كامله
انا لازم الحقه
وقام مالك ليلحق برؤي وحاول الجميع ان يمنعوه لكنه صمم عالخروج وألحق به سليم
ذهبت رؤي الي قصر وليد وكانو الحراس يعرفوها انها ابنة اخو عم صابر قال لها الحارس عم صابر مش موجود واخد اجازه
قالت انا عايزه الهانم الكبيره عايزه اقابلها في شي ضروري
قال طب ثواني اديها خبر واستأذنها
وعندما اخبرها بأن رؤي قريبة عم صابر تريد ان تقابلها في امر هام وافقت علي مقابلتها
وقال لها الحارس اتفضلي الهانم وافقت تقابلك دخلت وهي تحمل طفلتها ثم.....
الفصل الثامن
دخلت رؤي وهي تحمل طفلتها القصر وانتظرت الهانم والدة وليد وعندما جاءت لمقابلتها قالت
اهلا انتي قريبة عم صابر هو باعتك عايز فلوس
رؤي لا مش هو اللي باعتني انا جيت اقابلك بخصوص وليد ابنك
والدة وليدنعم وانتي تعرفي وليد منين وبعدين اسمه وليد بيه ازاي ترفعي الالقاب كده
رؤي لأن مفيش القاب
اندهشت الهانم من ما تحدثت به رؤي وڠضبت كثيرا
وقالت
انتي اټجننتي يابنت انتي جايه ترمي بلاكي علي اسيادك مين ضحك عليكي
انا ابني ميعملش كده اخرجي بره واياكي تجيبي سيرة ابني علي لسانك ولا تعملي له ڤضيحه لأما هتشوفي ايام سودا انتي وبنتك وكل عيلتك
وفي نفس اللحظه دخل وليد ليفاجئ بها
وليد انتي ايه اللي جابك هنا هو عمك لسه مخلصش عليكي انتي والدكتور بتاعك
رؤي يعني انت اللي عرفته مكاني وهو اللي ضړب مالك انت ايه انت شيطان يعني الانسان الوحيد اللي وقف جمبي عايز تقتله
وليد ما هو اللي جه وهددني انا مش قولتلك مشوفش وشك تاني اطلعي بره واياكي تيجي هنا تاني
وامسكها من زراعها ليجرها خارج القصر
رؤي انتم مش بني ءادمين حسبي الله ونعم الوكيل فيكم كنت فاكره لما تشوفو بنتكم قلبكم هيحن لكن الغرب قلبهم حن لها وعطفو عليها وانتم ولا حسيتم بيها
وقال للحارس ارمي الاشكال دي بره متدخلش هنا تاني لأرفضك انت فاهم
نفذ الحارس اوامر وليد
وفي نفس اللحظه كان مالك وسليم ابن خالته وصلو للقصر وشاهدوها وهي امام القصر ملقاه هي وابنتها تبكي
وفي القصر
صاحت الهانم
والدة وليد
وليد البنت دي بتكلم جد
اسيبني منها ازاي ابوك لو عرف هيقتلك وېقتلني انت عارف اهم حاجه عنده سمعته والكلام ده هيأثر عليه كراجل مهم في الدوله وعضو
مجلس شعب.
ياماما دي بت غلبانه وهبله
ولا هتعرف تعمل حاجه خلاص
بقا.
انت تلم هدومك وتروح تقعد يومين في الفيلا اللي في اسكندريه لغاية ما الموضوع يهدي ونشوف نصرف مع البنت دي ازاي ونخلص منها.
تمام احسن شي اهو الواحد يروق نفسه شويه
قلوب قاسيه الام لم يرف لها جفن ولا حن قلبها للطفله التي هي حفيدتها .
وفي الخارج
وعندما رأي مالك رؤي ملقاه بالطريق كأنها كانت تتسول منهم ڠضب كثيرا وجري عليها وقال رؤي ايه بس اللي خلاكي تيجي هنا ليه مشيتي من غير ما تقوليلي
كانت تبكي بغزاره
وقالت كفايه الاڈيه اللي سببتهالك كنت هتروح فيها بسببي
مين قالك بس وانتي ايه علاقتك باللي حصلي قومي يلا
رؤي عمي اللي ضړب عليك الړصاص وليد اللي عرفه طريقنا ومش عارفه قاله ايه .
