اسكريبت بقلم سولييه نصار
ويالا دلوقتي امشي ومش عايز اشوف وشك تاني...
بعد يومين...
اخيرا يا امجد وافقت علي العروسة ده انا قلبي تعبني وانا بقنعك
قالتها ماما بتعب فضحكت وقولت
الله يا ست الكل مش لازم اللي اتجوزها تكون كويسة ومحترمة .المهم البنت دي كويسة زي ما بتقولي يبقي بإذن الله هتكون من نصيبي...
ابتسمت ماما بحب وقالت
اه كويسة اووي يا امجد هي طالبة طب ومختمرة وحافظة كتاب ربنا...قولي ايه فيه احسن من كده...
هزيت راسي وانا حاسس بالرضا والارتياح...اهي دي اللي اتطمن عليها وانا في بيتي...
روحنا للناس عشان نتقدم...أنا وابويا وامي وهما استقبلوني كويس اووي
وبعد شوية كلام ماما طلبت اننا نشوف العروسة...وقتها خرجت وشوفتها...كانت اجمل بنت اشوفها في حياتي..عيونها في الأرض ولبسها واسع...كانت بتنور قدامي زي ما تكون ملاك وللمرة الاولي قلبي يدق بالعڼف ده...لأول مرة احس اني بغرق....قومت وانا ببتسم ليها الا أن وشي بهت فجأة لما شوفت علا وراها...علا شافتني ورجعت لورا پصدمة وفجأة وقعت الصينية اللي عليها الجاتوه وهي بتقول بصوت
مسموع
امجد!!!
انتي تعرفي امجد يا علا !
قالتها والدة منار...البنت اللي هتجوزها...
عيون على دمعت وهي بتبص عليا رجعت لورا وهي حاسة قلبها بيتكسر لمليون حتة...اكتر واحد حبته واللي اخد قلبها ...هيتجوز بنت خالتها اللي هي زي اختها تماما....الناس هتلومها هي مش امجد...هي اللي هتبقي منبوذة من الكل..عشان كده سكتت خالص ومسكت دموعها بالعافية وقالت بصوت بيترعش
استاذ امجد كان زميلي في الشركة قبل ما اسيبها...كان الوحيد اللي بيساعدني انسان محترم وكويس...
بصت علي الجاتوه
مكانش قصدي اوقعها بس رجلي اتلوت ووقعت أنا اسفة...
كنت ببص عليها وانا رافع حاجبي بتحداها انها تتكلم عني وحش بس
كلامها اني محترم خلاني اتزلزل...ودموعها اللي كانت كاتماها والانكسار اللي باين عليها هزني من جوا...
أنا هجيب جاتوه تاني...اسفة...
راحت منار تساعدها وقفتها علا بصوت مخڼوق
لا يا عروسة روحي ارتاحي...
وبعد خمس دقايق لمت علا كل الحاجة ودخلت جوا...عينيا كانت عليها وبلعت ريقي وانا بحاول اتخلص من الشعور المزعج اللي مسيطر عليا...بصيت علي منار وانا حاسس اني قلبي رجع يدق پعنف
قعدنا وبدأنا التعارف وطلبنا ايد منار
وطبعا قعدنا مع بعض لوحدنا ...كنت بتامل ملامحها وانا مذهول كانت جميلة بشكل مش معقول...بشكل عقلي ميستوعبهوش...
بدات الكلام وقولت
عندك اسئلة عايزة تسأليهالي...أنا جاهز علي فكرة
بلعت ريقها وبصتلي بصة غريبة وقالت
هو انت بتصلي..
وشي بهت وارتبكت وقولت
يعني...مش دايما احيانا بقطع في الصلاة...وعندي آمل أنك تصلحي الموضوع ده..
انا هبقي مراتك مش المصلحة الاجتماعية بتاعتك..
قالتها ببرود بس بعدين بصت للارض وقالت.
انا خلصت اسألتي لو حابب تسأل انت !
اهل منار قالوا انهم هيردوا علينا بعد اسبوع...بصراحة مكانش عندي آمل انها توافق عليا...رغم ان مشاعري اتحركت ليها بس كان باين انها هترفضني...ويمكن كده كويس عشان مبقاش قريب من علا....
في بيت منار...
