اسكربت بنات ناس بقلم اسراء ابراهيم

اختها في شنطة وبعدين قربت منها وهي نايمه
نيرة بهمس مكة قومي يلا يا مكة اصحي
مكة بنوم في ايه يا نيرة انتي ايه اللي مصحيكي دلوقتي وايه الشنطة دي
نيرة بهمس يلا هنمشي من هنا يلا قبل ما يصحي حد ويشوفنا
مكة بسرعة وهي بتتعدل انتي بتقولي ايه هنهرب من هنا طب ليه قررتي كدة فجأة فهميني
نيرة بضيق مش وقته اسأله يا مكة بعدين نتكلم المهم نمشي دلوقتي يلا زمان الامن بيتوضو عشان الصلاه يعني مفيش قدامنا غير دقايق
مكة بخوف بس انتي قولتي ان برة اسوأ من هنا انا خايفة
نيرة بدموع متخافيش طول منا جمبك مش هخلي اي حد يأذيكي فاهمة
مكة بخوف فاهمة
نيرة بابتسامة كدابة يلا يا حبيبتي يلا بسرعة
كانت مكة ونيرة وبيجرو هما الاتنين بسرعة بعد ما قدرو انهم يهربو من المدرسة لحد ما بعدو خالص ووقتها وقفو ياخدو نفسهم وكانت نيرة عقلها مشغول وبتبص حواليها بقلق وبتفكر هيروحو فين
مكة بخوف نيرة احنا هنروح فين هنفضل في الشارع
نيرة بدموع لا متخافيش هنشوف اي مكان نبات فيه
مكة بقلق بس احنا مش معانا فلوس ولا اي حاجة
نيرة وهي بتطلع فلوس من جيبها لا معانا يا مكة متخافيش
مكة بصدمة انتي جبتي الفلوس دي منين فهميني دلوقتي وليه صممتي اننا نهرب بعد ما كنتي رافضة الفكرة
نيرة بدموع كانت عاوزاني اسرق سلسلة مريم يا مكة ومقدرتش اعمل كدة فكان لازم نمشي بس لازم برضه يكون معانا فلوس عشان في الشارع محدش هيرحمنا
مكة بصدمة انتي سرقتي الفلوس دي من خلود
نيرة بسرعة لا يا مكة مسرقتهاش دي اجري علي تعبي طول الشهور اللي كانت بتخليني اشتغل بيها عندها خدامة انا اخدت حقي يا مكة
مكة بحزن و خلاص متعيطيش هي اصلا تستاهل بس هنعمل ايه دلوقتي
نيرة بخوف وهي بتبص حواليها هنقعد في اي مكان للصبح كلها ساعتين والنهار يطلع بصي في هناك تحت الكوبري ده مكان تعالي نقعد هناك
راحت مكة ونيرة تحت الكوبري بس اتفاجأو بكذا حد نايم هناك ولما شافوهم كانو فخافت نيرة و وخدتها ومشيت كتير اوي
مكة بتعب نيرة انا تعبت اوي خلاص مش قادرة وجعانة وعاوزة انام كمان
نيرة بحزن معلش استحملي شوية بصي تعالي نروح في فندق هناك اهو يلا هنأجر اوضة للصبح
كانو لسة هيروحو بس سمعو صوت راجل من وراهم يا انسات معلش بس انا سمعتكم بالصدفة يعني فقولت افيدكم واضح انكم مش لقين مكان تباتو فيه فحبيت اقولكم ان ده فيه بالف جنيه ومعتقدش انكم معاكم المبلغ ده
نيرة بتردد انت متأكد طب هنروح نسأل ونشوف
الراجل بثقة والله براحتكم انا كنت معدي وسمعتكم بالصدفة ومش هفضل واقف كتير لو محتاجين مكان ويكون سعره حنين عندي مكان كويس ومش بعيد عن هنا 
كانت واقفة نيرة ومكة بعض والراجل واقف قدام بيت قديم شوية وبيخبط وشوية 
اجيب اي حاجة ناكلها ماشي انتي اكيد جعانة
