حكاية ليلي وزين كاملة

هتاخدها مني ببقا عايز افلقك نصين
عمر بضحك
طيش شباب يعم وبعدين انا اعرف منين انك كنت بتحبها منت عاملينا فيها الحج خرستوا
زين
هي كانت عارفه اني بحبها
عمر
الواطيه محكتليش
نغزه محمود في قدمه
مقالك أخرس بقا عايزين نخلص الموضوع ده علي خير من غير ډم اسكتتتت
زين
جدع يمحمود لحقته
ظلوا هكذا الي ان حل الصباح
باليوم التالي المنتظر بالنسبه لكم جميعا يا قرأ الرواية
كانت الجميع يعد ويجهز لكتب الكتاب بملابس بسيطه فلا احد غريب سيحضر هم أفراد العائله فقط والماذون
ليلي بغرفتها مع بنات عمها
كانت تضع قمر لها الطرحه
بس الفستان ايه تحسيه متفصل عليكي ماشاء الله علي زين عارف عنك كل تفصيله
ليلي
جميل اوي الفستان
ناهد
وانتي جميلة اكتر يحبيبتي
ليلي بحب
ربنا يخليكي ليا يا اجمل ماما هي مروة فين يجماعه مش ظاهره ليه
قمر
والله مش عارفه مختفيه من اول اليوم بس يمكن مش عايزاه تنزل سبيها
ليلي
تفتكري ولا اكلمها تنزل
ناهد
لا لا سبيها حتي لو مش بتحب زين الموضوع صعب سبيها في شقتها
ليلي
بس بس انا عايزاه اطلع اشوفها
ليلي عمتها
قولنالك لا يبقا خلاص احنا أكبر منك وفاهمين بنقول ايه سبيها دلوقتى
ليلي
تمام
طرق الباب عدة مرات
قمر
اتفضل يا خالي اتفضل
دخل هلال وخلفه حسين
هلال
ماشاء الله يا ليلي زي القمر واحلي منه يابتي عيشت وشوفت اليوم الي كت بحلم بيه عمري كله اني اشوفك انتي وزين مع بعض واشوفك عروسه حلوة كده عقبال فستان فرحك
يابتي
ليلي
ربنا يخليك ليا يا بابا ويخليلي عيونك القمر الي دايما شيفاني قمر دي
حسين بتاثير
دنتي لسه كنتي بضافير يا ليلي كبرتي امتي
ليلي
دي دموع الفرحه اني كبرت وبقيت عروسه ولا دموع الزعل اني كبرت وكبرتك
حسين
مش هتبطلي لماضه ابدا طالعه لابوكي
ليلي بحب
هطلع لمين غيرك يا سيد الناس انت
حضنها حسين بعد ذلك جاء الماذون ونزلوا جميعهم بالصالة الكبيره
جلس الماذون بالوسط ومن جهه زين وبجانبه هلال
والجهه الاخري حسين وبجانبه ليلي التي كادت تكسر اصابعها من كسرت التوتر
بدا الماذون
قول ورايا يا استاذ حسين
حسين
إني استخرت الله العظيم وزوجتك موكلتي وابنتي وعمرى كله وليس لي غيرها بهذه الدنيا ليلي حسين الدين على كتاب الله وعلى سنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين.
الماذون
قول يا زين انت كمان روايا
زين
إني استخرت الله العظيم وقبلت زواج موكلتك وابنتك الغاليه ليلي حسين الدين على كتاب الله وسنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين.
ردد الشيخ بصوت اعلي قولوا كلكم ورايا يلا
بارك الله لهما وبارك عليها وجمع بينهما في خير
ورفع المنديل وبدأت صوت زغرودت ليلي وناهد يعملوا بالبيت
وحضن زين هلال بكل حب وامتنان وشكر انه كان دائما بجانبه زين
شكرا شكرا انك موجود
هلال
دنا قولت هيطير علي ليلي ومش هيشوف حد فينا
زين بضحك
مهي كمان بتحضن ابوها معرفش ليه معايشه معاه العمر كله انا هخطفها يلا خلينا نمثل زيهم حاول تتأثر
هلال ضحك بصوت عالي
ايه رايك مش هتحضن ليلي قبلي وسع كده
حسين
مبروك يعمري
ليلي
شكرا يا بابا شكرا
هلال
خلص بقا عايزين نحضن احنا كمان
حضنها هلال بقوه
مبروك ياغاليه يابت الغالي وبتي اوعي تتردي لحظه لو زعلك الكلب ده في انك تقوليلي
ليلي
متخافش عليا
سلمت ليلي علي باقى اعمامها وعمتها وحضنت امها وزين في نفس الوقت كان يسلم عليهم هو الاخر
زين
خصلتوا كده كلكم خلاص اسلم عليها انا بقا ولا هنقعد نقضيها سلامات العمر كله
هلال بحمحمه وهمس بجانب اذن زين
ايوه خلصنا بس متفضحناش هااا متفضحناش
