سكن الجامعه كامله

دخلت بيت السكن بعد يوم متعب من قلة النوم والسفر دخلت ورميت نفسي علي أقرب كنبه قابلتني فضلت أتأمل في الصاله بعيوني لقيت واحد طالع
بصيت وقومت وقفت بسرعه وقولت
أنت مين وبتعمل أيه هنا
رفع حاجبه وقال
أنت اللي مين أنا هسكن هنا
ربعت أيدي وقولت بعصبيه نوعا ما
ده اللي هو أزاي يعني وأنا أزاي هسكن معاك في مكان واحد
هز كتافه وقال
والله براحتك عندك الكليه تقدري تروحي وتشتكي لها يمكن ينقلوكي في مكان تاني
سابني ودخل جوه دخلت وراه بعصبيه وقولت
وليه أنت اللي متتنقلش من هنا
كان مديني ضهره وقال
معنديش مشاكل تخليني أتنقل
مسحت وشي كأني بحاول أهدا وقولت
بس أنا مينفعش أقعد معاك
خلاص أتنقلي بسيطه يعني
أتنهدت وقولت
لما طلبت السكن أتقالي أن دي أخر شقه في السكن
شال الشنطه وحطها علي السريروبدأ يرتب هدومه في الدولاب وقال
أديكي قولتي أخر شقه
والعمل!!
تدخلي أوضتك وترتبي حاجتك واعتبريني مش موجود كده كده مش بعمل صوت
أتأفأفت ومشيت من قدامه شديت شنطتي بعصبيه ودخلت الأوضه فضلت أرتب في هدومي وكتبي قفلت الباب

وقررت أرتاح شويه فضلت أحاول أنام بس مقدرتش فجأه ابتسمت وقومت طلعت سماعة الصب اللي معاي شغلت أغنيه علي أعلي حاجه وطلعتها الصاله كنت بحاول أطفشه لقيته طالع من الأوضه وأنا عملت نفسي مش شايفاه ودخلت المطبخ لقيته قفل السماعه
طلعت من المطبخ وأنا حاطه أيدي في وسطي وقولت
أنت مين سمحلك تقفل السماعه
وأنت مين سمحلك تفتحيها بالطريقه دي
بعند قولت
أنا حره
حره لو لوحدك أنما طول ما في حد معاكي لازم تحترمي وجوده وتقدريه
بصيت في الأرض وقال
وكمان لو في نيتك تطفشيني هقولك أرتاحي أنا مش بطفش
دخل الأوضه وأنا أتأفأفت ودخلت المطبخ أكتشفت أنه شاري كل حاجه أتحرجت أخد حاجه وقررت أنزل أشتري كل حاجه ممكن أحتاجها نزلت وكان السوبر ماركت مش بعيد كان علي بعد خطوتين من السكن أشتريت وطلعت علي طول دخلت المطبخ ولقيته في وشي
بص بطرف عينيه وقال وهو باعد عيونه عني
مكنش ليه لزوم تنزلي وتشتري حاجه الحاجه الموجوده تكفينا أحنا الأتنين
بس دي حاجتك أنت
وأيه المشكله!! معنديش مانع لو أخدتي علي فكره
ابتسمت علي لطفه وحطيت الحاجه في التلاجه أخد الكوبايه وطلع عشان أبقي علي راحتي طلعت برجر وكيذر ومكرونه وفضلت نص ساعه تقريبا بعملهم سحبت صينيه كانت متعلقه في المطبخ حطيت عليها الأكل وشيلتها وقفت عند أوضته وفضلت فتره متردده خدت نفس عميق وطلعته بهدوء
خبطت علي الباب فتح الباب وابتسم وقولت
أكيد مأكلتش حاجه أتفضل دي حاجه بسيطه
مكنش ليه لزوم والله كنت هتصرف
لاء مينفعش في وجودي طبعا
مديت له أيدي بالصينيه وابتسم وخدها مشيت من قدامه وبدأت أكل علي التربيزه قومت بعد ما خلصت وروحت أعمل نيسكافيه عشان أقدر أذاكر
كنت واقفه في المطبخ فتحت الساوند علي أم كلثوم بس المره دي كان الصوت واطي شغلتها وبالتحديد عند كوبليه غلبني الشوق وغلبني غلبني وليل البعد دوبني دوبني 
كنت واقفه بغني وأنا مندمجه مع الأغنيه سمعت صوت حمحمه وراي كان شايل الصينيه وقال
أسف دخلت في وقت مش مناسب
ابتسمت وقولت
لا ولا يهمك عادي
كان هيمشي بس وقفته بصوتي وأنا بقول
تحب تشرب نيسكافيه
ابتسم وقال بأحراج
مالوش لازمه التعب
ابتسمت وقولت
ولا تعب ولا حاجه هعملك
بص علي التربيزه اللي حاطه عليها كتبي وقال
بتذاكري!
بصيت له وقولت
قولت أبدأ أول بأول
خد مني المج وقال
لو وقفتي في حاجه تقدري تقوليلي
أخدت بق من النيسكافيه وقولت
باين عليك شاطر
ابتسم وقال
بيقولوا
ابتسمت وبصيت علي أيدي اللي ماسكه المج وقولت
لو زهقت من القعده جوه تقدر تطلع في أي وقت علي فكره
ابتسم وقال
متشغليش بالك هتأقلم خدي راحتك
مشي ودخل الأوضه دخلت غيرت هدومي وطلعت وفكيت الطرحه وبدأت أذاكر حسيت بتعب وقررت أريح راسي علي التربيزه محستش بنفسي غير وحاجه بتتحط علي دماغي قومت بخضه كان هو
حمحم بأحراج وقال
طلعت لقيتك نايمه وشعرك مكشوف فا كنت بغطيه عشان أقدر أصحيكي
حطيت أيدي علي الطرحه اللي علي شعري وقولت
مش عارفه نمت أزاي
ابتسم وقال
طب يلا قومي أرتاحي عشان في كليه الصبح
قومت وأنا عيوني نعسانه ودخلت الأوضه بهدوء ونمت صحيت علي صوت المنبه قومت وأنا بفرك في عيوني وطلعت وأنا مش شايفه قدامي دخلت التويليت وخدت دش دافي طلعت لبست دريس ميني شتوي وبوت وچاكت جلد وشنطه ضهر طلعت وأنا بظبط حاجتي اللي في الشنطه
صباح الخير
بصيت لمصدر الصوت اللي طالع من المطبخ وقولت
صباح