دخلت منار الاوضة عشان تنام لقيت علا قاعدة علي سريرها وهي سرحانة...علا قاعدة معاهم بقالها سنة تقريبا لان ابوها وامها سافروا الامارات عشان يشتغلوا ومن وقتها اعتبرتها
بصت علا لقت منار حاولت تبتسم وقالت
هتوافقي!
رفعت منار حواجبها وقالت بجدية خۏفت علا
ايه اللي بينك وبين امجد....متكدبيش يا علا لان أكيد بينكم حاجة !!!
مفيش حاجة بيننا...
قالتها علا بارتباك فقالت منار بعصبية
علا متكدبيش توترك النهاردة كشفك.
هزت علا رأسها وهي بتقول
مفيش بيننا حاجة يا منار...أو علي الاقل من ناحيته...
يعني ايه !
قالتها منار
فردت علا وهي بتترعش
يعني أنا كنت بحبه بس حب من طرف واحد هو ميعرفش حاجة عن مشاعري دي..وعشان كده سيبت الشركة...
بصتلها وكملت
بس انا خلاص اتخلصت من مشاعري دي يعني لسه بحاول فمتشيليش همي وترفضيه بسبب كده...
قعدت علا علي السرير وعيونها مدمعة وقالت
المشكلة فيا انا ...
سكتت منار وهي بتبصلها بس برضه مكانتش مصدقة...اتكلمت فجأة وقالت
يعني انا لو قبلت مش هتزعلي
ابتسمت علا بحزن وقالت
بالعكس هفرحلك
تمام يا علا تصبحي علي خير
قالتها منار وبعدين راحت تنام
يومها أنا مقدرتش انام...وش منار رافض يبعد عن خيالي...كل اما افتكرها احس قلبي بيدق بطريقة عڼيفة...افتكرت وشها اللي عامل زي القمر
كلامها الرقيق زيها...حتي ڠضبها الطفولي كان جميل...كنت بتقلب وانا حاسس بإحساس غريب اول مرة أحسه...حاسس بالسعادة والألم في نفس الوقت...حاسس اني طاير فوق ورغم الخۏف اللي جوايا اني اقع بس فاضل طاير...معقول ده الحب...بس ازاي أنا توي شوفتها...مستحيل يكون الحب...بس قلبي كان ليه راي تاني...أنا أول مرة احس بالالم اللذيذ ده.. اول مرة اكون فرحان بالشكل ده...اول مرة قلبي يدق بالسرعة دي....قومت من سريري وانا بفكر
اني مستحيل
بعد اسبوع
كانت علا بتتمشي في الشارع وهي حاسة كأن الدنيا كلها سودا حواليها...دموعها كانت بتنزل وهي بتفتكر أنها اللي
..هي لحد دلوقتي متعرفش هتعمل ايه في المصېبة اللي هي فيها...اتنهدت وهي بتفتكر أن النهاردة منار هترد علي امجد ولو وافقت كده هتشوفه علطول...هتشوفه
تليفونها رن فجأة طلعته واټصدمت لما لقت امجد...ردت بسرعة وهي عندها امل أنه يتجوزها ويسترها...
امجد أنا مش...
قاطعتها وانا بقول
عايز اقابلك فورا !!
بعد نص ساعة...
قولتها ببرود وانا بلاحظ الانكسار اللي علي وشها وبعدين كملت
انا بصراحة حبيت قريبتك....معرفش ازاي بس حبيتها وعايزك متعمليش مشاكل...
قالتها وهي پتبكي..فقولت
هجوزك لواحد صاحب ابويا...هو عنده تسعة وخمسين سنة..
دموع علا نزلت اكتر وقامت وهي بتقول
انت أحقر واحد شوفته في حياتي...انت...انت...
مقدرتش تكمل كلامها وفجأة أغمي عليها
في المستشفي...
كنت قاعد وانا مضايق من الورطة اللي اتورطتها مع البنت دي...بعد ما أغمي عليها حاولت افوقها بس مفاقتش وعشان الناس اتلمت حوالينا اضطريت اوديها المستشفي...لو حد من عيلتي أو عيلة منار شافنا احنا هننتهي !!
انتبهت لما الدكتورة خرجت فقومت وانا بقول
خير
يا دكتورة.
بصتلي الدكتورة وقالت
الحمدلله هي كويسة...هي بس جالها هبوط مفاجئ