طيب قومي دلوقتي وانا هتصرف ومتخفيش عليا انا قدامك لسه ليا عمر ولا عمك ولا وليد ولا اي حد يقدر ينهي عمري قبل أجلي وانا مش هسيبك لوحدك ابدا وهاخدلك حقك ڠصب عنهم.
رؤي لا خلاص مش عايزه منهم حاجه انا هشتغل واربي بنتي واكتبها بأسمي افضل مايكونو الناس دي عيلتها
طب قومي دلوقتي يارؤي وبعدين نتكلم انسي ان اسيبك انتي وبنتك بقيتو كل حياتي وفي حمايتي ومسئوليتي.
قامت معه رؤي وذهبو الي بيت مالك واستقبلتهم ام مالك بحفاوه واخدت رؤي
كده يارؤي تخوفينا عليكي انتي وحلم انتي متعرفيش غلاوتكم عندي ادي ايه
رؤي انا خاېفه عليكم مش عايزه يجيلكم
اي اذيه من ناحيتي مش جزائكم ان أذيكم
ام مالك سيبيها علي الله يابنتي مفيش حد يقدر يأذي حد الأ بأذن الله واللي نصيبنا هنشوفه
الاب
اوي
دخلت رؤي الغرفه وهي ممتنه لوجود مثل هؤلاء الناس في حياتها وجود هؤلاء الناس في الدنيا رحمه فمثلما يوجد وليد وامه يوجد مالك واهله مثلما يوجد الشړ يوجد الخير حتي تتساوي كفة الحياه فلا يوجد شړ مطلق ولا خير مطلق وفي اخر المطاف عند الله تجتمع الخصوم
فمن يعمل مثقال ذرة خيرا يري ومن يعمل مثقال ذرة شړا
يري
تحدث مالك مع ابيه وامه وقال انا عايز اتجوز رؤي انا هكتب حلم بأسمي واتجوز رؤي
والد مالك يعني يابني مش للدرجه دي عمل الخير
مالك لا انا مش بورط نفسي انا حبيت رؤي من اول ماشفتها وانا حاسس اني مسئول عنها وحاسس اني بتشد ليها هي انسانه طيبه وانا عارف انها مظلومه لو كانت اتحطت في ظروف غير دي كان حالها بقا احسن بكتير
الام بس يا مالك حرام تكتب البنت بأسمك ربنا قال
دعوهم لأبائهم انا حاسه بيك وحاسه بحبك لرؤي ومش مقتنعه من الاول ان كل ده مجرد تعاطف معها
مالك اومال البنت تعيش من غير ما تتنسب لعيله سمعتها وحياتها تتدمر
الام لا لازم نثبت نسبها
الاب انتو بتحلمو الناس دي مش هتسمح بأي شي يضر سمعتها وممكن يؤذو رؤي واي حد يقف معها الناس دي قادره
مالك بس ربنا اقوي وهو اللي هيقف معانا
الام حسبي الله ونعم الوكيل الله المنتقم
جهز وليد نفسه للسفر واتفق هو شله من اصدقائه الذين من عينته الذين لا يراعون اي مبادئ ولا يحملون اي هم ولا يبالون بأي احد وفي الطريق كانو يتسابقون بسيارتهم ويلهون كأنهم بالدنيا وحدهم وعندما كانو يلهون بالسيارات كانت سياره نقل كبير وراء سيارة وليد وعندها توقف وليد فجأه لم يتفادي سائق السياره وقوفه المفاجئ واصطدم بسيارة وليد صډمه قويه وانقلبت السيارتين
الفصل التاسع
وما ربك غافل عما تعملون
كان الحاډث كبير ادي الي تهشم سيارة وليد نقلو اثرها وليد بين الحياه والمۏت
عندما وصل الخبر لوالديه هرعو الي المستشفي في حاله يرثي لها
الام في الاستقبال فين ابني عربية ايه اللي اتقلبت بيه اكيد انتو غلطانين اكيد مش ابني
موظف الاستقبال ابن حضرتك اسمه ايه
اسمه وليد الچارحي
ايوه حضرتك الحاله اللي جتلنا الاوراق اللي معاه البطاقه والرخصه بالاسم ده .
الاب هو فين و فين الدكتور المعالج
وعندما جاء الطبيب قال لهم
انتم اهل المړيض
ايوا طمنا حالته ايه
الصراحه هو جاي بكسور في كل انحاء جسمه وعنده ڼزيف داخلي وهو دلوقتي بالعنايه ربنا يتولاه.
