رواية بقلم ايمان حجازي

ماټ فى بطنها وهى فى الخامس وبعدها طلعت حامل تانى وسقطت وده تالت حمل لها ربنا بقه يكرمها المرة دى الواحد برضو بيتمنلها الخير واهم حاجة ان ربنا نصرك وكرمك وخلانى شوفت كسرت النفس ليها وليه زى ما كسروا نفسك هما الاتنين
نيرة سبحان الله فعلا فى تدبيرة ما يغنى عن الحيل
بمجرد صعود والدت وليد خلفه اخذته من يده الى غرفتها واغلقت عليهما الباب وهى تعنفه قائلة ايه اللى انت عملته تحت ده
وليد پغضب وحزن وأسف نيرة خلفت يا ماما نيرة خلفت
طب وفيها ايه ما انت كمان حتكون اب
وليد ياريتنى ما طلقتها ياريتنى كنت صبرت عليها
والدته خلاص يا بنى الكلام ده ما منوش فايدة اللى حصل حصل وكل شىء قسمه ونصيب.
اتجه طارق بنيرة ومراد الى بيت والده بعد زيارتهم لاهلها وبمجرد ان رأته والدته أخذته بالاحضان ثم اتجهت الى نيرة لتسلم عليها فندهشت من هذا الوليد التى تحمله
اهلا يابنتى تعالى اتفضلى دا بيتك مين ده
أخذه طارق على الفور من يد نيرة وهو يقول يلا يا ماما خلاص بقيتى جده ومحدش حيعكسك بعد كده
ايه انت بتقول ايه يا طارق معقول ده ابنك ولا بنتك
مراد يا ماما مراد طارق سليم عبد الهادى
كان والده ينزل سلم الفيلا فى هذه الاثناء فتوقف مكانه . فنظرة له زوجته وقالت تعالى ياسليم تعالى شوف حفيدك الجميل ده
فأفاق سليم على صوتها واكمل نزوله سريعا وحمل مراد من زوجته وأخذ يتفحصه بكل حب وحنان
ثم توجه بالكلام لابنه بقه كده يا طارق كده يعنى تتجوز بعيد عننا وكمان تخبى علينا ان مراتك حامل كل المدة دى
معلش يابابا اصل ظروف الحمل ده مكنتش مستقرة عشان كده خۏفت ابلغكم واهو اول حاجة عملتها لما الاستاذ ومامته اتحملوا السفر جبتهم وجيت على طول عشان افرحكم وكمان لما تعرف المفاجأة التانية اللى محضرهالك حتنسى اى زعل منى
قول ياسى طارق ما انت طول عمرك بتحب المفاجأت
أنا قدمت استقالتى وحشتغل معاك فى الشركة مش هو ده اللى كان نفسك فيه من زمان
فقالت نيرة بفزع ايه استقالت
والدته ايه هو عملها مفا جأة ليكى انتى كمان
نيرة ايوة يا طنط اول مرة اعرف دلوقتى انه قدم استقالته
سليم حلو يبقه حتشتغل معايا وانت ومراتك حتقعدوا معانا هنا ونستمتع بالواد القمر ده
فنظر طارق لنيرة واڼفجرا فى الضحك
والدته ايه ياولاد بتضحكوا على ايه
طارق اصل بابا نيرة لسه قايل لنا نفس الكلام بالظبط . وعشان كده وفرت عليكم وعليه الزعل وخليت رياض صحبى يجهز لى شقة مفروشة على ما نكمل الفيلا بتاعت الاستاذ مراد
سليم بحزن كده يا طارق دا انا ما صدقت انك رجعت وقولت حتملا عليا البيت انت وابنك ومراتك.
طارق معلش يا بابا سامحنى وبعدين نيرة حتبقه تقضى يوم هنا ويوم هناك

عشان منزعلش حد
نيرة ايوة يا عمى بس يارب ما تزهقش منى ومن مراد لحسن دا بيزن كتير
والدته طالع لابوه كان برضو بيزن كتير و كان مغلبنى ومش بعرف انام منه
طارق بقه كده يا ست ماما
والدته ايه بقول الحقيقة حتى اسأل ابوك
سليم مش وقته الكلام
ده يلا يلا يا سوزان شوفى الولاد حيتعشوا ايه ولا كمان مش بتكلوا عند حد يا سى طارق
لا يا حبيبى دا انا وحشنى اكل ست الكل ازى
فى سيارة طارق قالت نيرة انت بجد استقالت ياطارق
أيوة
ليه كده انت بتحب شغلك اوى
كده احسن يانيرة خليمت نطوى الصفحة دى نهائى ونبدء هنا من جديد
وصل طارق الى منزلهم الجديد وكان فى انتظارهم رياض صديق طارق
رياض حمد لله ع السلامة يا طارق ونورتى مصر يا مدام نيرة
نيرة متشكرة اوى
طارق متشكر ليك اوى يا رياض ع الشقة الحلوة اوى دى
رياض لا شكر على واجب . يلا اسيبك ترتاح دلوقتى وليا قعدة طويلة معاك انت وحشنى اوى
طارق ماشى يا رياض مع السلامة يا حبيبى
طارق ها حبه انهى اوضة تبقه بتعتك انتى والاستاذ مراد
اى وحدة مش حتفرق
انا عوزك تكونى مرتاحة فى بيتك الجديد انتى ومراد
انا مش عرفة اقولك ايه يا طارق
هااا قولنا ايه انسى بقه
خلاص خلاص انا حدخل اغير هدومى انا ومراد عشان بجد انا هلكت انهاردة وعوزة انام وبس
طيب حتلاقى الشنط فى اوضة النوم رياض جابهم على هنا على طول وتصبحى على خيى
وانت من أهله
بدء طارق فى العمل مع والده واستقرت نيرة فى حياتها الجديدة وبين وقت وأخر تأخذ مراد وتقضى بعض الوقت اما فى بيت والدها او والد طارق وبدءت تشعر بألفة شديدة مع والده ووالدته وانهم بالفعل اهلها
قررت نيرة فى يوم ان تقوم بتنظيف الشقة وبدءت بحجرة طارق دلفت اليها وبدءت بلف السجاد ثم توجهت الى الفراش لنزع الملاية وغطاء المخدات وأثناء رفع المخده وجدت تحتها أجندة مكتوبا عليها مذكراتى بخط طارق
فى بادء الامر دفعها الفضول لقراءة مذكراته ولكنها تراجعت قائله لنفسها مدام مخبيها كده يبقه اكيد مش عاوز حد يطلع عليها