وست الحسن والدلال الست ليلي في الاخر تكون من قسمة الشاطر وانتي قسمتي ونصيبي الحلو كله في الدنيا يا ليلي
بدأت ليلي بالبكاء وشد علي قميصه وهو الاخرظلوا هكذا لوقت لا يعلموا مدته والجميع حولهم ينظرون لهم بكل حب وتأثير
اقترب محمود من اذن قمر وقال بهمس
عقبالنا يقمري لما تكوني انتي كمان من قسمتي
قمر پصدمه
بتقول ايييه انت بتتكلم بجد
محمود
ايييووووه اوووه سيحي اسكتي دلوقتى ابوس ايدك مش وقته
قمر
هسكت حاضر بس بس انا
محمود
انا عارفه انتي ايه بس بعدين هنتكلم
قمر بكل حب
ماشي
هلال وهي يقترب منهم
مخلاص البت ماټت يخربيتك
ابتسم زين علي صوت ابوه وابتعد فعلا قليلي عن ليلي ونظر الي وجهها
زين
هو مماتتش هي اتهلكت عياط ياست مالك هو انا خاطڤك
ليلي
بطل رخامه بقا
زين
والنبي يجماعه حد يجبلها مناديل لأحسن قميض اتدهول
ليلي وهي تمسح باقى دموعها بقميصه مره اخري
قرفان مني يعني
زين
ياستي متخلنيش اعمل حاجات ميصحش تتعمل بقا اسكتي احسن
ليلي باحراج
هسكت هسكت
أمسكت ليلي هاتفها وقالت لزين
انا عارفه ان مفيش اغاني ولا حاجه بس انا هوصل تلفوني بالسماعه هنرقص علي الاغنيه دي بس علشان كان نفسي ارقص عليها معاك من زمان
زين
انتي تشغلي الي انتي عايزاه ان شاء الله ٧ اغنيه
ليلي
دي اغنيه كان نفسي اغنيهالك من زمان
وهضطر اسفه ارخم عليكم واكتب الاغنيه كلها علشان تعيشوا معانا كلماتها زي منا عيشتها علشان دي اكتر اغنيه لايقه علي زين
بدأت الاغنيه وبدأت ليلي تغني معاها بكل حب وهي تتمايل بين اذرع زين
ليلي مع الاغنيه
يا شمس يا منورة غيبي وكفاية ضيك يا حبيبي
وودي يا ليالي و جيبي وانا الاقي زيك يا حبيبي
عمرك يا دنيا ما تخلي بي طول ما هو ساكن في قليبي
عاشقاه وداب في دباديبي مكتوبي هوه ونصيبي
حبيبي ... حبيبي حبيبي حبيبي ... حبيبي حبيبي
انا اللي ليل عمري غدر بي أول ما شفته .. الهوا دار بي
وقلبه طار واختار دربي شالني في عينيه واتغندر بي
قلنا سوا يا جراح طيبي
وهنا زين شالها ولف بيها
حبيبي ... حبيبي حبيبي حبيبي ... حبيبي حبيبي
ليلي بصوت اعلي مع الاغنيه وهي تنظر لزين
حبيبي سيد روحي وقلبي سيدي انا وسيد كل الناس
مهما الزمان اتنقل بي شايلاه في قلبي قمر وناس
في شبابي عاشقاه وفي شيبي
اقترب منها زين أكثر وهمس
في شباب عاشقك وفي شيبي يا ست ليلي أنا عاشقك
غيرت قمر الاغنيه سريعا واشتغلت اغنيه متقال المحبه لقلب زين وليلي ودخلت باقى العائله لكي يرقصوا معهم عليها اتفرج علي الحلاوة حلاوة دي بلدي ونقاوة نقاوة
اعطي محمود زين العصا لكي يرقص بها مع ليلي وكان زين وهي ترقص معه
انتهي اليوم اخيرا وطلب هلال ان يتركوا ليلي وزين بمفردهم للحظات
ليلي عمتهم
ليلي تعالي عايزينك ثواني يا زين وهنرجعهالك
اوام زين وذهبت ليلي
ليلي
المفروض تدخلي لزين دلوقتى الاوضه وتخلعي الحجاب توريله شعرك
ناهد
ايوه ده المفروض الي بيحصل بعد ما الناس بتمشي بتوري جوزك شعرك عادي
ليلي
ايه العبط ده ما زين حافظ شكل شعري اصلا هو غريب
ضړبتها ليلي علي كتفها
انتي هتعقلي امتي وتسمع كلامنا من غير لماضه ومقاوحه
ليلي بضحك
والله مش بهزر فعلا بس زين عارف شكل شعري عادي اوريله حتي من كتفي طيب ينفع
المره دي ضړبتها ناهد
والله انا معرفتش اربيكي ربع ساعه
ليلي
خلاص والله بهزر بهزر هوريله شعري بس حاضر الاكل ده كان لينا
ليلي
كان

بقا كان بس خلاص لما تبطلي لماضه
ليلي
والله يعمتو انا قولت ماليش غيرك هاتي هاتي هفتانه
ناهد بتحذير
زين مينفعش يقرب منك مااااشي
ليلي
الاااااه مش انتي الي بتقوليلي اوريله شعري
ناهد
