رواية رجل كعشقي كاملة بقلم شادي
الفصل الاول
في منتصف الليل وفي يوم من ايام الشتاء كانت تمشي متعبه من الالأم المخاض تنعي حظها وظروفها التي رمت بها في هذا الوضع المؤلم هي تحمل بطفل ابيه تخلي عنه وعنها
اعمها الحب والتعلق عن حدود الله وهاهي تحصد ثمار اخطائها
وحيده ليس معها سوا الله وطفلها الذي لم يري النور بعد
دخلت المستشفي العام وفي صالة الاستقبال
لموظف الاستقبال
رؤي لو سمحت ممكن تقولي فين قسم الولاده ااااه
موظف الاستقبال دكتور الطوارئ بسرعه حالة ولاده
جاء الطبيب مالك شاب في الثلاثينات من عمره وسيم محبوب من الجميع مشهود له بكفاءته وحسن اخلاقه
ومعاملته الحسنه مع الجميع
مالك جاء بكرسي المړضي النقال ايوه انا جيت اجلسي واهدي يا مدام حالا هندخل نكشف عليكي
رؤي هو اانت الدكتور
مالك وهو يسير بهاايوه بس احيانا اقوم بدور التمرجي في الطوارئ عشان انقذ موقف
بداخل غرفة الكشف وبعد ان قام بالكشف عليها
بصي يا مدام انتي كده لازم تولدي قيصري لأن الجنين وضعو مش سليم بس هو بخير متخفيش ولازم ندخل عمليات حالا يعني لو هتبلغي حد من اهلك وزوجك بسرعه عشان مفيش وقت
رؤي انا مليش حد وزوجي مسافر انا لوحدي
مالك معقول طب متخفيش احنا هنا معاكي وربنا معاكي قبل الجميع طيب اتفضلي مع الممرضه هتحضرك للعمليات ومتقلقيش
اشفق مالك علي هذه البنت الصغيره التي عمرها لم يتعدي العشرون عاما و تتحمل ان تكون بمفردها في هذا الوضع.
كانت خائفه ولكن روح هذا الطبيب المرحه والمطمئنه اراحتها قليلا دخلت العمليات وقام بتوليدها
وتم نقلها بغرفه ا
وفي الغرفه كانت معها تمرجيه تساعدها ومرافقه لها
التمرجيه حمد الله علي سلامتك يا حبيبتي بنتك الله اكبر زي القمر
رؤي هي فين بنتي
متخفيش هي في غرفة رعاية الاطفال لازم بس تفضل هناك ساعتين كده يتابعوها ويكشفو عليها ويجبوهالك انا قاعده معاكي هنا مرافقه عشان اساعدك لو عايزه اي حاجه قوليلي
رؤي انتو بتعملو كده مع اي مريض
التمرجيه لا طبعا بس انا الدكتور مالك وصاني عليكي وقالي متسبهاش لغاية ماتخرج اصل دكتور مالك ده طيب اوي وحلو اوي
دق باب الغرفه
التمرجيه ايوه اتفضل
كان الدكتور مالك
السلام عليكم عامله ايه دلوقتي يامدام حمدالله علي سلامتك بنتك جميله اوي ما شاء الله انا لسه جاي دلوقتي من عندها اطمني كويسه شويه وينزلوها هتسميها ايه بقا
رؤي هسميها حلم انا متشكره اوي علي تعبك معايا يا دكتور بس لنا اقدر اخرج امتا
مالك الله اسم جميل
نطمن عليكي بس وتقدري تخرجي بكره رغم ان من رئيي تخليكي يومين تلاته لان زي ما فهمت ان مفيش حد معاكي يساعدك وانتي والبيبي عايزين رعايه
رؤي لا شكرا انا اقدر اساعد نفسي
مالك طيب زي ما تحبي بكره اكشف عليكي واكتبلك خروج
وفي الصباح
خرج مالك من عند مريضته محتارا لماذا اهتم بهذه الفتاه ويألمني قلبي عليها اشعر ان عينيها مليئه بالحزن نفض عنو هذه الافكار وغير ملابسه وخرج من المشفي لقد انتهت ساعات عمله وجاء موعد ذهابه الي بيته ليرتاح
دخل سيارته وقام بتدويرها ثم شاهد من بعيد رؤي تخرج من الباب الخلفي للمشفي تتلفت ورئها كالهاربه من شئ وطفلتها ليست معها
الفصل الثاني
اندهش مالك عند رؤي تها تخرج من المشفي في هذا الوقت لم يمر علي خروجها من عمليه جراحيه ١٢ساعه ولم يكتب لها اذن بالخروج ومن غير طفلتها ماذا تفعل هذه الفتاه بهذه الحاله سار ورائها بالسياره الي ان توقفت وجلست علي مقعد علي النيل وظلت تبكي نزل من السياره وجلس بجانبها
وقال
علي فكره مينفعش واحده لسه خارجه من عملية ولاده قيصري تتعرض للهوي وتخرج كده
فزعت رؤي عندما تكلم ووجدته يجلس بجانبها
وقالت
انت عرفت اني هنا ازاي انت بتراقبني انت عايز مني ايه سبني في حالي.
