رواية بقلم ايمان حجازي
زعلان احسن
خلاص ما انا عارف انك بخيلة حعزمك انا
لا مش حينفع عشان انا متفقه مع رشا وسلوى نتغدى سوا انهارده
بصى كفاية اللى عملتيه فيا الصبح وسديتى نفسى عن الفطار مش حسمحلك تسدى نفسى ع الغدا كمان ادامى أحسنلك
دا أخر كلام عندك
ايوة ها قولتى ايه
قولت يلا ادامى على عربيتك
تعجبينى يا حبيبت قلبى
عاصم
بلا عاصم بلا كلام فارغ بقه سبينى اخد حريتى اليومين اللى فاضلين دول . رضوى حكلمك وتكلمنى فون وواتس ولما انزل القاهرة حشوفك صح
ليه يعنى كل ده هو مش كلها شهرين وحتنزل القاهرة
لاء بابا اتفق على مشروع جديد هنا
ايه يعنى مش نازل القاهرة .للاسف لا . لو بس كنتى توفقى على جوزنا
احنا اتكلمنا كتير فى الموضوع ده
خلاص
ايه سكت ليه
مفيش وصلنا اهو
يسلام وانت عوزنى اتغدى معاك وانت ضارب بوز كده
امال عوزانى اعمل ايه وانتى خلاص مسفرة وانا مضطر اقعد هنا وفين وفين على ما شوفك بقه بعد ما تعودت على وجودك جنبى
كلها سنة وحدة وحبقه معاك لما تزهق منى خلاص بقه فكها واطلب لنا الغدا
آلو . فريدة
ايوة ازيك يا مراد
الحمد لله بخير انتى عامله ايه وماما صحتها عمله ايه دلوقتى
الحمد لله انا بخير وماما كل يوم بتتحسن عن اللى قبله الحمد لله
اه عشان كده مش بتسألى عنى خالص بقه ماهو من لقى احبابه نسى صحابه
يسلام
فريدة ممكن أشوفك
طب اتفضل عندنا
لا عاوز اقبلك بره انا وانتى لوحدنا
ليه فى حاجة
ايوة عندى موضوع مهم مش حينفع اتكلم فيه لا فى التليفون ولا عندكم فى البيت
طب حقول لماما وارد عليك
كده طيب انا مستنى الرد وياريت يكون بسرعة
للدرجة دى الموضوع مهم
اوى مهم بالنسبالى اوى اوى اوى
طب خلاص ان شاء الله حرد عليك بسرعة يلا سلام
سلام
فى ايه يا فريدة مالك سرحانه فى ايه
اصل مراد كان لسه بيكلمنى وبيقول انه عاوز يشوفنى عشان عاوز يكلمنى فى موضوع مهم
خلاص يابنتى روحى شوفيه عاوزك فى ايه
يعنى انتى موافقة ياماما
ايوة مش بنتى حببتى بتقولى على كل حاجة يبقه معنديش مانع
طبعا وانا عمرى خبيت عليكى حاجة حتى لما مراد طلب يقابلنى قولتله انى حقولك الاول
يعنى هو عارف انك حتستأذنى منى
ايوة
كده طب كويس يلا بقه اتصلى بيه وحددى الميعاد
مستعجلة كده ليه بس يا ماما
انا لا مستعجلة ولا حاجة برحتك اتصلى وقت ما تتصلى
وتركتها ودخلت حجرتها وهى تقول فى سرها يارب يا بنتى يطلع اللى فى بالى واطمن عليكى قبل ما اموت
دخلت فريدة هى الاخرى حجرتها وهى تفكر ان كانت تتصل به ام لا ولم تشعر بنفسها الا وهى تتصل به
الو ايوة يا فريدة ماما وفقت
ايوة يا مراد
خلاص حعدى عليكى بكرة الساعة 6
طب خلاص اتفاقنا
يلا سلام
سلام
الو بتصحينى بدرى اوى ليه ومن امتى انتى بتصحى بدرى كده
الحق عليا انى قولت اخر يوم ازوغ من رشا وسلوى واقضى اليوم كله معاك يلا اقفل
رضوى رضوى استنى يابت
عاوز ايه
بجد انتى بتتكلمى جد حتقضى اليوم كله معايا
لا خلاص رجعت فى كلامى وبعدين انت عندك شغل ومش فاضى
يولع الشغل انا فضيلك
فاڼفجرت فى الضحك
ياااااه يا رضوى لو تعرفى ضحكتك دى بتعمل فيا ايه
بتعمل ايه
بتبسطنى وبتفرح قلبى
بص انت اهو اللى بتضيع الوقت وممكن الاقى رشا وسلوى طبين عليا دلوقتى ومش حعرف اخلع منهم
لاااااااا وربنا محد وخدك منى انهارده يلا سلام
سلام
أغلقت رضوى الهاتف واخذته فى حضنها وهى تبتسم وتقول مچنون زى وبحب جنانه . ثم قامت على الفور وابدلت ملابسها ونزلت لتكون فى انتظاره وما هى الا دقائق ووجدته امامها ومعه ورده حمراء رائعة الجمال
اتفضل يا جميل صباح الورد
الله يا عاصم حلوة اوى الوردة
فقال بخبث دى وحدة مزة ادتهانى وانا جايلك بس ايه صاروخ
فضړبته على كتفه عاصم ما تستهبلش
بهزر والله بهزر دا انا اللى شريها لحبيبة قلبى
ايوة كده اتعدل
بس ايه اللى خلاكى تنعمى عليا انهاردة
يعنى عشان البوز اللى ضړبته امبارح صعبت عليا
لو اعرف كده كنت بوزت فى وشك من اول يوم عشان تهتمى كده بيا وتحسسينى بحبك
طب يلا حتفطرنى فين
يالهوووى شوف البت اقولها ايه تقولى ايه هو عمو طارق مش بيأكلك يا مفجوعة
وواو ايه المكان التحفة ده يا عصومه
ايه يا ايه
ياعصومه فيها ايه دى
رضوى بتدلعنى ياناس دا انا انهارده يوم سعدى.