فأخذتها لتضعها جانبا الى ان تنتهى وتعيدها الى مكانها مرة اخرى وقعت من يدها على الارض لتفتح على صفحة ليس بها الا إسمها بالخط العريض ومزخرف حوله ببعض القلوب الحمراء فلفت انتباهها ولم تستطع هذة المرة ان تفلت من فضولها وما كتبه طارق عنها فى مذكراته فأخذتها سريعا من على الارض وجلست لتقراء التالى
اليوم الثانى لى بالجامعة كنت أتحدث فى الموبايل ودون أن أدرى أصتدمت بأحد الفتايات أمام الجامعة وقفت لأعتذر منها فقالت بإبتسامه عذبه للغاية ولا يهمك حصل خير بس ابقه خد بالك بعد كده
وتركتنى وانصرفت على الفور دون أن تدرى ما فعلته بى إبتسامتها تلك
ثم دلفت الى المحاضرة لتفاجئنى بجلوسه جوارى فقد اكتشفت للتو انها زميلتى وبعدها تعرفت على كل من له صلة بها الى أن أصبحنا انا وهى أصدقاء
هى الان تعتبرنى صديق ولكننى ومذ زقعت عينى عليها اتخذتها حبيبه
نعم نيرة حبيبتى
توقفت نيرة عن القراءة عند هذا الحد وهى فى منتهى الذهول وأخذت تتحدث مع نفسها
معقول معقول اللى انا شيفاه ده طارق بيحبنى ومن ايام الكلية مش ممكن مش ممكن بس لاء ليه دا كده انا أخيرا لاقيت إجابة السؤال اللى دايما بيجى على بالى وشاغلنى دايما ومكنتش لاقيه ليه اى إجابة مقنعه
هو ليه عمل معايا كل ده ووقف جنبى انا وأبنى بالشكل ده وكان مصر وبكل قوته انه يحافظ على سمعتى كل ده عشان بتحبنى يا طارق بتحبنى كل الحب ده ومن زمان كده وانا ولا دريانه ولا حسه
فجأة انتبهت على صوت بكاء مراد فقامت على الفور واعادت كل شىء كما كان ووضعت المذكرات مكانها وخرجت مسرعة لمراد
بعد ان هدء مراد وعاد لنومه قامت نيرة لتكمل عملها فى البيت ولكن كل تفكيرها وتركيزها فيما قرأت والسر التى أكتشفته للتو دفعها فضولها أن تذهب مرة اخرى لتكمل ما كان يكتبه عنها او تاخذ هذة المذكرات لتقراءها على مهل ولكنها تراجعت كى لا يكتشف طارق إختفاءها
قررت نيرة فى هذا اليوم ان لا تذهب الى بيت اهلها او اهل طارق وأنها ستجهز الغداء وتجلس فى انتظاره
الو ايوة يا طارق انا مش حخرج من البيت وحستناك على الغدا ماشى
ليه يا نيرة انتى تعبانه مراد فى حاجة
لالا انت مالك اټخضيت كده ليه انا بس حبه ارتاح فى البيت انهارده ونتغدى سوى
خلاص ماشى حكون عندك ع الغدا
توصل
بالسلامة . سلام
سلام
قامت نيرةواتجهت الى المطبخ على الفور لتعد الغداء وهى تشعر بشىء غريب داخلها لا تدرى ما هو
عاد طارق للبيت وبمجرد دخوله توجه على الفور لحجرة مراد ليطمئن عليه ولكنه وجده نائما فجلس بجواره يتأمله قائلا حبيب بابا انت نايم يا روحى نوم الهنا يارب
كانت نيرة تجهز السفرة فى هذة الاثناء ايه ده انت جيت يا طارق حمدلله ع السلامة
الله يسلمك ما انتى كويسة اهو الحمد لله ومراد بخير امال ماخرجتوش ليه
هو لازم كل يوم خروج انا قولت اريح وكمان كنت بنفض واوضب الشقة
ايه تنفضى ايه وتشيلى وتحطى ايه حبه تنضفى الشقة اجبلك حد يعمل الحاجات دى انتى ما تتعبيش نفسك كفاية عليك مراد
حد ليه الشقة مش كبيرة وأدينى بتسلى يا طارق
لاء اتسلى مع الاستاذ مراد مع بابا وماما وباباك ومامتك انزلى اعملى شوبنج روحى النادى لكن تنفيض وشيل وحط لا انتى فهمه
يا طارق ما كل الستات بتقوم بشئون بيتها فيها ايه يعنى
انا مليش دعوة بحد انا مش عوزك تتعبى فى اى شىء وخلاص الموضوع انتهى خلينى اتغدى بنفس انا من وقت ما رجعنا ما أكلتش من ايدك ممكن
خلاص اللى تشوفو
وفجأة وجدت نيرة موبايلها يرن فقامت للرد عليه ازيك يا ماما معلش والله كسلت انزل انهاردة من البيت لالا مراد بخير الحمد لله وانا كويسة خلاص بكرة ان شاء الله حكون عندك من بدرى أيه بتقولى ايه ااااااه يوم الجمعة الجاية طب لما أشوف بقه ظروف طارق ماشى سلام سلمى على بابا
وانهت المكالمه وعادت لتكمل اكلها
فى ايه يا نيرة مال وشك متغير كده ليه وايه اللى يوم الجمعة
نيرة بتوتر اصل شيرين ولدت وحيعملوا السبوع يوم الجمعة وماما عوزانا نروح معاها
طيب مفيش مشكلة انا فاضى يوم الجمعة
طارق لو مش حابب اننا نروح انا حعتذر لماما وخلاص
ليه 
يعنى انا بقول انك ممكن يعنى ما تحبش تروح بيت وليد
لالا عادى حنروح ونهنى ونبارك لوليد ومراته
نظرة نيرة له طويلا لعلها تعرف ما يفكر به كانت تتصور انه سيرفض الذهاب الى بيت وليد بعد ما اكتشفته ولكنه على العكس مصمم كل التصميم على الذهاب فتحيرت فى أمره
حبقه افوت عليكى اخدك من عند مامتك اخر النهار
لايا طارق انا انهارده حكون عند مامتك
الله انتى مش كنتى عندها امبارح
ايوة بس عشان ماما عوزانا بكرة نقضى اليوم كله عندها ونتغدى معاها ونروح من عندها على السبوع فقولت انهارده اروح لمامتك عشان ما تزعلش عشان ماشفتش مراد

يومين ورى بعض
اخ صحيح دا انا كنت نسيت حكاية السبوع دى خالص
ايوة مصمم برضو اننا نروح
ايوة حنروح
طيب اللى تشوفه
ذهبت نيرة وقضت اليوم عند والدة طارق الى ان جاء ليأخذها وفى أثناء جلوسهم مع والده ووالدته تفاجأ طارق بوالدته تسأل نيرة
نيرة يا حببتى انتى ليه مش لبسه دبلتك