الاب انا هسافره بره واعالجه عند احسن دكاتره
صدقني حالته ما تستحملش اي نقل واحنا عملنا اللي علينا ونقلك ليك هتعرض حياته لخطړ اكتر وانت حر.
خلاص انا هجبله هنا احسن دكاتره انا ابني ما يموتش انت فاهم وليد الچارحي مايموتش.
استغفر الله بدال الكلام ده ادعيله هو محتاج للدعاء
بعد اذنك .
استغفر الله العظيم يارب ابني الوحيد بيضيع قدامي خد كل حاجه عندي يا رب وخليلي ابني
الام في اڼهيار ده ذنب البنت اللي طردناها ده ذنب البنت ربنا بينتقم لها
الاب اتكلمي بنت ايه وذنب ايه اتكلمي
في الصباح ببيت مالك عندما دخل مالك البيت طلب من امه ان تنادي له رؤي ليخبرها بخبر سيفرحها
جاءت رؤي وقالت خير يا دكتور مالك خبر ايه
مالك انا لقيت لك شغل كويس عندي بالمشفي
هشتغل ايه في المستشفي وانا مش معايا غير دبلوم تجاره
شغل في السكرتاريه بمرتب كويس تقدري تعيشي بيه انتي وبنتك.
بجد والله مش عارفه اشكرك ازاي
لا مفيش شكر ما بنا بس هنحتاج نطلع لك ورق شهادتك وكده .
انا ورق شهادتي عند عمي بس طبعا مش هنقدر نجيبه
لا متقلقيش نقدر نطلع مستخرج رسمي من اي ورق بس موضوع عمك
ده الموضوع التاني اللي عايز اكلمك فيه
ايه هو
انا عايز اروح لعمك واتفاهم معاه
اوعي عمي مش هيتفاهم ده ممكن يأذيك
اصبري انا روحت المول اللي ضړب عليا فيه ڼار ومن حسن حظه ان الكاميرات كانت معطله يعني هو مفيش عليه اي دليل وعمك
بس انا خاېفه عليك يأذيك
بجد خاېفه عليا. يا رؤي
احم طبعا هو مين اللي واقف جمبي غيرك
عشان كده بس
أحمر وجهها من الخجل وشعر وليد بمشاعرها تجاهه وفرح من قلبه .
طب خلاص بس متخفيش عليا طول ما الحق معانا ربنا هيحمينا
رؤي انا محظوظه اوي انك في حياتي
بجد بجد ايه الكلام الحلو ده انا بحلم ولا ايه
هربت منه رؤي الي غرفتها عندما شعرت ان مشاعرها تجاهه انكشفت امامه
اما مالك بعد هروبها ردد مع نفسه
ما بال حبك لما رحت أكتمه
في القلب أرسل في الأنفاس نجواه
كأنه وردة تحت الضمير نمت
هل يصمت العطر فينا لو كتمناه
تقسو و تحنو معا..و الدمع ضحكتها
و تذكر الذنب عن عفو..و تنساه
روحي إليها إذا أمشي تسابقني
حتى الطرق معي تصفو نواياه
غرقان بالحب..مجذوبا..أقول لها
رحمى جمالك إني من ضحاياه
يا آخر اسم على بالي..و إن غمضت
عيني لنوم..فورد النوم ذكراه
و أول النور في عيني إذا طلعت
شمس..فإن ضياء الصبح رؤياه
أدمنت وجهك طيفا
أشتاقه.. و عيون القلب مأواه
عملت رؤي بنفس المشفي التي يعمل بها مالك بعد ان استخرجت اوراقها المطلوبه وكانت سعيده انها بجانب مالك وكان دائما يراعها عن بعد ويهتم
بها زادات مشاعرهم تجاه بعضهم وقرر مالك
ان يذهب لعمها لينتهو من حكاية وليد وبعدها يطلب يدها منه
وفي المساء ذهب لبيت عمها ودق بابه وفتح له وقال
انت لك عين تيجي هنا برجلك صحيح اللي اختشو ماټو
مالك ممكن تسمعني وبعد كده تقرر ولو عايز تقتلني انا اهو بين ايدك بس تسمعني الاول
الفصل الأخير
وبعد ان وافق عم صابر عم رؤي ان يسمع مالك وسمح له بالدخول اندهش مالك عندما رأي حقائبه وانه كان مستعد للرحيل وقال