يابنى فى ايه كل اما اقولك حاجة تعمل فرح
ما انتى ربنا فاتح عليكى انهارده بتدلعينى وحتقضى اليوم معايا
ايوة يا مراد انا جهزة وصلت طب ثوانى وانزلك
السلام عليكم
وعليكم السلام ورحمة الله وبركاته
عاملة ايه يا فريدة
بخير الحمد لله ها ايه الموضوع المهم اللى عوزنى فيه
مستعجلة كده ليه مش لما نروح المكان اللى نعرف نقعد ونتكلم فيه برحتنا
طيب
بعد وصولهم للكافيه طلب مراد عصير لهما وجلس وهو مرتبك ولا يعرف من اين يبدء الحديث الى ان قالت فريدة
ها يا مراد ادينا فى المكان اللى نعرف نتكلم فيه ايه بقه الموضوع
طب ممكن اسألك سؤال
اتفضل
انتى مرتبطة يعنى فى حد فى حياتك
ايه بتسال السؤال ده ليه
جوبينى ارجوك
لا مفيش حد ومش بفكر غير فى درستى وبس
فشعر بالارتياح قليلا واخذ رشفة من كوب العصير
ها سألت السؤال ده ليه بقه
اصل يعنى فى واحد شافك ومعجب بيكى ووسطنى انى اكلمك
نعم
ايه مالك مندهشه ليه
ابدا بس اتفاجأت وعلى العموم قوله مايتعبش نفسه
هو فى وحدة ترفض واحد كده من غير ما تعرف عنه حاجة ولو حتى من باب الفضول
ايوة انا
ببساطة كده
ايوة انت عارف انى فى كلية طب واخر سنة وكليتى عملى دا غير ماما وحالتها وانها محتاجه رعايتى هى كمان يعنى معنديش وقت نهائى لاى حاجة تانيةعلى الاقل لمدة سنة
امممم طب ولو هو عارف كل ده ومع ذلك مستعد يصبر السنة دى وحيوقف جانبك ويدعمك ويكون سند ليكى سواء فى درستك او فى رعاية ولدتك وانا شايف انك فعلا محتاجة لحد يكون جنبك يدعمك ويكون سند ليكى ولمامتك
دا انت متحمس للشخص ده اوى بقه
اوى اوى اوى
طب ممكن اعرف هو مين
هو ياستى اسمه مراد طارق سليم
ايه انت يا مراد
ايوة انا برضو رفضه الموضوع من اساسه
انت فاجأتنى ومش عرفة اقول ايه وحسه انى متلغبطة
فريدة انا عارف كل ظروفك وموافق عليها ومستعد كمان اكون السند والراجل اللى ترمى عليه كل همومك وانا اد كلامى واد انى اشيل مسئوليتك انت وطنط كمان ولا انتى
شايفة حاجة تانية
ابدا بالعكس يا مراد انت راجل يعتمد عليه بجد بس يعنى كنت امبارح بتقولى اعتبرينى اخ وكنت بتعامل معاك ع الاساس ده ودلوقتى عاوز تغير الوضع ده لزوج وحبيب فلازم فى الحالة دى اخد وقتى عشان اخطى الخطوة دى واستوعبها واحسها وما تكونش مجرد رد جميل او مجاملة او اى شىء تانى غير انى اكون فعلا بابدلك نفس المشاعر
تعرفى ان كل يوم بيزيد اعجابى واحترامى وقديرى ليكى اكتر واكتر وفعلا بحس انى اخترت صح
ليه يعنى
اولا لما طلبت اقبلك اول شىء قولتى انك حتستأذنى من مامتك يعنى مش بتخبى حاجة عليها ومعنى كده انك معندكيش حاجة تخبيها اوى بتخافى منها ودلوقتى لما صرحتك برغبتى فى الارتباط معملتيش زى بنات كتير ومصدقتى بقه شاب غنى وواقع كمان فيا يعنى فرصة كمان بيعجبنى عقلك ووضوحك فى وصف مشاعرك واحساسك بكل دقة لما قولتى انك كنتى بتعتبرينى اخ وان دلوقتى الموقف اتغير فمحتاجة تخدى وقت تفكرى وتحسمى مشاعرك وانا حسيبك برحتك لحد ما تاخدى القرار اللى يريحك وسواء كان بالقبول او بالرفض فأكيد حيكون فى مصلحتى
والرفض حيكون فى مصلحتك ازاى يعنى
اكيد مش حابب اتجوز وحده مش بتحبنى زى ما بحبها ولا ايه
عندك حق . طب ممكن اروح بقه لحسن اتاخرت على ماما
طيب يلا بينا . فريدة فكرى كويس وعلى مهلك بس ياريت تردى عليا بسرعة
افكر على مهلى وارد بسرعة طب تيحى ازاى
مش عارف بقه هو كده . انا الفترة الجاية مش حتصل بيكى ولا اشوفك الا لما تقولى حنكمل اخوات ولا موافقة اخد مكان اكبر من كده فى حياتك
خلاص اتفاقنا
عاصم ايه اللى جابك
ايه كنتى عاوزة تسافرى من غير ما شوفك
ايوة مش بحب الوداع
يعنى انا كنت صح لما مرضتش اسالك عن ميعاد الطيارة وسألت طنط نيرة
كده يا ماما طيب
توصلى بالسلامة يارضوى ابقى طمنينى عليكى اول ما توصلى
طيب امشى بقه
لا
عشان خاطرى ياعاصم
رضوى ايه الدموع اللى فى عنيكى دى
يلا يا رضوى بيندهوا على رقم الرحلة بتاعتنا
ايه يا فريدة مالك دا هما يومين تلاته بس اللى لا اتصل ولا شوفتيه انتى اتعلقتى
بيه للدرجة دى
اتعلقت بيه يعنى ايه يعنى انا كنت بضحك على نفسى لما كنت بقول انه مجرد أخ يعنى انا كنت بجد بحبه بس مش عارفة
وفاجأة تحدثت لنفسها بصوت مرتفع والنبى انا شكلى اټجننت خلاص
كان مراد هو الاخر جالسا يحادث نفسه كل ده تفكير يافريدة كل ده
مش انت اللى اتفلحست وقولتها فكرى على مهلك
اه بس كنت فاكر انها بالكتير يوم او اتنين وترد عليا مش كل ده انا هاين عليا اتصل انا بيها
لالا اوعى تعمل كده لحسن صورتك تتهز ادامها
خلاص خلاص وانا كمان مش حابب افرض نفسى عليها . بس نغسى اعرف بقه اختارت ايه لو حتى تقولى نكمل اخوات كنت ارتاح
