اسكريبت بقلم أية حمام 2
يا غيث
فضلت باصة في الماسدج بعدم تصديق لفترة معرفش مدتها كل ال بعمله إني بكلم نفسي وبسألها هل دا فعلا زوجي
مسحت عيوني لما حسيته دخل البيت وقفلت الموبايل ووقفت
الحمدلله على سلامتك
الله يسلمك يا حبيبتي هغير وآجيلك أنا جعان أوي
عشر دقايق ويكون الأكل جاهز
دخل يغير وأنا دخلت أسخن الغدا وغرفته وحطيته على السفرة وشوية وكان خرج قعدنا ناكل وسط كلامه ال مركزتش في ولا حرف منه مركزة بس في تفاصيله في عيونه في سنانه بحاول أعرف هل هو فعلا زي ما عرفت عنه من ساعات ولا هو بريء
غيث
نعم يا حبيبة قلبي
ما تيجي نسافر
نسافر فين وبعدين أنت حامل!
ما كدا كدا مش هنسافر بكرة يعني نستنى لحد ما الحمل يثبت ونسافر مش أنت كان جاي لك أوفر كويس برا
ما أنا شغال هنا أهو يا آية لازمتها إيه نسافر ونتغرب
لاحظت إنه اتوتر وكان بيتهرب من فكرة السفر لذلك سكت شوية بس رجعت أتكلم تاني
طب صحيح كنت عايزة أقول لك إننا عايزين نعمل تحاليل علشان سلامتنا يعني
بيقولوا فيه وباء جديد وأمراض مش بنحس بيها غير لما تنتشر جوانا ف قولت نعمل تحليل شامل ونتطمن
مالك يا آية عمالة تفركي وبتطلبي أي حاجة ليه
مفيش يا غيث بفكر معاك بس بصوت عالي
لاء متفكريش يا حبيبتي ونامي يلا علشان متتعبيش تصبحي على خير يا ماما
وأنت من أهله
طفى النور ونام وأنا فضلت باصة له شوية لحد ما اتنهدت باستسلام وقربت لعبت في شعره بهدوء
مستحيل أكون مخدوعة فيه مستحيل يكون الشخص الجميل دا بيأذي
معرفش بس ليه الماسدج دي اتبعتت لي وليه أصلا دلوقتي ومين ال له مصلحة في كدا
صباح النور يا حبيبي
صباح الخير
هنخرج
أيوا هخلص شوية شغل ونلبس ونمشي
بعد الظهر بحوالي ساعتين كنا لبسنا ونزلنا وبعد ساعة كنا وصلنا البيت دخلنا وسلمنا على كل الموجودين وسابني معاهم وقام خرج
عاملة إيه في الحمل يا آية
الحمدلله يا ماما حاسة بس إنه تاعبني شوية
علشان دا أول حمل بس لكن مع أول لحظة هتشيلي ابنك بين إيدك هيهون كل التعب دا
يارب ييجي بالسلامة بس وأنا راضية والله
ربنا يقومك بالسلامة يا حبيبتي
كملنا كلام وبعد شوية استأذنت منها وسيبتها وكنت خارجة الجنينة بس لمحت أوضة أخ غيث مفتوحة شوية وصوته خارج منها وهو متعصب!
وقفت على جنب وأنا بسمع ال بيحصل جوا
ما تعقلي يا هنا وبلاش شغل جنان على المسا
لاء مش ههدى يا غيث زي ما أنت ساعدتني أخلص من القرف ال كنت فيه لازم أنا كمان أساعدك
يا ستي وأنا مش عايز مقابل مساعدتي ومش عايز أخلص من القرف دا
يا غيث حرام عليك آية تخسرك وتعيش نفس ۏجعي لما حبيبي راح بسبب جرعة زفت
آية مش هتعرف حاجة يا هنا وإلا كل العيلة هتعرف إن السنة ال كنت مسافراها وقايلة لهم بتعملي ماستر كانت في الأصل علاج وتعافي!
