اسكريبت بقلم أية حمام 2

إنه كان بيشم معاه ومعرفهوش إني أبقا حبيبته ال كلمهم عنها  
وطبعا لأن باباك ومامتك عارفين هو بالنسبة لك إيه خبوا عنك الحقيقة  
كفاية 
شاورت لها تسكت ورجعت بضهري لورا ودموعي نازلة وأنا مبقتش قادرة أسمع أي حاجة تاني حاسة إني جوا فيلم إزاي كل دا يحصل وأنا أبقا المغفلة الوحيدة في الفيلم دا 
خلي غيث يوديني شقة أخويا وأنت رني على بابا وماما وخليهم ييجوا هناك ولو سمحت لحد ما كل دا يحصل بلاش أنت أو غيث توجهوا لي أي كلام أنا عايزة أفضل ساكتة 
هزت راسها وخرجت قالت له طلبي وهو كلم الدكتور على خروج ليا وفعلا دخل ساعدني وأخدني للشقة  
دخلت وأنا جسمي بيترعش وأنا بفكر في ال هنا حكته ليا حاسة وشامة ريحة أخويا في كل خطوة بخطيها!
آية أنت كويسة يا حبيبتي وليه مش في شقتك وجايبانا هنا 
هو أخويا ماټ إزاي يا بابا 
إيه لازمته الكلام دا يا بنتي  
لو سمحت يا ماما خلي بابا يجاوب 
بصوا لبعض شوية وبعدين جاوبني بنفس الاجابة ال لسة عارفاها ف اتكلمت بدموع
عارف إنك السبب 
إيه 
أيوا لو يوم ما عرفت عنه إنه ماشي في طريق غلط مسكت إيده وعرفته خطۏرة ال بيعمله وضميته وطبطبت عليه كان ممكن يكون لسة معانا لكن حضرتك عملت إيه طردته واتسببت إنه يطلع غضبه في كدا وينهي عمره بإيده  
هو إيه الكلام ال بنتك بتقوله دا يا هدى أنت اتهبلتي يا آية ولا إيه 
لاء يا بابا أنا مش اتهبلت أنا بس عرفت حقيقة
كنتم مدارينها عني أكتر من سنتين عرفت إنك كان ممكن تحمي ابنك لكن معملتش  
حتى أنا أول واحد طلبني للجواز وافقت عليه وتممت الأمور في شهور بحجة إنك عايز تلحق تطمن عليا وتفرح بيا  
معناه إيه كلام مراتك دا يا غيث 
مش معناه حاجة أنا بس كنت عايزاكم تيجوا أشوفكم علشان أنا وغيث مسافرين ومش هنرجع تاني 
تسافروا طب وال في بطنك 
أجهضت تعبت ومكانش له نصيب ييجي الدنيا 
كانوا بيبصوا لبعض نظرات مختلفة منها عدم الفهم الاستغراب الخۏف القلق  
نظرات مهتمتش بيها فقط سلمت على ماما وبابا وغيث نزل يوصلهم وأنا وجهت كلامي ل هنا قبل ما أتحرك ناحية الأوضة
أنا لسة بفكر في قراري مع غيث بس أنا مش عارفة أنت ضحېة ولا أصلا جاني  
كل ال عارفاه إني هعاملك كويس علشان خاطر ال كان بيحبك لإن هو كمان كان بيحكيلي عنك من غير ما أعرفك  
وأنا والله مش عايزة أخسرك برضه بسببه أنت الوحيدة ال باقية ليا منه أنا معاك ومش هسيبك حتى لو أنت وغيث سيبتوا بعض 
هزيت راسي ليها ف قامت حضنتني وسابتني ونزلت دخلت الأوضة ورميت جسمي على السرير وأنا بحاول أتحكم في نفسي وأأجل العياط وشوية ولقيته دخل عليا قرب قعد جنبي واتكلم بصوت واطي
ليه مش عرفتيهم الحقيقة وإيه معنى كلامك إننا هنسافر 
سؤالك الأول اجابته إن مينفعش حد مهما كان هو مين يعرف حاجة عن مشاكلنا طالما قادرين نحلها بيننا يبقى بلاش يتدخلوا علشان الأمر مش يسوء أكتر  
واجابة التاني بقا إننا هنتطلق وأنا هقعد هنا علشان مش قادرة أتقبل إني أرجع أعيش معاهم تاني لكن هم مش هيعرفوا إننا اتطلقنا دلوقتي خالص  
بس يا آية  
مبسش يا غيث  
أنا بحبك! 
