احببت عاجز بقلم اسراء ابراهيم حصريآ علي موقع لمحة

هاني
قصي بابتسامة مش هتقدر تذلها تاني يا هاني كل واحد فينا بقي عنده حياة جديدة أنا معايا حق أكبر منك في حبها ورعايتها يكفي انها اختارتني
قصي اتعصب اوي وقرب من قصي وهو بيتكلم بحدة إنت عايش في أوهام يا قصي أنت حتى مش قادر تمشي برجلك تفتكر هتفضل مستحملاك هي
قصي بررود مش مهم حتي لو زي ما انت بتقول كفايا انها معايا دلوقتي
هاني بتوعد انا همشي يا زهرة بس دي مش اخر مرة هتشوفيني فيها واستني مفاجئة صغيرة قريب اووووي
مشي هاني بعد ما خلص كلامه ووقتها زهرة خافت و بصت لقصي وهي بتتكلم بلهفة هيقول لاهلي يا قصي هيعرفهم مكاني
قصي بهدوء اهدي يا زهرة وفيها ايه اصلا انا
كنت هقولك اننا هنروحلهم
زهرة برعب ايييه لا طبعا انت متعرفش حاجة دول مش هيفكرو مش هيسمعو منك اصلا يا قصي ارجوك
قصي بثقة متخافيش وخليكي واثقة فيا تمام 
زهرة بتردد حاضر بس صدقني انا مش خايفة علي نفسي انا كدة كدة متعودة انا خايفة عليك
قصي ابتسم بتلقائية وكان سعيد اوي بكلامها متخافيش انا قوي بيكي عشان انتي جمبي
ابتسمت زهرة بخجل وفعلا كانت حاسة بامان غريب وهي معاه رغم خوفها بس مكنش عشانه كان عشانه هو وبس
كانت واقفة زهرة قدام شقة اهلها وجمبها قصي اللي كان ماسك ايديها بدعم ليها وكأنه بيقولها انه جمبها ومش هيسيبها
زهرة بقلق قصي ما كانش ليه لازمة اننا نيجي قلتلك إن الموضوع انتهى ارجوك يلا نمشي
قصي بهدوء وثبات مانتهاش يا زهرة طول ما في ناس بتخوفك وبتجرحك يبقى لازم الموضوع يتحل انا عاوزك تنهي الموضوع
زهرة كانت هتتكلم بس في نفس الوقت اتفتح الباب وكانت نادية اللي نظرتها اتحولت للغضب اول ما شافت زهرة
نادية بحدة اما انتي بجحة بصحيح إيه اللي جابك هنا يا بت انتي بعد ما هربتي وجايبة معاك مين ده ان شاء الله
زهرة بتتهته أنا انا
قصي بيقاطعها أنا اللي جبتها وياريت كلامك يكون معايا انا
هاني باستفزاز من وراهم ما شاء الله جايبها بنفسك انت خفت اني اجي اقول علي مكانها فقولت تسبق مش كدة
قصي بحدة مين قالك كدة زهرة بس اللي جابتني هنا عشان اتعرف علي اهلها وتطمنهم عليها لكن خوف مستحيل
نادية بسخرية اهلها هو ده الكلام اللي ضحكت عليك بيه عشان كدة جاي بقلب اوي اسمع يا حضرت البت دي مش من اهلنا ولا نعرفها اصلا ولا لينا صلة بيها
قصي بص لزهرة اللي كانت متوترة وحزينة وكان هو بيحاول يفهم لانه ملاحظ انها مخبية عليه حاجة مقالتهاش
زهرة برجاء قصي بلاش خلينا نمشي ارجوك 
قصي بحزم مش هنمشي يا زهرة انتي لازم تواجهيهم 
هاني بسخرية تواجه مين ما قالولك انهم ملهومش علاقة بيها
قصي بهدوءاومال كانت عايشة معاكم بصفتها ايه لو هي مش من عيلتكم
نادية بغضب دي بنت ضرة أمي اللي كسرتنا وخلتنا نعيش مذلولين وللاسف اتربت في بيتنا بالعافية واحنا اللي كان المفروض نرميها في الشارع بس الله يسامحها امي بقي هي اللي صممت انها تعيش معانا
زهرة بألم انتو ازاي كدة ليه كل مرة لازم تفكروني إني مش مرغوب فيا
هاني بقصد لان دي الحقيقة إنتي كنتي عبء عليهم وكل اللي عيشتيه هنا من ذل واهانة كان عندهم حق فيه
قصي بغضب عبء زهرة عمرها ما كانت عبء على حد العبء الحقيقي هو قلبكم المليان كره وانا للاسف مش هسيبها هنا وسطيكم
نادية بحقد يبقي احسن
زهرة برجاء لو سمحت يلا يا قصي مش عاوزة اقعد هنا اكتر من كدة
قصي بيبصلها بحنان زهرة انتي طول عمرك ساكتة ومستحملة بس خلاص أنا مش هسمح لأي حد يخوفك أو يقلل منك تاني 
نادية بتضايق من كلام قصي وزهرة كانت بتبصله بعيون مليانة دموع وهي بتبتسم لأول مرة تحس إنها مش لوحدها وفعلا مدت ايديها لقصي اللي بياخد إيدها بهدوء وبيمشو وبيسيبو وراهم الماضي وكل حاجة