انا بقولك ارقصيله ولا ايه يابت متجننيش انتوا لسه كاتبين
كتاب بس
ليلي
ياست اقسم بالله عاااارفه عااااارفه مټخافيش اي تعليمات تاني وبعدين هو هلال هيسيبنا دي ربع ساعه وهلاقيه طابب علينا انا عارفه
ناهد
ربنا يهديكي ھټموټني
ضحكت ليلي وذهبت وضعت الصنيه علي الطاولة التي أمامهم وجلست بجوار زين
وبس يا سيدي قالولي اوريلك شعري علي اساس انك ناسيه يعني وكده واول مره تشوفه عايزاك يعمي عليك من الجمال رد فعل اقل من كده مش هقبل
ضحك زين بقوة علي علي طريقتها الطفوليه ولماضتها كالعاده
عنيا حاضر هتفاجي انه اسود من الليل وانه طول ضهرك وانه بيلمع دايما وانه ويفي وتقيل عنيا حاضر وريني يلا مش قادر استني
ليلي
اقسم بالله اقسم بالله طب عدتيهم كام شعرايه ولا ملحقتش
زين
لا بصراحه طويل اوي مش هلحق
ليلي وهي تفك
حجابها ده هم يعم هم عمري كله نفسي اقصه وكل ما اقول لماما اقصه لما تتجوزي اغير لونه لما تتجوزي اۏلع فيه لما تتجوزي ها يجوزي بقا يارب توافق اني اقصه علشان انا بكره اسرحه
زين
انا هسرحهولك متشليش هم بس متلمسهوش
ليلي
والله كان نفسي تشوفه بشكل احسن من كده بس هما فجؤني بالحوار ده مكنتش اعرف اني هقلع الطرحه والله بس اوعدك بعد كده هتشوفه في حاله احسن صدقني
اقترب زين منها وفك رابطه الشعر الموجوده بشعرها حتي يندلس علي ظهرها
زين وهي يملس علي شعرها بطوله
ماشاء الله اللهم بارك ربنا يحميكي ويحفظك يا ليلي
ليلي
الله يكرم اصلك ينفع ناكل علشان انا جعانه
زين
بالله ده وقته يعني وقته
ليلي
الله اموت من الجوع يعني انت جوز انت دنت جوز أرانب
زين وهو يضع الاكل بفهمها سريعا
لا انتي تاكلي احسن ماشاء الله لسانك عنبر
ليلي
الله يكرم اصلك اكلني اكلني دنا هفتانه
ظل زين يأكلها وهو لم ياكل اي شئ وليلي لم تهتم بذلك فهي كانت جوعانه بشكل بشع وزين كان مهتم باكلها اكثر من اي شئ هو مبسوط بذلك
ليلي والاكل مازال بفمها
بس كفايه هفطس اكل نفسك يلا
زين
لا انا مش جعان
ليلي
جدع عيش بالطاقه الشمسيه بقا دنت داخل علي ايام بيضه هتتمني طبق واحد بس م دول يبقوا قدامك
زين
ياستي متشليش هم هنعيش علي المكرونه
ليلي
يلهوي يا زين لحد ما نزهق منها
زين
انا بحبك يا ليلي ومش مصدق ان كل ده بيحصل دلوقتى
ليلي
لا لا صدق انت تعبت كتير عشاني يا زين انا مكنتش متخيله ان في حد في الكون ممكن يحبني بالشكل ده كنت هخسر عمري كله لو مكنتش من نصيبي في الاخر يا زين
زين
متقوليش كده ابدا ياليلي ابدا ولا تفكيرني في يوم من الايام انك كنتي هتضيعي مني
ليلي
انت مش خاېف حد يحاول ياذينا تاني
زين
انا مش خاېف علي حد غيرك بس بإذن الله محدش هيقدر يمس منك شعره ولا ياذيكي طول منتي معايا
ليلي
وانا
مش هخاف طول منت جنبي فعلا تجي اقولك سر
زين باهتمام يليق بشخصيتها
قوليلي سر احنا موطيين بس صوتنا ليه هو في حد معانا
ليلي بصوت اوطي
لا لا الحيطان ليها ودان عارف قمر بتحب محمود
زين بصوت اوطي
ومحمود بيحب قمر
ليلي پصدمه
اقسم بالله
زين بضحك علي رد فعلها
اقسم بالله تخيلي
ليلي بفرحه
طب ما يتجوزوا
زين
كان مستني بس موضوعنا احنا يخلص علشان نعرف كلنا نفرح
ليلي
والله انا بحبهم اوي
زين
هممم حبي قمر براحتك وسيبي محمود انا احبه
ليلي بخبث
مش ناوي تبطل الغيره دي بقا انت عارف ان كلهم اخواتي
زين
مفيش الكلام ده لا راضعه مع حد فيهم ولا حد فيهم اخوكي پالدم يبقا تسكتي خالص وكلهم اجانب عنك
ليلي
والله يا سي زين يعني انت قبل النهارده كنت اجنبي عني انت كمان اومال كنت بتكلمني ليه كل شوية بقا
زين وهو يسحبها بين احضانه
