انت مش عارف اسم العروسه
فيه زي السهم.
طول الأسبوع اللي فات كان شايفها مجرد بنت صعيدية منقبة واتعامل معاها بتعالي حتى اسمها ماكانش يعرفه.
وفجأة اكتشف إنها أنجح وأذكى من أغلب الناس اللي يعرفهم.
وفجأة بدأ ياخد باله من تفاصيلها.
طريقة كلامها الهادية.
ثقتها بنفسها.
ضحكتها القليلة اللي بتخطف قلبه.
وإنها عمرها ما حاولت تلفت نظره أصلًا.
وده أكتر شيء جننه.
في نص الحفلة، صاحبه قرب منه وهمس يا ابن المحظوظة! مراتك دي قمر ومثقفة بشكل يخوف مخبيها فين دي؟
اتوتر وقال بسرعة عادي يعني
لكن صاحبه ضحك عادي ايه؟ نص الرجالة هنا مركزين معاها!
ولأول مرة في حياته حس بالغيرة.
غيرة حقيقية.
بص ناحيتها لقاها واقفة بتتكلم مع شاب أجنبي بالعربي المكسر وهي بتضحك باحترام.
الدم غلى في عروقه بدون سبب مفهوم.
قرب منهم بسرعة وقال بحدة ليان يلا عشان نمشي.
بصتله باستغراب بس لسه بدري.
ابتسم للشاب ابتسامة مصطنعة مراتي تعبت شوية.
كلمة مراتي خرجت منه تلقائي.
ليان رفعت حاجبها بدهشة لكنها سكتت.
ركبوا العربية، والصمت مالي المكان.
وفجأة قال بدون ما يبصلها الراجل اللي كنتي واقفة معاه ده مين؟
ردت ببرود زميل بحث.
واضح إنه معجب بيكي.
لفت تبصله بصدمة خفيفة وانت مالك؟ مش احنا جواز على الورق وبس؟
اتوتر وسكت.
لأنها لأول مرة تستخدم نفس كلامه ضده.
وصلوا الفيلا.
كانت طالعة على السلم، لكنه ناداها ليان.
وقفت
قال بصوت واطي أنا آسف.
اتسعت عيونها بدهشة.
واضح إنه عمره ما اعتذر لحد قبل كده.
كملت طلوع وهي بتقول الاعتذار الحقيقي بيبان في التصرفات مش الكلام.
وسابته واقف مكانه لأول مرة حاسس إنه هو اللي محتاج يرضيها، مش العكس.
لكن اللي ماكانش يعرفه إن في شخص تاني بدأ يراقب ليان من بعيد.
وشخص ده كان يعرفها من ألمانيا.
ويعرف سر خطير جدًا هي مخبياه عن الكل حتى جوزها تاني يوم الصبح، نزل على السفرة وهو متوقع يلاقيها كالعادة هادية ومنشغلة في كتاب أو موبايلها
لكن البيت كله كان مقلوب.
الخدم داخلين خارجين، وأمه متوترة بشكل غريب.
سأل باستغراب في ايه؟
ردت أمه بسرعة ليان تعبانة.
قلبه انقبض بدون ما يفهم ليه مالها؟!
في نفس اللحظة، نزلت ليان من على السلم وشها شاحب جدًا لكنها بتحاول تبان طبيعية.
قرب منها فورًا انتي كويسة؟
اتوترت من اهتمامه المفاجئ وقالت مجرد إرهاق.
لكن قبل ما تكمل كلامها، جسمها اختل توازنها فجأة.
لحقها قبل ما تقع.
ولأول مرة شالها بين إيديه بخوف حقيقي.
عيونها اتقابلت مع عيونه للحظة، والاتنين اتوتروا بشكل غريب.
أمه قالت بقلق لازم تروحوا المستشفى حالًا.
في العربية، كانت ساكتة طول الطريق وهو مركز معاها أكتر من الطريق نفسه.
كل شوية يسأل حاسه بإيه دلوقتي؟ وجع؟ دوخة؟
وهي ترد باقتضاب أنا كويسة.
لكنها ماكنتش كويسة.
كان واضح إنها
دخلوا المستشفى، والدكتورة طلبت منه يستنى بره شوية.
