رواية بقلم ايمان حجازي
رحلة سعيدة
نيرة تتمنالنا ليه هو انت حتقعد هنا معى بابا فى الشركة
لا ياست ماما بابا حيسافر معاكم وانا اللى حمشى الشغل هنا
رضوى بفرح بجد يا بابا حتكون معانا المرة دى
ايوة مراد صمم انه هو اللى يقعد فى الشركة وانا اللى اسافر معاكم
نيرة انا نفسى مرة وحدة حتى نسافر كلنا سوا
طارق وانا كمان من بعد ۏفاة بابا الله يرحمه واحنا ما سفرناش كلنا مع بعض كان هو اللى دايما يقولى خد مراتك وولادك وسفروا اتفسحلكو يومين
مراد ورضوى معا الله يرحمه جدو سليم كان طيب اوى
نيرة بحزن الله يرحمه هو وجدتكوا سوزان كنت بحس معاهم انى مع بابا وماما بالظبط هما اللى خففوا علياكتير ۏفاة ماما وبابا وكانت وفاتهم هما بقه اللى صډمه ليا
طارق انتوا قلبتوها نكد ليه كده يلا ياسعادة البيه على شغلك عشان انا ابتديت الاجازة بتعتى من انهاردة
مراد ايه لا انا بقول اسافر احسن اصلى لسه معرفش امشى الشغل لوحدى
فاڼفجر الجميع فى الضحك
انا مبسوطة اوى يا ماما اننا مسفرين طيران المرة دى ومبسوطة اكتر عشان بابا معانا عشان لما اخرج مع اصحابى متبقيش لوحدك تقعدى بقه مع بابا وتستعيدا ذكرياتكم الجميلة
بقه كده يا ست رضوى. قوليلى بقة مين من صحباتكةحيكون هنا السنادى
رشا حتوصل بكرة وسلوى كمان يومين
طب وصحبتك الجديدة دى مش جاية
مين فريدة لا فريدة مش من بتوع شرم اصل يعنى ظروفها المادية ما تسمحش بس هى بنت مجتهدة وذكية ومحترمه عشان
كده انا بحبها اوى
اكيد طبعا الظروف المادية ما تعبش حد وفعلا انا شايفة انها بنت محترمه زى باقى اصحابك وزى بنتى حبيبتى قلبى
رضوى بمرح يسلااااام لو مراد هنا وسمعك وانتى بتقولى بنتى حبيبت قلبى كان ۏلع
بعد الشړ عليه انا مش عرفة امتى بس حتبطلوا تبقوا زى القط والفار
انا مالى هو اللى بيغير منى
اه هو بيغير منك وانتى ملاك
طبعا انا ملاك بجنحات
وصلت عائلة نيرة الى شرم الشيخ ومن لحظة وصولهم تركتهم رضوى وذهبت للبحر الذى تعشقه ولم تدرى كم مر عليها من الوقت الى ان تفاجأت بموبايلها يرن ايوة يا ماما فى حاجة
ايه يا بنتى مش حتيجى تتغدى معانا ولا ايه انتى مصدقتى تلاقى البحر
البحر روعة يا ماما روعة حتغدى وارجع تانى
طيب بس تعالى اتغدى الاول لحسن انا وبابا جوعنا اوى
حاضر يا حببتى سلام
اثناء انهائها للمكالمة كانت تسير غير منتبهه فدون ان تشعر اصتدمت فى شاب
أنا أسفة ما أخدتش بالى
الشاب وانتى من امتى بتخدى بالك ما دا العادى بتاعك طول عمرك
فردت رضوى پغضب ونظرة ڼارية نعم . هو حضرتك تعرفنى قبل كده
الشاب طبعا . ثم أكمل بطريقة مستفزة صحيح يعنى انتى كبرتى شوية واحلويتى حبتين بس برضو لسه فكرك ما انا مقدرش انسى الوش الحلو ده ابدا
رضوى وبمنتهى الڠضب انت بتستهبل صح
فاڼفجر الشاب فى الضحك قائلا معقول وقفة تتكلمى معايا كل ده وبرضو ما فتكرتنيش
مفتكرتكش ومش عوزة افتكرك كمان
وأخذت تعدو من امامه بسرعة
فرفع الشاب صوته قائلا طب ابقى قولى لمراد انى قبلت عاصم ومفتكرتوش وسلميلى عليه
تسمرت رضوى مكانها بمجرد ان سمعت الاسم والتفتت تقول له فى دهشة عاصم
فسار اليها ببطئ وهو يقول بإبتسامه عذبة ايوة عاصم يا رضوى للدرجة دى نسيتينى
فقالت فى خجل شكلك اتغير وبقاالى كام سنة ما شوفتكش كنت حفتكرك ازى يعنى
بس لسه زى مانتى متسرعة ومتهورة
شكرا بس على فكرة انت اللى ابتديت بداية غلط اساسا فيها ايه يعنى لو كنت قولتلى من الاول انك عاصم
يابنتى انا كنت فكرك بتهزرى فى الاول وعمله نسيانى
خلاص خلاص حصل خير انا مضطرة اسيبك دلوقتى عشان ماما وبابا مستنينى ع الغدا
كده طيب بس كنت عاوز اعرف اخبار مراد واخباركم كلك
طب بقولك ايه ما تيجى تتغدى معانا
مش حقدر عندى شغل قريب من هنا
طب خلاص انا حتغدى وارجع هنا لو حابب تعرف اخبارنا
طيب حروح بس اظبط شوية حاجات فى الشغل وارجعلك سلام
حمدلله ع السلامه ياست رضوى كل ده ع البحر
معلش يا ماما انا عارفة انى اتأخرت ياحببتى بس مش حتصدقى انا شوفت مين
مين
فكرة يا ماما وانت يابابا عاصم صاحب مراد
طارق ايوة طبعا وده يتنسى دا كان هو ومراد مش بيفرقوا بعض ابدا
نيرة ايوة يا طارق فاكر كمان مراد زعل اد ايه لما ولدة صمم انه يسافر يكمل تعليمه بره
رضوى اهو انا قبلته انهاردة عند البحر شكله خلاص رجع يعيش هنا
نيرة كده دا مراد حيفرح اوى لما يعرف
رضوى طب يلا بقه عوزة اتغدى
طارق تحبى تطلبى حاجة معينه ولا اطلبلك زى انا وماما
رضوى لا حاكل زيكم
ايه ده ساعة بتتغدى ايه يابنتى كل ده مع انك رفيعة بتودى الاكل دا كله فين
رضوى يا ساتر يا ساتر هو انا اخلص من مراد تطلع لى انت
عاصم صحيح نسيت اسألك هو مراد مش معاكم