كنت بقا كنت دلوقتى محدش ليه الحق يعمل الحركه دي غيري
ابتعدت ليلي عنه وهي تعد علي اصابعها
لا طبعا هلال ليه وبابا ليه وعم ضياء وعم محمد وعمتو ليلي وماما وصحابي وبنات عمي
زين
لا والله وبعدين صحيح خفي من أحضان هلال الي عمال علي بطال دي انتي من اول ما بتجي لحد ما بتمشي وانتي مش بتقعدي غير
ليلي
انت بتغير من هلال دنت تعبان في دماغك بقا والله اروح اقوله
زين
ياستي انا بقولك بس قليلها
ليلي
لا براحتي
زين
براحتك اه هنتحاسب علي كل ده بس مش دلوقتى لما يتقفل علينا باب واحد كله بحسابه
ليلي
بقولك ايه احنا هنفضل قاعدين هنا كتير هو محدش راضي يجي يرخم علينا ليه ده
ايه العيله الهاديه دي
زين
انتي زهقتي مني ولا ايه
ليلي
لا طبعا بس يعني حد يجي هنفضل قاعدين لوحدنا كتير كده انا هخرج اشوفهم
متخرجيش تنادي حد خليكي جنبي
ليلي بتوتر
زين زين اصل يعني طب ما تبعد شوية انا مش عارفه اتنفس
اقترب منها زين اكتر
يعني قصدك قربك مني بيخنقك
ليلي وهي تنظر لعيناه
لا لا اصل حرام
امسك زين وجهها بين يداه و واقترب من اذنها وهمس
انتي مراتي يا ليلي وكل الي بره عارفين كده قدام الشرع والقانون انتي دلوقتى مراتي
ليلي
طيب ينفع معلش تبعد انا متوتره اوي
زين بحنان اهدي ومټخافيش مني
ليلي
معلش انا مش خاېفه انا بس متوتره
وماما قالتلي مينفعش انك تقرب مني هي وليلي
زين بضحك
هما مش قصدهم القرب ده ياست ليلي قصدهم حاجه تاني هبقى اعرفك عليها بعدين
ليلي وهي تضربه بكف يداها
اقسم بالله انت مش محترم وابعد عني كده دفعت بيديها وبدأت بلم شعرها
وبعدين متلعبش في شعري تاني مش بحب حد يلمسه انا بتعصب
زين وهو يضحك بشده
شعرك كله ده ملكي اعلم فيه الي انا عايزه
ليلي
هو انا تلاجه والله ازعلك
زين
تعالي طبب اقعدي والله ما هعمل حاجه خلاص وبعدين بتلمي شعرك ليه
ليلي
علشان الف الطرحه ونخرج نشوفهم ماتوا ولا ايه
زبن
ياست ليلي انتي قلقانه عليهم كده ليه متهدي في ايه
ليلي
لا والله ابدا لازم اطمن عليهم وبعدين روح اطلع لمروة من اول اليوم وهي لوحديها حرام
زين
اطلع لمييين
ليلي
لمروة يا زين سلامة السمع مروة
زين
اقسم بالله انتي مش طبيعيه
ليلي
يعني مش حرام كلنا سايبينها لوحدها فوق بالله عليك
زين
يابنتي غيري دي مراتي هي كمان انتي ازاي انتي الي بتطلبي مني اطلعلها
ليلي
مش هنصيع علي بعض انا عارفه انك قاعد في اوضه وهي في اوضه بس يعني تطلع شوفها اكيد زهقت
زين
والله يا ليلي انتي هتجنيني وهتطيري برج من عقلي
ليلي
سلامة عقلك يا زين خلاص متطلعش لو زعلان اوي كده
طرق محمود الباب بخفه
اذن له زين بالدخول
محمود
عمي هلال عايزكم بره
زين
ده وقته يعني
محمود
اقسم بالله ما ليا دعوة هو الي قالي
ليلي وهي بتزيح محمود عن الباب
انا خارجه اشوفه بابا عايز ايه عايز تجي انت تعالي براحتك
محمود وهو ينظر لزين
يخربتيك لحقتوا تتخانقوا
زين
يعمي دي معرفش مالها دي بتقولي اطلع شوف مروة علشان قاعده لوحديها حرام دي عبيطه
محمود بضحك
لا وحياتك طيبه
زين
وسع يعم الله يخليك خلينا نشوف التاني ده عايز ايه
حواديتمنالواقع
حبوا البارت ده معايا
بارت 10
خرج زين وليلي كان الجميع يجلسون بالصالة
ليلي
ايه ده طب لما كلكم هنا محدش جه من بدري يناديني ليه اقعد معاكم
هلال
انتي كنت عايزاه زين يفرغ فينا كلنا رشاش واحد ولا ايه
زين
والله فاهم يحج شكلي هفرغه فيها هي
ليلي
والله ما اهون عليك
زين بضحك وهو يشدها تحت ذراعه
ولا عمرك هتهوني والله انا بهزر
هلال
هو احنا مش هنخلص أحضان
زين
مضايقك في حاجه ولا ايه دي مراتي
هلال
حد جه جنبك احنا بس تعبنا وعايزين