الجو كان هادي بعد يوم طويل وزهرة وقصي راجعين تاني مع بعض بس في قلب زهرة كان الحيرة كانت لسة مسيطرة خلصت المشكلة مع أهلها بس كانت مش قادرة تصدق تقرر هتعمل ايه مع قصي وهل هتفضل في حياته كدة لمجرد انه شهم ورفض يسيبها لوحدها ما كانش عندها فكرة إزاي هتقدر تتكلم معاه رغم ان مشاعرها ناحيته قوية بس هو اكيد مش كدة واكيد ليه حياته الخاصة بعيد عنها يمكن ده هيخليها تخسر كل حاجة بس مش مهم المهم راحة قصي
وصلو البيت وكانت قاعدة زهرة عالكنبة وعيونها باين فيها التوتر والارتباك بس في نفس الوقت قلبها كان سعيد بسبب اللحظات الحلوة اللي عاشتها مع قصي وبعد شوية جه قصي من المطبخ ومعاه كوبايتين من الشاي 
قصي بابتسامة اتفضلي هتشربي معايا شاي طبعا
زهرة اخدت الكوباية منه بس كانت عينيها مشغولة في التفكير في كل حاجة حصلت هي مش مصدقة إنها بقيت جزء من حياة قصي بعد كل التوتر ده بس في نفس الوقت قلبها كان خايف من المستقبل وان قصي يندم في يوم من الايام لو كملت معاه قصي قعد جنبها على الكنبة وكان حاسس انها متوترة
قصي بهدوء إنتي مش مرتاحة عايزاني أعمل حاجة تانية علشان ترتاحي ولا انتي في بتفكري في ايه
زهرة بصت لقصي باهتمام ممزوج بحزن وقررت انها تطلب منه يطلقها ويشوف حياته بس فجأة الباب اتفتح ودخلوا اخوات قصي ووقتها زهرة اتوترت لانها مكانتش متوقعة إنهم هيكونوا هنا
نور بتوتر وابتسامة لطيفة وهي بتقرب من زهرة زهرة انا اسفة علي معاملتي ليكي قبل كدة اتمني تسامحيني واهلا وسهلا بيكي في بيتنا
زهرة اتفاجأت لأنها كانت دايما متخيلة إنهم بيكرهوها بس نور أخت قصي كانت بتبتسم ليها بكل طيبة
خالد باحراج احنا عارفين إن البداية كانت صعبة بس حقيقي انا كنت خايف علي قصي انه يتعب لما يتعلق بيكي بس خلاص انتو اتجوزتو يعمدني مش هتسيبو بعض ابدا و احنا هنا علشان نصلح كل حاجة
زهرة ابتسمت بتوتر وحست ان الموضوع بقي صعب عليها اكتر وانها مبقتش عارفة تقول لقصي ازاي يطلقها وانها هتبعد بس هي شايفة ده في مصلحته ورغم انها مكنتش متخيلة إنهم ممكن يتقبلوها بس دلوقتي فرحتهم بيها كانت كافية علشان تغير نظرتها للموضوع كله قلبها بدأ يهدأ وهي بتشوفهم قدامها ووقتها نقلت عنيها لقصي بحيرة بس قصي لما 
بصلها عينيه كانت مليانة قلق كان حاسس إن في حاجة في قلبها مش واضحة ليه وكان نفسه يعرف أكتر فقرب منها 
زهرة في حاجة خايفة تقوليها اتكلمي
زهرة بصت له لحظة وحست إن الوقت ده هو الوقت الحاسم كل حاجة لازم تبقي واضحة بس زهرة ما كانش عندها كلام تقوله وتعبر بيه فكانت مترددة بس قصي كأنه كان حاسس بيها لانها لقته مسك ايديها وقالها بخوف اتملك منه
قصي بخوف 
زهرة انتي عاوزة تسيبيني يعني انتي بتحبيني زي ما بحبك ولا لسة مش متأكدة من مشاعرك قولي وصدقيني انا هكون متفهم
زهرة بصدمة وخجل 
قصي انت قولت انك بتحبني
قصي بثقة طبعا يا زهرة من اول ما عيوني وقعت عليكي اينعم كنت بكدب نفسي في الاول بس لقيت انك عايشة جوايا طول الوقت مش بس معايا في نفس المكان بس خوفت اقولك قولت اعرف مشاعرك الاول ومتتخيليش كان خوفي انك تكوني مش بتحبيني خلاني طول الوقت قلقان
زهرة بابتسامة وعيونها بتلمع بدموع انا ااصلا طول الوقت وانا جاية عمالة افكر هقولك ازاي اني همشي بعد ما حبيتك واتعلقت بيك كنت خايفة وحاسة طول الوقت اني مفروضة عليك وانك تستاهل حد احسن مني الف مرة حد يحطك في قلبه وعيونه وينسيك كل حاجة وحشة عدت عليك قصي انت احسن واجمل حد قابلته في حياتي وكون ان يكون ليا عيلة زي عيلتك وانك تحبني دي معجزة بالنسبالي واكيد هعيش طول عمري ممتنة انكم معايا
ابتسم قصي بتلقائية بسعادة تحت نظرات أخوات قصي وامه اللي كانوا واقفين وكلهم بيبتسموا بهدوء وسعادة ليهم ووقتها زهرة كانت حاسة إنها أخيرا لقت مكانها في الحياة مكانها جنب قصي المكان اللي كانت دايما بتدور عليه
تمت