ذكى من يومك . ما هو لو مراد هنا كان زمانه جه معايا عشان يشوفك
أممممم تصدقى صح . طب مجاش معاكم ليه يا أم لسان طويل
يااااااه من يوم ما سافرت ماسمعتش الكلمة دى
ولا يهمك حتسمعيها كتير من هنا ورايح
هو انت خلاص حتستقر هنا
قوليلى الاول مراد مش معاكم ليه
لا جوبنى انت الاول
انا عارف انك حطلعى عينى ومش حعرف اخد منك لا حق ولا باطل بقولك ايه قوليلى نزلين فى انهى فندق وانا اروح اتكلم مع طنط نيرة وعمو طارق الواحد يتكلم مع الناس العقلين
يعنى مرة تقولى يا ام لسان طويل ودلوقتى عاوز تتكلم مع الناس العقلين على اساس انى مجنونه
انا اقدر اقول كده دا
انتى ست العاقلين بس يلا قولى مراد فين
خلاص حقول وامرى لله مراد بعد ما خلص كلية التجارة استلم الشغل مع بابا وبقه بيعتمد عليه
فى كل شىء وعشان ما ينفعش الاتنين يسيبوا الشغل سوا مراد قعد فى الشركة وبابا جه معايا انا وماما فهمت
كده طب يلا بقه روحى انا عرفت اللى كنت عاوز اعرفة خلاص
نظرت له فى ذهول ثم التفتت لتغادرة سريعا فأمسكها من ذراعها
سيب ايدى بدل ما اصوت واقول بتتحرش بيا وشوف بقه حيجرالك ايه
فتركها سريعا قائلا اهو سبتك خلاص لحسن انتى مجنونه وتعمليها . يابنتى بهزر معاكى ما تعرفيش حاجة اسمها هزار
لا معرفش
كده طب ممكن بقه نقعد فى اى كافى شوب نشرب حاجة ونكمل كلامنا لحسن نشفتى ريقى
لا انا مروحه كفاية عليك كده
بطلى بواخه بقه تعالى اهو فى هناك واحد اهو يلا تعالى اعزمينى على عصير
نععععععععععععم اعزمك
لالالا خلاص انا اللى عزمك انتى حتلمى الناس علينا ولا ايه
اه ان كان كده يلا بينا
طب يلا ادامى
فى صباح اليوم التالى استيقظت رضوى على صوت الموبايل فنظرت بتثاقل لتجد المتصل عاصم وكان الوقت مبكرا جدا فردت على الفور ايوة يا عاصم فى ايه
ايه ده انتى لسه نايمة يا كسلانة
لسه بدرى يا عاصم وانا فى اجازة وانت ايه اللى مصحيك بدرى كده
وهو انتى جاية هنا عشان تنامى ايه مفيش سرير فى بيتكم
لا مفيش ارتحت يابنى كنت سهرانه بليل ونمت متأخر ولسه عوزة انام شوية
يلا يلا انزلى افطرى معايا . اه صحيح إغسلى وشك الاول اوعى تنزليلى معمصه واڼفجر فى الضحك
ردت بغيظ كده طب مش حنزل يلا اقفل بدل مقفل فى وشك انا
خلاص حفطر مع طنط نيرة وعمو طارق وخليكى انتى نايمة
رضوى بسرعة ايه ده هو انت مع بابا وماما
انا اتصلت بيهم عشان ينزلوا نفطر سوا وهما قالولى نزلين على طول يلا سلام
فقالت بسرعة شديدة عاصم عاصم
عوزة ايه
حغسل وشى من العماص وانزلك
فاڼفجر الاثنان فى الضحك ثم قال عاصم مستنيكى يا مجنونه
رضوى صباح الخير يا جماعة
رد الجميع صباح النور
وبمجرد وصول رضوى طلب طارق الافطار
نيرة يعنى انت خلاص يا عاصم حتستقر فى مصر
ايوة يا طنط انا تعبت اوى فى الغربة ومستحملتهاش فقررت ارجع واشتغل مع بابا
طارق احسن كده زى ما مراد عمل معايا وهو بنفسه قرر يشيل الحمل عنى
عاصم مراد طول عمره راجل وبيعرف يتحمل المسئولية
نيرة طالع لطارق بالظبط فى رجولته وشهامته
رضوى بتذمر يا عينى عليا اللى ما حد افتكرنى بكلمه حلوة اه يانى يا غلبانه
طارق احنا بنتكلم عن الشغل والشركات . ومع كده رضوى دى روح قلبى ونور عينى انبسطى كده
رضوى بفرح والله انت اللى حبيب قلبى يا طروقه
عاصم عارفة يا طنط نيرة الحاجة الغريبة ان مراد كبر وعقل ورضوى لسه زى ماهية
رضوى پغضب يعنى ايه بقه
نيرة ايه يا رضوى انتى سبتى مراد فى مصر وحتتناقرى مع عاصم
رضوى يا ماما عاصم ومراد الاتنين نسخة طبق الاصل من بعض والاتنين بيغيروا منى
قال عاصم ضاحكا شايفة يا طنط تحسى انها لسه فى الحضانه مش وحدة كلها سنة وتبقة دكتورة
رضوى ايوة انا حفضل عيلة كده طول عمرى ملكش دعوة
نيرة بضحك يا ولاد بطلوا مناقرة فى بعض
عاصم طيب يا جماعة انا مضطر استأذن بقه عشان اروح اتابع شغلى
طارق طيب يابنى ربنا معاك بس ابقه خلينا نشوفك
حاضر يا عمو سلام
تركهم وانصرف وفى اثناء نظر رضوى له وهو يغادر رأت رشا صديقتها وعائلتها يدخلون الفندق فهبت واقفه على الفور وهى تقول لوالدتها رشا وصلت هى وباباها ومامتها انا حروح اسلم عليهم
ذهبت لها على الفور فأخذتها رشا بالاحضان رورو حببتى وحشتينى
وانتى كمان رشروش وحشتينى يلا بقه اطلعى كده غيرى وخدى شور وانزلى ننطلق لحد لما تحصلنا سلوى بقه وتتجمع الشلة
رشا بضيق لا لسه يبقه فاضلنا الست فريدة
ومالك بتقوليها كده يا بنتى انا مش عارفة انتى ليه مش بطيقيها مع انها بنت كويسة جدا
مش بتنزلى من زور الحقيقة ومعرفش ليه دى حاجة بتاعت ربنا بقه اعمل ايه
بس تصدقى فكرتينى بيها وحاسه بجد انها وحشتنى انا حتصل اطمن عليها على ما تطلعى تغيرى هدومك
طيب يا حنينه
