي نقدر نتكلم بهدوء
شريف أنا مش فاهم كل ده ليه هو أنا عملت جريمة عشان عايز أساعد أبويا
عبدالعزيز المساعدة مش بتبدأ بتهديد يا شريف
شريف أنا ما هددتكش
عبدالعزيز يبقى إنت نسيت كلامك امبارح لما قلت لي لو ما نقلتش أملاكي باسمك هتوديني دار مسنين وهتمنعني أشوف ولادك
شريف كنت متعصب يا بابا
عبدالعزيز والغضب بيطلع اللي مستخبي جوه الإنسان
حسام طلب مني أجيب أي رسائل أو تسجيلات أو أوراق تخص الموضوع
وقتها افتكرت حاجة مهمة
قلت له
عبدالعزيز استنى يا أستاذ حسام أنا عندي حاجة لازم تسمعها
فتحت الموبايل وطلعت تسجيل صوتي كنت محتفظ بيه من الليلة اللي فاتت
شريف كان فاكر إنه لما خرج من البيت قفل الباب ورا نفسه وإن محدش يقدر يثبت إنه هددني لكن أنا كنت سجلت جزء من كلامه من غير ما ياخد باله
شغلت التسجيل
صوت شريف طلع واضح وهو بيقول
قدامك لحد بكرة الصبح تنقل كل ممتلكاتك باسمي وإلا هتصرف معاك بطريقة تانية ومش هتشوف ولادي تاني
الصمت ملأ الصالة
حسام بص لشريف وقال
حسام أعتقد إن الكلام واضح جدًا
شريف حاول ياخد الموبايل من إيدي لكن حسام وقف بينا
حسام من فضلك ما تلمسش الموبايل
شريف ده ابني قصدي ده أبويا وبيسجل لي كلامي من ورايا
عبدالعزيز أنا سجلت تهديدك ليا عشان أحمي نفسي مش عشان أفضحك
شريف يعني إنت ناوي توديني في داهية
عبدالعزيز أنا مش اللي بدأت يا ابني
حسام طلب من شريف يقعد وقال له إن الموضوع مش مجرد خلاف عائلي وإن أي محاولة لإجبار والدي على التنازل عن ممتلكاته أو نقله من بيته من غير موافقته ممكن يكون ليها عواقب قانونية
روايات_مشيره_محمد
شريف قعد وهو بيحرك رجله بعصبية وقال
شريف طيب خلينا نتكلم بصراحة يا أستاذ حسام أنا ابنه الوحيد وفي الآخر كل حاجة هترجع لي يبقى إيه المشكلة لما ننهي الموضوع من دلوقتي
حسام رد عليه بهدوء
حسام مفيش مشكلة إنك تكون ابن صاحب الممتلكات لكن ده مش معناه إنك مالكها وهو لسه عايش
شريف يعني لازم أستنى لما يموت عشان آخد حقي
عبدالعزيز حقك؟ هو أنا مديون لك بحاجة يا شريف
شريف أنا ما قصدتش كده يا بابا
عبدالعزيز أمال قصدك إيه؟ إنت من أول ما دخلت البيت بتتكلم عن فلوسي وبيتي وحساباتي كأنك صاحبهم وأنا مجرد ضيف عندك
شريف أنا كنت عايز أريحك من المسؤولية
عبدالعزيز تريحني ولا تريح نفسك؟
ما ردش
حسام بص لي وقال
حسام يا حاج عبدالعزيز أنا شايف إننا نبدأ بتأمين ممتلكاتك ومراجعة كل الأوراق والحسابات ونتأكد إن مفيش أي تصرف اتعمل من غير علمك
هزيت راسي وقلت له
عبدالعزيز اعمل اللي شايفه صح أنا مش عايز أظلم ابني لكن مش هسمح لحد يسرق تعبي
شريف وقف فجأة وقال
شريف إنتوا بتعاملوني كأني حرامي
عبدالعزيز أنا مش اللي هحكم عليك يا شريف تصرفاتك هي اللي بتقول إنت مين
خرج شريف من البيت وهو بيخبط الباب وراه
وقبل ما يمشي بص لي وقال
شريف هتندم يا بابا لما تكتشف إنك خسرت ابنك بإيدك
رديت عليه وأنا باصص في عينيه
عبدالعزيز أنا خسرت ابني من زمان يا شريف يوم ما قرر يشوف أبوه خزنة فلوس مش إنسان
بعد ما مشي حسام فضل معايا شوية وبدأنا نراجع الأوراق
اكتشفنا إن شريف كان من فترة بيحاول يعرف تفاصيل حساباتي البنكية وبيسألني عن قيمة البيت والأرض اللي ورثتها عن أبويا
وفي مرة طلب مني أمضي على ورقة وقال إنها مجرد تفويض عشان يساعدني في إنهاء بعض الإجراءات
لكن أنا رفضت وقتها وطلبت منه يسيب الورقة عندي لحد ما أراجعها
حسام سألني
حسام الورقة دي لسه موجودة عندك؟
قمت من مكاني وفتحت درج المكتب وطلعتها
حسام قرأها كويس وبعدها رفع عينه وقال
حسام الورقة دي مش بسيطة يا حاج
عبدالعزيز فيها إيه؟
حسام دي كانت بتدي صلاحيات واسعة للتصرف في بعض الأمور المالية نيابة عنك
عبدالعزيز يعني كان ممكن يستخدمها إزاي؟
حسام حسب الإجراءات والصلاحيات اللي فيها كان ممكن يعمل معاملات