رد مش عايز منك حاجه انا شفتك بالصدفه وانتي مريضتي ومسئول
ردت وقالت لا معرفش عنها حاجه انا امي توفت بعد ما ولدتني ومحدش علمني يعني ايه امومه ومشفتش في حياتي غير قسوه وطفلتي احسن لها اني اسيبها يمكن ربنا يبعتلها اللي يراعيها لكن انا مش هعرف اراعيها معنديش اي مكان اعيش فيه ولا عائد اعيش منه هراعيها ازاي .
قال الأم ومه دي فطره مش محتاجه تعرفيها او تتعلميها وطفلتك محتاجاكي انتي زي ما هتعيشي هتعيش وربنا مش بينسي حد .
صړخت وقالت بس انا مش هعيش انا ھموت نفسي وارتاح
صدم من كلامها ايه اللي بتقوليه ده انتي عايزه ټموتي كافره لازم يكون عندك ايمان حرام اللي بتقوليه ده استغفري ربك و تعالي اوصلك لبنتك وكل مشكله ليها حل متخفيش
ردت بخفوت بس انا مشكلتي ملهاش حل واكيد ربنا
هيسامحني لانو عالم بحالي ..
لااا عايزه ربنا يسامحك وانتي بتكفري به ربنا قال
لا تقنطو من رحمة الله.
استهدي بالله و تعالي ارجعك المستشفي عشان كده غلط عليكي جدا تعرضك للهوي ممكن يسببلك حمي نفاس لا قدر الله ده انا هقلب الدنيا عليهم ازاي يخرجوكي هي سايبه قالت
لاا انا خرجت من غير ما حد يشوفني وكانت التمرجيه نايمه محستش بيا وفي الاستقبال كانو مشغولين بحاله.
لا لازم يكون في رقابه المهم تعالي واحكيلي حكايتك وان شاء الله هلاقي لكي حل .