وانت بالحالة اللى انت فيها دى حابب انها تقولك كده
بصراحة لا بس اهو اى حاجة تريحنى والسلام
أخرجه صوت رنين هاتفه من حديثه لنفسه ليجدها هى من تتصل به فنظر الى اسمها الظاهر على شاشة الموبايل غير مصدق نفسه ثم رد عليها متصنعا الامبالاة
الو . ازيك يا فريدة
جاءه صوتها مرتبكا الحمد لله وانت اخبارك ايه
انا بخير الحمد لله
انا كنت بتصل عشان اسأل هى رضوى وصلت
بتتصلى عشان تسألى عن رضوى !!! لا
كده طيب
اى أسأله تانيه
مالك بترد كده
برد ازاى يعنى
كلامك بالعافية وزى ما تكون عاوز تقفل السكه فى وشى
فلم يستطيع السيطرة على نفسه اكثر من ذلك فاندفع قائلا هو مش احنا بيينا موضوع متعلق ومستنى رد منك وانتى ولا عبرتينى ولما افتكرتى تتصلى بتسألى عن رضوى وبس ولا كأن فى اى حاجة
ما اصل انا
انتى ايه مش لاقيه كلام تقوليه . خلاص ع العموم انا كده وصلنى الرد وعوزك تعرفى انك برضو لو احتجتى ليا فى اى وقت حكون جنبك الاخ والسند زى ما وعدتك
فردت بعصبية بس انا مش عوزاك أخ
ايه امال عوزانى ايه يا فريدة عوزانى ايه
مراد اكيد انت فهمت
لا مفهمتش مش بفهم الكلام اللى ما تقلش فهمى على ادى بعيد عنك
فأجابته ضاحكه كده طيب حبقه اكلمك مرة تانية اشرحلك
نعم ياختى ودلوقتى لا ليه
مزاجى كده
يعنى انتى حبه تدوخينى وتتعبى قلبى
بعد الشړ عليك يا مراد
طب ريحى قلبى وقولى بقه قرارك بوضوح
انا بعد تفكير طويل لاقيت انى عوزاك تاخد دور اكبر من الاخ فى حياتى حلو كده
لا زفت كده انا عاوز اسمعها
زفت !!! دا رد ترد بيه عليا
ايوة ما انتى جننتينى فيها ايه لما تقولى انك بتحبينى وربنا ما فيها حاجة
خلاص خلاص انت بتتعصب ليه دلوقت بحبك يا مراد بس بشرط
هو لسه فى شروط
ايوة حنأجل اى حاجة لحد لما اخلص السنادى
خلاص موافق بس ليا شرط انا كمان
شرط !!! شرط ايه
انى اسأل واطمن عليكى برحتى ها موافقة
موافقه
كده يبقه اتفاقنا . ايه ده شكل ماما وبابا وصلوا سلام دلوقتى وحكلمك بليل ماشى
خلاص مستنياك يلا سلام
سلام
حمدلله ع السلامة يا ماما ياحبيبت قلبى حمدلله ع السلامة يا بابا يا حبيبى
ايه ومفيش حمدلله ع السلامة يارضوى.
لامفيش انتى ايه اللى رجعك معاهم دا انا كنت مرتاح منك
شايفه يا ماما شايفه مقبلته ليا
نيرة يادى النيلة رجعت لۏجع الدماغ تانى انتو مش حتكبروا ابدا
طارق سيبك منهم يلا نطلع نغير هدومنا ونرتاح شوية
كده يا طروقة طب مش تقعد مع ابنك حبيبك شوية موحشتكش انا
لا موحشتنيش يا مراد
والله بتقولها من ورى قلبك انا عارف طب حتى مش عاوز تسأل عن الشغل
لا مش عاوز غير انام
طب تعالى انتى يارضوى اغلس عليكى
وانا كمان حطلع انام ومش حعبرك
لا والله شكلكم متفقين عليا كلكم
فضحك الجميع وتركوه وصعدوا غرفهم
هاا يا ست فريدة يعنى سكتى خالص ولا جيتى تقوليلى قرارك ولا عملتى ايه فى موضوع مراد
قالت بخجل ما انا حددت موقفى من مراد خلاص يا ماما
طب وايه قرارك
انا لاقيت مراد انسان كويس وابن ناس وشهم وينفع اكمل حياتى معاه وحكون محظوظة كمان
سيدى يا سيدى طب وهو عرف بالقرار ده ولا لسه
انا بلغته طبعا
اه وانا اخر من يعلم
لا ابدا انا كنت حقولك فى الاول بس حصل ظرف كده خلانى اضطر اتصل بمراد فسألنى هو عن قرارى فقولتله وبس كده
ما تتصوريش انا فرحانه اد ايه مراد راجل بجد وهو ده اللى اطمن عليكى معاه
يسلاااام لما انتى متحمسه ليه اوى كده امال لما سألتك عن رأيك مرضتيش تريحينى ليه من الدوامة اللى كنت فيها
يابنتى الموضوع ده بالذات مقدرش اقولك فيه راى لان دا باب بيت حيتقفل عليكى مع الراجل ده الباقى من حياتك حلو وحش بقه انتى لوحدك اللى حتشيلى الشيلة دى عشان كده لازم يكون القرار ليكى لوحدك
ربنا يخليكى ليا يا ماما انا بحبك اوى وبحب مخك الكبير اللى مخلينى طول عمرى بعتبرك صدقتى مش امى وبس
ايه ياعاصم مالك بتتكلم معايا كده ليه
قرفان
قرفان !!! قرفان من ايه
من كل حاجة كل حاجة
كل حاجة كل حاجة حتى انا
دا انتى اولهم
انا ياعصومه طب ليه انا عملتلك ايه
رضوى اقفلى دلوقتى انا مش عاوز اتكلم وانا فى الحالة دى
هو فى ايه مالك
من وقت ما رجعتو كلكم القاهرة وانا حاسس بوحدة شديدة
ما انا بكلمك وبتكلمنى كل شوية
بكلمك دقيقة اتنين زى ما كنت بشوفك كل يوم
يسلام وهو احنا كنا بنتقابل كل يوم دا اغلب وقتى كنت بقضية مع سلوى ورشا
فقال بارتباك دا صحيح بس انا كنت بشوفك كل يوم
نعم ازاى
كنت دايما بروح اتمشى على شط البحر وكنت بقعد ابص عليكى من بعيد وانتى مع صحباتك
بقه كده
ايوة مكنتش بعرف ابدء يومى فى الشغل غير لما اشوفك الاول بس دلوقتى لما بروح اتمشى ع البحر وانتى مش موجودة بحس انى مخڼوق