نطلع ننام خلاص داخلين علي الفجر لليوم خلص
زين
هو انا مسكتكم اطلعوا
حسين
طيب يلا يا
ليلي علشان عندنا سفر بكره
زين
وهي ليلي هتسافر بكره ليه
حسين
علشان شغلنا وحياتنا هناك مثلا
زين
خلاص سافر انت ومرات عمي وأنا اسبوع كده او كام يوم وهجيب ليلي واجي وراكم
حسين
اه وماله ده لما تتجوزها ان شاء الله
زين
منا جوزها فعلا منت لسه مجوزهالي من كام ساعه يعمي ايه نسيت
حسين
ايوه مكتوب كتابهم بعد الفرح ابقى خليها جنبك العمر كله دلوقتى هي لسه في بيت ابوها
وشوف ناوي تبدأ في شقتك الي هناك امتي علشان نعرف الفرح هيتحدد امتي
والله انا شايف ان شقتي الي في الزمالك خلصانه اصلا
وملوش لازم الفرح احنا كده كده كتبنا الكتاب خلاص نسافر انا وليلي نقعد فيها لحد ما نخلص الشقه الي عندكم براحتنا
حسين
ايوه وماله يلا يا ليلي ربنا يهديك يا زين
هلال بضحك
اطلع لمراتك التانيه يا زين ربنا يهديك كفايه كده قعدت اليوم كله مع ليلي
زين
خلاص كلكم قاعدين تعدوا عليا الساعات الي بقعدها معاها يباااى ادي عيبه ده عيبه القعده في بيت عيله
ليلي
انا اصلا نعسانه وعايزه اطلع انام فعلا وسع كده بقا مش بحب التلزيق
زين
شايفه بت يمرات عمي بتعاملني ازاي
ناهد
مش دي اختياراتك وتربيتك اشرب بقا دلوقتى بقيت بتك يمرات عمي
زين
انتي عندك حقك فعلا
هلال
كفايه كده يلا علشان كل الي عنده مصلحه بكره يعرف يصحي يقضيها
حسين
يلا يا جماعه تصبحوا علي خير
صعد حسين وليلي وناهد الي شقتهم وكذلك باقى أفراد العيله
دخل زين الشقه بهدوء فلم يلاحظ وجود مروة فنادى بصوت منخفض
مروة أنا جيت
لم يسمع رد ذهب علي باب غرفتها المغلق وطرق تلات مرات بعد كام دقيقه فتحت مروة الباب
مروة
معلش كنت نايمه
زين
كنت عايز اطمن عليكي بس
مروة
اليوم كان حلو
زين
جدا يا مروة ياريتك نزلتي حضرتيه معانا بس انا مكنتش عايز اضغط عليكي
مروة
خۏفت ليلي تضايق مني وده يومها مكنتش عايزاه اضايقها كانت حلوة
زين
كانت جميلة زي كل يوم وزيادة عليهم شوية
مروة
انا مراتك برضو راعي مشاعري شوية
زين
ايه ده انتي بجد اتضايقي
مروة
لا لا بهزر معاك محتاج حاجه طيب انا داخله انام
زين
لا تصبحي علي خير
دخل زين غرفته رأى ليلي ارسلت اليه رساله
ليلي
طمني علي مروة شوفتها عامله ايه
زين
والله ربنا يشفيكي مروة كويسه ياستي عادي
ليلي
مش عارفه ليه حاسه بالذنب تجهها اوي ينفع تعاملها كويس شوية انا مش هزعل
زين
هو انا بعلمها حاجه منا سايبها في حالها وبعدين حاسه بالذنب ليه انا مش فاهم
ليلي
طيب متشوفها لو حابه تطلق ومش قادره تكمل سيبها
زين
هي الي طلبت مني مطلقهاش وتفضل علي ذمتي وهي مش هتعمل حاجه علشان مش عايزاه ترجع لأهلها ليلي ينفع متسبيش نفسك لدماغك كتير
ليلي
دماغي هتقف والله يا زين بين نارين ڼار الغيره عليك وڼار احساسي بالذنب تجاهها مكنش نفسي تتعقد وتبقى صعبه كده كان نفسي احبك وتتقدملي ونتجوز بس كده بهدوء من غير اي مشاكل أو احساس بالذنب معرفش ليه اتصعبت علينا اوي كده قلبي مش قادر يقولك اديها كل حقوقها هي مراتك وليها حقوقك عليك علشان عقلي هيرفض يستوعب انك مع واحده غيري والشخص التاني الي في دماغي بيقول لا لازم تخليه يعمل كده مروة ملهاش ذنب مش قادره والله يا زين دماغي هتقف
زين
متهدي كده في ايه بقولك انتي غيرتي لبسك
ليلي
اهو وكنت لسه بصلي اهو
زين
طيب زي منتي بالاسدال اطلعيلي في مكانا
ليلي
يازين نام مش هينفع
زين
هتطلعي ولا انزلك انا !! والله معنديش مشاكل عادي هخبط علي عمي اقوله عايز اقول لمراتي حاجه مهمه
ليلي