طيب انت ليه مهتم كده وهتساعدني انت ذنبك ايه
ذنبي انك مريضتي واني انسان مقدرش اشوف حد محتاج مساعدتي واتأخر عنه ولا اسيب انسان زيي يضر نفسو واقف اتفرج عليه يلا بقا بلاش كلام كتير
تأثرت رؤي من طيبة هذا الطبيب الشاب الذي حمل نفسه مسئوليه ليس له ذنب بها ومن هو عليه كل المسئوليه رمي بها وتخلي عنها
ذهبت معه الي المشفي وعندما دخلت الغرفه وجدو التمرجيه فتحيه تحمل طفلتها وهي في حالة قلق من غياب رؤي وعندما رائتهم قالت
دكتور والله ڠصب عني انا مسبتهاش لحظه عيني غفلت بس شويه من التعب صحيت ملقتهاش وبحثت عنها في كل مكان كنت هتجنن
مالك خلاص يافتحيه حصل خير ساعدي بس المدام تنام عشان هركب لها محاليل تغذيها وتخليها ترتاح وكمان اديها علاجها
اخذت رؤي طفلتها في احضانها وظلت تبكي
مالك خلاص بقا انتي بكيتي كتير وده وحش عشانك يلا ارتاحي
وعندما ذهبت فتحيه لتأتي بالمحاليل الذي طلبها مالك قال لها
بصي انا هسيبك ترتاحي ولما اجي بليل نتكلم متقلقيش واوعي تخرجي تاني انا اصلا هوصيهم مفيش خروج تاني انا قولتلهم انك قريبتي وانا اللي طلبت ليكي غرفه خاصه متخفيش واي حاجه تحتاجيها اطلبيها من فتحيه انا مفهمها وموصيها عليكي
ردت رؤي عليهانا متشكره اوي انا مش عارفه اقولك ايه انت طيب اوي
ابتسم مالك وحب ان يمزح معها حتي يخفف عنها انتي اللي ربنا بيحبك عشان كده بيوقفلك ولاد الحلال اللي زيي
ابتسمت رؤي من مزحه فهو انسان يدخل القلب بخفة روحه وطيبه قلبه
وعندما جاءت فتحيه اعطها العلاج والمحاليل وذهب لبيته
وعندما دخل بيته استقبلته امه
حمد الله عالسلامه ياحبيبي عقبال ما تاخد حمامك يكون الأكل جاهز
لا ياماما مش قادر هنام لما اصحي انا أخذت سندوتش وانا جاي لما اقوم هتغدا معاكي يا ست الكل
مالك !!انت فيك حاجه مزعلاك
انت اتأخرت عن ميعاد رجوعك حصلك مشكله في الشغل
لا ياماما بس موضوع كده هحكيلك عليه لما اصحي
هحكيلك عليه واحنا بنتغدا
الأم ماشي ياحبيبي يكون بابا رجع من شغله ونتغدا كلنا وتحكلنا
هز رأسه موافقا فهو تربي وسط اب وام متفقين ومتدينين وكانت تربيتهم له مبنيه علي الثقة ولم يخفي عنهم اي شئ منذ طفولته
وعلي سفرة الطعام وعندما جاء الاب موظف كبير في وزارة الثقافة مشهود له بالنزاهه والاتقان في عمله وطيبة الاخلاق
الاب ازيك يامالك ايه الموضوع الخطېر اللي
ضحك مالك وقال خطېر ايه يابابا هي ماما لازم كده تكبر الموضوع انت عارفها
الأم بغيظ انا بردو اللي بكبر الموضوع ولا هو اللي باين علي وشك يلا احكي وخلصنا قلقتنا
طيب هحكيلك بس متقطعونيش افهمو للأخر
هزو برأسهم موافقين
حكي لهم عن رؤي من لحظة دخولها المشفي حتي رجعها لغرفتها ثانيه وبدي لهم عن رغبته في مساعدتها
الأم طب هتساعدها ازاي وانت مش عارف حكايتها ايه رغم ان هي باينه اكيد
مالك بغضب٠ ليه كده ياماما بتحكمي عليها قبل ما نعرف وبعدين البنت غلبانه اوي وبريئه وكمان يتيمه قالت امها توفت بعد ولادتها وبعدين حتي لو غلطت مش معناها اننا منساعدهاش ونسيبها هي وطفلتها للمجهول مش يمكن ربنا سخرنا ليها و ربنا غفور رحيم
الاب طيب يا مالك هتساعدها ازاي