فترة وحتعدى بسرعة يا عاصم
يعنى انتى مبسوطة كده يا رضوى ردى عليا مبسوطة
عاصم انا حقفل دلوقتى عشان احنا فعلا كده ممكن نزعل من بعض سلام
واغلقت فورا دون انتظار رد
رأت هاتفها يرن مرة اخرى ففزعت ولكنها وجدت المتصل فريدة
ايه ياست رضوى من ساعة ما وصلتى ولا حس ولا خبر ايه خلاص نسيتى فريدة
ازيك يا فريدة عملة ايه
مالك يابنتى صوتك مش عجبنى
لا ابدا مفيش
لا دا فيه وفيه كمان شكلك عوزة قعدة من بتاعت الكلية ونرغى كتير بقولك ايه ما تيجى
طب ما تيجى انتى انا مليش مزاج اخرج
ما انتى عارفة ان قعدات الرغى بطول وانا مش بقدر اسيب ماما مدة طويلة لوحدها خليكى جدعة وتعالى انتى وما تبقيش غلسه
طيب حشوف كده ولو قررت اجى حتصل اقولك الصبح
من غير ما تتصلى انتى تيجى تفطرى معايا انا وماما الصبح
طب حبقه اشوف
حمدلله ع السلامة يا ست رضوى اخيرا شوفتك
الله يسلمك يافريدة
يلا تعالى ندخل اوضتى عشان نرغى برحتنا
امال فين مامتك
ماما دخلت تريح شوية وادى قعدة يلا يا ستى قولى ايه اللى قالب وشك وكيانك كده
انا فعلا محتاجة اتكلم معاكى يا فريدة عشان تفكيرك بيعجبنى بصى الحكاية بدءت من اول يوم ليا فى شرم لالا هى كانت حكاية قديمة جدا بس اتجددت هناك وقصت رضوى كل شىء لفريدة
فاڼفجرت فى الضحك
ايه اللى بيضحك فى كلامى وانا اللى بقول على مخك كبير
استنى بس ما تزعليش اصل اللى حصل معاكى حصل معايا انا كمان وشرط نفس الشرط
ايه يعنى انتى فى واحد بيحبك وبتحبيه واتفقتى معاه برضو انه مفيش ارتباط الا بعد الكلية
ايوة وعلى فكرة عشان ماتحسيش انى خدعتك فى يوم من الايام لازم اقولك هو مين الشخص ده
عشان محسش انك خدعتينى يانصبتى اوعى يكون عاصم
فاڼفجرت فريدة فى الضحك وهى تقول عاصم مين يا مچنونة وانا كنت شوفت عاصم بتاعك ده فين قبل كده
امال مين قولى بسرعة
بصراحة هو مراد اخوكى ارتحتى
طب ما انا كنت عارفة
يسلام ليه هو مراد قالك
لا مراد . مراد اخويا ده سوسه بس انا بقه اللى عرفت لوحدى
ماتقوليش على مراد كده
اه ياختى حنبتدى المحڼ
انا مش عارفة انتى بتجيبى الكلام ده منين بس بجد عرفتى ازاى
اصله فضل يتصل بيا فى شرم بعد ما مامتك طلعت من المستشفى ويسال عنك بحجة انه بيطمن منى ان كنتى محتاجة حاجة مامتك كويسة ولا لا وهو عمال يسأل اسأله خاصة بيكى انتى عن اخلاقك علاقاتك بزمايلك من الجنسين وكده يعنى
يا خرابى منك دا انتى اللى سوسه
فاڼفجرت فى الضحك وفاجأة فزعت على صوت رنين هاتفها وفزعت اكثر عندما وجدت المتصل عاصم
ينهار ابيض عاصم
طب ردى عليه
لو رديت حيبهدلنى اصلى قفلت تلفونى من بليل ولسه فتحاه بس عشان ابلغك انى جيالك
والله حرام عليكى يلا انا حروح اجيب حاجة نشربها وانتى رودى عليه يلا
الو
بمجرد ان سمع صوتها انطلق بكل عصبية يقول قفلة تلفونك من امبارح ليه انتى بتستهبلى مش حتبطلى لعب العيال ده وتكبرى بقه انتى مش بتردى عليا ليه
سيباك ياعاصم لما تكمل بهدله فيا وتهدى عشان اعرف اكلمك
رضوى انا اسف انا مش عارف انا بقول ايه او بعمل ايه اليومين دول تصورى انى اتخانقت انهارده مع 3 عمال منهم واحد كنت حضربه برغم من ان اللى حصل حاجة تافهه انا بجد مبقتش طايق نفسى
خد اجازة من الشغل عشان ترتاح شوية.
مش الاجازة اللى حتريحنى دا غير ان الفندق قرب يخلص يعنى مش حينفع اخد اجازة دلوقتى
طب ايه الحل دلوقتى
الحل الوحيد ياتيجى انتى شرم يا ارجع انا القاهرة ولا ده حينفع ولا ده حينفع
خلاص حاول تركز فى شغلك وتهدى لحد الفترة دى ما تعدى
مش عارف لغبطى كيانى انا ايه اللى خلانى احب واتزفت انا كنت عايش مبسوط مقضيها شغل وتمشية ع البحر وتمام اوى
تتزفت طب خلاص بسيطة اعتبر نفسك متزفتش وانسانى نهائى
ماخلاص مش حينفع عرفة يا زفته انتى انا عمرى اصلا ما حبيت قبل كده انا شكلى انا كمان كنت متعلق بيكى من زمان بس انا اللى مكنتش دارى عشان كده اول لما شوفتك تانى وقعت على بوزى
كل هذا وهى تسمعه وتبتسم لانه اخيرا عاد لطبيعته ولاعترافه لها بأنها اول حب فى حياته
اتزفت ويا زفته ووقعت على بوزك لا كده انا الحمد لله بكلم عاصم اللى اعرفه
فاڼفجر عاصم فى الضحك
يسلااام خلاص فوقت دلوقتى اخيرا
اه فوقت مش كلمت حببتى وروحى وقلبى
تقصد بهدلتنى وزفتنى
ڠصب عنى يا رضوى والله من يوم ما سفرتى وانا حالى اتبدل ومبقتش طايق اى حاجة
من يوم ماسفرت دا هما كلهم 3ايام اللى عدو
عدو عليا كأنهم 3 سنين وعشان كده والله العظيم لتانى يوم بعد ماتخلصى امتحاناتك حتكون ډخلتنا طوالى انا مش حستنى اكتر من كده
يسلااااام بتحدد كده مع نفسك وبتقرر وانا بقه
