سكن الجامعه كامله
النور
نازله!!
هزيت راسي وأنا بلبس الشنطه وقال وهو بيمدلي طبق فيه سندوتشات وعلبة عصير
طب قبل ما تنزلي أفطري
اتفاجئت وقولت
مكنش ليه لزوم والله أنا عادي مش بفطر
لازم تفطري عشان تقدري تركزي في المحاضرات
ابتسمت وخدت سندوتش وبدأت أكل بسرعه كلت سندوتش وقومت وقولت
لازم أنزل بقا عشان المحاضره هتبدأ
طب أسبقيني علي الباب أنا جاي معاكي
مشيت وثواني ولقيته جاي ومعاه علبه وقال
خلي السندوتشات دي معاكي
بس
قاطعني وقال
مبسش يلا بينا
خدت العلبه وحطيتها في الشنطه ونزلنا دخلت المحاضره وكان هو معاي حسيت أني فرحت مش عارفه ليه
فضلت في المحاضره لمدة ٣ ساعات الدكتور مشي وكل الدفعه طلعت حطيت أيدي علي راسي كنت حاسه أن دماغي هتنفجر من كتر الصداع بعد شويه لقيت كوبايه قهوه بتتحط قدامي بصيت وكان هو
كان ماسك كوبايه قهوه وقال
أنا برضو صدعت بس هنعمل أيه
خدت القهوه وقبل مشرب قال
طلعي سندوتش الأول وكلي
مش قادره أكل خالص
هز راسه برفض وقال
مينفعش علي الأقل واحد بس
طلعت العلبه ومديت له سندوتش وقولت
يبقي ناكل سوا
يبقي عيش وملح
ابتسمت وقطمت حته وكان هو بيشاركني الأكل شربنا قهوتنا أول ما خلصنا المدرج كله أتملي والدكتور للماده التانيه دخل فضلنا نتابع الشرح اليوم خلص وكالعاده روحت وطبخت وبدأنا نشارك بعض الأكل والمره دي بقينا ناكل سوا مش كل واحد أخد جمب بقينا نذاكر سوا بقينا نذاكر لبعض بنهتم بمذاكرة التاني بقيت أخد هدومه وأغسلها وبقيت لما أتعب الاقيه جمبي بيهتم بي بيناولني علاجي بقينا مع بعض علي المره قبل الحلوه
خلاص السنه خلصت وهترجعي
بزعل وأنا بلم هدومي قولت
هكلمك كل شويه وكمان ما أنت هتمشي برضو
أنا أتعودت علي وجودك مين هيشاركني كل حاجه
أديته ضهري ودمعه نزلت مسحتها
أنا كمان أتعودت علي وجودك
قفلت الشنطه ونزلتها وقال
هتوحشيني
وأنت كمان
مشيت وأنا حقيقي سايبه قلبي معاه كنت حاسه أني مش عايزه أمشي مكنتش حابه اليوم ده يجي مكنتش عايزه الأجازه تيجي كنت عايزه أفضل في الدراسه عشان بس أبقي قصاد عيونه
ركبت العربيه وسندت راسي علي الشباك فضلت عيوني متعلقه في المكان العربيه مشيت وفضلت طول الطريق مش ببطل عياط وصلت البيت وبعد ما سلمت علي أهلي بعت له مسدچ بوصولي
جرس الباب رن فتحت الباب وكان هو عيوني وسعت من المفاجأه وقولت
تميم أنت بتعمل أيه هنا
أدخلي نادي باباكي
بصيت له بستغراب وقال بتزمر
يلا أدخلي
ملحقتش أناديه لأن بابا طلع وقال
يا عمي أنا عايز أطلب أيد هند وموافق علي أي طلبات بس متحرمنيش منها
كنت سانده نفسي علي الحيطه وأنا مش مستوعبه اللي بيقوله بابا قال
بس يا أبني الكلام ده مبيتقالش
علي صوته وقال
أنا بحبها يا عمي بالله عليك توافق
بابا بص لي وأنا عيوني كانت متعلقه فيه وقال
هوافق حاضر بس جوه
بابا شده لجوه عشان الجيران وقعدوا بابا عرف كل ظروفه وقال
هند دي بنتي الوحيده
دمع وقال
وهتبقي بنتي ومراتي وامي واختي وكل حاجه في حياتي بس بالله عليك توافق
بابا ضحك وقال
موافق يا سيدي
قام حضنه بفرحه وبابا كان بيضحك علي تصرفاته وأنا كنت مبسوطه من بتعلقه بي بعت لي بوسه طايره بصيت له بعيون واسعه وحسيت أن وشي بقي شبه الطماطم
الخطوبه الخميس الجاي يناسبك يا عمي
بابا بهزار قال
مستعجل أوي كده ليه
اتحرج وبابا كمل وقال
ماشي يا سيدي الخميس
سلم عليه بحب وفضلنا قاعدين شويه وروحت أوصله عند الباب مسك أيدي وباسها وقال
كلها أربع أيام وتبقي خطيبتي
ابتسمت وقال
بحبك
بصيت في الأرض من أحراجي ومشي وقبل ما أقفل الباب قولت
وأنا
بص لي وضحك قفلت الباب وبقيت حاسه أن العالم كله ميسعش فرحتي