قامت رضوى بالاتصال بفريدة بمجرد ان تركتها رشا
الو فريدة صباح الخير
رضوى الحقينى يا رضوى ماما
مالها مامتك
ماما تعبانه اوى وانا مش عارفة اتصرف
طب انا
اغلقت
رضوى معها على الفور واتصلت بمراد
مراد صباح الخير ع الناس اللى بتتفسح ونستنى خالص
رضوى بسرعة مراد فريدة صحبتى مامتها تعبانه اوى وهى مش عارفة تتصرف ممكن تاخد الدكتور بتاعنا وتروح لها اصل هما لوحدهم وملهمش حد ارجوك يا مراد
خلاص يا رضوى اهدى بس انتى انا حروح لها فورا بس بلغيها
طيب حقفل معاك واتصل بيها على طول انت لسه فاكر بيتها
ايوة خلاص انا حروح لها على طول سلام
اغلقت رضوى مع مراد واعادت الاتصال بفريدة لتخبرها
مر مراد بسيارته على الطبيب واخذه معه لبيت فريدة والذى ما ان فحص والدتها حتى أخبرهم بضروة نقلها الى المستشفى بأقصى سرعة
وبالفعل نقلها مراد الى المستشفى بعربة الاسعاف وادخلها الطبيب على الفور العناية المركزة فقد كان ضغطها مرتفعا جدا وفى مرحلة حرجة
كل هذا وفريدة مڼهارة تماما بسبب حالة والدتها وأخذ مراد فى تهدئتها وطمئنتها بأنها ستكون بخير ولكنه لم يفلح
مراد طب ولدتك فى العناية المركزة ووجودك هنا ملوش لزوم ممكن تروحى بقه ترتاحى
لالا انا مش ممكن امشى واسبها اتفضل حضرتك وشكرا على تعبك
يا فريدة الدكتور نفسه حيخليكى تمشى دلوقتى
ارجوك ارجوك يا استاذ مراد تخليه يسبنى جنبها انا مليش غيرها فى الدنيا
ححاول بس لو موفقش حروحك البيت
انا مش حمشى طول ما امى هنا
مالك يا رضوى يعنى ما خرجتيش مع رشا انا كنت فكرة حتقضى اليوم كله برا انهاردة
مليش مزاج اخرج يا ماما اصلى قلقانه اوى على فريدة ومامتها
ليه مالها مامتها
تعبت وانا اتصلت بمراد عشان يوقف معاها اصل فريدة ومامتها ملهمش حد
طب ومراد عمل ايه
رحلها ونقل مامتها المستشفى ودخلت العناية المركزة وبيقول ان الدكتور قاله ان حالتها حرجة اوى وربنا معاها دى لو جرلها حاجة فريدة مش حتستحمل
هى ملهاش حد خالص يعنى عم خال اى حد اى حد
لا يا ماما هى قالت لى انها ملهاش فى الدنيا كلها غير مامتها وبس
طب ما تقلقيش ان شاء الله خير
خلاص يا ستى الدكتور وافق انك تقعدى
متشكرة اوى يا استاذ مراد ممكن حضرتك تتفضل بقه انت تعبت اوى معانا انهارده
انتى بتطردينى
ابدا والله
طب تعالى ننزل كافيتريا المستشفى تاكلى حاجة انتى ماكلتيش حاجة من الصبح
مليش نفس والله
خلاص مش حروح ارتاح الا لما تاكلى قولتى ايه
وان كان على نفسك المسدودة ابقى ياستى بصى لى وانتى بتاكلى حتتفتح نفسك على طول
فبتسمت من طريقته
ابتسمتى يبقه وفقتى يلا بينا
يلا انا كنت فكرة ان رضوى اكتر وحدة عنيدة لكن انت طلعت اكتر منها
طبعا مش اخوها الكبير
طب يلا عشان تروح وانا ارجع لماما بسرعة
وجدت رضوى موبايلها يرن فردت أيوة يا رشا لا مليش نفس اخرج اخرجى انتى مع مامتك وباباكى
كل ده عشان خاطر أم الست فريدة
حرام عليكى يا رشا يعنى لا قدر الله لو مامتك مكنتش حزعل برضو
بعد الشړ على مامتى
شوفتى اتخضيتى ازاى وبعدين فريدة ملهاش حد خالص غير مامتها عشان كده هى صعبانه عليا
خلاص عشان خطرك انتى بس حسيبك انهاردة بس بكرة والله ما حسيبك تبوظيلى اليوم زى انهاردة انتى فهمه
طيب يا رشا ربنا يسهل سلام
سلام
وبمجرد ان اغلقت مع رشا وجدت رنه اخرى ولكن هذة المرة عاصم
مساء الخير ياعاصم
مساء النور هو انا طلبت نمرة غلط ولا ايه هى مش دى نمرة رضوى برضو
ايوة انا رضوى ايه يعنى الغريب
اصلك بتردى بهدوء ورزانه وعقل وانا مش واخد على كده
انا مش فايقة والله ياعاصم
ليه بس فى ايه يابنتى مين اللى مزعلك وانا ابوس دماغه
طب اقفل يا عاصم بدل مقفل السكه فى وشك
ايوة كده اعرف اتكلم معاكى انتى كده رضوى . ها بقه ياستى قولى يلا ايه مزعلك
اصل وحدة صحبتى مامتها دخلت العناية المركزة وحالتها حرجة
مش ممكن رضوى الطقة قلبها رقيق اوى كده مش مصدق يا جدعان
تصدق انا غلطانه انى بتكلم معاك وحقفل فى وشك كمان
فقال بسرعة رضوى استنى بس بقولك
عاوز ايه
عاوز اقولك تصبحى على خير يا ام لسان طويل
فأغلقت فى وجهه الموبايل على الفور دون كلمة
كان ممددا على فراشه وبمجرد ان اغلقت الهاتف اخذ يضحك بشدة ثم أخذ يحادث نفسه أيه يا عاصم ايه حكايتك مع رضوى عادى يعنى احنا طول عمرنا زى القط والفار وبحب اعكسها اوى وبحب لسانها الطويل اه بس
انت من يوم ما قبلتها على الشاطىء وانت
لازقلها سواء ع البحر او فى الفندق وبعد ما بتروح تتصل بيها وتفضل ترغى معاها
اصلها مسليه وانا بحب اجر شكلها واطلع جنانها وبحب لسانها الطويل
وايه كمان ما تكمل وبتحبها كلها كده على بعضها صح