أنا أحسن منك على الأقل أنا اتعالجت وتوبت مش زيك رجعت انتكست تاني
ولو عايز تقول لهم براحتك يا غيث بس مراتك هتعرف وقريب أوي
حسيت حد بيتحرك ف مشيت بسرعة وأنا حاطة إيدي على بوقي
دخلت الحمام غسلت وشي جامد وخرجت بعد ما ندهوا عليا علشان الأكل قعدت جنبه وأنا ببص له وبحاول أكذب نفسي من ال سمعته
مش بتاكلي ليه يا آية
م مفيش يا طنط أنا بس
أنت كويسة
حاسة بحاجة
كان بيسألني عن حالي ف همست له
بطني بتوجعني شوية وروحني
هز لي راسه ب حاضر وحاول هو يأكلني بإيده وافقته علشان مش أحرجه وسطهم بس لاحظت هنا ال بتبص له ومعرفتش دي نظرات لوم أو ڠضب أو حزن!
بقيتي أحسن
مش عارفة
يعني إيه مش عارفة يا آية طب ننزل نروح للدكتور تطمننا
لاء أنا هنام
سيبته ودخلت أنام فضلت نايمة على السرير بس عيني صاحية ودماغي بتفكر في حاجات كتير وولا حاجة منهم عايزة أصدق احتمال صحتها!
تاني يوم صحيت دماغي بتوجعني شوية بسبب التفكير الكتير طول الليل أخدت دش وخرجت جهزت الفطار ودخلت تاني أصحيه لقيته صاحي
أنت مش هتروح الشغل ولا إيه
لاء خليني هنا النهاردة علشان لو تعبتي
ابتسمت وبصيت له بحب وقربت قعدت جنبه ومسكت إيده واتكلمت
خايف على البيبي ولا بجد خاېف عليا
أنت أساسه لو خاېف عليه ف علشان هو منك
يعني لسة بتحبني
مش شايفة يعني بعدين السؤال دا لما يفوت عشرين سنة كدا تبقي تسأليه
أنا بتأكد بس
إتأكدي واتطمني يا حبيبتي أنا قلبي مضى إقرار بحبك لنهاية العمر
طب يلا علشان تفطر
سحبته وخرجنا نفطر وبعد ما خلصنا كنت بشيل الأطباق
أنا داخل أشتغل شوية بقا لو حسيتي بتعب رني عليا
طب تحب تتغدى إيه
أي حاجة متتعبكيش
دخل وأنا بدأت أروق المطبخ مكان الفطار وأجهز حاجات الغدا وبعدين خرجت قعدت قصاد شاشة التليڤزيون شوية لحد بعد الظهر
دخلت المطبخ تاني أجهز الغدا بس برطمان الصلصة كان مش راضي يتفتح أو يمكن أنا ال كنت مش قادرة عليه!
ندهت عليه مرتين ومردش فأخدت البرطمان ودخلت الأوضة من غير ما أخبط علشان يقع البرطمان من إيدي ويقع قلبي بعد ال شوفته!
آية!!
آية أن أنت
كان متبرجل كان بيحاول يلم الحاجات ال على الترابيزة بسرعة كان بيحاول يبان كويس بس بس أنا كنت شوفت خلاص شوفته واتأكدت من كل شيء!
آية ردي عليا
أيوا دي سېجارة بشربها كل فترة علشان أركز بس
حرام عليك حرام عليك ال عملته في نفسك وفيا دا!
آية استني
ملتمسنيش متقربليش
مقهورة جدا!
مش لاقية وصف أو تعبير لل حاسة بيه دلوقتي أنا بس كل ال عارفاه إني مش طايقة أشوفه لذلك دخلت أوضة الأطفال وقفلت الباب وقعدت على السرير أعيط وأنا بفكر في حل للکاړثة دي
هنا إزيك
الحمدلله يا آية أنت بخير
لاء مش بخير خالص يا هنا!
حصل إيه
أنا شوفت غيث ممكن تيجي
حاضر أنت بس متتخانقيش معاه دلوقتي أو تتعصبي علشان مش ټتأذي
أنا خاېفة!
متخافيش يا آية أنا أصلا كنت في مول جنبكم ومروحة هرجع لك تاني
قفلت معاها ورميت الموبايل جنبي وأنا بحاول أهدى بعد ما حسيت بۏجع في بطني
آية ممكن
مش هفتح يا غيث
لاء إفتحي علشان أفهمك
اتحركت ووقفت ورا الباب واتكلمت
تفهمني
