كنت فى الشغل وجتلى مكالمة بقلم مصطفى مجدى

لو الغاز مفتوح مش المفروض يحسوا بيه حتى وهما نايمين
.. مش كل الاجهزة العصبية فى جسم الانسان بتتنبه لده وطبيعي ان مع اقل جرعة يحصل اغماء وطبعا مع زيادة الجرعة بيحصل الاختناق والۏفاة
بصيت على ماما ومن غير ما أسأل الظابط فهم اللى عايز اقوله وقالى
لو هتسأل ازاى الحاجة والدتك الحمد لله سليمة فده لان بعد الفحص المبدئى غرفتها فيها شباك مفتوح والسرير بتاعها جنبه مباشرة يعنى تقدر تستوعب ريحة الغاز وطبعا تميزها والهواء اللى داخل من الشباك هيساعدها على التنفس لكن لما والدتك فاقت للاسف كان الموضوع انتهى وكانوا ماتوا البقاء لله
قعدت اخبط على راسي ونزلت على ركبي وقعدت اسأل ربنا
ليه يارب بيحصل فيا كل ده !! ليه
استغفرت ربنا وروحت بوست ايد امى المڼهارة فى العياط وطبعا انا مبقتش حاسس بنفسي ولا عارف هلاحق على اللى بيحصلى منين ولا منين .
اول مرة من سنين طويلة احتاج انى اكلم خالى عادل اللى مسافر بره مبقاش فيه حد يقف جنبي فى الډفنة غير الجيران كتر خيرهم معرفش ايه اللى خلانى عملت كده وكلمته ومش بس كلمته اول مارد عليا فى التليفون قولتله
انا ابن اختك ياخالى كان نفسي تحس بينا وتكون وسطينا والعيلة بتنقص واحد ورا التانى ليه ياخالى تبقى جاحد علينا الخال والد ياخالى كان نفسي تكون مكان ابويا اللى ماټ وتقف جنبي وتسندنى وتكون سند للعيلة
.. انتوا مش عايزين غير الفلوس
فلوس اييييييه حرام عليك مش عايزين منك حاجة انا هقولك على الكلمتين اللى مكلمك علشانهم انا مراتى ماټت وابنى مش لاقيه وغالبا هو كمان ماټ واختى شريفة والنهاردة خالى سعيد ومراته وعياله ماتوا مخنوقين من الغاز ومتبقاش فى العيلة غيرى انا وامى وانت وكلمة اخيرة لو فاكر ياخالى انك هتاخد الفلوس معاك فى قپرك يبقى خليك مسافر ومتجيش
قفلت السكة ومكملتش كلام معاه واترجيت الظابط انه يطلعلى تصريح ډفن بسرعة وكتر خيره قدر الموقف ووفرلى الورق اللى محتاجه علشان استلم خالى ومراته وعياله من المشرحة وادفنهم الفلوس اللى معايا تقريبا شبه خلصت ومتبقاش حاجة منها واستلفت كتير من الشغل والجيران الايام اللى فاتت مكنتش قادر اتكلم مع حد واقوله يسلفنى فلوس علشان ادفن خالى وعياله امى كان فى ايديها الدبلة اللى كانت سايباها ذكرى فى ايديها من ايام المرحوم ابويا اديتهالى علشان ابيعها وطبعا مقدرتش اقولها لأ الحوجة وحشة واحنا خلاص مبقاش حيلتنا حاجة يادوب بعت الدبلة وروحت جرى على المشرحة علشان استلم خالى وعياله واتفق مع العربيات على نقل الچثث لقيت 
الحلقه_السادسه
فى مشرحة زينهم عالم تانى ودنيا مختلفة خالص عن اللى عايشينها قدام المشرحة والاهالى منتظرين چثث اهالهم مفيش اى ملامح فى المكان غير ملامح الاسى والحزن وانا طبعا دلوقتى بقيت واحد منهم او يمكن بعيش حزن وآسى اكتر منهم لكن الحاجة اللى ادتنى امل فى الحياة اني لقيت قدامى خالى عادل انا وقفت مندهش للحظات مش مصدق انه رجع من السفر وواقف جنبي ومعايا فى الوقت الصعب ده وبرغم كل شئ واهماله لينا الا انى مقدرتش امنع هو استقبلنى بالدموع وقالى
حقك عليا ياابنى انا هعوضك عن كل شئ وهبقى ضهرك لاخر العمر
.. انا مش عايز حاجة غيرك ياخالى مبقاش لينا فى الدنيا الا بعض
انت ابنى اللى ربنا عوضنى بيه عن عدم خلفتى لعيل من صلبي كل اللى بتحلم بيه هحققهولك انا غلطان ياابنى فى حقكم كلكم ودلوقتى انا جاى علشان اكفر عن كل الغلط اللى عملته فى حياتى
شاورلى ناحية العربية بتاعته لقيت امى نازلة من العربية وفرحانة برجوع
خالى وبحالة الحنين والاشتياق والندم اللى عنده وبدأ يظهر قدامى بشاير الامل وقولت اكيد ربنا شايلى حاجات كويسة بعد كل الاحزان اللى قابلتها فى حياتى دى .
امى مشيت خطوات بسيطة ناحيتى وقالتلى 
الدنيا جت عليك جامد ياابنى حقك عليا خبيت عليا مۏت مراتك ياضنايا وابنك مش لاقيه ان شاء الله ربنا هيعوضك خير ياابنى وهتلاقى زياد ابنك وربنا هيكرمنا بالفرح قريب ان شاء الله
مقدرتش امسك دموعي 
.. والله يااما مش باينلها فرح ابنى شكله ماټ يااما واللى معذبنى انى مش لاقى جثته على الاقل يتدفن جنب الحبايب يااما
مفيش اى حاجة غريبة او حد كلمك يكون ورا كل اللى بيحصل ده
.. فيه يااما حد بيكلمنى فى التليفون قبل كل
ومبلغتش البوليس ليه ياابنى !!!!
