مش خدامه مشيره محمد

بيبني امبراطورية من ورق، وكان عايز يستغل خبرتي وساسس المالي عشان أغطيلو على الجريمة دي وأبقى شريكة معاه لو البنك اكتشف الملعوب!
ساعتها واجهته بالراحة من غير ما أبين إني قفشته، وقال لي بصوت ناعم يا حبيبتي دي مجرد إجراءات شكلية والناس كلها بتعمل كده في السوق عشان تمشي عملها، ولما القرض ينزل هنسدد كل حاجة ونظبط كل الأوراق.
أنا بلعت السكينة وسكت.. قلت أأجل الكلام لحد ما نتجوز ونشوف.. بس كنت شايالة الفلاشة معايا في شنطتي زي كارت جوكر.. كارت ماكنتش متخيلة إني هحتاج أطلعه بالسرعة دي وفي ليلة فرحي!
فكت الفستان، لبست هدومي العادية، وقعدت على المكتب. فتحت اللاب توب، وحطيت الفلاشة.
دلوقتي اللعب هيبقى على المكشوف.
الجزء الثالث المساومات الرخيصة
تاني يوم الصبح، الساعة كانت تمانية بالظبط.
كنت قاعدة في مكتبي بالشركة، قدامي كوباية القهوة السودا والملفات مفتوحة. الباب خبط جامد، ودخلت سكرتيرتي وهي خايفة أنسة ميادة.. أستاذ كريم برة ومصر يدخل، وعامل دوشة في الممر.
هزيت رأسي بثبات خليه يدخل.. ولو فتح بؤه برقم عالي، ندي خبر للأمن.
دخل كريم. كان شكله هدتان، قميصه مكرمش، عينه حمرة وما نامش طول الليل. وراه كانت داخلة أمه، عفاف، بس المرة دي ما كانش على وشها الغرور بتاع إمبارح.. كان على وشها قلق واضح ومخبى تحت نظرة شر.
كريم قرب على مكتبي بسرعة ميادة! أنتِ بتعملي إيه؟ بتعملي بلوك للتليفونات؟ فاكرة إن الموضوع بالبساطة دي؟
بصيتله من فوق لتحت ببرود أه بالبساطة دي. أنت إيه اللي جابك هنا؟
عفاف اتدخلت، وحاولت تطري الجو بصوتها اللي كله تمثيل يا ميادة يا بنتي.. عيب اللي حصل إمبارح ده.. إحنا أهلك ونعرف الأصول. أنا كنت بس بأختبر عقلك وشطارتك قدام العيلة، أصل الرجالة في عيلتنا بيحبوا الست المدبرة اللي تشيل البيت!
ضحكت بصوت عالي ضحكة مليانة سخرية تختبريني؟ بالصينية والشربات؟ قدام 30 راجل؟ أنتِ فاكرة نفسك عايشة في سي وادي وأنا أمينة يا مدام عفاف؟ أنا ميادة.. الست اللي ابنك كان بيبكي على باب مكتبها عشان يدفع مرتبات مهندسيه الشهر اللي فات!
وش عفاف اتغير للون الأصفر أنتِ بتعييرنا بالفلوس يا بنت الفلاحين؟!
كريم حط إيده بيننا وبصلي برجاء أمي اسكتي خالص وحياة أبوي! ميادة.. أرجوكِ اسمعيني. اللي حصل إمبارح كان غلطة، وأنا كنت مشدود من كتر التوتر والفلوس اللي عليا للفندق والمطربين. أنا أسف.. هبوس رأسك قدام الناس كلها بس نرجع ونكتب الكتاب ونعدي الأزمة دي!