مكة بسرعة اه والله انا جعانة اوي
نيرة بحب خلاص نامي انتي شوية وانا مش هتأخر بس اهم حاجة اقفلي علي نفسك بعد ما اخرج عشان ابقي مطمنة فاهمة
مكة بابتسامة حاضر يا حبيبتي متخافيش
ابتسمت نيرة بحب وخرجت من الأوضة وهي بتحسب هتجيب اكل ايه وهيتبقي معاها فلوس ايه بس فجأة وقفت مكانها عالسلم بصدمة بعد ما سمعت 
جواهر بسخرية انا نشوف ياختي بصرف علي اكلك وشربك  
مكة بفضول ايه انتي رجعتي تاني ليه انتي لحقتي
نيرة بهمس بسرعة لمي حاجتنا ويلا من هنا بسرعة يلا
مكة بقلق وهي بتجيب شنطتهم في ايه فهميني طيب الاول 
نيرة بخوف خليكي ورايا وحاولي متطلعيش صوت يلا 
نيرة بتهتهة اصل احنا جوعنا ولازم يعني نجيب اكل صحيح هو مفيش مفتاح للبيت جواهر بابتسامة طبعا فيه بس مش هتحتاجيه اصل انا علطول هنا فبفتح لو اي حد خبط اما بالنسبة للاكل فانتو متتعبوش نفسيكم عندنا فاروق بيجيب لينا كل طلباتنا من برة 
مكة قلبها اتقبض وبصت لنيرة بخوف بس نيرة حاولت تكون طبيعية فردت بهدوء لا معلش اصل احنا لسة مش عارفين هناكل ايه فهنشوف كدة ونتمشي شوية لو ممكن بس حد يودي الشنطة بتاعتنا الاوضة لحد ما نرجع احسن نسينا وخدناها معانا تاني
جواهر بابتسامة طبعا يا حبيبتي انتو بس متتأخروش
نيرة بسرعة وهي بتخرج لا متقلقيش خالص مش هنتأخر يلا يا مكة
خرجو الاتنين من البيت ووقتها بقو يجرو بسرعة من غير حتي ما يبصو وراهم وكانت نيرة دموعها بتنزل وهي بتجري وصعبان عليها حالتهم واللي هما وصلوله فصلو يجرو لحد ما لقو مكان فاضي جمب محل مقفول فقعدو فيه ياخدو نفسهم ومن غير ما يحسو نامو من التعب
يا بنتي انتي وهي اصحو انتو ايه اللي منيمكم هنا
فاقت نيرة بخضة علي صوت طه الراجل الكبير اللي كان واقف قدامهم واتفاجأت ان النهار طلع
نيرة بسرعة وهي بتقوم احنا اسفين هنمشي اهو
طه بابتسامة استني يا بنتي فهميني ليه نايمين في الشارع كدة وانتو لوحديكم
نيرة بحزن النصيب يا حج احنا هنمسي ومعلش لو نمنا قدام الدكان بتاعك
طه ببشاشة انتي مستعجلة ليه مش جايز ربنا بعتكم ليا استنو. بس افتح الدكان واحكولي حكايتكم
مكة بخوف واندفاع لا يا نيرة احسن 
طه بابتسامة ماشي يا بنتي انا مسامحك بس صوابعك مش زي بعضيها عموما انا مش هضايقكم لو عاوزين تمشو براحتكم ولو حابين مساعدتي انا مكاني هنا مفتوح ليكم
بصتله نيرة بتردد احنا اسفين بس مرينا بحجات كتير وحشة ومبقاش عندنا ثقة في حد
طه بحنان ولا يهمك يا بنتي انا مقدر ومتقلقوش انا عندي بنات قدكم فعمري ما افكر اذيكم انا بس تخيلت لو هما مكانكم اكيد هتمني الاقي اللي يقف جمبهم
نيرة براحة ربنا يباركلك يا حج واسفين لو فهمناك غلط
طه وهو بيفتح المحل تعالو بس يلا وفهوني ايه حكايتكم بالظبط
في شقة فخمة كانت قاعدة نيفين وتبقي مرات عزت ابو نيرة ومكة