وأنا كمان بحبك بحبك جدا بحبك أكتر من حبك ليا أيوا متستغربش كدا بس في نفس الوقت بحبني يا غيث بحبني وبخاف عليا الخۏف ال أنت مش فكرت فيه! 
أنت لو لا قدر الله كان حصل لك سوء وسبتني فجأة كنت مفكر إني هتعافى زي هنا وهرجع أعيش حياتي تبقى متعرفنيش كمان متنساش إنك السبب في مۏت ابني! 
طب أنا هبطل أنا أصلا مش مدمن سيبك من هنا وكلامها أنا بس كل فترة ببقا عايز حاجة تفصلني كدا  
ليه إيه ال يوصلك لكدا إيه الۏحش في حياتك مخليك عايز تغيب عنها زهقان من حياتنا ومسؤوليتنا دا إحنا لسة في بداية حياتنا! 
صعب كنت أبطل مرة واحدة  
بس مكانش صعب تتعالج! 
نهايته يا غيث أنت لو هتتعالج وتتعافى يبقى تعمل كدا علشانك وأنت مقتنع مليون في المية أنا مش دايمة لك وسواء كملنا أو اتطلقنا اتعلم تخلي قرارك نابع من خۏفك من ربنا وخۏفك على نفسك  
طب بلاش طلاق هديك وقتك ونبعد شوية بس خلي نهايتها وجودك يا آية  
الله يسامحك يا غيث الله يسامحك قلبي مبقاش عارف هو موجوع منك ولا عليك خلتني أخاف عليك أكتر ما أخاف منك خلتني أتقهر عليك زي ما اتقهرت منك قوم امشي قوم 
نهيت كلامي بدموع وزقيت بخفة ف مسك أيدي ووقفتي واتكلم هو كمان بدموع ونبرة وجعت قلبي
غمضت عيوني وضميته ليا وأنا مش عارفة مين فينا بيستقوى بقرب مين أنا بس كل ال عارفاه إني هتوجع جامد الفترة الجاية في غيابه  
بعد دقيقتين بعدته عني براحة ناحية الباب وخليته يخرج وقفلت الباب وقعدت وراه على الأرض وقعدت أعيط لحد ما نمت مكاني 
آية أنا تحت إنزلي يلا 
قفلت الموبايل وأخدت شنطتي ونزلت لها
ركبت جنبها وبدأت تسوق هي 
بعد الليلة الأخيرة تاني يوم هنا جابت لي هدومي وحاجتي من شقتي وطلبت منها تقفلها وتخليه يعيش في بيت أهله يمكن كان تصرف غلط بس كنت فاكرة إن كدا هتطمن عليه أكتر وهيبقى تحت مراقبتها  
بس الغريب بقا إن بعد شهر واحد قالت لي إنه طلب أجازة من الشغل وراح يتعالج واتحجز في مستشفى متخصصة برغم إن حالته كانت مش متدهورة جدا!
وصلنا بعد مسافة مش قليلة دخلنا وطلعت واتكلمت مع الدكتور بتاعه ال طمني على حالته
فيه تحسن جدا في حالته واضح إن الدافعية عنده قوية أينعم أوقات كتير بيفقد الشغف وبيرجع أسوأ من الأول بس الحلو فيه إنه كتير بيحاول يتحكم في نفسه  
يعني كدا تعافى تماما  
مقدرش أوعدك إنه مش هيكرر دا تاني الفكرة بس إن بعد خروجه إيه المثير ال ممكن يضطره يرجع لكدا من جديد سواء بقا ضعف ڠضب ! 
تمام يا دكتور متشكرة جدا  
العفو يا فندم تحت أمر حضرتك دايما 
بعد ما خلصنا كلام خرجت من عنده وروحت وقفت بعيد عن المكان ال كان فيه غيث وهنا واقفة بتفرج عليهم من بعيد ودموعي نازلة وأنا مش قادرة أقرب عليه وأضمه ليا واحشني وحاسة إن روحي وقلبي معاه حياتي طلع كل طعمها الحلو في وجوده حوليا بس للأسف لازم نتعود على المر علشان نرجع نحس طعم الحلو!
أنت كويسة 
أيوا هو كويس 
بيسأل عليك علطول مش متخيل إنك هتتخلي عنه 
كنا خرجنا من المستشفى وروحنا كافيه هادي بعد كلامها الأخير رجعت بضهري لورا
على الكرسي واتنهدت قبل ما أرد عليها
مش سهل عليا برضه يا هنا بس لو أنا وغيث كملنا سوا هبقا بإيدي بعمل تصريح عدم استقرارنا  
يعني إيه 
يعني لو كملنا حياتنا مش هعرف أتعايش كإن الفترة ال فاتت دي محصلتش طول الوقت ڠصب عني هبقا شاكة فيه وخاېفة منه وعليه دا غير إنه اتسبب في مۏت ابننا يا هنا ويمكن الجانب الإيجابي إن دي إشارة من ربنا إن مبقاش فيه حياة بيني وبينه! 