تصدق باين كده فعلا وبعدين وماله يعنى رضوى بنت محترمة متربيه كويس وجميلة صحيح لسانها طويل بس مش مشكلة حقصهولها ولا اقولك لا خليه كده دا هو اصلا اللى حببنى فيها
ايه ده دا انت بتحبها فعلا بقه
اه بحبها بس مش عارف بقه هى ممكن تبادلنى الحب ده ونكون اسرة سوا ولا لا دى دايما تقول عنى رخم بص انا ححاول اتشجع واعترف لها بحبى
خلاص اكلت اطلع بقه لماما وحضرتك اتفضل روح ارتاح
مراد طب اتفضلى
فى اثناء خروجة من المستشفى شعر بأنه ليس من الرجولة ان يتركها وحدها فقرر ان يعود اليها
ايه ده رجعت ليه
اصل يعنى وقع منى ربع جنيه هنا فرجعت ادور عليه
نعم
بصى انا لاقيت انه ما يصحش اسيبك لوحدك واروح
بس انا مش عوزة اتعب حضرتك
لا ولا تعب ولا حاجة وياريت بلاش حضرتك واستاذ اللى عماله تقوليها من الصبح كفايه مراد ولا اسمى وحش
طب خلاص انت متعصب ليه كده
أستيقظت رضوى على صوت الموبايل ايوة يا رشا
يلا قومى يا كسلانه وغيرى هدومك بسرعة وانزللنا
انزلكم انتوا مين اللى انزلكم
انا وسلوى
ايه هى سلوى كمان وصلت
ايوة يلا بقه مش عوزين نضيع اليوم
طيب اصبرى عليا ربع ساعة كده واكون عندك
صباح الخير يا طنط صباح الخير ياعمو
نيرة صباح النور يا عاصم تعرف لما بشوفك بنبسط اوى بحس ان مراد هنا
ربنا يخليكى يا طنط
طارق عامل ايه يا عاصم قربت تخلص الفندق ولا لسه
لسه ياعمو تقريبا كده شهرين ويكون كمل
طارق ربنا معاك انا شوفته على فكرة برغم انى مليش فى الشغلانه دى بس شكله شغل فخم اوى
شوفته ازاى ياعمو وامته
كنت بتمشى مع رضوى قريب منه وهى قالتلى ان هو
ده الفندق اللى انت شغال فى البنا بتاعه
كده طب ولما كنتو قريبين منى معدتوش تسلموا عليا ليه
فى الحقيقة محبناش نعطلك وتقريبا كده انت كنت مزعلها فى حاجة فقالتلى انها مش عوزة تشوف وشك
نيرة ايه يا طارق انت بتوقع بينهم ولا ايه
طارق الحقيقة اه عشان مطلعش انا اللى غلطان
فاڼفجر عاصم بالضحك قائلا معاش ولا كان ياعمو اللى يغلطك صحيح امال فين رضوى
نيرة رضوى انساها خالص
عاصم مستغربا ليه يا طنط
رشا وسلوى اصحبها وصلوا وهما التلاته لما بيتجمعوا فى شرم محدش بيعرف عنهم حاجة
اااه طيب انا حستأذن بقه عشان ارجع اشوف شغلى بعد اذنكم
نيرة وطارق معا اتفضل يابنى
نيرة بتعجب الله هو مشى على طول كده ليه انهاردة ما كل يوم بيقعد معانا بالساعة والاتنين
طارق بمكر اصل طلبه مش موجود انهاردة
ايه ! طلب ايه انا مش فهمه حاجة
اللى سأل عنها وعرف انها مش هنا ولا هى جاية
ايه تقصد ان عاصم بيجى مخصوص عشان رضوى
أيوة
طارق انت بتتكلم جد ولا بتهزر
بتكلم جد الجد كمان
يعنى عاصم معجب برضوى تقصد
لا مش معجب
الله انت حتحيرنى ليه
مش معجب يا ستى دا واقع لشوشته
اخ منك وعرفت ازاى
من لفه ودورانه حوليها فى كل حته ودلوقتى لما وشه اتقلب لما عرف انه مش حيعرف يشوفها تانى عشان صحبها وصلوا
دا انت مش سهل ابدا
امال مش حبيب قديم ولا نسيتى
وانا عمرى اقدر انسى يا طارق
يتبع من قصة راااااائعة بقلم إيمان
كانت فريدة قد غلبها النوم وهى جالسه فطلب مراد من احد الممرضات غطاء لها وفى الصباح استيقظ قبلها وذهب لغرفة العناية المركزة للاطمئنان على والدتها فأخبره الطبيب بأن حالتها بدءت تتحسن
فعاد مرة اخرى لفريدة وايقظها لتتناول معه الفطور
نظرت حولها ثم قالت ايه ده الصبح طلع
ايوة طبعا ما انتى نمتى ولا حسيتى بالدنيا
ومين اللى غطانى كده
انا خليت وحدة من الممرضات تجيب غطه وتغطيكى لحسن تبردى
متشكرة اوى يامراد
طب يلا عشان نفطر سوا
طب حقوم الاول اطمن على ماما
ياستى ماما كويسة وحالتها ابتدت تتحسن انا اطمنت من الدكتور
انا مش عرفة من غيرك كنت حعمل ايه انا متشكرة اوى ليك يامراد انت ورضوى
ياستى لا شكر على واجب يلا نفطر بقه انا حموت من الجوع
ايه مالك ياعاصم انت وقعت بجد ولا ايه . انا اتعودت خلاص على خڼاقها معايا ومن يومين مش عارف اشوفها ولا اتكلم معاها . يسلاااااام اتعودت على اساس انها بقالها سنين معاك دا هما كلهم تلت ايام اللى شوفتها فيهم . اه تلت ايام بس اثرت فيا اوى وحاسس انى مش مبسوط فى اليومين دول اللى غبتهم عنى . خلاص اتصل بيها ان كانت وحشاك مشكلها اوى كده . ايوة بجد وحشانى اوى اوى اوى انا حتصل بيها
الو رضوى صباح الخير
صباح النور
انتى مختفية فين ياست هانم يومين مشوفتش وشك ينفع كده
مش انا لسانى طويل وكنت عاوز تبوس دماغ اللى زعلنى
اه ما دى الحقيقة انا حنكر يعنى
طب ادينى ريحتك منى ومن لسانى ومن وشى كمان ياسى عاصم
ومين قالك انى عاوز ارتاح من وشك ولا لسانك
يعنى عاوز ايه انت دلوقت
عاوز اشوفك مش لاقى حد ارخم عليه
بس انا خارجة دلوقتى مع صحباتى