عزت بصدمة يعني اكبر دماغي بقولك سابو المدرسة وطفشو هربو يعني 
نيفين ببرود طب وايه يعني وبعدين انت خايف عليهم اوي ما يستاهلو اللي حصلهم عشان يبقو يمشو ورا دماغهم تاني 
عزت بغضب بقولك ايه يا نيفين انا مش ناقصك مش كفايا سمعت كلامك 
نيفين باستغراب يوه في ايه يا عزت سرحت في ايه
عزت بجدية وهو بيقوم سرحت في حياتي اللي كنت اناني 
قال عزت كلامه وساب نيفين ومشي وهي كانت متابعاه بضيق وبعدين نظرتها اتقلبت لشماتة
طه بابتسامة طيب بعد اللي قولتهولي ده كله انا لازم اتصرف ومسبكوش تباتو في الشارع يمكن لعل وعسي تكون دي حسنتي في الدنيا يلا بينا يا بنات
نيرة بقلق ممكن اعرف هنروح فين
طه ببشاشة متخافيش يا بنتي انا زي ابوكي وبعدين انا عندي بنات قديكم يلا هعرفكم عليهم واهو بالمرة تونسوها احسن عزيزة دي الكبيرة بتاعتي ورغم ان عندها اختها مريم الصغيرة بس دايما تحسيها وحدانية اكمنها كبيرة عن اختها بيجي سبع سنين
مكة بتردد طيب هو انت ساكن بعيد 
يا عمو
طه بابتسامة لا متقلقوش انا البيت بتاعي قريب من هنا اصلي مش حمل مشوار وانا راجل عجوز
نيرة ارتاحت لعم طه وبصت لمكة بتشجيع وفعلا مشيو معاه معداش كتير ووصلو البيت واول ما دخل طه نادي بصوته علي عزيزة وكانت نيرة ومكة داخلين معاه بتردد
طه بابتسامة اتفضلو يا بنات متقلقوش تعالي يا عزيزة سلمي علي الضيوف
طلعت عزيزة من المطبخ وهي علي وشها ابتسامة جميلة اهلا وسهلا اتفضلو هما مين دول يا بابا زباين المحل
طه بابتسامة لا يا بنتي دول بنتين غلابة الدنيا جت عليهم يلا خديهم معاكي خليهم يغيرو ويرتاحو علي ما تعمليلنا غدا حلو زيك
عزيزة بابتسامة حاضر 
اتفضلو معايا
.دخلت عزيزة اوضتها ونيرة ومكة وراها بتردد واحراج حسيته عزيزة فاتكلمت بابتسامة انتو نورتونا علي فكرة بابا مش بيجيب اي حد هنا البيت ابدا بس معني انه جابكم هنا يعني بيحبكم ومستريح ليكم
نيرة بابتسامة حزينة باباكي راجل طيب اوي احنا صعبنا عليه اكمننا كنا قاعدين في الشارع وعشان كدة جابنا هنا
عزيزة بتردد انتو تنورو والله بس يعني انا هقولكم علي حاجة بابا راجل طيب فعلا وغلبان فلو نيتكم وحشة فياريت تفارقونا لكن لو نيتكم خير والله اشيلكم علي راسي
مكة بصت لنيرة بحزن ونيرة بادلتها النظرة بحزن برضه
ووقتها صعبو عليهم نفسهم لان عزيزة افتكرتهم حرامية
نيرة بحزن صدقيني احنا مش كدة هي بس الظروف اللي رمتنا في الشارع وخلتنا بالشكل ده لكن احنا ولاد ناس
عزيزة بندم انا اسفة انا بس خايفة علي بابا اوي
مكة بانفعال واحنا مين يخاف علينا احنا اتمرمطنا قوي وشوفنا حجات انتي عمرك ما تتخيليها عشان عندك اب بيخاف عليكي ومخليكي حاسة بالامان وانتي اهم حد في حياته 
عزيزة بشفقة طيب اهدي انا اسفة انا مقصدش والله انا