دكتور ولكنه عاشق بقلم إسراء ابراهيم
المحتويات
هو ازاي قولتي ان معتز زي اخوكي وبتقولي علي ابو معتز انكل
فتون بتردد انا هفهمك اصل معتز مش اخويا
زين استغرب اكتر وكان هيتكلم بس قاطعه صوت حازم من وراهم پغضب
حازم پغضب حضرتك هنا وانا قالب عليك المستشفي
زين ببرود خير يا دكتور حازم ما انت عارف اني مبقعدش في مكتبي اصلا ودايما بمر علي الحالات
حازم بنفس غضبه ممكن اعرف ايه الاوامر الجديدة اللي انت اخدتها دي بأي حق تبلغهم اني مبقتش مسئول عن قرارات المستشفي
زين بجدية بصفتي رئيس المستشفي وصاحب اكبر نصيب فيها يا دكتور حازم واوعي تنسي ده ومتنساش كمان اني كنت مديك صلاحيات انت عمرك ما حلمت بيها ومع ذلك انت استغلتها صح وبقيت بتتعامل علي انها مستشفي استثمارية عشان تدخل فلوس وبس والناس مش مهم بقي ېموتو
حازم بسخرية قول كدة بقي كل ده عشان الحالة اللي الاستقبال مرضيوش يقبلوها عشان مدفعوش فلوس تحت الحساب طب تقدر تقولي حضرتك بقي فين حساب التجهيزات الازمة اللي اتعملت اهو لحد دلوقتي مفيش حاجة اتدفعت عرفت بقي اننا لو مشينا بمبدئك ده هنفلس
زين ببرود والله دي حاجة تخصني واي عجز هيحصل انا اللي هشيله مش حضرتك واتفضل روح شوف شغلك بقي وبعدين نتكلم
حازم رمي نظرة علي فتون وبعدين مشي بغيظ وزين نفخ بضيق ورجع تاني بص لفتون
فتون باحراج انا اسفة اوي اني حطيتك في الموقف ده انهاردة الحساب هيتدفع انا بس كنت عاوزة اطمن علي معتز الاول
زين بحسم لا طبعا مفيش حساب هتدفعيه لاني خلاص خلصته وسيبك من كلام حازم ده الطبيعي بتاعنا
فتون كشرت باستغراب نعم يعني ايه مفيش حساب هدفعه وحضرتك ليه تدفع حسابنا انا مقبلش حاجة زي دي لاننا
زين نفخ بضيق وشتم حازم في سره عشان بوظ كل حاجة ولانه قطع عليه لحظة معرفة باقي قصة فتون فاتنهد بزهق ومشي راح مكتبه
عدي يومين كانت حالة معتز اتحسنت فكانو كلهم في اوضة معتز بيضحكو بعد ما اطمن محمود علي ابنه فاستغل ان فتون خرجت تجيب شاي من الكافتريا وحنان بتوضب شنطة معتز اتكلم هو معاه
محمود بندم حقك عليا يا معتز يابني انا عارف انك بتقول اني السبب في اللي حصلك وليك حق
معتز بلهفة لا يا بابا العفو متقولش كدة ده نصيبي وانا اللي كنت ماشي ومبصتش حواليا قبل ما اعدي الطريق
محمود بتنهيدة اسمعني يا معتز انا لو كنت معارض فده خوف عليك يا حبيبي من الناس اهل البنت دي لانهم بتوع مشاكل بس دي حياتك ولو انت مصمم عليها فخلاص انا
صدقني هروح معاك بنفسي اخطبهالك
معتز ربنا يخليك ليا يا بابا عموما الموضوع خلاص اتحل لوحده نادين سابتني يا بابا
محمود پصدمة يا خبر سابتك ليه وامتي ده
معتز بخزلان تخيل بقالي كام يوم هنا مفكرتش تسأل عليا ولما فوقت شوية وبقيت كويس كلمتها مامتها ردت عليا وقالتلي انها اتخطبت
معتز بابتسامة باهتة الحمد لله انا راضي وانا متأكد ان ربنا هيعوضني بأذن الله
محمود بفخر عين العقل يابني ان شاء الله ربنا هيعوضك خير عنها هو البت فتون اتأخرت ليه كدة كل ده بتجيب شاي
معتز بهدوء تلاقيها قاعدة في الكافتريا شوية سيبها براحتها يا بابا كفايا تعبها معايا اليومين اللي فاتو دي كانت مبتنامش عشان لو احتجت حاجة
محمود بابتسامة ربنا يباركلها والله بت اصول صحيح ربنا يهدي امك بس عليها
فتون پغضب يا ستي انا مش نوران والله
