فنجان قهوه

خفيفة ظهرت بنيتوها؟ ولا أنا اللي بنيتها وإنتو كنتوا بتاكلوا على الجاهز؟
وسحبت ملف تاني من الشنطة رميته على الترابيزة قدامهم.
دي كشوف الحسابات ودي التحويلات ودي الديون اللي كنتوا مخبيينها ودي كمان
وقفت لحظة وبصيت لحازم في عينه مباشرة
العقود اللي كنت ناوي تبيع بيها الشركة من ورا ضهري.
وشه اتشل.
صافي رجعت خطوة لورا أنا أنا مليش دعوة أنا كنت فاكرة
بصيت لها بنظرة جامدة وإنتي فعلاً مالكيش دعوة إنتي مجرد صفقة زيك زي الكراسي دي.
ضحكة خفيفة طلعت من واحد من الوفد الألماني، والباقي بدأوا يهمسوا ببعض بس المرة دي مش سخرية مني.
إعجاب.
المحامي كمل طبقاً للعقود، أي محاولة لبيع الأسهم بدون موافقة المالكة الأساسية تُعتبر خيانة تعاقدية ويترتب عليها سحب كل الصلاحيات فوراً.
بصيت لحازم وقلت بهدوء قاتل يعني من الآخر إنت انتهيت.
الحاجة روحية قعدت على الكرسي وهي بترتعش إحنا هنروح فين؟!
قربت منها بس المرة دي مكنتش قاسية.
كنت باردة.
نفس المكان اللي كنتوا عايزيني أروحه.
وسكتت لحظة وبعدين كملت الشارع.
بعد ساعتين
الوفد الألماني مضى.
500 مليون دخلوا حساب الشركة.
ومجموعة الشناوي بقت رسميًا تحت إدارتي.
السكرتيرة خبطت على باب المكتب يا فندم في حد بره عايز يقابل حضرتك.
مين؟
أستاذ حازم ووالدته.
ابتسمت ابتسامة خفيفة خليهم يدخلوا.
دخلوا
بس مش نفس الناس.
حازم مكسور.
الحاجة روحية ساكتة.
حتى صوتهم اتغير.
قال بهدوء نور إحنا غلطنا.
ما رديتش.
كمل أنا عارف إن مفيش مبرر بس الشركة دي حياتي
رفعت عيني من الورق لأول مرة وأنا كنت إيه؟
سكت.
جاوبت أنا كنت فضيحة صح؟
الحاجة روحية بدأت تعيط سامحينا يا بنتي إحنا اتغرينا
بصيت لها ثواني
ثواني بس
كأن سنين عدت.
وبعدين قفلت الملف قدامي.
أنا مش بشتري ناس ولا ببيع كرامتي.
وقفت ولفيت الكرسي ناحيتهم
بس أنا كمان مش زيكم.
حازم رفع عينه بأمل يعني إيه؟
ابتسمت بس المرة دي ابتسامة حقيقية خفيفة
يعني هديك فرصة تشتغل.
اتصدم.
مدير فرع في أسوان.
إيه؟!
مرتب عادي وسكن بسيط ولو أثبت نفسك ممكن تكبر.
الحاجة روحية قالت بسرعة وأنا؟
بصيت لها هتعيشي معاه يمكن تتعلمي يعني إيه تبدأي من الأول.
سكتوا
مش مصدقين.
حازم قال بصوت مكسور و إحنا بالنسبة لك إيه دلوقتي؟
قربت من المكتب ومشيت صوابعي على الخشب بهدوء
ماضي.
بعد 6 شهور
نور الشناوي بقت اسم تقيل في السوق.
الشركة كبرت والاستثمارات زادت والناس بقت بتحكي قصتي.
مش قصة الفقر
قصة الرجوع.
وقفت قدام المراية في مكتبي
نفس البنت
بس مش نفس الضعف.
رفعت فنجان قهوة ابتسمت
وقلت لنفسي بهدوء
القهوة طعمها مر بس أنا بقيت أعرف أشربها صح.
النهاية