هحاول اشوفلها مكان تعيش فيه وشغل تصرف به علي نفسها وبنتها بس هي لسه والده و محتاجه رعايه لازم تقعد معاكي يا ماما شويه لغاية ما تقدر تنزل تشتغل واكون لقيتلها شقه صغيره بأيجار بسيط علي قدها هي وبنتها
الأم انت اټجننت يا مالك ازاي تجيبلي واحده مش عارفين عنها حاجه تقعد معانا في البيت احنا عارفين وراها ايه ده ممكن تأذينا ولا تسرقنا وبعدين دي شابه صغيره ازاي تقعد معانا وانت كمان شاب الناس تاكل وشنا
مالك يا ماما تأذينا ايه دي بنت ضعيفه عاجزه حتي عن اذية نمله وانا طول الوقت بالشغل ولما ارجع هقعد في الروف اللي فوق سطح البيت انا برتاح فيه وده اصلا وضع مؤقت عشان خاطري ياماما اعتبريها بنتك واتعاملي معها كويس دي يتمه واما اليتيم فلا تقهر
الاب خلاص اللي تشوفه يا مالك وخلاص يا ام مالك خلينا نعملها ابتغاء مرضات الله وان شاء الله خير
هزت الأم راسها موافقه عن ضغط
ذهب مالك للعمل وخبط علي الغرفه الموجود بها رؤي
اذنت له
بالدخول وعندما دخل وجدها تحمل طفلتها وتتأمل بها
مساء الخير عامله ايه دلوقتي يا مدام رؤي عرفت اسمك من ورق دخولك المشفي ومد يده ليأخذ منها الطفله ممكن تدهالي اشوفها
اعطتها له وابتسمت وقالت الحمد لله كلو بفضل مساعدتك
استغفر الله كله بفضل الله متقوليش كده ماشاء الله بنتك قمرر حلو اسمها حلم انتي رؤي وهي حلم عرفتي تختاري
بصي ياستي انتي هتخرجي بكره وانا حكيت عنك لماما وبابا علي فكره هما طيبين اوي انتي مؤقتا بس هتعيشي معاهم لغاية ما تستردي صحتك انا هدبر ليكي شغل وبيت وتقدري بعد كده تعتمدي علي نفسك وتربي بنتك متخفيش انا مش هكون في نفس الشقه انا عندي كده غرفتين مظبتهم ومجهزهم ليا و مسميهم روف فوق سطح البيت و بستجم فيهم وبابا راجل كبير ومحترم مش هيضيقك خالص
رؤي في تعجب انت ازاي كده ازاي هدخلني بيتك وسط اهلك وانت مش عارف عني حاجه ولا عارف حكايتي ايه ولا سألتني فين والد الطفله وسايبك ليه
مالك ولو مش عايزه تحكي انا مش هطالبك تحكيلي انا بساعدك لوجه الله
لا انا مش هقبل مساعدتك غير لما احكيلك كل حاجه وبعدين قرر تساعدني ولا لا
مالك رغم اني مقرر بس لو هيريحك تحكي احكي انا
قال هسمعك
الفصل الثالث
بدئت رؤي تحكي لمالك حكايتها من البدايه
انا رؤي بنت وحيده معنديش اخوات كنا عايشين في قريه في الفلاحين ماټت امي بعد ولادتي بابا اضطر يتزوج عشان يجيب واحده تربيني بعد ماتوفت امي وانا رضيعه زوجة ابي رغم انها كانت مش بتخلف بس مشفتش منها اي حنيه وكانت بتعاملني كواجب بتعملو عشان ترضي ابويا بابا الله يرحمه كان طيب وحنون عليا بس شاءت الأقدار اني اتحرم منو هو كمان لما اتممت العشر سنين
لما راح في زياره لعمي في القاهره وتوفي في حاډث القطار المشهور لو سمعت عنو زمان اصبح مليش في الدنيا غير زوجة ابي اللي هي كمان سابتني وسلمتني لعمي اللي عايش في القاهره وقالتلو دي بنت اخوك
عمي كان بيشتغل في قصر كبير لناس اغنيه هو كان اللي بيشرف علي الحديقه اللي فيها وبيزرعها وفي يوم من الايام عمي قالنا انا وزوجتو ان في حفله عيد ميلاد لأبن صاحب القصر ومحتاجين ناس كتير في المطبخ يساعدو وان لازم نروح معه عشان نساعد احنا كمان وانا فرحت اني هشوف القصر والحفله واشوف ناس جديده.