هايدي پصدمة ازاي مش نوران هو انا هتوه عنها معقولة يكون في حد شبها اوي كدة
فتون باستغراب يا حبيبتي يخلق من الشبه اربعين ليه لا اكيد شبه صاحبتك دي ولا حاجة
هايدي بحزن ازاي بس يعني يوم ما الاقي نوران وتكون شبها بالملي تطلع مش هي وواحدة شبها طب فكري شوية يا انسة بصي قوليلي اسمك ايه طيب
فتون بزهق اللهم طولك يا روح انا اسمي فتون ها اتأكدتي
زين من وراهم هايدي في حاجة ولا ايه ايه ده فتون كمان انتو تعرفو بعض
هايدي بابتسامة هاي زين ازيك انا ببتلك السلام مع رامي اخويا علطول اوعي تقول مش بيوصلك
زين وهو بيبص لفتون انا الحمد لله تمام واه طبعا رامي بيقولي هو يقدر ميوصليش سلامك برضه هو في حاجة ولا ايه
هايدي بحزن لا مفيش ده سوء تفاهم اصل الانسة فتون افتكرتها انت عارف انها مختفية من سنة بس اټصدمت لما لقيتها بتقولي انها واحدة تانية مش هي
فتون تنحت اول ما هايدي قالت كدة وبعدين عنيها دمعت وكان متابعها زين باستغراب
زين بهدوء اكيد ممكن تكون تشابه مش اكتر احيانا بتحصل
فتون بتهرب ايوة هو كدة بعد اذنكم بقي
سابتهم فتون وجريت وكان متابعها زين باستغراب
هايدي باصرار معقولة يا زين في حد يكون شبه حد بالملي حتي في لون الشعر والعيون انا فرحت وقولت اني اخيرا لقيتها
زين بغموض انا فاكر رامي كان قالي علي اختك روان وانها اختفت فجأة
هايدي بتلقائية ايوة كانت نازلة تروح الچيم بتاعها زي كل يوم ومرجعتش دورنا في كل حتة ومفيش فايدة ماما كمان حالتها صعبة اوي من وقتها
زين باستغراب طب معاكي صورة لاختك
هايدي بثقة وهي بتفتح فونها
اټصدم زين لانها نفس شكل فتون بالملي وسرح وهو بيفتكر توتر فتون وحزنها
حنان بسخرية اهلا يا هانم كل ده بتجيبي كوبايتين شاي ايه كنتي بتعمليهم بنفسك
فتون بهدوء معلش يا خالتي بس كان زحمة فاتأخرت
معتز بعتاب ما خلاص يا ماما مش كفايا انها نازلة بنفسها تجيب الشاي وانها تعبانة معايا من بدري
حنان پغضب بقي هي تعبانة معاك يا معتز طب وامك ده انت حتي مفكرتش تقولي تسلم ايديكي عالشنطة اللي لمېتها
معتز بيأس لا ازاي برضه يا حبيبتي
تسلم ايديكي
حنان بصت لفتون بغيظ ودورت وشها وفي نفس الوقت دخل زين
زين بابتسامة بطلنا عامل ايه انهارده
يارب تكون احسن
معتز بامتنان
ربنا بباركلك يا دكتور والله انا بقيت كويس الحمد لله بفضل ربنا وتعبك معايا
زين بابتسامة تعب ايه يا راجل ده واجبي متقولش كدة بصراحة اللي تعبت معاك هي الانسة فتون
فتون بجدية متشكرة لحضرتك يا دكتور وبالمناسبة اتفضل
زين باستغراب ايه الظرف ده
فتون بجدية دي الفلوس اللي حضرتك دفعتها في المستشفي احنا متشكرين اوي لتعبك معانا بس خلاص احنا اتصرفنا
زين برفض تقدري تديهم لمعتز دول هدية مني ليه لكن انا مش هاخدهم
محمود بشكر والله حضرتك بتحرجنا بزوقك معانا يابني
زين بتلقائية احرجكم ايه بس يا عم محمود هو انا مش زي معتز ولا ايه
حنان بفرحة طبعا يابني هو احنا طول ان انت تبقي ابننا
زين بهدوء متنساش تاخد علاجك كله يا معتز ولو في اي حاجة كلمني علطول يلا بعد اذنكم
زين رمي نظرة اخيرة لفتون اللي بصت في الارض باحراج وتوتر
حنان پغضب يلا يا سنيورة شيلي الشنطة عشان نمشي ولا عاجبتك الوقفة
فتون بتنهيدة حاضر
يا
بعد كام يوم كانت واقفة فتون سرحانة وهي بعمل الاكل
متابعة القراءة