عمك ومراته من التعب ناموا علطول يعني خلاص اطلع وانا هعمل شاي بلبن واجي وراك
زين
ماشي متنسيش كوباتي
ليلي
حاضر
بدل زين ملابسه وصلي فروضه وصعد علي السطح ينتظر ليلي بعد القليل
ليلي
كوباية الشاي بلبن يا استاذ زين يالي مش بتحب اللبن وبتشربه علشان خاطري
زين
طلع حلو والله المهم قولتلي بقا مالها دماغك
ليلي
منا قولت كل حاجه انا فعلا دماغي تعباني والله انا اول مره احس بكل الهم ده
زين
دي غلطتي انا ولو حد المفروض يحس بالذنب فهو انا مش انتي حرام عليكي دماغك والي بتعمليه فيها يا ست ليلي
ليلي
علي فكره انا تفكيري ده طبيعي اي واحده مكاني هتفكر وهتحس بكده انا مضايقه فرحتي النهارده بكتب الكتاب ناقصه علشان انا حاسه بالذنب طول الوقت انا مش عارفه اعمل ايه بجد اقول طب يارتيني دوست علي قلبي وموافقتش نتجوز علشان مروة مظلمهاش وانت اكيد مع الوقت كنت هتحبها بس برجع واقول معرفش حياتي كانت هتمشي ازاي من غيره انا مش هعرف اتقبل حد تاني وهو لو مش نصيبي موضوعنا كان هيتعقد اكتر مش هيتفك
زين
كنت هترفضي ايه جوازنا ومين دي الي كنت هحبها مع الوقت مين قالك ينفع متفكررريش تاني ابوس ايدك
ليلي
طيب انا هطلب منك طلب من غير اي عصبيه او زعيق او عكننه
زين بهدوء
اطلبي طلب من غير اي عصبيه او زعيق او عكننه
اخدت ليلي شهيق وزفير بصعوبه ونظرت في نقطه بعيد عن عينه وتنهدت وقالت
انت لو دخلت علي مروة أنا مش هزعل بس اعمل ده علشان مينفعش هي ملهاش ذنب
زين بتمالك اعصاب
ينقع تسكتي وملكيش دعوة انتي بالحوار ده
ليلي
ازاي يعني اومال مين ليه
زين
ده حاجه بيني وبين مراتي التانيه المفروض انتي اصلا متعرفهاش ولا تتدخلي فيها
ليلي ولمعة الدموع بعيناها
حاضر انا اسفه ان أديت نفسي الحق اتكلم في حاجه زي كده مش هدخل تاني بينك وبين مراتك انا اسفه
زين
مبلاش بقا النظره دي علشان مخربش الدنيا دلوقتى مالك بس انا مش بقولك كده علشان تزعلي انا بقولك كده علشان متتكلميش في الموضوع ده تاني بالعافيه وانتي اصلا مش قادره تقولي الجمله كامله علي بعض بتطلبي حاجه وقلبك وعقلك بيدعوا اني أرفض بس علشان ترضي ضميرك بتجي علي نفسك وتوجعي نفسك ليه
ليلي
بس بس انا مش عايزاه اكون السبب في تعاسة حد
زين
عمرك ما هتكوني كده
ليلي
منا بقيت اهو السبب في تعاسة نورا مع بابا ومعاك وتعاسة مرات عمي مع بابا ومعاك وتعاسة مروة مع اهلها برضو ومعاك شايف بتعد علي صوابعها كل دول ناس انا السبب في تعاستهم شايف كام صابع مرفوع دول كتير يعني انا حد فعلا مش كويس طب اعمل ايه طيب كل ده علشان حبيتك طيب انا لما احبك هما كانوا هيخسروا ايه او وجودي كان هيضرهم في ايه
امسك زين كف يدها التي كانت تعد عليها الأشخاص بكل طفوله وقبل
باطن يداها بحنان ثم ضمھا الي صدره
زين
شششششش انتي عمرك ما كنتي السبب في حاجه انتي احلي وأطيب حاجه في الدنيا والله اهدي بس اهدي متفكريش في حد اهدي شوية كده وفكري في أن اخيرا زين حبيبك جنبك افصلي دماغك عن باقى العالم ولو دقيقه واحده بس وريحيها اهدي يا ست ليلي علي كلا أنا عاشق ياستي ومش فارق معايا كل الي بتقوليه ده من فرحتي بيكي انا مش بفكر في اي حاجه تاني غيرك
ليلي شددت علي قميصه اكثر وارتفع صوت بكائها
انا انا كل مره كنت بشوفك فيها وافتكر انك متجوز بحس قلبي بيتفتت يا زين ومش قادره حتي المه في جوايا ۏجع والله حاسه ان في حبل حديد حوالين رقبتي
انا تعبت والله يا زين ومش عارفه هرتاح امتي وهنام امتي وبالي
مرتاح من غير ما اقعد افكر في كل الناس دي لحد ما انام من كتير التفكير والصداع