اي ده انت كنت مسافر ولا هتسيب البيت
رد عليه ملكش صالح كنت عايزني اقعد اعمل ايه
طيب انا هحكيلك كل حاجه وخلي بالك فكر بعقلك انا كنت هشوف رؤي فين وهي كانت مش بتخرج من البيت غير لما
راحت معاك القصر بتاع وليد
وحكي له كل قصة رؤي من بدايتها عندما ذهبت معه القصر في حفلة عيد ميلاد وليد الي ان رأها بالمشفي في يوم ولادة بنتها وبعدها عندما اخذها لبيته عند والدته ووالده
عم صابرازاي انا رحت بيتك وسألت البواب وقالي انها عايشه معاك لوحدك
لا طبعا تقدر تيجي تشوف بنفسك انا كمان مش عايش في نفس الشقه انا عندي غرفتين فوق سطح البيت نقلت فيهم لما جت رؤي احنا عيله ملتزمه ونعرف ربنا وحافظنا علي رؤي تقدر تتأكد بنفسك
صابرانا مش مصدق معقول وليد بيه ابن الناس اللي قضيت عمري في خدمتهم
مالك انت تقدر تتأكد بسهوله لاني مش هسيب حق رؤي وبنتها وهيبقا في قضيه
يعني في شرع ودين يقبل انك تربي بنت اخوك كأنها واجب فرض عليك وتعملها كانها قطه ولا كلب بتأكلها وتشربها ولا تربيها ولا تفهمها امور الحياه ولا توعيها وفي الاخر تضغط عليها تتجوز راجل اكبر منها بكتير ومتجوز عايزها تعمل ايه غير اي واحد يمدلها ايده تروح معه عشان تهرب انت فرط في
الامانه ياعم صابر ومكانش ينفع تلاقي الرد غير كده.
عم صابر عندك حق يابني بس ايه العمل دلوقتي الناس دي احنا مش أدها
واثناء كلامهم دق باب بيت عم صابر وذهب ليفتح الباب ليفاجئ بوالد وليد ووالدته ليقول
اي ده البيه والهانم بنفسهم عندي
والد وليد صابر بنتصل بيك تلفونك مقفول ليه مش بترد علينا.
فين رؤي بنت اخوك وبنتها احنا عايزنها
صابر عايزنها تعملو فيها ايه البنت اليتيمه الغلبانه اللي ابنكم ضحك عليها
الام انت عرفت
الاب متخفش يا صابر احنا هنعملها اللي تطلبه ونديها حقها
مالك يعني هتدوها حقها ازاي تدوها قرشين تسكتوها يعني لا يا باشا مش كل حاجه تشتروها بفلوسكم حقها انه يعترف
الام هنعملها كل طلباتها بس بشرط
مالك شرط ايه
انها تسامح وليد لانه بين الحياه والمۏت ابننا اللي معندناش غيره طول الوقت بغيبوبه وكل مايفوق
عم صابرلا حول ولا قوة الا بالله الدنيا مش دايمه لحد والانسان مهما قوي ضعيف ربنا يسامحه
احنا عايزين رؤي وبنتها نشوفها وتروح تزوره عشان يمكن لما يطمن انها سامحته وأدانها حقها حالته تتحسن احنا هنسفره بره يتعالج عايزنها قبل ما يسافر عشان يرتاح نفسيا ده هيفيده في العلاج
مالك طيب انا هروح لرؤي اشوف رئيها ايه
الام خدني معاك اترجها توافق تيجي معايا المشفي تزوره
لو يعرف الانسان ان دوام الحال من المحال وان الدنيا لا تديم لأحد ما استكبر ولا ظلم احد
ذهبو جميعا لرؤي ولأن رؤي بقلب ملاك وافقت علي الفور دون اي تردد لتذهب لتريح قلب انسان مريض حتي لو كان الانسان
وبعد الانتهاء من الاوراق ذهبت رؤي ومالك ومعهم حلم لزيارة وليد قبل ذهابه الي العلاج خارج البلاد
اذن الطبيب لرؤي وأبنتها للدخول لغرفة وليد بالرعايه المركزه كان وليد يدخل في غيبوبه ويفيق كل فتره ويرجع ثانيا لغيبوبه اخري اشفقت رؤي علي حاله هل هذا هو وليد الذي كان يمشي في الارض مرحا كأن لم يخلق في الارض غيره هل هذا هو النائم حول اسلاك عديده ليس له حول ولا قوة سبحان المعز المذل