تفاجأت نيرة بالسؤال فأجابتها برتباك اه اصل ياطنط لما كنت حامل كانت ايدى ورمه اوى فضطريت اقلعها وبعد الولادة خسيت خالص فبقت بتوقع من ايدى فخۏفت تضيع فشلتها بقه
اه يا حببتى
فانتبه طارق الى انه عندما تزوج نيرة لم يشترى لها دبلة او شبكه من الاساس بسبب الظروف التى تم بها زواجهم
طارق طيب يا ماما انا عاوز انام حنروح بقه
والده طب ما تروحوا وتسيبوا مراد
نيرة لو بس مكنش لسه بيرضع كنت سبته لحضرتك يا عمى
سليم انتوا بس لو تلينوا دماغكم وتقعدوا معانا هنا
طارق احنا اتكلمنا فى الموضوع ده قبل كده يلا تصبحوا على خير
والدته وانتوا من أهله يا ولاد
فى سيارة طارق ايه ده يا طارق دا مش طريق البيت انت رايح فين
خلاص اهو وصلنا يلا انزلى
نظرت نيرة للمكان الذى يتوجه له طارق فوجدته محل مجوهرات ولم تدرى لماذا اتى بها اليه
طارق السلام عليكم ياسامى
وعليكم السلام ورحمة الله وبركاته . اهلا يا طارق بيه
بقولك ايه يا سامى عوزين هدية لمولود
ولد ولا بنت
صحيح يا نيرة وليد جاب ولد ولا بنت
نيرة دينا جاب بنت
طب بص يا سامى انا عاوز سلسلة محترمة جدا ماشى . بقولك ايه بالمرة عندك دبل ألماظ
ايوة عندى حاجة لسه جاية ما يستهلهاش الا واحد زى حضرتك تحفه دبلة بالمحبس بتاعها
طب فرجهانى
فأحضرها سامر على الفور وبمجرد ان
شاهدها طارق اعجب بها وناولها لنيرة قائلا تحفة شوفيها كده يا نيرة ايه رأيك
ايوة فعلا تحفه
طب البسيها كده لالا استنى انا حلبسهالك
وﻻول مرة يمسك طارق يد نيرة لترتبك هى ويشعر هو بمنتهى الفرح وهو يرى فى يدها دبلته
طارق وهو تلمع عينية من الفرح حلوة اوى اوى فى ايدك يا نيرة
خلاص يا سامى احنا حناخد السلسلة الحلوة دى والدبلة بالمحبس وابقه ابعت الفواتير على الشركة
سامى زى ما تحب يا طارق بيه
يلا سلام
خرجت نيرة وهى فى ذهول مما حدث وركبت بحانبه السيارة لا تدرى ماذا تقول
طارق مالك فى ايه سكته كده ليه
لا مفيش . هو انت اشتريت لى الدبلة عشان الكلام اللى والدتك قالته
لا
امال اشترتها ليه
لان كلام ماما نبهنى لانى مكنتش اشتريتلك شبكه لما اتجوزنا ممكن بقه ما تقلعهاش من ايدك
حاضر
فى اليوم التالى ذهب طارق بنيرة الى بيت والدتها ليقضوا اليوم سويا ثم بعدها توجه بهم طارق الى بيت وليد.
أستقبلهم وليد بترحاب شديد ثم توجه بهم الى حجرة الصالون واشار عليهم بالجلوس الى ان يخبر والدته وشيرين بحضورهم
والدة وليد اهلا وسهلا يا نيرة انا مبسوطة اوى يابنتى انك جيتى انتى وجوزك
رد طارق على الفور طبعا كان لازم نيجى يا طنط دا أحنا أهل وزمايل جامعة وشغل سابقا يعنى كده كده لازم نكون موجودين فى مناسبة زى دى
والدة وليد كلك ذوق يابنى وواضح انك ابن اصول
طارق ربنا يخليك يا طنط
لحظات وخرجت شيرين عليهم بمولودتها وبجوارها نسمه اخت وليد
نيرة حمدلله ع السلامة يا شيرين والف مبروك
شيرين ببرود الله يبارك فيكى
فتحت نيرة حقيبتها واخرجت منها علبة السلسلة وقدمتها لشيرين فأخذتها بدون نفس لتأخذها نسمة من يدها على الفور وتفتحها قائلة وااااو ايه الجمال والشياكة دى كلها طول عمرك ذوقك حلو يا نيرة
نيرة لا دا ذوق

طارق هو ذوقه احلى منى بكتير
نسمة فى دى عندك حق والا مكنش اختارك
نيرة الله يكرمك يا نسمة
نسمه عقبال يارب كده ما نردهالك فى البيبى الجديد
نيرة حرام عليكى مش لما افوق من مراد الاول
نسمه لا يا حببتى ما تتحججيش عندك خالتى نفسها تاخده على طول
كانت والدة وليد قد تركتهم لتعد لهم واجب الضيافة فعادت تحمل صينية عليها اكواب الموغات وبجوارها وليد ومعه اكياس السبوع وبمحرد ان رأى طارق وليد ينضم لجلستهم فعل مثل المرة السابقة وحاوط نيرة بذراعة واخذ يداعب مراد
انطلقت نسمه تقول لنيرة هاتى بقه الواد القمر ده العبه شوية عشان مش بشوفه غير كل فين وفين
نيرة وانتى ماشبعتيش لعب مع مريم ومى
نسمة كبروا خلاص انا بحب البيبيهات دا غير ان كان نفسى فى ولد
فنظرت لها شيرين على اثر هذه الكلمه بغيظ وحقد
نيرة خلاص ياستى احنا فيها جيبى بيبى جديد
نسمه بفزع لالا خلاص معنديش استعداد تعب حمل وولادة تانى ربنا يبارك لى فى البنات والحمد لله على كده
كل هذا ووليد ينظر لطارق وهو يحاوط نيرة بذراعة بكل حزن وأسى وحقد أيضا وشيرين تتابع نظراته لهم فى منتهى الضيق
والدة نيرة يلا بقه يا ولاد عشان نروح
وليد ما تخليكى شويه يا خالتوا
خالته لا يابنى كفاية كده عشان كمان شيرين تقوم ترتاح دى لسه قايمه من ولادة
فأسرعت شيرين قائله اه يا خالتوا عندك حق والله انا لسه تعبانه اوى
والدة نيرة انا عرفة طبعا يا حببتى يلا قومى ارتاحى وتصبحوا على خير يا جماعة
فنهض طارق على الفور وأمسك بيد نيرة يساعدها على النهوض وسط دهشة نيرة وفرح والدتها بأن الله من عليها بهذا الزوج الحنون بعد ما فعله بها ابن اختها وغيظ شيرين لما تلاقيه نيرة من حب واهتمام الجميع.