بإذن الله هنسيكي حتي اسمك ياستي وعد مني بالك مش هيكون مشغول باي حد ولا بعالم كله حتي ساعتها بس هو اليوم ده يجي يا ليلي وانا اخبيكي بين ضلوعي
ليلي ويه تمسح وجهها بقميصه من أثر البكاء
زين انت مش محترم علي فكره وسع كده
زين
هو انتي ايه الميزه في قمصاني انك تمسحي فيها كل بلاوكي دي كل مره ټعيطي انتي اختراع المناديل ده منزلش عندك
ليلي
يكداب يالي بتقول بتحبني وانت قرفان مني اهو
زين
أمسحي ياستي براحتك أمسحي عايزاه ترجعي كمان علي القميص رجعي مجتش علي دي يعني
ليلي وهي تبعد وتنظر له بتفصيل
وبعدين ايه جسمك ده انا مش فاهمه ضهرك ده عريض اوي كده ليه
زين
وده هيفرق معاكي في حاجه
ليلي
ايوه لما بعد كتب الكتاب ودلوقتى مقدرتش اقفل ايدي علي بعض بايدي من ورا مش ماسكين بعض اعمل ايه انا دلوقتى
زين ضحك كثيرا حتي انه اغمض عينه ورجع براسه للخلف من شدة الضحك
يعني مش دراعك انتي الي قصير ضهري انا الي عريض
ليلي
بتضحك علي ايه علي فكره ده موضوع مهم
زين
ياستي ابقيعد كده هتلاقي ايدك اتقفلت علي بعض من ورا عادي او امسك دراع واحد بس من الاتنين بايدك الاتنين وهما هيقفلوا علي بعض ليلي دنا اشيلك بأيد واحده والله وبعدين ياستي انا الي المفروض احتويكي مش انتي
ليلي
وريني دراعك كده
امسك دراعه ولفت يداها حوله
لا لا العضل ده مش عاجبني خسسه
زين برفعة حاجب
لا والله في بنت مش بتحب العضلات دلوقتى
ليلي
اه انا علشان لما اعصب وتضربني بالبوكس متوجعنيش لكن بعضلاتك دي انا ممكن اموت
زين
انا مستحيل أمد ايدي عليكي مټخافيش
ليلي
هاااا كلكم بتقولوا كده في الاول يحبيبييييي
زين
كلنا الي هو مين يعنياااااا
ليلي
تعبير مجازي عن كل الرجاله
زين
اللهم طولك يا روح
ليلي
بس بقا صدعتني انا رايحه انزل النور طلع علينا واحنا لسه واقفين بنرغي
زين
اهو انا عايز العمر كله يعدي واحنا واقفين مع بعض عادي معنديش مشاكل
ليلي
زين بطل تزيق انا مش بحب الكلام الحلو ده ومش بعرف ارد عليه اشتمني عادي كده زي الناس جر شكلي يعم وانا هعرف ارد
زين
متجوز واحد صاحبي والله
ليلي
انت تطووول علي العموم وقتك معايا خلص انت هتصاحبني انا نازله مع السلامه
وذهبت مسرعه الي الدرج
زين بضحك
مع السلامه يمجنونه
ليلي من علي السلم
سمعتك علي فكره بس هرد عليك بكره
انتهي اليوم اخيرا
ومع بداية يوم جديد كانت ليلي وناهد وحسين يجهزون المغادره
هلال
خلي بالك من سواقتك يا حسين توصلوا بالسلامه يارب
حسين
الله يسلمك يابو زين اشوفكم علي خير كلكم يجماعه
هلال
مع السلامه يحبيبي ومع السلامه يام ليلي وانتي يعروسه مع السلامه هتوحشك
ليلي بعد أن حضنته وقبلة خده
وانت اكتر يا بابا يا حبيبي
زين وهو يقف يربع يداه وينظر إليهم
ايوه يعني مش هتسلمي علي جوزك هو كمان ولا هتمشي كده
ليلي وهي تمد يداها اليه بطريقه طريفه كأنها صاحبه
وانت مع السلامه يابو الصحاب اشوفك علي خير
زين
ابو الصحاب يعني انتي تبوسي ابويا وانا تضربني علي كتفي
ليلي
انت هتصاحبني ولا ايه يلا مع السلامه
زين
هعديها معديها توصلي بالسلامه ياست ليلي
ليلي نظرة له بحب وقالت بصوت عالي
يلا سلام كلكم باااى
وخرجت ركبت السيارة وغادروا وامسكت هاتفها بعد أن تحركت السيارة وأرسلت لزين
اسفه اني محضنتكش كنت محرجه اوي منهم كلهم وهما واقفين ومروة كمان كانت واقفه خۏفت تزعل هتوحشني يا زين يبقالك عندي ياسيدي ولا تزعل
زين بحب
اتمني تبطلي كلمة مكسوفه دي لأنك مراتي دلوقتى انا مارضيتش احرجك كنت اصلا بس قولت هتتكسف انا عارفه فمشيتها سلام الصحاب الي عملتيه ده واتمني متقعديش تفكري في مروة كل شوية عمال علي بطال وانا هكتب ده في النوته علشان لونسيتي افكرك هتوحشيني اكتر يا قلب زين