مليش لازمة
ايوة هو كده . انا كفاية اوى عليا كده
طب يلا عشان انا عند فريد صحبتى وعوزين نقعد نرغى شوية
ماشى ياروح قلبى . اه حتصل
بيكى تانى بليل اوعى تقفلى تلفونك تانى
خلاص ماشى سلام
سلام
هاا اتصلحتوا ولا ايه
ايوة بهدلنى شوية بس فى الاخر صالحنى
طب الحمد لله
مراد بيه فى واحد هنا بيقول اسمه عاصم عاوز
وقبل ان تكمل السكرتيرة قال مراد عاصم دخليه دخليه بسرعة
قام مراد على الفور لمقابلة عاصم وبمجرد ان رأه أخذه بالاحضان
أخيرا ياسى عاصم افتكرت تيجى تشوفنى
عامل
والله عشان كده لما رجعت مصر مفكرتش تيجى ولا تسأل غير لما قبلت ماما وبابا صدفة فى شرم
صدقنى كنت عاوز اسال عليك من اول ما وصلت بس بابا ياسيدى شغلنى معاه فى شغله على طول خاف اسافر تانى على العموم ادينا اتقابلنا ياسيدى وحنعيد ايام زمان تانى
فاكر يا عاصم ايام ثانوى لما كنت بتقضى اغلب وقتك عندنا فى البيت ولا فاكر لما العيال فى المدرسة كانوا فكرين اننا توءم
فاڼفجر عاصم فى الضحك وقال طبعا وفاكر لما كنت بتأكدلهم اننا توءم وتجننهم مع ان اسم ابويا غير اسم ابوك
اعملهم ما هما اللى مغفلين
المهم بقه قولى اخبارك ايه وعامل ايه فى الدنيا ومارتبطش لحد دلوقتى ليه وبتحب ولا لا وكده يعنى
ايه حيلك حيلك كل دى أسئلة
اه يلا جاوب
قولى انت الاول ما عجبتكش وحدة شقرة من بلاد الفرنجة
لاااااااا انا مش بيعجبنى غير البيت المصرية
ياواد طب وبنات مصر عرفوا يوقعوك ولا لسه
هى
وحدة اللى وقعتنى على بوزى وقعة سودة
ياسيدى طب حنفرح فيك أمتى
بعد سنة
اشمعنى
تكون خلصت درستها . مراد فى الحقيقة انا عاوز اقولك على موضوع كده عشان محسش فى يوم انى بعمل حاجة من ورى ضهرك
ايه يابنى الكلام الكبير ده هو فى ايه بالظبط
اصل البنت اللى بحبها تبقه رضوى أختك
ينهارك مش فايت
ايه انت زعلت يا مراد
زعلت عشانك انت يابنى ملقتش غير رضوى دى حتنسيك اسمك
يخربيت شكلك خضتنى . وبعدين مش مشكلة عجبنى
كده طب بالشفا
ايه هو انا بقولك اخدت حقنه
اسخم ماكنش يومك ياعاصم ياحبيبى
بطل ما تقولش كده على رضوى هى مجنونه شوية ولسعه شويتين بس بمۏت فيها
ربنا يهنى سعيد بسعيدة ياخويا
طب وانت ايه مفيش اى وحدة كده ولا كده شنكلتك
انا واقع نفس وقعتك بالظبط
ايه ينهار ابيض انت كمان بتحب رضوى
رضوى انت عبيط يابنى حتجوز اختى
امال ايه نفس الوقعة دى معناها ايه
اصلى بحب وحدة صحبتها ومنشفة ريقى برضو لنفس السبب
فاڼفجر عاصم فى الضحك عن اخرة وقال يعنى بصرة يا جميل
للاسف
بقولك ايه هى رضوى عارفة انك هنا
لا ليه
طب يلا بينا ع البيت نتغدى سوا واتفرج عليها وهى مصډومة بالمفاجأة دى
انت لسه بتغيظ فيها
امال دى احلى حاجة عندى لما انرفزها وتفضل بقه تشتكى لماما وټعيط لبابا
والله انت بايخ يا مراد
يسلاااام حنحن بقه ولا ايه ولا نسيت زمان لما كنت بتتفق عليها معايا
ولحد دلوقتى بحب اغظها برضو بس مش اوى يعنى
يا واااد طب يلا عشان اتفرج عليها حتعمل ايه لما تشوفك ادمها
هو فى ايه بقااااا عاصم لا صحانى من النوم زى عوايده ولا اتصل طول النهار وتلفونه مقفول يا ترى فيه ايه شوية واجرب اتصل بيه تانى
حمدلله ع السلامة يامراد الله عاصم لا دا انت بقه اللى تستحق حمدلله ع السلامة
الله يسلمك يا طنط
ماما رضوى فين
فى اوضتها فوق
كده طب جهزلنا الغدا بسرعة الله يخليكى وماتقوليش لرضوى اننا هنا ماشى ياحببتى
بس كده من عنيه
حببتى يانيرة
اتجه مراد بعاصم الى حجرة المكتب ليجلس مع والدة الى ان تحضر والدته الغداء
وفى هذه الاثناء شعرت رضوى بالجوع الشديد فنزلت على الفور لتطلب من والدتها الغداء
ماما ياحببتى حلو اوى انك بتحضرى الغدا انا جعانه اوى اوى
وجلست على الفور وبدءت فى تناول الطعام فى الوقت التى اتجهت فيه نيرة لحجرة المكتب لتخبرهم بان الغداء جاهز
فخرج خلفها مراد ومعه عاصم على الفور فقال لها مراد وهى منهمكه فى الاكل طب استنينا يا مفجوعة
جعانه يا مراد جعانه
ثم رفعت بصرها لتصتدم عيناها بوجه عاصم فتوقفت عن الطعام ولم تدرى ماذا تفعل او ماذا تقول
فندفع مراد يقول وهو ممسكا نفسه عن الضحك ايه مش حتسلمى على عاصم
حمدلله ع السلامة يا عاصم
الله يسلمك
انت رجعت القاهرة ولا ايه
لا بس اصل مراد وحشنى فجيت أشوفة
فوكزه مراد فى جنبه فتأوه على الفور ايه يا مراد فى ايه
معلش اصلى خبطك ڠصب عنى
ثم مال على اذنه وهو يهمس بقه جيت عشان مراد هو اللى وحشك برضو
فملس عاصم بيده على وجه مراد وهو يقول حبيبى يا مراد
فقالت نيرة ما تبطلوا كلام وكلوا الاكل حيبرد
بعد قليل هب طارق واقفا وهو يقول نيرة ابقى هاتيلى الشاى فى المكتب من فضلك