أخذ طارق والدة نيرة الى بيتها وبعدها أكمل طريقة الى بيته وهو فى عالم أخر فقد تذكر كلمات نسمه عن الانجاب وأخذ يحادث نفسه معقول معقول فى يوم من الايام الجواز اللى على الورق بينى وبين نيرة يكون حقيقى ويكون لى ابن او بنت منها ياااااااه دى تبقه احلى هدية من ربنا ليا
فى الوقت الذى كانت نيرة تفكر هى الاخرى فى تصرفات طارق معها أثناء وجود وليد او اى احد من عائلته و أيضا اصراره الشديد على ذهابهم لبيته برغم من معرفتها الان بحبه لها
كانت افكارها مشوشة تماما الى ان وجد طارق يخبرها بأنهم قد وصلوا الى بيتهم
ايه يا نيرة وصلنا البيت خلاص مش حتنزلى ولا ناوية تباتى فى العربية
بجد معلش كنت سرحانه
كنتى سرحانه فى أيه 
نطلع بس وبعدين نتكلم
كده طيب يلا نطلع عشان تحطى مراد فى سريرة شكله نام
فعلا نام
بمجرد دخولهم شقتهم وضعت نيرة مراد فى الفراش وابدلت ملابسها وخرجت تسأل طارق ها أحضر العشا ولا مش دلوقتى
قوليلى الاول كنتى سرحانه فى ايه 
أممممم انا عندى سؤال نفسى اساله ليك
ايه هو 
يعنى مش عارفة اقوله ازاى ولا ابدء منين
قولى اللى يجى على بالك وخلاص
فقالت بتوتر هو ليه لما بنكون فى مكان واحد مع وليد بتفضل طول القاعدة
هو ده السؤال الجامد اوى اللى مش عارفة تسأليه . أنا بعمل كده فى وجوده هو وأهله عشان يعرف اد ايه هو خسر لما فضل انه ينفصل عنك ويرتبط بالى اسمها شيرين وعشان اشوف فى عينيه الحسړة زى انهاردة كده وعشان انتى كمان تشوفيها فى عينيه مش ده اللى انتى كمان عوزاه
ورفع صوته بغيره وڠضب مكملا حديثه والا ماكنتيش تستسلمى كده بالذات انهاردة ولا كان احساسى غلط
لا يا طارق مكنش احساسك غلط وانا فعلا كنت مستسلمه ليك لكن مش عشان وليد ولا كنت مهتمه بيه من الاساس
فقال بشك امال ليه 
شعرت نيرة بالارتباك والخۏف عندما سألها طارق هذا السؤال فقالت بتردد عشان عشان أصل
فلم تتحمل وفرت هاربه من امامه الى حجرتها أخذه مراد بين أحضانها وكأنها تستجير به او تستمد منه قوتها
فنطلق طارق خلفها ليجدها تخفى وجهها فى صدر مراد فقال لها بعصبية جوبينى يا نيرة ردى على سؤالى
فرفعت وجهها اليه ليرى دموعها تنهمر بشدة
انتى بتعيطى يانيرة بتعيطى ليه انا عاوز افهم فى ايه !! ردى عليا من فضلك
نيرة وبعد ان استجمعت قليلا من قوتها كنت مستسلمه ليك يا طارق لأنى حبيتك
طارق بذهول وعدم فهم ايه انتى بتقولى ايه
فطأطأت رأسها لتصرف عينيها عنه قائله عشان حبيتك ياطارق ايوة حبيتك
انتى متأكده من اللى انتى بتقوليه ده ولا ده عشان يعنى وقفت جنبك ولا عشان ايه بالظبط
عشان انت راجل بجد يا طارق سند قلب كبير عشان حنيتك عليا عشان انت احسن أب لأبنى عشان الكرم والحب والحنان اللى محوطنا بيهم من يوم ما بقيت مراتك بعد كل ده مش عوزنى احبك
و أكملت بخجل وعارفة كمان انك بتحبنى ومن زمان من ايام الكلية
ايه تعرفى الكلام ده منين الكلام ده محدش يعرفه
انت اللى قولتلى
ازاى !!!
من مذكراتك
فقال بسخرية أه فهمت يعنى انتى بقه بتردى لى الجميل عشان لما عرفتى انى بحبك من زمان قولتى تحبينى انتى كمان بالمرة صح !!!!
فأجبته مسرعة ايه اللى أنت بتقوله ده انا من فترة وانا بحس بميل نحيتك بس مكنتش عارف افسره وكنت بقول زى ما انت قولت من شوية يمكن ده عشان موقفك منى انا ومراد واهتمامك ورعايتك لينا لحد لما شوفت مذكراتك وعرفت انك بتحبنى وقتها عرفت احدد شعورى واعرف انه مش مجرد عرفان بجميلك عليا لا دا حب انا بحبك ياطارق ايوة بحبك
بجد يا نيرة بجد
ايوة هى دى الحقيقة ودا احساسى ليك
أخذ طارق يديها بين كفيه وأمسك بهما قائلا ياااااه يا نيرة انا مش مصدق ان اللحظة اللى كنت بحلم بيها من زمان اتحققت وسمعت من شفايفك كلمة بحبك يا طارق
انت تستاهل تتحب واى بنت تتمنى تكون زوجتك
أجابها ضاحكا احم احم اى بنت تتمنانى يعنى اعمل بقه زى ما الشرع بيقول واخليهم اربعة
نيرة بفزع ايه نعم لالا كده ممكن اقلب على ريا وسکينه الاتنين مع بعض
فاڼفجر طارق ضاحكا لالا يا ستى انا بهزر
لا اوعى تهزر الهزار البايخ ده تانى معايا
بقه انا ممكن ابص حتى لغيرك دا انا قافل قلبى عليكى من زمان وحالف ما افتحه لغيرك
ربنا ما يحرمنى منك ابدا
ولا منك انتى ومراد
وأقترب منها أخذا بها بين ذراعيه وأخيرا دخلت نيرة عالم طارق الخفى وهدم الجدار الذى كان يفصلهما وبدء كلا منهما يتذوق طعم الحب الحقيقى.
مرت الايام هادئه جميلة ونيرة ترعى زوجها وابنها وتقضى بعض الوقت فى بيت اهلها وبعضه
فى بيت عائلة طارق وتستمتع تماما بكل اوقاتها الى أن أستيقظت فى يوم على ألم شديد فى رأسها .