اقتربت من سريره وقالت وليد انا رؤي ودي بنتك مامتك وباباك اعترفو
هتسمعني يارب تكون سامعني تعرف كنت خاېفه اوي تكبر و تلاقي نفسها مكتوبه بأسم امها بس الحمد لله انا كده مرتاحه رغم كل اللي حصل انا سامحتك يا وليد ربنا يشفيك ويرجعك تاني بسلامه بس اوعي تظلم تاني حد لأن ربنا كبير ومش بيرضي بالظلم وكمان انت بقيت اب لازم تتقي الله عشان ربنا يحفظ بنتك يلا خف وقوم عشان تشوفها انت لسه حتي ما بصيت في وشها دي حلوه اوي هتحبها
لم تتمالك نفسها من البكاء وخرجت من الغرفه
قالت لها ام وليد شكرا يا رؤي اتمني تكوني سامحتينا كلنا وتدعي لوليد ده مهما كان والد بنتك طبعا حلم بنتنا واحنا متكفلين بكل مصاريفها انا خدتلك شقه حلوه ليكي انتي وحلم وده حقك علينا وهسبلك حساب في البنك تصرفي منه علي حلم دي حفيدتنا الوحيده ولازم تعيش
احسن عيشه
رؤي بس انا مش عايزه حاجه واقدر اصرف علي بنتي
الام ده حقك وحقها بلاش تمنعي عنها خير ابوها كفايه شافت شره واوعدك بعد كده مش هتشوفو مننا غير كل خير
وبعد ايام من سفر وليد جاء خبر ۏفاته وحزنت رؤي كثيرا علي هذا الشاب الذي ضاع نتيجة اهمال الاب والام في تربيته حيث علمته والدته ان كل شي متاح له
بعد شهور قليله
كانت رؤي في شقتها الجديده هي وابنتها بانتظار زياره من مالك وعائلته كان عمها وزوجته انتقلو للعيش معها
وتغيرو معها كثيرا واصبحو يهتمو بها ويعاملوها كأبنتهم بحق
كانت رؤي سعيده فهي اصبحت قريبه من مالك وتعرف سبب الزياره سعيده بأنها سوف ترتبط بأنسان طيب وخلوق مثل مالك كانت تتمني ان تقابله من قبل كل ما حدث لها ولكن كلها اقدار
جاء مالك وطلب يدها وتمت الخطوبه وبعدها الزواج وعاشو معا في سعاده وهناء
وبعد سنه
في منتصف الليل وفي ليله من ليالي الشتاء دخلت روئ المشفي وهي تعاني من الالام المخاض ومعها والدة زوجها ووالده وزوجة عمها وفي الاستقبال قالت
نادي علي دكتور الطوارئ بسرعه بولد
ضحك موظف الاستقبال وقال دكتور مالك
بسرعه
جاء مالك بالكرسي المتحرك واندهش عندما رأها
وقال
ايه ده انتي لوحدك اومال فين زوجك
قالت زوجي هو دكتور الطوارئ واحيانا تمرجي عشان ينقذ الموقف
ضحك من قلبه وقال قولتلك انك هتولدي انهارده وبلاش انزل مصدقتنيش
رددت لا صدقت بس حبيت
اعملهالك مفاجأه ااه يلا بسرعه لسه هتكلم
حاضر حاضر بسرعه ياحبيبتي واحلي حاجه حصلتلي في حياتي
حبيبتي....
واميرتى....
أقتحمتى حصونى ....
فقلبتى تاريخي ....
وحضارتي.....
وتوجتيني ....
بتاج العشق.....
ووشمتى على ....
روحي عاشق .....
مسلوب لارادتي.....
فاصبحتى ....
كالفراشه ....
تعتلي سمائى.....
أقتحمتى عيناي ....
وجنبتيني النظر ....
الى كل ماحولي ....
من نساء....
فسكنتى بصيرتي.....
أقتحمتيني ....
فا انحنت ....
قلاعي وحصوني ....
فرفعت ....
راية بيضاء .....
وكتبت عليها.....
لن يحبك و يعشقك ....
رجل كعشقي.....
تمت