ليلي
مش هنسي لا تقلق
وصلوا اخيرا بعد عدد ساعات
ومر الكثير من الايام وزين يراسل ليلي ال ساعه ويتصل عليها فيديو وصوت وطول الوقت معاها علي الهاتف وليلي مشغوله بتجهيزات خاصه بشقتهم وجعل حسين العمال يبدوا شغل بالشقه يتابع زين معهم بالهاتف فلا يستطيع أن يسافر ويترك مروة حاليا وهناك ضغط شغل يمرون به في الوجه القبلي
في ذلك الوقت علي الوجهه الاخري
اهتمت مروة بدراستها اكثر عادت اليها مره اخري ولكن من المنزل سوف تذهب علي موعد الامتحانات فقط جعل زين من يساعدها في العودة وان تنتهي من كل أوراقها اللازمه عمر لكنه طول الوقت كان مشغول بأشياء آخري وأولهم ليلي
كانت مروة معجبه باهتمام عمر بامورها
فهي طوال حياتها لما يهتم احد من قبل باي أمور تتعلق بها
كان بيخلص ليها كل الاوراق وبيجبلها كل الحاجات الي المفروض هتذاكر منها ويعرفوا هتذاكر منين وازاي ففرق السن بين عمر ومروة كان كبير أيضا مروة كانت ١ سنه وعمر في أواخر العشرين
زين
عمر خلصت كل الأوراق بتاعة مروة مش كده
عمر
ايوه من زمان دي امتحاناتها قربت دنت دماغك مسوحاك
زين
انا متسوح فعلا ومسحول في ١ حاجه الشغل هنا مش راضي يخلص والشقه هناك طول الوقت عمك وليلي معايا علي التلفون علشان بتخلص وانا مش عارف اروح اعمل فيها أي حاجه هلال رامي عليا الدنيا كلها هنا معرفش ليه وأهم حاجه ليلي وحشتني ونفسي اشوفها
عمر
طيب متقلقش انا هشيل معاك هنا علشان تعرف تسافر
زين
والله يعمر مش عارف من غيرك انت ومحمود كنت هعمل ايه في حياتي كلها محمود شايل معايا كتير اوي الفتره دي وانت شايل كل حاجه وبتخلص كل حاجه المفروض انا الي اعملها
عمر
انا اخويا يابني وبعدين مروة دي غلبانه مش متعبه في اي حاجه معرفش أهلها جوزها ازاي وهي لسه صغيره كده
زين
يعم دول كل الي هم الفلوس وبس دول ناس مرضيه
عمر
هي دلوقتى مهتميه بدراستها جدا ماشاء الله تحسها ما صدقت لقيت حاجه تشغلها
زين
الحمد لله انها وافقت تكمل تعليم علشان محسش اني معيشها معايا حابسها بس العمر كله
عمر
انت لسه مش عارف تتقبلها
زين
ولا هيحصل انا مش شايف غير ليلي دلوقتى لما يابني والله مروة دي شوف بقالنا قد ايه متجوزين ومشوفتهاش بشعرها مره حتي ولا مهتم اني اعرف ده يعني والله مش بركز في ملامحها
عارف ان الي بعمله ده حرام وهتحاسب عليه بس انا مش قادر كل ما بشوفها بفتكر انها دخلت حياتي بسبب سحر كان مسحورلي بفتكر امي ونورا الي الله يهديهم
عمر
الا صحيح بمناسبه مرات عمي مش ناوي تتكلم معاه قبل فرحك علشان يحضروا
زين
انا مش عايزاهم يحضروا ومش عايزاهم يكونوا في مكان وليلي فيهم علشان هما عمرهم ما هيحبوها
عمر
مهما كان دول اهلك مينفعش تعمل فرحك من غيرهم
زين
حضروا فرحي الاولاني كفايه عليهم هو ده الفرح الي هما كانوا عايزين يحضروا
عمر
الي يريحك اعمله اهم حاجه تتجوز انت وليلي وتخلصونا موضوعكم زاد عن حده وانا زهقت بصراحه
زين
الله يكرم اصلك والله يعمر غور من وشي
عمر
دنا كنت لسه هقولك هلال كان هيبعتني مصر بكره اخلص شغل هناك هتحججله باي حاجه واشيل عنك انا هنا واخليك تسافر انت تسلميلي علي ليلي بس خلاص رجعت في كلامي هروح
انا اسلملك عليها بنفسي
زين
قول اقسم بالله هلال كان باعتك بكره
عمر
اقسم بالله ايوه
زين
والله انا ماليش
غيرك يعمر هروح اجهز شنطتي هسلملك علي ليلي وعمي حاضر متقلقش
عمر
انا لسه موافقتش
زين
اشوفك علي خير يحبيبي هسوق براحه حاضر
عمر
يابني دنا لسه مقولتش لابوك حد ما ممكن ميواففش
زين
انا مشيت