حاضر يا طارق
فقال مراد على الفور صحيح يا بابا انا كنت عوزك فى حاجة بخصوص الشغل
وقام على إثره
فقالت نيرة طب انا حقوم اعمل الشاى بقه
ولم يتبقى غير رضوى وعاصم فترك الطعام وأخذ ينظر اليها وهى تتصنع انها غير منتبه له
ايه مش عوزة تقولى لى حاجة
اقولك ايه ما قولتلك حمدلله ع السلامة وخلصنا
ياساتر يارب . يعنى مفيش وحشتنى
حبعت حد يشتريلك وحدة من بره دلوقت
فضحك وهو يقول بيخه
ولما هى بيخه بتضحك ليه
يخربيت برودك
شكرا يا استاذ عاصم وبعدين ما قولتليش ليه انك جاى
حبيت اعملك مفاجأة وحشتينى يا رضوى وحشتينى
فقالت بفزع عاصم ايه فى ايه
انتى اللى فى ايه ما تسبينى اخد رحتى شهرين ما شوفتكش ووحشانى اعمل ايه
واخد اجازة اد ايه
انا حقعد هنا يومين ومش عاوز اعدى دقيقة منهم غير وانتى معايا فهمه
طب خلاص موفقه
ايه ده بسهولة كده معقول
اصل يعنى فى الحقيقة انت كمان وحشنى بجد
ايه ايه قولى كده تانى انا مش مصدق اللى سمعته ده
خلاص ما تصدقش انا طلعه اوضتى
خدى بت هنا طلعه اوضتك دا ايه بقه انا ادب المشوار دا كله من شرم لحد هنا عشان فى الاخر تسبينى وتقعدى فى اوضتك
فاڼفجرت فى الضحك وظل هو يراقب ضحكتها ثم قال كانت وحشانى ضحكتك دى اوى ربنا ما يحرمنى منها ولا من صحبتها
رشروش حببتى سوسو ازيكم يا بنات خلاص رجعنا للكلية وحنبقة فى وش بعض كل يوم
رشا ايوة يا رضوى ورجعنا للمذاكرة والطحن تانى
سلوى ايوة السنة دى أخر سنة وعوزين نركز فيها اوى
رضوى امال فين فريدة مش شيفاها يعنى
رشا افتكرلنا حاجة عدله يا رضوى
رضوى انتى لسه يابنتى مش طيقاها حرام عليكى دى لذيذة جدا
رشا خلهالك ياحببتى كفايه انتى مصحباها
سلوى فريدة جاية هناك اهى
فقالت رضوى وهى ترى فريدة تقترب منهم بنت حلال والله لسه كنت بسأل عنك اتاخرتى ليه
فريدة معلش بقه ازيك يارشا ازيك يا سلوى
فأجاب الاثنين معا الحمد لله
ايوة يا عاصم
مالك بتردى كده ليه هلكانه والله كان عندى محاضرات انهاردة طول انهار لما دماغى ورمت
الف سلامة على دماغك يا حببتى
طبعا ما انت رايق
رايق ايه ما انا طلعان عينى انا كمان فى المشروع الجديد
يسلام يعنى مش بتزوغ وتروح تتمشى ع البحر
لا من ناحسة بزوغ واتمشى ع البحر دا لازم يحصل كل يوم والا معرفش اشتغل
مش بقولك رايق
اخ مكنتش اعرف انك حقودية كده
بقه كده
المهم عوزك تركزى فى مذكرتك كويس عشان تعدى السنة دى على خير
خلاص بطل ترغى معايا كل يوم عشان اعرف اركز
نعم ياختى دى هى دى الحاجة الوحيدة اللى مصبرانى كمان عوزة تحرمينى منها يا رخمه
انا رخمه الله يسامحك
ايوة مش عوزة تحرمينى حتى اكلمك
طب يلا بقه عشان الحق اذكرلى كلمتين
طيب يلا سلام وابقى طمنينى عليكى
ماشى سلام
مر العام سريعا وجاءت امتحانات أخر العام
هاا خلاص اخر يوم امتحان بكرة
ايوة يا عاصم ادعى لى يعدى على خيى ويكون سهل لحسن المادة دى تقيلة اوى
ربنا حيسهلها ان شاء الله . قوليلى انتى من اللى بيخلص ويخرج على طول ولا بتفضلى لاخر الوقت
على حسب المادة بتسأل ليه
لابس بدردش معاكى عشان تخفى من التوتر ده شوية
ماشى ياعاصم انا حقفل بقه عشان الحق اراجع وانت تقعد كده تدعيلى
حاضر يا حببتى يلا سلام
رضوى هاا يابنات عملتوا ايه
رشا وسلوى حلينا على قد ما نقدر
رشا طبعا انتى وفريدة مخلتوش ولا سؤال
فريدة هو انتى لسه بتقرى علينا يارشا انا اول ما روح حخلى ماما تبخرنى
فاڼفجرت سلوى ورضوى فى الضحك ثم قالت رضوى وانا كما يافريدة لحسن رشا دى عنيها مدورة اسألينى انا
سلوى ايه ده يا ست رضوى
رضوى بدهشه فيه ايه ياسلوى
سلوى مش اللى واقف هناك ده المز بتاع شرم
نظرت رضوى الى المكان الذى اشارت اليه سلوى لتجده واقفا مستندا على سيارته وهو مبتسم ايه ده دا بجد دا عاصم طب سلام بقه يا
بنات
فقالت رشا على الفور شوفى البت صحيح من لقى احبابه نسى صحابه
فقالت فريدة طب يلا بقه يابنات اشوف وشكم على خير ان شاء الله وبالنجاح
فسلمت عليها رشا وسلوى وبعدها تفرق الجميع
ايه المفاجأة الحلوة دى ياعاصم عشان كده كنت عاوز تعرف بطلع امتى من اللجنه
تعجبينى وانتى بتفهميها وهى طيرة
وانت جاى بعربيتك من شرم على هنا طوالى كده
انا فى القاهرة من يومين
نعععععععععععععم
انتى حتردحيلى ولا ايه
فى القاهرة من يومين وانا معرفش ومخبى ليه بقه ان شاء الله
مش مخبى ولا حاجة انا قبلت مراد وقعدت مع عمو طارق وقولتله انا عاوز اتحوز البت المجنونه اللى اسمها رضوى وهو طبعا ما صدق
ايه انت بتقول ايه قعدت مع بابا ومراد وطلبت تتحوزنى
ايوة
محدش فيهم قالى حاجة
انا اللى اتفقت معاهم على كده عشان ما تعرفيش انى جيت
