كـابوس المصـيف الأهـل والعـبء المـالي كـاملة بقلـم منـي السـيد
عشان خاطر دي؟
يا ماما إحنا في شهر عسل جديد! اتجوزنا من أول وجديد وعايزين نتبسط! سمير كذب الكذبة دي عشان ينقذ الموقف.
دنيا كانت هتشرق، والخالة نادية شهقت شهر عسل إيه يا ابني؟ أنتم متجوزين بقالكم ١٠ سنين!
جددنا العقد يا ماما! بالحب! سمير كمل في الدراما. وعايزين نعيش في هدوء!متوفرة على روايات و اقتباسات
الموظفة ابتسمت يا سلام على الرومانسية! مبروك يا فندم.
الله يبارك فيكي يا حبيبتي، دنيا لحقت الموقف. كنا بنحلم بشوية هدوء بس..
الخالة نادية بصت لهم بشك، وفجأة ابنها الكبير بتاع الموبايل حب يعمل فيها برنس قدام الموظفة. قرب من الكاونتر وطلع ورقة ب ٢٠٠ جنيه ورماها بمنتهى التناكة خدي يا مزة، شوفي لنا أوضتين حلوين كدة ودلعينا..
الموظفة بصت للفلوس وبصت له باحتقار يا أستاذ، ال ٢٠٠ جنيه دي تجيب لك ساندوتشين
الولد اتصدم. الخالة نادية وشها اتقلب. الحاجة فايزة بدأت تحسب في سرها.
٥ تلاف للفرد؟ الحاجة فايزة سألت بذهول. يعني التسعة بتوعنا.. في الليلة.. بالكل..
داخلين في ٥٠ ألف جنيه في الليلة يا فندم، شامل الفطار. الموظفة قالتها ببرود.
السكون اللي حصل في اللوبي كان مرعب. ماكنش مسموع غير صوت مروحة السقف.
وعشان تقعدوا أسبوع.. محتاجين حوالي ٣٥٠ ألف جنيه.. بنتها طلعت الآلة الحاسبة ووشها جاب ألوان.
الخالة نادية استندت على ضهر الكرسي عشان ما تقعش. والحاجة فايزة قعدت على الشنطة وهي بتنهج.
يا ضنايا! الخالة نادية ولولت. ده إحنا بعنا الدهب اللي حيلتنا عشان نيجي نصالحكم! فاكرين إن سمير هيشيلنا!
بعتوا الدهب؟ سمير صاح بذهول.
أيوة! الحاجة فايزة صرخت. أمال هنيجي إزاي؟ كنا
سمير ودنيا بصوا لبعض. الموضوع قلب كوميديا سودة.
فجأة راجل لابس بدلة غالية قرب يا جماعة، الصوت عالي جداً وأنا أوضتي فوقكم.. فيه إيه؟
بنت الخالة نادية راحت له بلهفة يا بيه، ممكن ناخد ركن في أوضتك؟ إحنا غلابة ومقطوع بينا السبيل..
الراجل بص للمنظر الحاجة فايزة اللي قاعدة على الشنطة، ونادية اللي بتعيط، والعيال اللي بيشدوا في هدومه وجري من قدامهم وهو بيقول أعوذ بالله! لا شكراً!
فرد الأمن قرب بجدية خلاص يا أساتذة.. السيرك ده لازم يخلص. يا تمشوا يا هبلغ البوليس.
خلاص، سمير قال بحزم. ماما، خدي التاكسي ده وروحي المحطة أنتي وخالتي. وده مبلغ يرجعكم بيوتكم.
طلع فلوس واداها لمامته. أنا مش بطردك، أنا بوصلك.. بالمعروف.
بعد نص ساعة، اللوبي رجع هادي تاني. القرايب
سمير ودنيا رجعوا للبحر.
تعرفي يا دنيا، سمير وهو بيدهن صن بلوك، أنا عرفت ليه الناس بتدفع مبالغ في المصايف دي.
ليه يا حبيبي؟
عشان دي القلعة اللي بتحمينا من هجوم الأهل.. أغلى من أي سور.
ضحكوا، وضحكتهم طارت فوق الموج، خفيفة وصافية.
وفي القطر اللي كان راجع بيهم، الخالة نادية كانت بتشتكي للركاب شوفتوا الزمن؟ الولد يطرد أمه وخالته عشان خاطر الحيزبونة اللي معاه! وإحنا اللي كنا رايحين بقلب أبيض!
الركاب كانوا بيهزوا راسهم بأسى، ومايعرفوش إن القلب الأبيض ده كان عايز يلهف شقى عُمر كامل في ليلتين!
أما سمير ودنيا، كملوا أجازتهم في هدوء تام.. وأول حاجة عملوها لما رجعوا البيت، إنهم غيروا كالون الباب.
للاحتياط واجب النهاية
حكايات مني السيد
بقلم