مش شايفة إن دي قساوة منك عليه 
بالعكس تفكيري الفترة الأخيرة وضح لي إني هكون قاسېة على نفسي لو بجد كملت مع واحد اتخلقت بيني وبينه فجوة 
هزت راسها بعدم اقتناع وضيق لكني كنت متفهمة 
أنا هبقا بظلم نفسي يا هنا لو اختارت أعيش مع شخص مبقتش مآمنة له أها بيتعالج وبيتعافى بس أضمن منين إنه مش هيرجع تاني وحتى لو فكرت بإيجابية وقولت هعرف لو رجع ف هعرف إزاي إذا كان هو فضل مخبي عليا طول السنين والوقت ومعرفتش غير بالصدفة يبقى بعد ما ثقتي فيه اتهزت معقول هنبقا صاريحين سوا  
أنا مش بقول لك تعالي على نفسك واظلميها والله يا آية أنا بس صعبان عليا إن دي تكون نهايتكم وحتى هو ممكن يكون متعشم بحاجة وېتصدم لما يتفاجئ بالعكس  
اتطمني أنا كلمته من بدري ومفهماه إن النهاية مش هتكون وردية 
بعد فترة كنت في الشقة وسمعت صوت خبط على الباب بحسب هنا ف خرجت أفتح لكن اتفاجأت بيه هو رجعت خطوة لورا وأنا ببص له وبملي عيوني بملامحه 
وحشتيني 
عاملة إيه 
الحمدلله وأنت 
بقيت في أحسن حال لما شوفتك  
جعان 
متهربيش  
مش بهرب أنا كنت بعمل أكل ليا ثواني وهحط لنا 
قومت بسرعة ودخلت المطبخ وكملت الأكل وحطيته على الترابيزة وندهت له أكلنا في جو من الصمت بيكسره صوت المعلقة في الأطباق بعد ما خلصنا خليته يخرج يقعد على ما أغسل الصحون
وأحاول أرتب الكلام في دماغي لكن للأسف بمجرد ما خرجت وقعدت قصاده كل شيء اتبخر ومبقتش عارفة أنطق حاجة
متوترة وعايزة تقولي إيه 
عايزاك تنفذ ال قولت لك عليه يوم ما كنت بزورك  
آية أن  
علشان خاطري يا غيث بلاش تصعب الأمور عليا أكتر  
للدرجة دي مبقتيش تحبيني  
ملهاش علاقة أنا أها بحبك بس البيت مش بيقوم بالحب بس يا غيث فيه ثقة ودي اتكسرت بيننا فيه فجوة مش هنعرف نسدها  
بس أنا بوعدك إننا هنصلح كل دا سوا! 
مش كل المكسور بيتصلح ولو حاولنا نصلحة بڼتجرح أكتر ف ليه نعمل كدا 
لاحظت دموعه وإنه عايز يتكلم لكن كلامه بيهرب منه غمضت عيوني بۏجع واتكلمت وأنا بحاول أتحكم في نفسي وأمنع دموعي
خلينا نخلص دلوقتي وبلاش نوجع بعض أكتر  
هتقدري تتحملي 
هتألم أكيد بس مفيش ألم بيعيش طول العمر! 
هتفضلي أجمل وأحب إنسانة شوفتها 
أنت طالق 
باس راسي وقالها وقام خرج بسرعة فضلت باصة على طيفه وأنا بكرر الجملة جوا دماغي لحد ما بدأت أعيط جامد مش سهل عليا أبدا القرار ال أخدته لكن هو دا الصح إحنا في حياة لازم الجزء الدراما يكون جزء منها مينفعش تكون دايما النهايات عودة وحب ولون وردي مالي المكان والحياة ! 
طبيعي نحب ونتوجع وطبيعي نتعافى ونرجع ننتكس ومن تاني بنقوم وبعدها بنقع هي دي سنة الحياة 
وأنا اختارت النهاية الواقعية ليا أو مين عالم مش يمكن تكون دي البداية للأفضل
وأنت عينيك اسمروا من شيل الحنين ولأنهم متكحلين بشيء حزين  
الأبنودي 
تمت  
آية حمام