وكل ده ليه بقه يا عم كرومبو
فاڼفجر عاصم فى الضحك وهو يقول عشان احطك ادام الامر الواقع بعد ما عرفتى ان الكل موافق على جوزنا فتضطرى تتجوزينى فى اسرع وقت
اه قاصد تدبسنى يعنى
ادبسك دا انا اللى حدبس دا انتى لو شوفتى عمو طارق وهو بيقولى صحيح يابنى حتخلصنا منها
والله ياسى عاصم بابا لايمكن يقول عنى كده دا انا قلبه وروحه وهو حبيبى
نعم نعم نعم ياختى
ايه فى ايه
حبيبى دى مسمعهاش منك غير ليا انا بس انتى فهمه
قولى هنا انت وخدنى على فين كده دا مش طريق بيتنا
حخطفك
عاصم بطل بقه مودينى فين بجد
حخدك اتيليه محصلش عشان نختار
انت بتهزر صح
اقسم بالله بتكلم جد يلا وصلنا
لم تجد رضوى ما تفعله غير الامتثال لما يريد برغم ما تشعر به من غيظ تجاهه ولكنها بمجرد ان دلفت الى الاتيلية وشاهدت فساتين الفرح وانها حقا رائعة شعرت بقلبها يرقص من الفرح وراحت تنتقى معه الفستان المناسب ثم ذهبت لتراه عليها وما ان خرجت له به حتى انبهر هو
وكل العاملين بالاتيلية والزوار ايضا وشعر عاصم انه فى عالم اخر وظل ينظر لها وكأنها أميرته المفقودة والتى عثر عليها للتو
ايه يا اخينا انت روحت فين
بقولك ايه ما تيجى نبعت نجيب عمو طارق والمأزون هنا
عاصم
بلا عاصم بلا بتاع بقه
والنعمة حرام اللى بيحصل فيا ده
فى منزلها بمجرد ان فتحت لها نيرة الباب أخذتها فى حضنها وهى تقول الف مبروك يا حببتى
ايه ده دا كلكم عرفين وانا اخر من يعلم
فقال مراد ليغيظها ايوة طبعا كلنا ما صدقنا نخلص منك
شايف يا بابا عجبك اللى بيقولو مراد ده
نيرة سيبك من مراد واطلعى غيرى هدومك بسرعة عشان نتغدى
خلاص عشان خاطرك انتى بس يا ماما حطلع اغير وانزل فورا
شوفتى المفجوعة قال عشان خاطرك يا ماما قال
ماخلاص بقه يامراد بطل معاكسة فيها ولا بتلحق تخلص اللى عندك قبل ما البيت يفضى عليك
طارق البيت يفضى على مين يانيرة البيت حيفضى عليا انا وانتى بس
فقالت بتعحب عليا انا وانت بس ازاى
البيه مراد حيعمل زى عاصم كده بالظبط ما هو كمان واقع لشوشته فى فريدة صحباتها
ايه بجد يا مراد وانا معرفش . كده وانا اللى كنت فاكرة انى كاتمة اسرارك
لالا ما تزعليش انا كمان لسه عارف انهارده
عاصم حلو يبقه نعمل فرحنا فى يوم واحد
حتيجى معانا انهارده ولا لا يا رضوى
اجى معاكم فين
حنروح عند فريدة صحبتك عشان نخطبها لمراد
بجد حاجى طبعا
طب يلا اطلعى ابدئى من دلوقتى جهزى نفسك لحسن انتى يومك بسنة فى اللبس
كده فريرة
فى المساء ذهبت عائلة مراد الى منزل فريدة فقابلتهم والدتها بكل ترحاب وتوجهت بهم فريدة الى حجرة الصالون وبمجرد أن جلست نيرة وجدت على الحائط المقابل لها بروازا معلقا لصورة رجل فظلت تنظر لها دون ان تشعر بمن حولها الى ان انتبهت لها فريدة على هذا الوضع فأشارت الى الصورة وهى تقول
دى صورة بابا الله يرحمه يا طنط
فأفاقت من شرودها على صوت فريدة وهى تكرر أيه صورة باباكى
كانت والدة فريدة فى هذه الاثناء تدخل الحجرة وتحمل صينية وعليها اكواب العصير فأخذت واحدة لتناولها لنيرة وما ان مدت نيرة يدها حتى شعرت بدوار شديد وغابت عن الوعى
إنزعج الجميع أنزعاجا شديدا وخصوصا طارق وأخرجت رضوى من حقيبتها زجاجة من البرفان على الفور فتناولها والدها وأخذ يقربها من أنف نيرة الى أن أستعادة وعيها وبمجرد أن فتحت عينيها قالت له على الفور
روحنى يا طارق روحنى ارتاح فى البيت
فاعتذر طارق على الفور لفريدة ووالدتها على ما حدث واستأذن منهم للأنصراف فأجابته والده فريدة على الفور قائلة لا ابدا يا طارق بيه ولا يهمك المهم نطمن على صح نيرة هانم
بمجرد ان ركبت السيارة قال لها طارق عمله ايه دلوقتى يا حببتى تحبى نروح للدكتور بتاعك
لالا انا عوزة اروح البيت روحنى احسن يا طارق
فانصاع لطلبها برغم من قلقه الشديد عليها وبمجرد ان دخلت البيت طلبت منهم ان تصعد لغرفتها وان يتركوها لترتاح
طارق طيب يلا يا ولاد شوفوا وراكم ايه دلوقتى وانا حطلع ماما اوضتها واقعد جنبها شوية
صعد طارق معها الى حجرتهما وبمجرد دخلوها القت بنفسها على الفراش واڼفجرت فى نوبة بكاء شديدة فجلس طارق بجوارها على الفور وهو يقول فى انزعاج شديد
ايه يانيرة فى ايه . ايه اللى حصل خلاكى فى الحالة دى فهمينى
مصېبة يا طارق مصېبة كبيرة حتهد حياتى كلها
مصېبة ايه بس يا نيرة
الراجل اللى قالت عنه فريدة انه ابوها
مالوا
الراجل ده يا طارق هو ابو مراد
فقال طارق پذعر ايه انتى بتقولى ايه يا نيرة انتى متأكده من كلامك ده لالا أكيد بيتهيألك