قعدت على الكرسي وسندت ظهري ونعدي الأزمة دي؟ قصدك نغطي على القرض المتزور؟
كريم اتسمر مكانة، وعينه وسعت من الرعب أنتِ.. أنتِ بتقولي إيه؟
طلعت الفلاشة الصغية من جيبي وحطيتها على المكتب بيننا الفلاشة دي عليها كل الفواتير المضروبة.. أختام الشركات الوهمية، وشيكات الصفايا اللي أنت مضيتها للبنك. أنت ماكنتش عايز تتجوزني عشان بتحبني يا كريم.. أنت كنت عايز تتجوزني عشان حاجتين الأولانية، فلوس شركتي اللي بتغطي بيها بلاويك.. والثانية، خبرتي الماليّة عشان أكون خط الدفاع بتاعك لما البنك يجي يراجع وراك، ولو حصلت مصيبة أكون أنا اللي موقعة على الأوراق والتدقيق وأشيل الشيلة معاك!
عفاف صرخت أنتِ بتتبلي على ابني! ابن الجبلي ما يزورش! ده سيدك وسيد أبينك!
رديت عليها بحزم هز الأوضة ابنك سيد نفسه بس! والأوراق دي لو راحت للنيابة الأموال العامة بكرة الصبح، ابنك الجبلي هيقضي أحل سنين شبابه في التخشيبة!
كريم وقع على الكرسي اللي قدام مكتبي، وشه بقى أبيض زي الورق، وعرقه نازل مغرق لياقة قميصه ميادة.. أرجوكِ.. بلاش الحرك دي. أنا أروح فيها بجد. البنك لو عرف الحقيقة مش بس هيرفض القرض، ده هيطلب تسديد القروض القديمة فوراً وهيحجز على الشركة وعلى البيت!
سندت إيدي على المكتب وقربت منه وهو ده المطلوب بالضبط.
عفاف مسكت إيدي بتحاول تطري الكلام وتستعطفني يا ميادة يا بنتي.. حني شوية! إحنا كلينا أهل، وعيب الفضايح دي بيننا. أنتِ بتحبيه وهو بيحبك! اعتبريها نزوة ومرت، ونكتب الكتاب الأسبوع الجاي ونعملك أحلى فرح في أكبر فندق في مصر!
شديت إيدي منها بمنتهى القرف أنا ما برجعش للزبالة اللي رميتها يا مدام عفاف. الحب اللي تحكوا عنه ده كان وهم، والست اللي كنتوا فاكرين إنكم هتربوها وتخلوها تشيل الصينية وتقدم الشربات للرجالة، هي نفس الست اللي هتهد المعبد على رؤوسكم.
كريم وقف، وصوته تحول للهجة تهديد متوترة أنتِ فاكرة إنك هتخرجي منها سالمة؟ الفلوس اللي أنتِ دخلتي بيها في الشقة والشركة بتاعتي هتروح عليكِ! أنا مش هسلمك قرش واحد من الشيكات القديمة!مشيره_محمد
بتسمت أنا مش محتاجة منك قرش.. أنا أصلًا رفعت دعوى تحفظية الصبح على الشقة بحكم العقود المترتبة بيننا، وبكرة الصبح المراجعة المالية هتوصل لمقر شركتك. وعشان تبقوا عارفين.. إيجار القاعة بتاعة إمبارح؟ أنا ألغيت الشيك الأخير بتاعه، والدفع هيبقى عليك أنت يا عريس!
الجزء الرابع الحساب والعقاب
الأيام اللي بعد الفرح كانت عبارة عن كرة ثلج بتكبر بسرعة الصاروخ.
الخبر اتنشر في السوق زي النار في الحطب. عروسة ترفض خدمة العائلة في ليلة الفرح وتلغي الجوازة وتفضح الميزانية المتزورة! السوق المالي والمقاولات في مصر صغير، والكل بيعرف بعضه.
خلال أسبوع واحد
البنك المركزي والرقابة المالية استلموا بلاغ رسمي مرفق بالمستندات الدقيقة اللي كانت على الفلاشة. البنك جمد كل حسابات شركة كريم للمقاولات، وبدأ تحقيق