مالك يا نيرة فى أيه
صداع صداع شديد اوى فى راسى يا طارق
طب انا حقوم احضر الفطار وحشوف لك حاجة للصداع تخديها بعد ما تفطرى
طيب
أحضر طارق لها الفطار وجلس بجوارها يحثها على الطعام وفاجأة قامت تجرى على دورة المياة لتتقىء كل هذا وطارق فى غاية القلق ولا يدرى ماذا يفعل غير انه ساعدها الى ان عاد بها الى الفراش وجعلها ترتاح به .
انا لازم اجبلك دكتور يشوفك انا مش حسيبك كده
دلوقتى ابقه كويسة ما تكبرش الموضوع يا طارق
فى هذة الاثناء رن موبايل نيرة
شوف مين يا طارق
أخذ طارق الموبايل وقال دى مامتك يا نيرة
رد عليها اكيد بتسأل حروحلها انهاردة ولا لا ما تقولهاش انى تعبانه
صباح الخير يا طنط نيرة تعبانه ومش عوزانى اجيب لها دكتور
كده يا طارق كده تقلقها عليا
خلاص يا طنط انا حعدى عليكى اجيبك تقعدى معاها هى ومراد واروح اجيب لها دكتور سلام
كده يا طارق مش قولتك ما تقولهاش انى تعبانه كفاية اللى هى فيه
ما انا مش عارف اتصرف ولا اعمل ايه معاكى وانا شيفك تعبانه كده ومراد اللى محتاج حد يقعد بيه يلا انا حروح اجيب مامتك بسرعة عشان الحق اجيب دكتور يطمنى عليكى
فى منزل والدة نيرة كان وليد صاعدا لوالدته حينما قابل خالته تنزل السلم فى سرعة غريبة فستوقفها ليعلم ما الامر
خير يا خالتوا مالك نزله تجرى كده
اصل يابنى نيرة تعبانه وانا نزله ريحلها عشان اطمن عليها
طب انا عربيتى تحت تعالى اوصلك
شكرا يا حبيبى طارق وصل تحت ومستنينى
طب ربنا يطمنك عليها
يارب يابنى يارب
أكمل وليد صعوده الى والدته والتى عندما وجدته يدخل ويغلق الباب خلفه على الفور سئلته امال فين شيرين
انا جاى لوحدى
امال انا سمعاك بتتكلم ع السلم مع حد
دى خالتى كانت نزله رايحة لنيرة عشان تعبانه
ايه تعبانه عندها ايه
مش عارف شوية كده واتصلى بيها عشان نطمن عليها
اه طيب . وانت جاى من غير مراتك وبنتك ليه
والنبى يا ماما ما تجبيلى سيرتها خالص انا جاى ارتاح عندك شوية ولو مش عوزانى حقوم امشى
خلاص خلاص اقعد ارتاح
ايه يا حببتى مالك
مش عارفة يا ماما عندى صداع شديد
فى هذة الاثناء عاد طارق بالطبيب وادخله لها على الفور . وبعد ان كشف عليها واستمع لشكواها نظر لمراد والذى كان نائما بجوارها وسألها
البيبى القمر ده ابنك
أيوة مراد ابنى
عنده أد أيه 
سبع شهور
فقال الطبيب بإبتسامة يعنى إنتى مالحقتيش تنسى اهو امال ازاى ما عرفتيش ان الاعراض اللى عندك دى أعراض حمل
فقال طارق ومعه نيرة فى ذهول أاايه
أنتوا اللى ايه مالكم مذهولين كده ليه مكنتوش عوزين حمل دلوقتى ولا ايه
طارق لا ابدا الحمد لله ان ربنا كرمنا بس يعنى المفاجأة انه حصل كده بسرعة
الطبيب طيب مبروك ليكم يلا بعد اذنكم
وغادرهم الطبيب على الفور
نيرة بفرح انا حامل يا طارق تانى انا مش مصدقة نفسى
طارق قولى الحمد لله يانيرة واشكرى ربنا
الحمد لله
وفاجأة رن موبايل والدة نيرة
نيرة دا بابا يا ماما
لا يا حببتى دى خالتك اكيد عوزة تطمن عليكى
الوا ازيك عامله ايه نيرة لا نيرة بخير والحمد لله اصلها طلعت حامل الله يبارك فيكى يارب الله يسلمك سلام
نيرة هى خالتى عرفت منين انى تعبانه
اصل وليد قابلنى وانا نزله اجرى وقولتله انى جيالك عشان تعبانه
اااااه
أيه بتقولى أيه يا ماما
زى ما سمعت كده يا وليد نيرة حامل
نيرة حامل تانى لالا مش ممكن مش معقول
ليه بس يابنى هى مش ست متجوزة
خلاص يا ماما خلاص مش عاوز اسمع حاجة تانى
يابنى بطل تفكر فيها خلاص موضوعكم خلص من زمان وانت دلوقتى عندك بيتك ومراتك وهى كمان
ماما انا ماشى
وليد يا وليد استنى يابنى
معلش يانيرة يا حببتى كان نفسى افضل جنبك بس انتى عارفة انى مقدرش اسيب باباكى وهو تعبان
يا ماما انا بخير والحمد لله روحى انتى لبابا هو محتاجك اكتر منى ربنا يشفهولنا يارب
يارب

يابنتى يارب اروح بقه واقوله على خبر الحمل بتاعك ده حينبسط ويطير من الفرح كمان ربنا يا بنتى يتمملك على خير وتقومى لنا بالسلامة
أيوة ادعى لى كتير يا ماما
طارق طيب انا حاجى أوصلك
طيب
يلا عشان تلحق ترجعلها ولا انت حتروح شغلك
شغل لا شغل ايه انا اتصلت ببابا وقولتله انى مش حقدر اروح الشغل انهاردة
نيرة بلغته بخبر الحمل
لا انا كنت اتصلت بيه وانا رايح أجيب الدكتور قولت كده كده لازم اكون جنبك انهارده
كده طيب انا بقه اللى حقوله عشان اخد الحلوة
الحلوة ليه حتبلغية بنتيجة الثانوية العامة
لينفجر الجميع بالضحك
والدتها ربنا يسعدكم يابنى يلا بينا بقه
بمجرد ان عاد طارق بعد ان وصل والدتها الى منزلها دلف اليها على الفور وأخذها بين ذراعيه وضمھا اليه طويلا
ايه يا طارق فى ايه