طب ممكن حضرتك سيادتك يا رضوى هانم يعنى من فضلك تدينى ساعة من وقتك ممكن تحشرينى فى جدول سعادتك
اممممم بص حفكر وابقه ارد عليك
وحتردى حضرتك امتى . بجد يارضوى عاوز اشوفك
طب بليل حزوغ من رشا وسلوى ونتقابل
خلاص استنى منك تليفون ولا اتصل انا ااكد عليكى
انا حتصل بيك وامرى لله
طيب يلا سلام
سلام
طب
انا بقول يعنى كفاية تعبك لحد كده وشوف شغلك بقه
يعنى لو رضوى هى اللى فى الموقف ده كنت حسبها لوحدها ماتردى
اكيد لا
يبقه خلاص . حخلص شغل وارجعلك يلا سلام
مع السلامة
ايه ياختى مش حتخرجى معانا بليل ليه
معلش يا سلوى اصلى حخرج مع عاصم
مين ياختى عاصم دا مين وايه حكايته وتعرفيه منين وايه الحكاية بالظبط
ايه ايه يا رشا كل دى أسأله وانتى ياسلوى معندكيش اى سؤال
لا انتى بس جوبالنا على اللى فات وخلاص
طب عاصم ده صاحب مراد من زمان وكان دايما بيقضى وقته عندنا يعنى كان صديقى انا كمان بعد لما خلص ثانوى سافر يكمل تعليمه بره ورجع اليومين دول وبيشتغل فى المقاولات مع والده وقابلته هنا فى شرم صدفه ارتحتوا كده
رشا كل ده حلو بس ليه حتخرجى معاه بقااااااااا
رضوى اصل من يوم ما جيتو وانا بقضى وقتى معاكم وماشوفتوش خالص فهو طلب يشوفنى
سلوى وخده بالك يا رشا ماشفهاش يومين طلبها تخرج معاه
رضوى بعصبية دماغكم ما تروحش بعيد دا مجرد صديق وبس
سلوى طيب متعصبة اوى كده ليه هو احنا قولنا حاجة
رضوى خلاص خلاص خلونى استمتع بالبحر بقه وبطلوا غلاسه
سلوى رضوى فى واحد بيصورك وانتى فى الماية
رضوى ايه ده مين اللى بيستهبل ده
رشا اهو اللى واقف لابس قميص بينك وجينز غامك ده
رضوى بدهشة مش ممكن دا عاااااصم
رشا وسلوى معا ايه هو ده عاصم
رشا المز ده عاصم لالا دا لازم يكون بينك وبينه حاجة ولو مش عوزة انا موجودة
رضوى والله يارشا انتى طقة على راى مراد يلا اما اروح اشوفه ايه اللى جابه ده كمان
خرجت رضوى واتجهت له على الفور انت ايه اللى جابك وعرفت انى هنا منين وبتصورنى ليه
ايه اللى جابنى اننا دخلين ع المغرب وحضرتك ما اتصلتيش بيا وعرفت مكانك طبعا من عمو طارق وبصورك عشان حبيت اصور الكائن الغريب اللى كان فى البحر
فقالت پغضب عاصم
ايه فى ايه بقول الحقيقة طب بصى كده على صورتك تحسى انها تشبه ضفدع البحر
ماشى يا رخم
ايوة كده نفسيتى بقت كويسة
عشان قولتك يارخم
طبعا يومين محروم من لسانك الطويل فزى ما تقولى كده نفسيتى تعبت ودلوقتى بس ارتاحت
ماشى مش ارتحت يلا بقه روح بيتكم
اروح بيتنا فى القاهرة
ظريف
خفيفة
طب يلا بقه انا حروح لصحابى.
تعالى هنا ترجعى فين يلا ادامى غيرى هدومك وعلى الفندق عدل تظبطى نفسك ولا تشوفى ان كنتى حتتغدى عشان نخرج
انت بتأمرنى بصفتك ايه
بصفتى عاصم يلا شورى لصحابك دول انك ماشية
يسلام مين قالك انى حسمع كلامك
يلا بقه طلعتى روحى ولا اشيلك
ايه انت بتقول ايه
طب يلا تعالى معايا
طيب حاجى بس بمزاجى
طيب طيب يلا بقه
التفتت لاصدقائها وأشارت لهما انها ستغادر ثم التفتت له وقالت حروح اتغدى وبعدين حبقه اتصل بيك
انا كمان لسه ما تغدتش غيرى بس هدومك وتعالى نتغدى سوا فى اى مكان يعجبك
انا عوزة افهم انت متسربع كده ليه.
عاوز اتكلم معاكى فى موضوع مهم
موضوع ايه
حتكلم واحنا بنتغدى خلصى بقه وبطلى رخامه
اهو ياسيدى غيرت هدومى اتفضل بقه غدينى واعمل حسابك انى جعانه جدا جدا
يا ساتر يارب مفجوعة كمان مش كفاية لسانك الطويل
فاڼفجرت فى الضحك
يلا يا اختى اركبى
ايه العربية التحفة دى سالفها من مين
سلفها !! لا يا خفة دى بتاعتى
والله
ليه يعنى مش قد انى اشترى عربية زى دى
لا يعنى بس انا من يوم ما شوفتك وانت رايح على رجليك
عشان كنتى بتشوفينى على شاطىء اليحر يا فى الفندق يا قريب من شغلى كنتى حتشوفيها فين بقه يا ذكية
شكرا يا أخ عاصم
على ايه
انك عارف انى ذكيه
يابت انتى حتشيلينى اسكتى احسن
معرفش اقعد سكته وان كان مش عجبك رجعنى لصحابى
لالا خلاص عجبنى وغمغم قائلا انا عارف ايه اللى وقعنى الوقعة السودة دى
بتقول ايه سمعنى
ابدا ولا حاجة مبسوط بوجودك
الله يخليك
بمجرد وصولهم الى المكان الذى أخذها اليه عاصم
يلا يلا بقه اطلب الغدا لحسن حموت من الجوع
حاضر يا مفجوعة
يلا بقه اتكلم ايه الموضوع اللى خلاك تسربعنى وتضحى وتعزمنى ع الغدا
طب ما تستنى لما نخلص اكل
لالا قول مش قدرة اصبر اكتر من كده
امممم رضوى أنا ثم سكت
انت ايه
رضوى انا فى الحقيقة يعنى للاسف معجب بيكى
فتنحت له رضوى وتركت الطعام
ايه سديت نفسك طب الحمد لله
انت قولت ايه
أنا معجب بيكى لالا انا من الاخر كده متزفت بحبك
انت ايه متزفت
يسللم هى دى اللى سمعتيها ما سمعتيش حاجة غيرها
لا
بطلى استفزاز فيا انا عاوز اعرف انتى بتبدلينى الحب ده ولا مشغولة بحد ولا ايه