مر الوقت ببطء قاتل.
لحد ما باب الأوضة اتفتح، والدكتورة خرجت وهي بتبصله بابتسامة مبروك.
اتجمد مكانه مبروك على ايه؟
قالت المدام حامل.
الصمت ضرب المكان.
حامل؟!
عقله وقف تمامًا.
ازاي؟!
هو أصلًا عمره ما قرب منها!
لف بسرعة ناحية ليان، لقاها مغمضة عينيها وكأنها كانت خايفة من اللحظة دي.
دخل الأوضة بعصبية مكتومة ممكن أفهم؟!
فتحت عيونها ببطء وقالت كنت هقولك
صرخ بغضب تقوليلي ايه؟! انتي حامل ازاي أصلًا؟!
نزلت دمعة من عينها لأول مرة الطفل ابنك.
ضحك بعصبية ابني؟! انتي مجنونة؟!
سكتت ثواني، وبعدين قالت بصوت مهزوز ليلة كتب الكتاب فاكر لما شربت كتير وكنت مش واعي؟
بدأت ملامحه تتغير بالتدريج
ذكريات مشوشة رجعتله.
هو فعلًا كان سكران جدًا وقتها بعد خناقة كبيرة مع سارة.
وفاكر إنه دخل أوضة الفندق وبعدها كل حاجة ضباب.
قرب منها بصدمة انتي بتقولي إن
هزت رأسها وهي تبكي أنا ماكنتش عايزة أقولك بالطريقة دي خصوصًا بعد كلامك عن إن الجواز مجرد ورقة.
سكت مصدوم من نفسه.
أما هي، فمسحت دموعها وقالت بكسرة اطمن أنا مش هفرض عليك حاجة. لو عايز تطلقني بعد ما الطفل ييجي أنا موافقة.
لكن قبل ما يرد
صوت جرس موبايلها قطع الكلام.
بصت للشاشة واتوتر وشها فجأة.
هو لمح الاسم قبل ما تخفي الموبايل بسرعة
مارك.
ونفس
والشك بدأ ياكل قلبه من جديدخرج من المستشفى ساكت تمامًا، وليان ماشية جنبه وهي حاسة إن المسافة بينهم بقت أبعد من الأول.
ركب العربية وشغل العربية بعصبية، وبعد دقائق قال وهو مركز في الطريق مارك ده يبقى مين بالظبط؟
اتنهدت بتعب زميل شغل.
ضحك بسخرية زميل شغل بيتصل بيكي أول ما يعرف إنك في المستشفى؟
بصتله بحدة وانت مالك؟ مش احنا متفقين إن كل واحد حر في حياته؟
الكلمة دي بقت تخنقه كل ما تقولها.
وقف بالعربية فجأة على جنب، وبصلها مباشرة بس دلوقتي في طفل.
سكتت.
قرب منها بصوت أوطى وعايز أفهم كل حاجة.
فضلت تبص من الشباك ثواني طويلة، وبعدها قالت مارك كان المشرف على الرسالة بتاعتي في ألمانيا وهو أكتر شخص ساعدني هناك. بس علاقتنا عمرها ما كانت غير شغل.
سألها بسرعة وبيحبك؟
ابتسمت بمرارة دي حاجة تخصه هو.
الكلام ولّع الغيرة جواه أكتر.
رجعوا الفيلا، وأمه أول ما عرفت بالحمل فرحت بشكل هستيري، وقعدت ليان وتبكي من السعادة هشوف حفيدي قبل ما أموت
أما هو، فكان واقف يراقب ليان بصمت.
حاسس إنه لأول مرة يشوفها فعلًا مش مجرد زوجة فرضتها العيلة عليه.
بالليل، دخل الأوضة لقاها قاعدة على الكنبة ماسكة سونار الطفل.
قرب منها بهدوء ممكن أشوفه؟
ناولته الورقة من غير كلام.
بص للصورة الصغيرة نقطة بيضا بالكاد واضحة.
لكن قلبه دق بعنف.
ده ابنه.
ابنه هو.
رفع عينه عليها وقال لأول مرة بصدق خايفة؟
هزت رأسها بخفة جدا.
قعد