ما انا مقدرتش اول لما سمعت خبر الحمل ادام مامتك والدكتور فباخد حقى دلوقتى برحتى بقه
مبسوط يا طارق
مبسوط بس دا انا حطير من الفرح اتجوزت البنت اللى بحبها وكمان خلفت منها يعنى كل اللى كنت بحلم بيه ربنا كرمنى بيه وان شاء الله حطلع حاجة لله عشان كرمه الكبير ده علينا
ربنا يخليك ليا ياطارق ولا ولا يحرمنيش منك ابدا يا حبيبى
ااااالله حبيبى طلعه منك زى العسل . بس فى موضوع كده كنت عاوز اكلمك فيه
خير يا طارق عاوز تقول ايه 
بصى انتى دلوقتى حامل وانا مش عوزك تعملى اى مجهود دا غير الاستاذ مراد وانتى عارفة كويس هو محتاج رعاية وعناية اد ايه ممكن متقدريش عليهم الفترة الجاية
يعنى ايه ياطارق انت مش عوزنى اعمل حاجة خالص طب والبيت ومراد وطلباتك انت كمان
ايوة بالظبط كده يانيرة انا عوزك ترتاحى خالص وعشان كده انا بقترح اننا فترة الحمل دى نروح نقعد مع بابا وماما فى الفيلا هناك فى ناس حتساعدك دا غير ماما حتشيل مراد فى عينيها وما حتصدق اصلا انه يكون معاها ليل ونهار وبابا كمان وانا حكون وانا فى شغلى مطمن عليكم انتوا الاتنين وبالى مرتاح واعرف اركز فى شغلى
بس يعنى لو انتى مش حيريحك الوضع ده خلاص ندور على حل تانى ايه رايك
اذا كان الوضع ده حيخليك ترتاح وتطمن علينا ياطارق يبقه يريحنى دا غير ان طنط سوزان وعمو سليم كمان انا برتاح معاهم اوى
كده يبقه نتوكل على الله وحقوم اوضب الشنط ونروح نقعد على قلبهم
نيرة بضحك ايه نقعد على قلبهم دى
هو كده وبعدين دول امى وابويا انا حر فيهم بقه
بقه كده. طب حتى اتصل بلغ مامتك اننا حنروحلها
لا انا عاوزة مفاجأة شاملة كاملة مع سبق الاصرار والترصد كده
انت مش ممكن لما بتصمم على حاجة محدش يقدر عليك
السلام عليكم
وعليكم السلام . اهلا يا طارق ياحبيبى تعالى يا نيرة يا حببتى لسه كنت حتصل بيك اطمن على نيرة اصل باباك لسه كان بيكلمنى وقالى انك مروحتش الشركة عشان نيرة تعبانه كويس انك جبتها وجيت مالك يا حببتى فى ايه
طارف على الفور خلى بس حد الاول يجيب الشنط بتاعتنا من العربيه ويطلعها اوضتنا
سوزان باستغراب شنط ايه هو انتوا ناوين تقعدوا معانا خلاص
طارق ايوة ياسوزان حنقعد معاكم يعنى تسع شهور كده بس ياريت ما تزهقوش مننا وتقولولنا روحوا بيتكم
سوزان لا انسى عمرنا ما حنقولها بس اشمعنى تسع شهور يعنى
نيرة اصل يا طنط
قاطعها طارق بسرعة لا ما تقوليش لما بابا يجى
سوزان هو فى ايه ياولاد ما تطمنونى
طارق طب تدفعى كام وانا اقولك
فاڼفجرت والدته ونيرة بالضحك وقالت نيرة ما تقول بقه يا طارق
طارق طب ما تقولى انتى
ما انا كنت حقول وانت قولتلى ماقولش
سوزان بس انت وهى يلا يا نيرة يا حببت قلبى انتى قوليلى
نيرة بكسوف اصل يعنى يا طنط فى الحقيقة
سوزان يالهوى العيال دول حيجننونى قوم قوم يا واد انت وهى روحوا بيتكم
طارق بمرح ياسوسو دا انتى بتفهميها وهى طيرة عملين نقول حنقعد تسع شهور تسعة بس
طارق ايوة كده انا قولت أمى طول عمرها ذكية طلعالى
فهبت والدته من جلستها على الفور وأخذت نيرة فى حضنها وهنأتها بالحمل ثم أصرت عليها ان تصعد الى غرفتها لتستريح تماما.
طارق ايوة كده يا ماما انا جبتها هنا عشان عارف انك حتمشيها ع العجين متلغبطوش
نيرة كده يا طارق سامعه يا طنط
سوزان سيبك منه تحبى اخليه يروح يقعد هناك لوحده
نيرة وبسرعة شديدة لالا انا مقدرش استغنى عنه
سوزان بإبتسامة عريضة مش ده اللى كنتى لسه بتشتكى لى منه
نير
وقد احمر وجهها اشتكى منه اه لكن يبعد عنى لا
طارق شوفتى يا ست ماما مراتى حببتى مش انتى اللى بتعاملينى معاملة مرات الاب
والدته بقه كده يا طارق طيب . بصى بقه انا عوزاكى ترتاحى خالص خالص ومراد انا اللى حشوف كل طلباته
نيرة بس انا مش عوزو اتعب حضرتك
تتعبينى دا ايه دا انا ما صدقت انه حيبقه معايا ليل ونهار حبيب قلبى
طارق يادى النيلة اللى عمرى ما سمعت منك الكلام الحلو ده مش بقولك انتى مرات ابويا مش امى
والدته ماتصدقهوش دا انا ياما دلعته بس اوقات كتير كنت بشد عليه عشان يطلع راجل ويتحمل المسئولية
طارق شوفتى اديكى اعترفتى
نيرة بس حقيقى ياطنط ونعمة التربية طارق راجل بمعنى الكلمة من يوم ما عرفته سواء فى الكلية أو فترة زملاتنا فى الشغل وبعد جوزنا عمره ما حسسنى انى بعيدة عن اهلى كان هو كل اهلى واصحابى وكل شىء ليا ربنا ما يحرمنى منه
وفاجأة دمعت عيناها. فجلس طارق بجوارها وأخذ رأسها فى صدرة وهو يقول
ولا يحرمنى منك ابدا يارب
والدته احم احم لا كده انا اخد مراد بقه واخرج عشان مبقاش عزول
فضحك الاثنان وقال طارق ياريت يعنى
والدته بقه كده يا طارق
نيرة بخجل لا يا طنط خليكى قعدة معانا