حسألك سؤال الاول وبعدين حرد
اسألى
حتسافر تانى
اسافر فسحه اه لكن اعيش تانى بره فالايمكن يحصل
فى الحالة دى ممكن اقولك ان مفيش حد فى حياتى غير واحد بس كنت بحبه من اولى ثانوى ولسه مرتبطة بيه
فقال بحزن انتى بتتكلمى بجد
ايوة هى دى الحقيقة
طيب اتمنالك معاه حياة سعيدة
ايه ده طب مش تسألنى هو مين اعرفه منين وكده
وده حيفدنى بأيه بقه
يفيدك طبعا انك
تعرف انه شخص رخم رخم اوى واول حرف من اسمه عاصم رضوان
ايه دا انا الله يخربيتك وقعتى قلبى
كده بتدعى عليا وفى وشى
يا مصېبة دا انا اول مرة احب فى حياتى ولما اتشجع واصرحها تقولة مرتبطة واحد تانى
مش لازم اطلع عينيك الاول
ماشى يارضوى ان ما وريتك بس قوليلى صحيح كنتى بتحبينى من زمان
للاسف
نعم للاسف ليه ياختى دا انا مز واى وحدة تتمنانى
فقالت بعصبية كده طب روحلهم بقه دول
يا مجنونه اعمل ايه قلبى مدقش غير ليكى
ايوة كده
طب ليه خبيتى عنى السنين دى كلها
يسلاااااام لهو انت كنت عوزنى اروح اقولك انا بحبك حبنى والنبى
خلاص خلاص انتى حتفرجى الناس علينا ولا ايه
ما انت اللى بتخرجنى عن شعورى
خلاص ياستى اسف طب ولما سفرت وغبت كل السنين دى مفقدتيش الامل يعنى مفيش حد كده ولا كده لفت نظرك حتى
ماقدرتش
يعنى اروح اكلم عمو طارق
تكلمه فى ايه
عشان اخطبك ونحدد الجواز والحاجات دى
لالا فيش كلام من ده غير لما اخلص دراستى
طب وفيها ايه لما نتخطب دلوقتى ونتجوز بعد ما تخلصى
لالا مش حينفع انا اول ما الدراسة بتبدء محدش بيشوفنى حتى ماما وبابا بركز فى دراستى وبس ولو اتخطبنا بقه حتقولى اشوفك واقبلك ونخرج والمحڼ بقه اللى بشوفه بين زمايلى وخطبهم انا بقه مش بحب كده
محڼ يالهووووووووى انا ايه ياربى اللى وقعنى الوقعة دى
بسيطة يا عم المز شوفلك وحدة تكون فضيالك
ما قولتلك انه ماتهببش اتزفت ودق لغيرك اعمل ايه
الله الله ع الكلام الرومانسى ده
انتى ماينفعش معاكى كلام رومانسى انتى ماينفعش معاكى غير كده
امممم شكلنا كده حنبقه كابل لوز ان شاء الله
انا برضو شايف كده
مراد ماما بقت كويسة الحمد لله والدكتور خرجها لاوضة عادية ويومين بالكتير وترجع البيت
طب الحمد لله انك اطمنتى عليها وتروح بالسلامة تعالى نطمن عليها وبعدين ننزل نتغدى وااوعى تقوليلى اتغديتى
لالا لسه وكمان جعانه جدا
كده طيب
عادت والدت فريدة الى المنزل وقام مراد بتوصيلهم بنفسه
طب استأذن انا بقه واسيبكم ترتاحوا
مراد استنى بعد اذنك ياماما
اتفضلى يا بنتى
ايوى يا فريدة فى حاجة محتاجة حاجة
لا ابدا بس انا لما نزلت ادفع حساب
المستشفى قالولى انك دفعته
طب وفيها ايه
لا مفيهاش بس انا عوزة اعرف الحساب عشان اسدده ليك
بعدين بعدين
لا مفيش بعدين قولى دلوقت
اه دا انتى بقه ما صدقتى ماما خرجت بالسلامة ومش عوزة تشوفى وشى تانى بقه
ايه اللى بتقوله ده انت تشرفنا فى اى وقت ولا لازم نكون مديونين ليك
بصى لما ترجع رضوى ابقى اتكلمى معاها يلا سلام
واتجه على الفور للباب وغادر سريعا بالرغم من نداء فريدة عليه
أستيقظ مراد على رنين هاتفه الو
صباح الخير يا اخويا يا حبيبى
اخلصى يارضوى عوزة ايه ع الصبح
اصل النتيجة حتظهر انهارده وعوزاك تشوفهالى
اه ما حضرتك تتفسحى وتشغلينى عندك هنا
مش انت اخويا الكبير
خلاص خلاص حمر ع الكلية قبل ما روح الشركة
متشكرة يا حبيب قلبى
ماشى يا اونطجية سلمى لى على بابا وماما
من عينيه سلام
سلام
وصل مراد الى الكلية ليجد زحام شديد وفجأة سمع صوت من وراءه يقول
على فكرة اللى جاى تشوف نتيجتها جابت امتيا
الټفت مراد على الفور ليجدها فريدة كده طب الحمد لله وانتى عملتى ايه
وانا كمان الحمد لله امتياز برضو
الف مبروك ولو انى زعلان منك
زعلان منى انا ليه خير انا عملت ايه يزعلك
من يوم ما مامتك خرجت من المستشفى ولا اتصالتى ولا سألتى عليا
الحقيقة كتير فكرت اتصل بيك بس اتحرجت وقولت كفايه الفترة اللى عطلناك فيها عن شغلك اسيبك بقه تشوف اللى وراك
يسلام يعنى مكالمة التليفون هى اللى كانت حتعطلنى ياست فريدة ولا هى حجة وخلاص
ولا حجة ولا حاجة دى الحقيقة
خلاص لازم تصلحينى وتعزمينى كمان على حاجة بمناسبة نجاحك
ااااه تقصد تدبسنى بقه
فى الحقيقة اه
طب ياسيدى وانا ولا حيهمنى قولى اعزمك على ايه وفين وانا جهزه بس اتصل بماما الاول اطمنها ع النتيجة واقولها انى حتأخر شوية
طيب اتفضلى اتصلى
بعد اتصال فريدة بوالدتها اخذها مراد الى احد الكافيهات هاا تحبى تفطرى ايه
ايه افطر لا انا فطرت من بدرى ممكن اشرب عصير
اه يابخيلة
فضحكت فريدة وهى تقول ايوة ايوة بوفر
طب خلاص حشرب عصير انا كمان عشان ما تاخرش ع الشركة بس بشرط
شرط ايه!!
