كـابوس المصـيف الأهـل والعـبء المـالي كـاملة بقلـم منـي السـيد
وده في يوم واحد!
وش الخالة نادية لونه اتخطف، وبعدين قلب أحمر من الغل. يا سمير، عيب قدام العيال..
عيب قدام العيال! خبط النوتة على التربيزة. وأنتي قدام العيال بتعلميهم إزاي يعيشوا عالة على غيرهم؟ إزاي يستغلوا الناس من غير دم ولا حياء؟
ابنها الكبير، شاب عنده ٢٠ سنة ومرفعش عينه من الموبايل طول السفرية، رفع راسه فجأة جرى إيه يا عمنا؟ ما إحنا أهل برضه..
أهل؟ سمير لف له. أنت نطقت كلمة شكراً مرة واحدة؟ فكرت مرة تطلع محفظتك وتدفع ثمن الحاجة اللي بتشربها حتى؟
سمير! المرة دي بنتها هي اللي اتكلمت بحدة. إنت قليل الذوق! أمي جاتلك بصفاء نية وأنت..
صفاء نية؟ دنيا ماقدرتش تسكت أكتر من كده. وقفت جنب جوزها وبصت لهم بقوة هجمتوا علينا من غير عزومة، بوظتوا أجازتنا، وقاعدين تملوا بطونكم على حسابنا! وهي دي بقى صفاء النية؟
.متوفرة على روايات و اقتباسات
صفاء نية؟.. دنيا ماقدرتش تسكت أكتر من كده. وقفت جنب جوزها وبصت لهم بقوة هجمتوا علينا من غير عزومة، بوظتوا أجازتنا، وقاعدين تملوا بطونكم على حسابنا! وهي دي بقى صفاء النية؟
يا دي الشيلة الشايلة!.. خالتك نادية قامت وقفت وهي بتلطم على صدرها بتمثيلية متقنة. بقى أنا اللي شيلت سمير وهو لحمة حمرا، يتقال لي كدة؟ والله لبلغ الحجة فايزة بكل كلمة، تخلي ليلتكم سودة!
بلغيها يا خالتو، بلغيها!.. سمير طلع الموبايل وبدأ يطلب رقم والدته. أنا أصلاً هكلمها دلوقتي أقول لها إن كرمك كلفني نص مرتب الشخر ده في تلات أيام!
بقلم مني السيد
الخالة نادية اتخضت وحاولت تخطف الموبايل لا يا سمير.. يا حبيبي.. إحنا أهل.. مكنش قصدنا..
لا قصدكم!.. دنيا ضحكت بسخرية. هو أنتم طلبتوا أغلى صنف في المنيو بالصدفة؟ ولا طلبتوا تحلية ل ٩ أشخاص غلط؟
العيال الصغيرين بدأوا يعيطوا من الزعيق، والناس في المطعم بدأت تتفرج علينا جهاراً نهاراً. سمير رمى الفيزا على التربيزة وقال للجرسون بصوت عالي حاسب على دي.. ودي آخر مرة!
رجعنا الفندق، والأوض كانت عبارة عن معسكر لاجئين. الخالة نادية قعدت تعيط وتشتكي في التليفون للحاجة فايزة، وبنتها عمالة تبعت رسايل شتيمة في جروب العيلة، والعيال بيتنططوا على السراير بكراميل الآيس كريم.
دنيا قعدت في البلكونة وبصت للبحر الأسود، ولأول مرة من ساعة ما وصلنا، ابتسمت. سمير جه قعد جنبها وقال بأسى ندمانة يا دنيا؟
أندم على إيه؟
إن الأجازة باظت.. والشقى طار في يومين..
بصت له وقالت بالعكس، أنا شايفة إن أجازتنا لسه بادئة النهاردة.. لما شفتك واقف وقفة رجالة وبتقول لأ لأول مرة. متوفرة على روايات و اقتباسات
تاني يوم الصبح، الخالة نادية وعيلتها لموا شنطهم في صمت
هيوصلوا مصر وبعدين نتفاهم، سمير قالها وهو بيقفل باب التاكسي وراهم. الوداع كان بارد زي التلج. بنت خالتو رفضت تسلم، والعيال رزعوا أبواب العربية، والخالة نادية بصت لنا بصه كلها غل وقالت حسبي الله ونعم الوكيل في قلة الأصل!
أول ما التاكسي اختفى، وقفنا قدام باب الفندق.. لوحدنا. أخيراً لوحدنا.
دنيا.. أنا..
شسسسس، حطت صباعها على شفايفه. يلا بينا على البحر، لسه فاضل لنا ٤ أيام.. نستاهلهم.
بس الحكاية ما خلصتش هنا.. لأن الحاجة فايزة كانت بتجهز الهجوم المرتد. متوفرة على روايات و اقتباسات
في اليوم التالت من هدوئنا، وإحنا قاعدين تحت الشمسية وبنقرأ في روقان.. تليفون سمير رن برقم غريب.
أستاذ سمير؟ صوت موظفة الاستقبال كان باين عليه التوتر. معاك ريسبشن الفندق.. فيه مجموعة من ٩ أشخاص وصلوا دلوقتي، وبيقولوا إن حضرتك اللي حاجز لهم ومستنيهم..
سمير حس برعشة في ضهره. مجموعة مين؟
ست كبيرة اسمها الحاجة فايزة، ومعاها ست تانية اسمها نادية وعيلة كاملة.. الحاجة فايزة بتقول إنها والدتك وجاية تقضي الأسبوع معاك!
يا نهار مش فايت! سمير نط من على الكرسي. دنيا! لمي الشنط بسرعة.. ماما جت ومعاها القبيلة تانى!
جرينا على الفندق، بس كان الوقت فات. في الصالة اللوبي، كان فيه عرض مسرحي عالمي. الحاجة فايزة بجلابيتها الشيك ومكياجها الكامل، واقفة بتزعق في الموظفة الغلبانة وبتلوح بالبطاقة أنا أمه! يعني صاحبة البيت وصاحبة الأوضة! إزاي تقولي مفيش حجز؟
والخالة نادية قاعدة على الكرسي بتعيط وتتمسح في منديلها إحنا جينا نصالحكم يا ولاد.. جينا بصفاء نية!
يا ماما، إيه اللي جابكم تاني؟ سمير وصل وهو بينهج.
يا حبيبي يا ابني! الحاجة فايزة . البنت دي بتقول الأوض مليانة! قولها إنك حاجز لماما وأهلك!
الأوض مليانة بينا إحنا يا ماما! دنيا قالتها بحدة.
يا دنيا يا حبيبتي، الخالة نادية قامت وقفت. إحنا قررنا نسامحكم على اللي حصل في المطعم.. وقلنا نفتح صفحة جديدة ونقضي الأسبوع سوا!
تسامحونا؟ سمير كان خلاص هيفقد أعصابه. تسامحونا على إيه؟ أنتم واعيين للي بتقولوه؟
في لحظة، فرد أمن ضخم قرب مننا يا جماعة، فيه شكاوى من الدوشة.. فيه مشكلة؟
مفيش مشكلة! الحاجة فايزة زعقت. إحنا عيلة واحدة وعايزين نصيف!
الموظفة سألت سمير يا فندم، حضرتك هتدفع تمن الأوض الإضافية؟
الكل بص لسمير. كان زي المحبوس في قفص.
لأ! سمير قالها بصوت هز المكان. أنا ما عزمتش حد! ومش هدفع مليم زيادة!متوفرة على روايات و اقتباسات
بقى كدة؟ الحاجة فايزة فتحت عينها