والدته لا بجد انا لازم انزل اشوف بقه اخبار الغدا عشان اوضبلك احلى غدا انهاردة آه صحيح اقول لسليم ولا حتقوله انت لما يجى ع الغدا
طارق لا خليه يتفاجأ بينا وبالنون الجديد ع الغدا
ماشى يلا اسبكم ترتاحوا بقه
نيرة ايه اللى انت عملته ده
ايه امى وانا حر معاها ملكيش دعوة هى اصلا طيرة من الفرح عشان ابنها ومراته بيحبوا بعض دى كان نفسها فى كده من زماااااااان
بس احرجتنى قصادها 
بس كده طب اهى مشيت اخدك من غير احراج 
انت ايه ما بتصدق
ايوة طبعا مش مراتى حببتى
سليم حمدلله ع السلامة
الله يسلمك يا سوزان خليهم يحضروا الغدا بسرعة لحسن انا مېت من الجوع
سوزان حاضر على ما تغير هدومك حيكون الغدا جهز
طرقات خفيفة على حجرة طارق فقام وفتح على الفور
ايوة يا ماما فى حاجة
يلا هات مراتك ومراد وانزلو اقعدوا على السفرة بابا جه وعوزاه يتفاجأ بيكم على الغدا
ماشى ياسوزان يا بتاعت المفاجأت
سليم الله طارق انت هنا انت ومراتك
ايوة يا بابا انت زعلت انى جيت ولا ايه
ابدا بس اصل انت قولتلى فى التلفون ان مراتك تعبانه عشان كده انت قاعد جنبها انهارده
ايوة فعلا كانت تعبانه الصبح جدا دا انا حتى كنت بكلمك وانا رايح اجيب الدكتور
ياااه للدرجة دى خير يابنتى والدكتور قال ايه
طارق على الفور الدكتور قالى قول لسليم بيه مبروك حتبقى جدو تانى
سليم بدهشه وفرح ايه بجد انتى حامل يا نيرة
نيرة بخجل ايوة يا عمو
الف الف الف مبروك ياولاد ربنا يتمم ليكم على خير خلاص انتوا حتقعدوا معانا هنا مفيش مرواح عشان سوزان تاخد بالها من مراد ونيرة
فاڼفجر الثلاثة فى الضحك
سليم پغضب بتضحكوا ليه ان شاء الله
طارق اصل احنا لمينا الهدمتين اللى حيلتنا وجينا احتلينا البيت من الصبح
سليم بفرح كده خير ما عملتوا والله
طارق بخبث امال بس عماله تقوليلى ابوك حيطردك ليه ياسوزان
سوزان بفزع انا قولتلك كده ما تصدقهوش يا سليم دا بيوقع بينى وبينك
سليم بضحكه مجلجله هو انتى حتقوليلى على طارق والعيبه والله زمان يا طارق ياااااااه يا ولاد ما تتصوروش فرحتى انهاردة اد ايه وبالمناسبة دى وعشان خاطر بقه طارق
طارق بسرعة هاا يا بابا حتفاجأنى بأيه قول قول
سليم بهدوء حضرتك من بكرة اللى حتدير الشركة و أنا بقه حقعد مع الواد القمر ده العب واتبسط
طارق وبسرعة شديدة على فكرة يا بابا احنا كنا بنهزر معاك نيرة ولا حامل ولا حاجة واحنا حنتغدى ونروح بيتنا فورا
فاڼفجر الجميع بالضحك من كلام طارق
ومرت السنوات سريعا
ماما ياماما يا حببتى يا ماما
أيوة يارضوى خير يارب الدلع ده كله ليه
اممممم هو انهاردة كام فى الشهر
انهاردة كام كام تقريبا كده 315
ايوة يا حببتى بالظبط وبكرة يبقه كام
يبقه اكيد يعنى والعادى ان بكرة 16
طب اليوم ده مش بيفكرك بحاجة
حاجة . حاجة ايه
اليوم ده مش بيفكرك بحاجة ابدا يا ست ماما
ايه بس
يا رضوى فكرينى طيب
فقالت بحزن يعنى مش فكرة انك ولدتينى فى اليوم ده مثلا
فضحكت والدتها عن آخرها وأخذتها فى حضنها قائله فكرة طبعا وانا اقدر انسى وبكرة حيتعملك احلى عيد ميلاد انا وبابا مجهزين كل حاجة
رضوى بدلع بقه كده يا ست ماما
يلا بقه شوفى حتعزمى مين من صحابك
رضوى بفرح بس كده عينية يا ست الحبايب
طيب يا بكاشة
فى اليوم التالى كانت فيلا طارق معده تماما للاحتفال بعيد ميلاد ابنته وكانت رضوى فى منتهى السعادة وهى تستقبل زملائها فى الكلية
مراد طبعا يا ست نيرة فرحانه بدلعتك
نيرة انتوا الاتنين نور عينيا وبعدين انا مش عرفة اعمل معاكم ايه رضوى تقولى مراد دلعتك وانت تقولى رضوى دلعتك انا مش عرفة مين فيكم دلعتى بالظبط جننتونى انتوا الاتنين
مراد بعد الشړ عليك يا جميل
اقترب منهم طارق عند هذه الجملة ايه ده انت بتعاكس مراتى ولا ايه
مراد اوباااااااا اهو حبيب القلب وصل
نيرة بس يا ولد اختشى
طارق ليه يختشى ليه هو انا مش حبيب القلب ولا ايه 
نيرة بضحك طارق وبعدين معاك
طارق محدثا مراد انا مش عارف اعمل ايه مع امك دى بقالنا اكتر من عشرين سنه جواز ولحد دلوقتى بتتكسف لو قولتلها اى كلمة حلوة ادام حد
مراد بص انا حقولك الحل انا حشوفلك وحدة تانية تكون ما بتتكسفش ايه رأيك
نيرة پغضب بقه كده يا مراد
طارق ومين قالك ان فى اى وحدة فى الدنيا دى تملى عينى غير نيرة دى حب عمرى كله
مراد بصفير وتصفيق الله الله يا طارق دا انت واقع لشوشتك
طارق ايوة وانا حنكر ربنا ما يحرمنى منها ابدا
فدمعت عينا نيرة فحاوط طارق كتفها بذراعة هو انا كل لما اقولك الكلمتين دول تعيطى
مراد يا بابا ما ده طبع الشعب بتاعنا يفرح يعيط يحزن يعيط يسمع كلام حب يعيط شعب نكدى بطبعه ????????????????