.. يااما احنا مالناش ضهر ومفيش حاجة عندنا علشان غيرنا يطمع فيها
يمكن حد بيساومك بفلوس خالك ياابنى
.. يااما خالى من زمان مش موجود معانا والناس كلها كانت عارفة ان مفيش بنا كلام ربنا موجود يااما ربنا موجود
خالى دخل فى الكلام وقالى
ان شاء الله هقدر اوصل للى عملوا كده وهندمهم على اللى عملوه ياابنى صدقنى وانا معاكم وجنبكوا ومش هسيبكوا ولو لآخر يوم فى عمرى انا وحياتى وفلوسى وكل دنيتى تحت امركم القصة للكاتب مصطفى مجدى انا الدنيا كانت غرانى ومكنتش شايف غير الفلوس اتجوزت مرة واتنين علشان الخلفة وربنا مكنش رايد انى اشوف عيل من صلبي وكانه بيدينى درس انى ابص لعيال اخواتى ماانتوا عيالى برضو وللاسف ملحقتش اعوضهم عن اللى عاشوه من فقر وحرمان لكن انت قدامى اهو اوعدك هنلاقى زياد وهحققلكم كل اللى تتمنوه وهأمن مستقبلكم لسنين قدام
.. انا خلاص ياخالى مش عايز حاجة من الدنيا تانى لو ابنى زياد ماټ يبقى على الدنيا السلام
استأذنت خالى انى اخد عربيته واروح اجيب الكفن لخالى الله يرحمه ومراته وعياله ومتأخرتش كتير يادوب جبت الاكفان بتاعتهم لقيت امى وخالى بيستلموا الچثث مقدرتش امسك نفسي وجريت عليهم دموعى بقت بتنزل مني لاارادى واللى خلانى دمعت اكتر لما شوفت طفل صغير شبه زياد ابنى ماسك فى ايد ابوه وبيضحكلى كنت بتقطع من جوايا عربيات الجمعية الشرعية كانت موجودة ودخلنا الچثث فى الصناديق امى اصرت انها تركب مع الچثث لكن انا مرضتش ابدا وبالعافية لما اقنعتها ان تروح مع خالي فى عربيته وتحصلنا على هناك قالتلى
الطريق سريع وخالك نظره ضعيف وبيمشي بطئ وانا عايز الحقكم
.. هنستناكوا يااما متقلقيش مش هندفن من غيركم
لا ياابنى اكرام المېت دفنه حاولوا ټدفنوه بسرعة وخالك ان شاء الله هيوصل بدرى معاكم
امى ركبت مع خالي وانا ركبت فى عربية الجمعية الشرعية وقرفتهم كانت جميلة والعربيات كانت ماشية بسرعة جدا لدرجة انى محستش بالوقت ووصلنا على طول حاولت اعطل الناس دقايق فى الډفنة لكن قالولى حرام ولازم ندفن لكن مكنتش اتوقع خالص انى هقف فى الډفنة لوحدى .. يتبع
القصة مستوحاة من احداث حقيقية
الحلقه السابعه
دفنت خالى وعيااله والكام واحد من جيرانى اللى كانوا معايا مشيوا وامى وخالى لسه موصلوش بالعربية طبعا قلقت عليهم جدا وافتكرت كلمة امى لما قالتلى ان خالى نظره ضعيف وانه بيسوق العربية بالراحة وافتكرت كمان لما قالتلى انها هتخليه يسوق العربية بسرعة علشان يحصلنا وقولت من المؤكد ان حصل حاجة .
قعدت اتصل بيهم على التليفون فضل مقفول كام ساعة وبعد كده لقيت تليفون امى رن طبعا رديت لكن ملقتش امى اللى بترد على التليفون لقيت واحدة بتقولى 
ازى حضرتك ياافندم هو حضرتك من اهل الحاجة والاستاذ
.. ايوة انا ابنها والاستاذ ده يبقى خالى خير مين حضرتك 
انا ممرضة فى مستشفى الدنيا ياافندم والدة حضرتك وخالك للأسف عملوا حاډثة شديدة وهما حاليا فى العناية المركزة
.. انا جاى حالا
قفلت التليفون ومعرفش ازاى نزلت فى الشارع وركبت تاكسى وطلعت زى المچنون على المستشفى اول مادخلت من الباب قالولى ممنوع الزيارة زقيت بتاع الامن وعملت مشكلة كبيرة جدا علشان ادخل لحد ماالمدير تفهم الموقف وسمح ليا بالدخول وكمان علشان اخد المتعلقات بتاعتهم طلعت بصيت على امى وخالى الاتنين فى غيبوبة تامة وعلى جهاز تنفس صناعى لقيت رئيس المباحث الموعود اللى مسئول عن المنطقة فى المستشفى علشان ياخد اقوال المستشفى والناس اللى وصلتهم للمستشفى وطبعا اهلهم ومكنش عارف انه هييجي هيشوفنى تانى لكن اول ماشافنى اتنهد تنهيدة كبيرة وكانه عايز يقولى انت تانى .
الممرضة بتشاورله عليا وراحت معاه علشان توصله ناحيتى وتعرفه بيا قالها خلاص انا هتولى الموضوع وطبعا اول ماشافنى قالى
انا اول مرة فى حياتى اقابل قضية بالشكل ده ومبقتش عارف اواسيك ولا اخد اقوالك ولا اعمل ايه انا عارف انك مش ناقص بس سامحنى ده شغلى ولازم اعمله
.. مش قولتلك ياباشا