ليه عندك غدوه
اتفضل عندنا فى البيت فى الوقت اللى تحبه تتغدى معايا انا وماما
لا ياختى وانا اش عرفنى بتعرفى تطبخى ولا زى البرنسيسة رضوى
لا طبعا انا مش زى رضوى فى الحقيقة رضوى هى اللى زى
فاڼفجر الاثنان فى الضحك ثم طلب مراد الخساب وبعد ان حاسب النادل قالت له ايه ده مش انا اللى عزماك
اه بس انا برضو اللى
طب ياسى مراد يلا اتفضل على شغلك
استنى هنا وانتى حتروحى ازاى انا حوصلك
كمان
يلا بقه اعمل ايه ما انا شكلى اتبنيتك
كانت رضوى تقف مع سلوى ورشا يهنئون بعضهم بالنجاح لتفاجأ برشا تقول لها
الحقى يا رضوى المز بتاعك هناك اهو
مز ايه يارشا
رشا بخبث عاصم ياختى
رضوى على الفور اه صحيح دا عاصم حروح اشوفه عاوز ايه وارجعلكم
سلوى طب بسرعة بقه عشان نعرف ايه حكايته احسنلك
فتجهت اليه على الفور صباح الخير يا عاصم ايه اللى جابك بدرى كده
كنت جاى ابلغك بالنتيجة لاقيت مراد سبقنى
اممم وانت عرفت ان النتيجة حتظهر انهاردة منين
انا متابع كل حاجة تخصك
بقه كده
سيبك من ده قوليلى تحبى تختارى هديتك بنفسك ولا اختارها على ذوقى
اممم لا احبها على ذوق حضرتك
خلاص تسربى البنات دى وتسهرى معايا انهادة
يسلاااااام هى دى الهدية
لا يا هبلة دى البداية بس
هبلة
يلا حتصل بيكى ع المغرب عشان احدد المكان والزمان
مش حروح معاك فى حته
معنديش حريم تقول لا
كدا
هو كده وتركها وانصرف
بادرتها رشا على الفور بمجرد عودتها اليهم قولى بقه وبالتفصيل الممل ايه حكاية عاصم عشان شكل كده الموضوع كبير
رضوى بخجل عاصم فى الحقيقة بيحبنى
سلوى وانتى اعترفى بسرعة يا بت
الحقيقة انا كمان بحبه بس كده ارتحتى انتى وهى
رشا اه يا جبانه وقال ايه انا مش ممكن ارتبط الا بعد ماخلص دراسة
رضوى انا فعلا مش ناوية ارتبط غير بعد لما اخلص وشرط كده على عاصم
سلوى ليه بس يا بنتى ما تفكيها بقه بدام لاقيتى ابن الحلال المتيم المز الجامد ده
رضوى پغضب سلوى انتى بتعكسيه ولا ايه
سلوى لو ده ما يتعكسش امال مين بس اللى يتعاكس دا لو انا مطرحك كنت انا اللى طلبت ايده
رضوى بضحك انا كنت فكرة رشا بس اللى طقة اتاريكم انتوا الاتنين اجن من بعض
المهم سبوكم بقه من الكلام ده انا انهاردة بليل مش حخرج معاكم عشان عاصم عزمنى وعاوز يحتفل بنجاحى
رشا وسلوى معا خلاص واحنا معندناش مانع نيجى معاكم
رضوى يا رخمه منك ليها
الو السلام عليكم ورحمة الله وبركاته
وعليكم السلام ورحمة الله وبركاته ازيك يا فريدة عاملة ايه اخيرا افتكرتى تسألى
انا الحمد لله بخير هو مش انا اللى بسأل هو فى الحقيقة ماما هى اللى عوزة تكلمك
كده طب هاتى اكلمها
ازيك يابنى وازى صحتك يارب تكون بخير
ربنا يخليكى يارب انا بخير وحضرتك صحتك اخبارها ايه دلوقت
الحمد لله يابنى بخير ممكن اطلب منك طلب
دا
حضرتك تأمرى مش تطلبى
الله يكرمك يابنى ممكن تتفضل تتغدى معانا بكرة لو وقتك يسمح
بس كده ولو حتى مايسمحش نخليه يسمح عشان خاطر حضرتك
ربنا يجبر بخاطرك يارب زى ما جبرت بخاطرى وماكسفتنيش وشمت فريدة فيا
ليه بس دا كله
اصلها قالت انك حترفض بس الحمد لله طلعت ابن اصول وماكسفتنيش
ربنا يخليكى يا طنط
خلاص مستنينك بكرة الساعة خامسة يناسبك ولا ايه
خلاص تمام
طب يابنى اسيبك بقه تشوف شغلك مع السلامة
سلام
ماما حببتى يا روح قلبى
ايه كل الحب ده ياترى عوزة ايه يارضوى
ابدا والله مش عوزة حاجة
بنتى حببتى تحبنى كده لله فى لله دا لا يمكن ابدا
صدقينى مش عوزة حاجة
كده طب صرحينى بقه ايه الجديد اللى مخليكى مبسوطة اوى وبتدلعى فيا من غير طلبات وعنيكى بتلمع كده اليومين دول فوق العادة
عارفة يا ماما اكتر حاجة بتخوفنى ايه
ايه
انك فهمانى وعرفانى وكأنى كتاب مفتوح ادامك مش بعرف اخبى ولا ادارى عنك اى حاجة
طب وده ېخوفك ليه
عشان مش بعرف ادارى عنك لا الصح ولا الغلط حتى خبتى بتعرفيها
فضحكت نيرة عن اخرها ثم قالت بحزم ما توهنيش فى الكلام ايه الجديد اليومين دول
رضوى برتباك شديد اصل من كام يوم عاصم اعترفلى بحبه وانه عاوز يتقدم لبابا عشان نرتبط رسمى
وانتى قولتيله ايه
انا قولتله لا طبعا انا لا يمكن ارتبط الا لما اخلص كليتى
نيرة بخبث اه يعنى رفضة الارتباط دلوقتى بس موافقة ع الحب
رضوى بكسوف ماما وبعدين بقه
نيرة بحزم بس الحقيقة عاصم شاب كويس وابن ناس واخلاق وانا كمان شيفاه مجتهد فى شغله دا غير اننا نعرفه من زمان ومفهوش غير عيب واحد بس
ايه عيب ايه اللى فيه ده !!!
