كامله
المحتويات
امممم باين عليك من ريحتك الحلوه وهدومك النضيفه وشعرك اللي عاملو رجل الديك دا إنك العريس صح!!
رجل الديك!!
اي رجل فرخه!
لا إله إلا الله
انت جاي تأسلم عندنا حضرتك!
بصلي بنفاذ صبر وقال
خليني اعرفك بنفسي يا آنسه مريم
انا اسمي نوح خريج كلية هندسه يعني مهندس معماري و...
ااه مهندس بقا ودمك تقييل ومغرور وهتقولي انا مهندس مش انسان و...
لا اتطمني مش بقول كده ومش مغرور وان شاء الله دمي هيعجب سعادتك
طب ندخل علي التقيل بص يابن الناس هما بيقولو لازم تاخدي واحد زي دماغك وبيفكر زي ما بتفكري وكده ف هسألك شوية اسألة اختبار صغنن يعني ومن خلالها هحدد هوافق ولا لا
اسألة اي هو انا ما صدقت خلصت كلية علشان الإمتحنات بتاعتها اجي ليكي تمتحنيني! هو انا يارب مكتوب عليا التعب والتوتر العمر كللو حتي ف جوازتي!! كده حرام ولله!!
خلصت صياح!
يلا استعد
ثواني
لقيتو
دعواتك ليا يمااماا دعواتك يحمااتي معايا ياارب
احم يلا يا انسة مريم ابدأي
قولي جوز إريل كان اسمو اي!
بصلي ببلاهه وقال
اوكسي!!
اه احنا هنستظرف صح!!
يابني آدم جوز إريل اللي كان ف الكرتون اسمو اي
ثوااني انا كنت بسمعو وانا صغير ااه اللي كان انسان وهي حيوانه
حيوانه!
قصدي سمكاية
بقولك ايه ممكن تجيبيلي ماية اشرب!
دخلت جبتلو ورجعت لقيتو ماسك الفون بيعمل بيه حاجه رديت بانفعال وقولت
اثبت عندك لانولع كلناا بتعمل ايي هااا بتغشش!! بتغشش صحح اتقي اللله ياجدع
بصلي بتوتر وضحكة وقال
دا انا كنت بشوف فيه اخبار عن يوم القيامة ولا اي احم يلا انا مستعد اجاوب
جوز اريل كان اسمو عريق صح!
نتشت منو الفون وقولت
صح
السؤال التاني الفار الطباخ كان بيحب بعمل اي!
امممم كان ببحب يعاكس البنات الفران!!
افندم!
اي كان بيعاكس الولاد!!
يجدعع
فضل باصص ببلاهه وبعد كده لقيتو اتنطط بفرحه وقال بفخر
كان بيحب يعوم ف الماية
لا انت تقوم تاخد اهلك السكر دول وتتكل علي الله
طب اديني محاولة كمان وان شاء الله هجيب درجة حلوه
ااخر فرصه!!
قولي السمك صحاب مش اي!!
مش ولاد خالة
قوم ياض من هناا
طب مش ولاد عامة!!
قومت وقولت
انت مرفوض يا استاذ واصلا باين عليك انك راجل عاقل ممل مبتحبش الكرتون وغير دا كللو مهندس!! وانا حالفه طلاق علي ابويا متجوزش مهندس عشان دمهم بيبقي اتقل من دم الصراصير يلا ياا.. ياعاااقل يا مهندسس من هنااا
سبتو وطلعت استأذنت منهم ودخلت الأوضه نمت عدا فترة مش كبيرة وانا حاليا طالعة علشان اقعد مع العريس جديد متقدملي
سلام عل..... اي دا انت تاني!!
لا انا المرادي جاي ومذاكر وواخد دروس خصوصيه وشرح ع اليوتيوب
هي مش كانت هاخد عشرة من عشرة ونجمة بتضحك!!
لا انا جاي علشان اخد قلبك مش عاوز النجمة وبعدين اللي معاه سما وقمر هيبص للنجوم برضو!!
احم يلا يا استاذ نوح نبدأ بالسؤال الأول
الأميره بيل كانت بتحب مين!!
كانت بتحب الوحش
وكان عندها هواية اي!
قرائة الكتب
كان شلبي متعلق ببنت صغيرة ف كرتون اي!
شركة المرعبين
والبنت الصغيرة كان اسمها اي!
اسمها بو
بصتلو بإعجاب وقولت
هايل لا باين مذاكر جدا كمان
اماال احنا بنهزر ولا اي
طيب كورتي البعبع كان صوت مين!
كان الممثل محمد هنيدي
طيب السمك صحاب مش...
طواجن
طيب لما تنة ورنة مسكت المراية السحرية اللي بتحقق الأمنيات اتمنت كام امنية!
اتنين واحده كانت عاوزه بريق يطفي مينورش عشان كان بيزعجها يعني وكانت عاوزه صديقها تميم تعتذرلو ويكون
كمل بمشاكسه وقال عبال ماتكوني معايا للأبد ياارب
متابعة القراءة
