قصة وصية جدي
نفس الشخص اللي في مجسم التمثال اللي ظهر واختفى في أوضتي نفس الملامح والشكل والنظرة وكل حاجة بالمللي أنا حسيت إني مصدوم ومش عارف أنطق وطول الطريق أنا ببصله في المراية لأني كنت قاعد ورا وهو عنيه منزلتش من عليا وتقريبا ما اتكلمش ولا كلمة ولما وصلنا للفندق ونزلنا من التاكسي إداني جواب ومشي من غير ما يسأل عن الأجرة!
عنيا فضلت مراقباه لحد ما اختفى عن نظري ومحمود قالي
يلا يا ابني هو أنت هتفضل واقف كده
مكنش حد فيهم يعرف موضوع التمثال لأني مكنتش حكيته لحد طلعنا اوضتنا وظبطنا ورصينا حاجتنا وبدأنا نقعد نريح من تعب الرحلة وكنا المغرب يعني كانت الساعة ٦ تقريبا ولقيت رامز بيقو
حاجته وأنا سحبت اللابتوب وفتحته وقولت ابحث عن مدينة كوسكو اللي كانت مكتوبة في
ولقيت إن كوسكو كانت العاصمة القديمة لإمبراطورية الإنكا ومكانها في جنوب شرق بيرو وقالوا إنها كانت مركز روحي وثقافي ضخم بس اللي شدني أكتر إن فيه كلام عن أبواب الشمس بوابات حجرية ضخمة محفورة بنقوش ماحدش قدر يفسرها لحد دلوقتي والناس هناك بيقولوا إنها بتوصلك لعوالم تانية
رامز قطع تفكيري فجأة وقال
النت فصل عندي عندك شغال
بصيتله وقولت
لا فصل برضه مع إنه كان تمام من شوية
سمعنا أنا ورامز لأننا كنا في أوضة واحدة صوت خبطة خفيفة على الشباك والغريب إننا كنا في دور عالي جدا فتحت الستارة بسرعة ملقتش حد بس لقيت ريشة سودا طويلة جدا شكلها مرعب ومش شبه ريش الطيور اللي
في الوقت ده سمعنا صوت صرخة جاية من أوضة محمود وعبد الله جرينا ناحيتها بسرعة ولما دخلنا لقينا محمود واقف بيتنفض عينيه مفزوعة ووشه شاحب وعبد الله واقف مصدوم وكان شكله كان بياخد دش وخرج جري من الحمام ولما سألنا محمود بيصرخ ليه قال
في وش ظهرلي في المراية وش مليان جروح وفي ونار خارجة من عينه الشمال
سكون غريب خيم على الأوضة كلنا كنا حاسين إن في حاجة بتراقبنا وحسينا إن في حاجة خنقانا والنفس بقى مكتوم في الأوضة حاولت أغير الحالة دي عشان الخوف ينتهي وقولت
يا جدعان لازم نتحرك نحجز رحلة لبيرو ونوصل كوسكو بلاش نضيع وقت خلينا نستمتع أكتر تعالوا يلا ننزل نلف
عبد الله قال
أنا معاك كمان لازم نروح مكان معين
بصيناله وقلنا
مكان إيه
فقال
لقيت على ضهر واحدة من ورق التذاكر علامة تشبه تمثال صغير شوفته قبل كده في متحف هنا قريب مرة على النت وبيقولوا إن التمثال ده كان بيظهر لأشخاص مختارين بس قبل ما يوصلوا لكوسكو وبيكون المفتاح الأول لدخول المدينة الملعونة
سألته مدينة إيه
فقال
اللي مكتوبة في برديات قديمة مدينة مش موجودة على الخريطة بس بتظهر للي دمهم فيه أثر من جذور الحضارات القديمة المدينة اللي اتبنت عشان تخبي سر الحياة واللي جدك كان بيدور عليها يا سليمان وأنت هنا عشان تلاقيها
اليوم عدى على كده وتاني يوم الصبح روحنا المتحف وهناك لقينا التمثال بس اللي حصل بعد
تمت