انه كان عملنى انا وابوكى كوبرى وكل يوم والتانى قال جاى يطمن علينا وهو بيجى عشانك
فاڼفجرت رضوى فى الضحك
الو . ايوة يا عاصم بكمل لبسى الله متسربع كده ليه عشر دقايق واكون عندك
بمجرد ركوبها السيارة أطلق عاصم صفارة عالية بفمه
ايه فى ايه
لا ابدا بس اول مرة اشوفك كده
كده اللى هو ازاى
ميكب وفستان من الاخر كده انتى مش رضوى وياريت تنزلى بسرعة عشان لو رضوى شافتك معايا ممكن تقطعك
لا والله
اه والله
حنبتديها رخامه والله انزل واسيبك
لالا انا بهزر ايه بلاش اهزر
لا بلاش ويلا بقه شوف حتودينى فين
يابنتى كملى بقه الميكب والفستان وكلمينى برقة شوية
هو انا كده وان كان عجبك
وربنا عجبنى امرى لله اعمل ايه يلا وصلنا
اممم ده مكان غير اللى كنا فيه المرة اللى فاتت
ايوة إتفضلى يا أميرتى وسحب لها الكرسى واجلسها ثم جلس قبالتها
ها نطلب العشا ولا نشرب حاجة الاول
نشرب عصير اصلى حتعشا مع ماما وبابا
مين قال كده
انا
لا مفيش الكلام ده انتى حتتعشى معايا انا قايلك من الصبح ان الليلة دى بتعتى وبس
طب اطلب بس العصير وبعدين نبقه نشوف حنعمل ايه بعد كده
طلب عاصم العصير ثم دس يده فى جيبه وأخرج علبة صغيرة وفتحها امام رضوى وهو يقول الف مبروك نجاحك يا حببتى
ايه يا عاصم الخاتم التحفة ده انا مش عرفة اقولك ايه بجد
فأخرج الخاتم من العلبة وامسك يدها والبسها اياه ثم رفع يدها الى فمه وقبلها فسحبت رضوى يدها منه على الفور وقدكست الحمرة وجهها
ايه فى ايه سحبتى ايدك منى كده ليه
عاصم احنا اتفاقنا على ايه
مااتفقناش على حاجة ومش فاكر حاجة
احنا اتفاقنا ان مفيش اى شىء نهائى غير بعد الكلية وكمان اتفاقنا ان مفيش حببتى وحبيبى والكلام ده والحركات دى صح
ايه مفيش حببتى وايه اصلى ما اخدتش بالى
بطل رخامه ياعاصم
حاضر يا ست الناظرة
بقولك ايه ما نقوم نروح احسن
لا ياختى برضو مش مروحك مهما عملتى
اهلا وسهلا يابنى نورت بتنا
ربنا يخليكى ياطنط
ايه يا فريدة ما تقومى تحضرى الغدا
حاضر يا ماما حالا
بعد دقائق عادت فريدة لتقول يلا يا جماعة انا حضرت الغدا
فنهضت والدتعا وسار مراد خلفها اللى حجرة السفرة
الحمد لله
ايه يابنى ده انت اكلت كده ولا الاكل مش عجبك
ايوة اكلت الحمد لله والله الاكل تحفة تسلم ايدك
تسلم ايد اللى طبخ بقه
كانت فريدة تضع وجهها فى الطبق الذى امامها وهى تكتم ضحكتها
يعنى ايه يا طنط مش فاهم
عشان فريدة هى اللى عمله الاكل
ايه فريدة مش ممكن
فريدة مش ممكن ليه بقه
لانك قولتيلى انك زى رضوى ولا كنتى بتخدعينى
لا كنت عملهالك مفاجأة
يسلام
المهم بقه كده مش مديونه ليك بحاجة خلاص
ايوة خلاص
والدتها طب مش حتشربينا حاجة ولا ايه
لا ازاى ثوانى يا ماما تحب شاى ولا عصير يا مراد
بجد نفسى فى كوباية شاى
كده طيب ثوانى وحيكون الشاى جاهز
والدتها تعالى بقه معايا عشان عوزة اتكلم معاك فى موضوع مزعلنى منك اوى
مراد معقول تزعلى منى ليه انا عملت ايه
فريدة قالتلى انك دفعت حساب المستشفى ومرضتش تقولها كان كام
فريدة دى فتانه
بص يابنى انت كتر خيرك على وقفتك معايا انا وبنتى فى المستشفى بس يعنى الحس.
قاطعها مراد على الفور يعنى حضرتك من ساعة ما حيت وبتقوليلى يابنى وبجد انا مبسوط بيها اوى هو فى ام بقه تزعل من ابنها لما يدفع لها اى شىء
غلبتنى يابنى بس
بس ايه مفيش بس الموضوع انتهى ولا اقوم امشى وانا زعلان
لا يابنى ربنا ما يجيب زعل
اتفضلوا الشاى
اندمج الثلاثة فى الاحاديث وكانت الجلسة هادئة وجميلة لدرجة ان مراد لم يكن يريد ان يغادر الا انه شعر بالاحراج من طول مكوثه عندهم فستأذن فى الانصراف
ما تخليك قاعد شوية يابنى دى قاعدتك ما يتشبعش منها
وانتوا كمان ياطنط قاعدتكم حلوة خالص بس عندى شغل الصبح يلا تصبحوا على خير
قومى يا فريدة وصليه
حاضر يا ماما
قامت فريدة على الفور وسارت بجوارة الى الباب
فقال لها قبل ان يغادر متشكر اوى على اليوم الحلو ده
لا شكر على واجب
فريدة هو انا يعنى مش
حشوفك تانى
فارتبكت وقالت ايه مش خلاص الدين اللى كان عليا سددته
يعنى مش حشوفك تانى طب ينفع ابقه اتصل اطمن عليكى انتى وطنط
اه طبعا تقدر تطمن علينا فى اى وقت وتقدر تيجى تزورنا كمان يلا شوفت بقه الكرم
يسلام أميرة والله
لا فريدة والله
فاڼفجر فى الضحك وتركها وانصرف
صباح الخير يا قمر
عاصم صباح النور بتتصل بدرى كده ليه
حبيت اسمع صوتك قبل ما انزل الشغل
يسلام ع المحڼ
يالهووووى يا بنتى نفسى تسمعينى كلمة حلوة والنعمة انا لو بتكلم مع واحد صحبى ماكنش حيعملنى كده
عاصم انت صحتنى من عز النوم ومش فايقة ليك وعوزة اكمل نوم
ينهار ابيض كل ده ما تجيبى من الاخر وتقفلى السكة فى وشى
عاوز ايه يا عاصم بقه
البسى وانزلى افطرى معايا
اقوله عوزة نام يقولى انزلى
مهو انتى خلاص كده مش حتعرفى تنامى تانى فنزلى افطرى معايا احسن
عاصم
ياعيون عاصم
اعتبر اللى بينا انتهى . وأغلقت الهاتف على الفور
المجنونه قفلت السكه بجد كده يارضوى طب بس اما اشوفك
فى منتصف النهار وجد عاصم احد العمال يخبره بأن هناك من يسأل عنه خارج الموقع فخرج على الفور ليعرف من هذا الذى يبحث عنه
هو انتى
اه انا
ايه اللى جابك مش قولتى كل اللى بيينا انتهى وقفلتى السكه فى وشى
ايه انا قولت الكلام ده لالالا مش ممكن انا مقولش كده ابدا
بت انتى عوزة تجننى ولا ايه
صدقنى يا عاصم محصلش اكيد انت
سمعت غلط
لا والله
اه
رضوى امشى روحى احسنلك
بقه كده اصلا كلها يومين وحسبلك شرم كلها وامشى وترتاح منى
ايه . انتوا خلاص رجعين القاهرة
ايوة خلاص
طب ما تقعدوا شوية كمان فيها ايه يعنى
بابا زهق وعاوز يرجع للشغل
طب ما تخليكى انتى وطنط نيرة
مين ماما لاااااا ماما ما تقدرش تبعد عن طارق بيه ابدا
عقبالى يارب
عقبالك فى ايه
عقبال لما مراتى ما تبعدش عنى
يالهوى انت اتجوزت يا عاصم
الله يخربيت جنانك امشى يابت روحى احسنلك
طب خلاص انا مروحه
استنى يابت انتى هنا
الله مش قولتلى امشى
قوليلى هنا انتى ايه اللى جابك اساسا
جيت اصلحك غلط انا
طب استنى ثوانى ورجعلك
وتركها ودخل الموقع ثم عاد سريعا وهو يقول يلا بينا
ايه يلا بينا على فين
حتغدينى وعلى حسابك اه مش عوزة تصلحينى انا متصلحش غير كده
نعم لا خلاص خليك
