سجن الانتقام بقلم مشيره محمد

انهيار دموع رفض.
لكن أنا كنت هادية.
حطيت الموس على الترابيزة جنبي بهدوء، وقلت
نكمل.
وش لين شدّ وبصت لجوزي بتوتر.
جين ادتني الورق.
اقري.
بصيت في الورق
10000 كلمة من الكدب
اعتراف بكل حاجة ما حصلتش.
بصيت للجمهور
ناس بتاكل، ناس بتتفرج، ناس مستنية فضيحة.
ابتسمت
ورميت الورق في الهوا.
الورق نزل حواليا زي مطر أبيض.
همس صدمة لخبطة.
سو هايان صرخ
إنتي اتجننتي؟!
بصيت له بهدوء وقلت
أنا؟ لا أنا فوقت.
لين ماجا حاولت تمسك الموقف، ورفعت صوتها
واضح إن السجن فعلاً دمّرها
وقبل ما تكمل
صوت قوي قطعها
كفاية.
كل الناس سكتت.
نيل دخل القاعة وراه مجموعة رجالة لابسين أسود.
وقف جنبي وقال بصوت واضح
ابتداءً من اللحظة دي كل ممتلكات عيلة سو تحت مراجعة قانونية.
سو هايان اتوتر
إنت مين أصلاً؟!
نيل بصله ببرود
أنا؟ مجرد شخص بينفذ أوامر من المالكة الحقيقية.
وساعتها
كل العيون رجعت عليا.
اتقدمت خطوة
وبصيت لكل واحد فيهم
واحدة واحدة.
كنتوا فاكرين إنكم خدتوا كل حاجة مني صح؟
سكتوا.

كملت
بس الحقيقة إنكم ما خدتوش غير القشرة.
طلعت الدبوسطائر العنقاءوثبّتّه على فستاني.
الخمسة سنين اللي فاتوا ما كسروشني
رفعت عيني وبصيت مباشرة للين
هم علّموني.
وشها بدأ يتهز
علّموني إزاي أرجع وأولّع في اللي ظلمني.
فجأة
نيل سلّملي ملف.
فتحته بهدوء
ورميته قدامهم.
صور تسجيلات مستندات.
كل حاجة.
خيانة
تزوير
المؤامرة.
جين اتراجعت
إيه ده؟!
زيون بدأت ترتعش
ولين وقعت على الكرسي.
سو هايان صوته اتهز
إنتي إنتي بتلعبي بالنار.
قربت منه لحد ما بقيت قدامه مباشرة
وهمست
أنا النار.
سكتت القاعة تمامًا.
وبعدين قلت بصوت عالي
الليلة دي مش حفلة تتويج.
وقفت بثبات
دي ليلة حساب.
واللي ما كانوش يعرفوه
إن النهاية الحقيقية لسه ما بدأتش.

القاعة كلها كانت ساكتة
الصدمة مرسومة على وشوش الكل كأنهم لأول مرة يشوفوني بجد.
سو هايان حاول يتماسك وقال بصوت عالي
كل ده تمثيل! مفيش أي دليل قانوني
قاطعته وأنا برفع إيدي بهدوء
بالعكس كل حاجة قانوني ومختومة كمان.
نيل أشار لرجال الأمن وفجأة دخلوا أكتر من شخص لابسين رسمي.
شرطة؟! حد همس.
ابتسمت.
أيوه ضيوف جداد للحفلة.
الضابط اتقدم وقال بصوت رسمي
سو هايان لين ماجا أنتم متهمين بتلفيق قضية، تزوير، واستغلال أموال وده بناءً على أدلة موثقة.
لين صرخت
كدب! هي بتلفّق!
بصيت لها بهدوء نفس الهدوء اللي كانت بتق،تلني بيه زمان.
فاكرة الكاميرات اللي انتي مسحتيها؟
سكتت.
قربت خطوة وقلت
أنا رجّعتها.
وشها اصفرّ
والضابط كمل
وفي تسجيلات صوتية بتثبت الاتفاق بينكم.
سو هايان بص للبنات بسرعة
قولوا حاجة!
بس البنات كانوا واقفين متجمدين.
جين دموعها نزلت
بابا إحنا إحنا ما نعرفش إن الموضوع هيوصل لكده
زيون وقعت على الأرض بتعيط
أنا كنت خايفة إنتوا قلتولي لو ما كدبتش هتسيبوني
بصيت لهم للحظة واحدة بس
القلب وجعني.
بس عدّى.
عدّى خلاص.
لين بدأت تنهار
أنا عملت كده عشان بحبه! هو وعدني
سو هايان زعق فيها
اسكتي!
لكن خلاص
كل حاجة بانت.
الضباط بدأوا يقيّدوهم
لين بتصرخ
سو هايان بيحاول يفلت
والناس بتتفرج.
نفس الناس اللي كانوا مستنيين يشوفوني وأنا مكسورة.
دلوقتي
هم اللي بيتكسروا.
قبل ما يخرجوه بصلي سو هايان بنظرة مليانة كره
إنتي دمرتي كل حاجة.
بصيت له بثبات وقلت
لا أنا رجّعت حقي.
القاعة فضيت تدريجيًا
الضيوف مشيوا
الأنوار هديت
والصمت رجع تاني.
فاضل أنا
والبنات.
جين قربت بخطوات بطيئة
ماما إحنا
رفعت إيدي ووقفتها.
ما تقوليش ماما.
الكلمة دي ما بقتش ليهم.
زيون كانت بتعيط
إحنا غلطنا سامحينا
بصيت لهم شوية
الذكريات بتمر قدامي
ضحكهم خوفهم حضني ليهم
وبعدين
شهادتهم ضدي.
قولت بهدوء
أنا ربيتكم بس إنتوا اخترتوا تبقوا جزء من اللي ظلمني.
سكتوا
مافيش رد.
كملت
الفلوس البيت الاسم كل حاجة هترجعلي.
بصيت حواليّا في القصر
بس العيلة لأ.
الكلمة وقعت تقيلة.
جين انهارت أكتر
يعني خلاص؟
رديت وأنا ماشية ناحية الباب
فيه حاجات لما تتكسر ما بتتصلحش.
خرجت من القصر
الهواء كان بارد بس مريح.
أول مرة من سنين أحس إني حرة بجد.
نيل فتحلي باب العربية، وسأل
إلى أين؟
وقفت لحظة
وبصيت للسما.
ابتسمت ابتسامة خفيفة
نبدأ من الأول.
ركبت العربية
وقبل ما الباب يقفل
لمست دبوس العنقاء على صدري.
النار اللي جوايا
ما طفتش.
بس اتحولت.
من حرق
لقوة.
تمت. مشيره محمد