طارق بس يا واد انت ما تروح

انت كمان تشوف حد من صحابك وسبنى استفرد بأمك
نيرة بفزع أيه
طارق بضحك قصدى اقف مع امك
مراد خلاص ياسى طارق حسيبك تستفرد بالمزة بتعتك
ضړبته نيرة بيدها على كتفة وهى تقول بطل الاسلوب البيئة اللى بتتكلم بيه
ضحك مراد وتركهما وانصرف يبحث عن اصدقاءه
فريدة يا حببتى انا مبسوطة اوى اوى انك جيتى انا كنت فقده الامل خالص انك تيجى
انا جيت بس عشان انتى ما تزعليش يا رضوى بس مش حقدر اقعد كتير عشان ماما لوحدها
ماشى تعالى بقه لما اعرفك على ماما وبابا
طيب
بعد اذنكم يا بنات يلا معايا يا فريدة
ماما بابا
ايوة يا رضوى
اقدملكم فريدة صحبتى الجديدة لسه متعرفة عليها السنة دى
نيرة اهلا وسهلا بيكى يا فريدة
طارق اتشرفنا بمعرفتك
فريدة انا اللى اتشرفت بمعرفتكم يا عمو انت وطنط
وفى هذة الاثناء كان مراد قريبا منهم فأشارت رضوى لفريدة عليه وهى تقول وده بقه ياستى مراد اخويا الكبير مش الكبير اوى يعنى هى سنة وحدة بينى وبينه
فقالت فريدة اهلا بحضرتك
ثم اشارة رضوى الى فريدة وقالت ودى بقه يا مراد فريدة صدقتى الجديدة
مرا اتشرفت بمعرفتك يا انسة فريدة
فريدة بأدب جم متشكرة
أخذتها رضوى من ذراعها وعادت لباقى اصدقاءهم
مراد وهو ينظر فى اتجاه فريدة ورضوى ايه ده يا ماما بنتك شكلها حتبتدى تعقل
نيرة پغضب بنتى عقله طول عمرها ما تقولش كده على اختك تانى
مراد لا بجد اول مرة اشوف لها صحبه عقله ورزينة كده
نيرة رضوى طول عمرها اجتماعية وبتحب تصاحب كل انواع البشر وبتستفاد دايما من التنوع ده فى علاقتها
مراد طيعا مين يشهد للعروسة
فريدة يلا بقه يا رضوى انا مضطرة امشى
كده طيب يا حببتى تعالى اوصلك لحد بره
رشا وصلتى البرنسيسة فريدة انا مش عارفة انتى مصحباها ازاى دى
رضوى بحدة رشا لو سمخنى محبكيش تتكلمى كده عن فريدة او اى حد من صحابى لو سمحتى لان اصحابى كلهم ناس محترمة وانا بحبهم كلهم ماشى
رشا خلاص خلاص ياستى
طارق ايه يانيرة هى رضوى فين من بعد عيد ميلادها وهى اختفت
نيرة الامتحانات بدءت وانت عارف بنتك فى الوقت ده بتختفى نهائى لحد ما تخلص
مراد ليها حق ياماما دى كلية طب مش اى حاجة ولازم تركز اوى
رضوى وبسرعة صباح الخير يا جماعة مراد اخويا حبيبى ممكن توصلنى فى سكتك
مراد ليه وعربيتك فين
عربيتى عند الميكانيكى
عطلت منى امبارح وسيباها عنده يصلحها
أمرى لله يلا ياستى
وعلى فكرة حنفوت على فريدة ورشا نخدهم فى سكتنا
نعم ياختى ليه اكونش السواق ابخصوصى ليكى انتى وصحابك
رضوى بمسكنه معلش بقه اصلى اتفقت معاهم امبارح اخدهم على سكتى قبل ما العربية تعملها وتعطل
طيب يلا ادامى يا مغلبانى
ربنا يخليك ليا يا اخويا يا حبيبى ياروح قلبى
ايوة ياختى مش
باخد منك غير اونطة وبس
ايه ده انتى قولتلى اننا حناخد اللى اسمها رشا دى معانا
ايوة قولتلك حنفوت ناخد رشا وفريدة
أكيد ما سمعتش لو كنت سمعت ما كنتش وفقت اوصلك اللى اسمها رشا دى ياساتر يارب ډمها يلطش وفكرة نفسها ظريفة
مراد ما تقولش كده على صحبتى لو سمحت
خلاص ابعديها عنى وخليها تبطل تستظرف عليا بدل ما ازعلهالك
يابنى بتهزر معاك فيها ايه دى
هزرها بايخ ومش بتنزلى من زور انا حر بقه وبعدين فكرها بالاستظراف بتاعها ده حتلفت نظرى
يسلااااام يعنى أحمد عز ياخى
لا ياختى مراد طارق سليم اللى مفيش منى ولا زى
طيب يا عم المغرور
يلا ياختى ادينا وصلنا عند الظريفة شورلها تيجى تركب
مراد بطل بقه اهى جاية علينا.
رشا صباح الخير يا مراد عامل ايه وازيك واخبارك ايه
مراد ببرود اهلا
اسرعت رضوى تقول عملتى ايه فى المادة بتاعت انهاردة
المادة دى صعبة اوى ربنا يستر بقه بس انا متفائلة خير عشان شوفت مراد قبل الامتحان
رضوى بسرعة استنى استنى يا مراد بيت فريدة اهو هرن لها عشان تنزل
نزلت فريد على الفور وركبت معهم صباح الخير يا جماعة صباح الخير يا أستاذ مراد
مراد صباح الخير يا أنسة فريدة
صباح الخير صباح الورد صباح الفل يا ماما
صباح الخير يا رضوى ياترى االحب ده كله ليه
بحب فى مامتى فيها حاجة دى
لا مافيهاش بس يلا قولى الطلب بتاعك
امممم اعمل ايه بس مامتى وفهمانى
يعنى فى طلب طب يلا قولى ايه هو
حنروح شرم امتى بقه
على طول كده دا انتى لسه مخلصه امتحان امبارح
اهو قولتيها بنفسك
قولت ايه 
يعنى من اكتر من شهر وانا مذكرة وكورسلت وامتحانات يعنى عوزة اغير جو بقه
خلاص خلاص حقول لبابا واشوف حيقولى ايه
بابا حبييى مش حيمانع طبعا
طيب يا حبيبت ابوكى
مراد انا حجزت بعد بكرة تذاكر شرم
طارق طب كويس كده خلى رضوى تبطل زن على دماغى
رضوى كده برضو يا بابا انا زنانه
مراد هو انتى يتعرفى تعملى حاجة غير الزن على دماغنا
رضوى شايفة يا ماما بيقول عليا ايه عشان دايما بتقولى انى أنا اللى بجر شكله
نيرة انتوا ما تبقوش كويسين وبصحتكم لو ما شكلتوش بعض كل يوم تتعبوا يا حرام
فاڼفجر مراد ورضوى فى الضحك ومعهم طارق
طارق تصدقى صح
رضوى نعملك ايه يا ست ماما ما انتى اللى جبتينا فوق روس بعض
مراد المهم بقه تجهزوا نفسكم عشان السفر واتمنالكم