روحنا وكان في شغل كتير في المطبخ فعلا وكان مابين الوقت والتاني ابص من شباك المطبخ علي الحفله والشباب والبنات ولبسهم كان غريب والرقص حاجه كده زي اللي بنشوفو في التلفزيون وبعد شويه قولت لزوجة عمي اني تعبت و عايزه ارتاح شويه وهي قالتلي خلاص ارتاحي روحت غيرت ملابسي وظبطت شعري ونزلت اتفرج من بعيد وانا واقفه لقيت شاب بيبصلي من بعيد نظرات غريبه ومقرب عليا جه سألني مين القمر اتلغبط ورديت عليه
تقصدني انا
ضحك ضحكه عاليه قالي لا بسأل القمر
لغبطني اكتر روحت جريت لقيتو بيجري ورايا وبيقولي تعالي بس انتي حراميه ولا ايه وقفت وقولتله لا انا مش حراميه انا جايه مع عمي صابر هو جنايني هنا قالي طب خلاص متخفيش مالك خاېفه كده ليه
لا مش خاېفه انت اللي شكلك غريب
ضحك اكتر ههههههه انا شكلي غريب لا بس دي حفله تنكريه وانا افتكرتك واحده من الشله لابسه لبس تنكري
قلت فين اللبس التنكري ده ده لبسي عادي
قال لا اقصد يعني لبسك بسيط عن الشله بتاعتي
قلتلواه تقصد يعني لبس فقير!
قاللا مش القصد يعني بس تعرفي انتي احلي من اي واحده شفتها
خجلني جدا و قولت له طب بعد اذنك
رد وقال خلاص خلاص وشك احمر خالص معقول لسه في بنات بتكسف كده طب مش تسأليني انا مين مش نتعرف!
ونتعرف ليه انتو ناس واحنا ناس انا بنت بسيطه.
قال وده يخلينا منتعرفش عادي بلاش الكلام القديم ده كان زمان ومش بحبو
يا ستي انا وليد الچارحي اللي عيد ميلادو انهارده ويسعدني ويشرفني اني اتعرف عليكي
ومد
ايدو يسلم عليا
مديت ايدي وضحكت وقولتو وانا رؤي وكل سنه وانت طيب
رد وقال اكيد معاكي تلفون ممكن تديني رقمك ونبقا اصحاب اصلي ارتحتلك اوي ونفسي اتعرف عليكي اكتر وانتي شايفه جو الحفله هنا مش هعرف اسيب اصحابي كل ده ولا اقولك طلعي فونك يلا اكتبي رقمي ورني عليا
كنت كالمغيبه لم اشعر بما افعله تبادلنا ارقامنا وذهب.
وفضلت افكر
فيه بعد ما رجعنا البيت ايه اللي عملتو ده عمري ما اتكلمت مع ولد ازاي اتكلم معه وكمان اديه رقم تلفوني وعمي لو عرف هيموتني طول عمرو قافل علينا ومش بيخلينا نعرف حد ولما اتعرف علي حد يبقا ابن صاحب القصر اللي بيشتغل فيه لا انا همسح رقمو ولو اتصل مش هرد عليه
وبعد صلاة الفجر لقيت الفون بيرن لقيتو هو معقول في حد يتصل دلوقتي قفلت الصوت قبل ما حد يسمعه فضل يتصل كتير لغاية ما سكت وبعد شويه الفون نور برقم تاني رديت
يعني كده يا رؤي مش عايزه تردي عليا
رديت اصل انا .....مش هينفع لو عمي عرف هيموتني
ومين اللي هيقول لعمك متخفيش طول مانتي معايا انا الصراحه من ساعة ما شفتك وانا مش علي بعضي ومش مبطل تفكير فيكي حرام عليكي اللي عملتيه فيا
قولت له انا والله ماعملت حاجه
ضحك وقال والله انتي عسل
وفضلنا نتكلم كل يوم وفضل يقولي كلام جميل يقربنا اكتر من بعض وبقينا نتقابل ونخرج ويغرقني بحبو واهتمامه بيا واتعلقنا ببعض اكتر واكتر
لغاية ماجه يوم زوجة عمي ندهت عليا وقالتلي عيزاكي
نعم يا مرات عمي
بصي يا رؤي انتي جالك عريس تعرفي الحاج صاحب محل الأثاث اللي في شارعنا راجل
رديت بس ده راجل كبير ومتهيئالي متجوز
هي وفيها ايه لما يكون كبير ولا متجوز الراجل مش يعيبو غير جيبو وده
