كشف المستور بقلم مشيرة محمد

في جيب روبها.
الهدوء اللي ساد الصالة كان أشد من أي عاصفة.
كريم غمض عينه بقوة، وحسيت بجسمه كله بيترعش من القهر والإهانة. الراجل اللي بيشتغل شفتات ب ساعة عشان يوفر قرشين بالحيال، ويسد إيجار، ويدور على شقة.. يكتشف إن مراته حرامية، وبتستغله وتستغل بيته وأمه.
فتحت عينيها فيه برجاء
كريم.. أنا.. أنا كنت بعمل كده عشاننا! عشان نجمع مقدم الشقة بسرعة ونغور من هنا!
نغور من هنا؟ القلم نزل على وشها من كريم بقوة هزت المكان كله.
عشاننا؟! كريم صرخ بصوت هيستيري وهو بيسحبها من إيدها بتسرقي العيادة وتوسخي بيت أمي وتتاجري من ورايا وتقولي عشاننا؟! هو أنا جوزتك عشان تأكليني حرام؟!! هو أنا قصرت معاكي في إيه يا خائنة الأمانة؟!
كريم استهدى بالله.. قلت بحرص رغم كل حاجة بلاش مد إيد.
لا يا أمي! كريم بكي، بكي من قلبه ودموعه نزلت على خدوده من كثرة الوجع أنا آسف يا أمي.. حقك عليا فوق راسي. أنا اللي دخلت الأشكال دي بيتك. أنا اللي سمحت للي ما تسواش تطاول عليكي وتتكلم عن نظافتك ورأسك مرفوعة طول عمرك بالمرجلة والعز!
داليا كانت بتعيط وبتحاول تمسك في هدومه
كريم أرجوك اسمعني.. أرجوك لا!
إنتِ طالق! قالها بصوت طالع من قاع قلبه طالق بالتلاتة يا داليا!
داليا وقفت مذهولة
أنت بتطلقني عشان خاطرها؟ عشان خاطر شويه كلام؟
بطلقك عشان إنتِ رخيصة وخائنة وحرامية! كريم جاب شنطة هدومها الفاضية من الأوضة، وبدأ يرمي فيها هدومها بعشوائية وغضب عارم بطلقك عشان البيت ده بيت شرف، بيت محمود وأمي، مش وكر للصفقات المشبوهة والسرقة! اغوري من هنا! مش عايز أشوف وشك!
الفلوس اللي معاي.. والعيادة.. هي كانت بتتكلم بذهول وعينيها رايحة وجاية.
العيادة؟ كريم مسكها من دراعها وقومها بالعافية بكرة الصبح أنا بنفسي هروح للدكتور صفوت وأسلم له الفلوس اللي معاكي وأعتذر له، وإذا كان هيبلغ الشرطة عنك فده حق الله وحقه! أمشي اطلع بَرّاااا!
سحبها لغايه باب الشقة، وهي بتصرخ وبتبكي وتترجاه، بس كريم كان خلاص.. كبرياءه ورجولته وأمه اتداس عليهم، والست اللي كانت فاكرة إنها أذكى من الكل، اتكشفت على حقيقتها المرة.
رمى شنطتها بره الباب، وقفل الباب في وشها بقوة هزت حيطان البيت القديم.
الصمت رجع للبيت، بس المرة دي كان صمت مختلف.. صمت فيه راحة تطهير، كأن البيت نفسه كان كتم نفسه وطرد الشوائب.
كريم قعد على الأرض ورا الباب، حاطت إيده على وشه وبيعيط بقمة القهر.
نزلت لمستواه، قعدت جنبه على الأرض، وحضنت رأسه على صدري زي ما كنت بعمل وهو عيل صغير.
معلش يا ابني.. معلش يا كريم. ربنا بيكشف المستور عشان يحميك. ده يعوضك باللي أحسن منها، اللي تصونك وتصون بيتك وأمك.
كريم مسك إيدي وباسها بدموع
سامحيني يا أمي.. سامحيني إنها تطاولت عليكي.. سامحيني إني صدقت في يوم إنها خايفة عليكي. إنتِ أطهر وأعظم ست في الدنيا.. السباحة والنظافة والشرف كله اتعلمناه منك.
ابتسمت وطبطبت على ظهره
يا حبيبي، الأم ما بتزعلش من عيالها. أنا كنت ساكتة ومستحملة رخامتها في الحمام، وعمايلها، وقفل الباب بالساعات.. كنت ببلع وأقول عشان خاطر كريم. بس لما لقيت الشر هيوصل لبيتك وسمعتك، ولما لقيتها قاصدة تكسرني قدامك عشان تداري على جريمتها.. كان لازم أقف.
في الليلة دي، ما حدش فينا نام.
قعدنا سوا في الصالة، شربنا شاي دافي، وتكلمنا عن محمود الله يرحمه، وعن الأيام الخوالي، وكأن الشقة رجعت لها روحها من جديد. رجعت شقتنا الهادية الحنينة بتاعة المنصورة، اللي ما فيهاش غل ولا سرقة ولا تدليس.
تاني يوم الصبح، كريم قام بدري. كان ملامحه جادة، بس فيها راحة نفسية عجيبة.
استأذن مني وراح لعيادة الدكتور صفوت، حكاله كل حاجة بالظبط، وسلمه المبالغ اللي لقاه في شنطتها، ودفع باقي المبلغ من تحويشته الخاصة عشان يبرئ ذمته قدام ربنا والمجتمع. الدكتور صفوت قدر موقف كريم وأخلاقه، ورفض يرفع قضية على داليا إكراماً لكريم ولأبوه محمود اللي كان عارف سمعته.
داليا رجعت بيت أهلها بمصيبة وكسرة عين، بعد ما كل حيلها وألاعيبها اتكشفت.
ومرت الأيام..
رجعت لحياتي الطبيعية. بروح تمرين السباحة كل سبت واتنين وأربعاء. برجع البيت، الشقة بتبرق ونظيفة. باخد دشّي السريع الدافئ من غير ما أستأذن حد ولا أخبط على باب مقفول. وبدخل المطبخ أعمل أحلى أكل لكريم لما يرجع من شغله.
كريم ربنا فتحها عليه، جاله ترقية في شغله، ونفسيته رجعت أفضل بكثير. بقى يدخل عليا كل يوم وبإيده فاكهة أو حاجة بحبها، ويبوس رأسي ويقولي
ربنا ما يحرمنا من دعواتك ونظافة قلبك يا أمي.
تعلمت من التجربة دي إن السكوت على قلة الأدب مش دايماً صبر.. أوقات بيكون تساهل يخلي الرخيص يفتكر نفسه غالي. والبيت اللي بيتبنى على الصدق والنظافة الحقيقية نظافة القلب واليد قبل الجسد هو البيت اللي بيعيش ويعمر.
أما داليا؟ فعرفت إن ألاعيبها وماسك وجهها المصنوع ما قدرش يداري وساخة روحها.. وإن النظافة الحقيقية تبدأ من الضمير، والضمير لو انعدم، ما فيش صابون في الدنيا يقدر ينظفه.
روايات_مشيره_محمد