ابدا يا طارق ابدا الراجل ده هو ابوا مراد انا لا يمكن انسى صورته ابدا برغم من مرور السنين دى كلها يعنى ابنى بيحب اخته وعاوز يتجوزها شوفت المصېبة طب انا اعمل ايه اسيبة يتجوزها عشان ماتفضحش على أخر عمرى ولا أقوله واتحمل عواقب موقف انا مليش دخل فيه من الاساس وياترى ابنى حيصدق انى معرفش اللى حصل ده حصل ازاى ولا حيقول عنى انى ست مش كويسة واسقط من نظرة للابد اعمل ايه يا طارق قولى اعمل ايه
اهدى يا نيرة مش كده اهدى مش كويس على صحتك كده يا حببتى
وفاجأة وهو يحادثها غابت عن الوعى نهائى وحاول افاقتها بشتى الطرق ولكنه لم يفلح فخرج على الفور يصيح يا مراد يا رضوى الحقونى ياولاد نيرة اغمى عليها تانى ومش عارف افوقها
فأخرج مراد هاتفه على الفور وطلب الطبيب ولم يمر الكثير من الوقت حتى جاء الطبيب ليخبرهم انها تعرضت لصدمة شديدة اصابتها بغيبوبة وعليهم نقلها على الفور الى المشفى
بالفعل نقلت نيرة الى المشفى وطارق فى ذهول تمام لا يدرى ما يفعل الا انه اصر ان يبقى بجوارها فى حجرتها ولا يغادر
جلست رضوى ومراد فى استراحت المشفى وهى تكاد ان ټنهار مما حدث فأخذ مراد فى تهدءتها
رضوى انا عارف اللى حصل ده صعب علينا كلنا بس لازم تتماسكى عشان نقدر نطلع من اللى احنا فيه دا كلنا احنا مش حمل حد تانى ينهار فينا
مش قادرة يا مراد مش قادرة انا اول مرة
اشوف ماما كده اللى طول عمرها صلبه وجامده قصاد اى شدة ټنهار كده وليه ومن ايه كل اللى حصل ده يامراد
الله اعلم يارضوى انا حتى سألت بابا قال انه مش عارف حاجة ربنا يقومها لينا بالسلامة يارب
وفاجأة وجدت هاتفها يرن وكان المتصل عاصم الو ايوة يا عاصم
ايه يارضوى مالك انتى بتعيطى ولا ايه
الحقنى يا عاصم مما حصلها اڼهيار عصبى ونقلناها المستشفى
ايه انتى بتقولى ايه يارضوى طب انا جايلك حالا
بعدها بقليل وجدته امامها
شوفت شوفت ياعاصم اللى حصلنا
امال فين مراد وعمو طارق
بابا قاعد جنب ماما رفض يخرج ومراد هناك اهو بيتكلم مع فريدة فى الموبايل انا مش عارفة اعمل ايه ياعاصم مش عارفة اعمل ايه
اهدى يا رضوى مش كده طنط نيرة جامدة وان شاء الله حتعدى الازمة دى على خير بس اللى حصل ده من ايه
محدش فينا عارف حاجة احنا روحنا لفريدة عشان .. وقصت عليه كل ما حدث
ان شاء الله خير وحتقوم منها بخير ان شاء الله
يارب ياعاصم يارب
مر يوم واثنان ولم تتحسن حالتها فطلب الطبيب من طارق ان يقص عليه كل ما حدث لعله يكتشف سبب حالتها ويجد العلاج المناسب ولكن طارق لم يكن ليبوح بسرها مهما حدث
دكتور طب وهى فى الحالة دى ممكن تكون سمعانى
اكيد هى سمعاك وحسه بكل شىء المشكلة انها رفضة تماما تسترد وعيها لان فى شىء هى بتهرب من موجهته
كده طيب
عاد طارق ليجلس بجوارها فأمسك يدها بحنانه المعهود وأخذ يتحدث اليها نيرة انا متاكد انك سمعانى نيرة انا جنبك وحفضل جنبك طول العمر ومش حسمح لاى حاجة او حد انه ېأذيكى وزى ما حفظت عليكى وعلى سمعتك انتى ومراد زمان اقسملك انى حعمل كل اللى اقدر عليه عشان تفضلى انتى ومراد مرفوعين الراس . نيرة وحشتينى يا حببتى وحشنى صوتك وضحكتك نيرة انا محتاجك اوى محتاج لك اكتر من اى وقت تانى يا حب عمرى
استمر طارق على هذا الحال دون ان يدرى هل سيفلح حديثه معها فى طمئنتها وايتعادة وعيها ام ان كل هذا سيذهب هباء
الى ان سمع أذان الفجر فقام وتوضىء ووقف يصلى ومع كل سجدة يدعو الله وتنساب دموعه الى ان انهى صلاته وجلس بعدها يدعو دعاء المضطر الى ربه ليجعل له من امره مخرجا
وبعد ان فرغ من صلاته عاد ليجلس بجوارها مرة أخرى وأخذ يكمل حديثه معها ودون ان يدرى راح فى سبات عميق
ليستيقظ فزعا اثر احساسه بضغطه من يدها على يده فلم يدرى اهو كان يحلم ام يخيل اليه ام هى حقيقة فأخذ يتحدث اليها على فورا
نيرة حببتى انتى ضغطى على ايدى انتى سمعانى انتى حاسه بيا حاسه اد ايه انا تعبت اليومين دول من غيرك ارجوك لو فعلا حاسه بيا ادينى اى إشارة ارجوك يانيرة ريحى قلبى يا حببتى
وانتظر قليلا ليرى ما سيحدث ولما لم يجد منها اى استجابة أخذ يبكى كالطفل ليتفاجأ بها تضغط على يده للمرة الثانية وبأنه لم يكن يحلم
فدق الجرس بجانبه فجأته الممرضة على الفور
نعم يا طارق بيه فى حاجة
ممكن بس تندهى الدكتور عوزة ضرورى
حاضر
وما هى الاثوان ووجد الطبيب امامه ها فى حاجة ياطارق بيه
دكتور نيرة مسكت ايدى واهى لسه مسكاها جامد
بجد ورينى كده
الحمد لله كده يبقه ان شاء الله حتبتدى تسترد وعيها انت عملت ايه خلاها تستجيب ليك وهى ما استجبتش للعلاج نهائى
معملتش حاجة غير انى دعيت لربنا انه يشفيها عشان خاطرى وربنا استجاب لدعائى
ونعم بالله يا طارق بيه
خلاص احنا حنستمر فى طرقنا وانت استمر فى طريقك وان شاء الله خير
مرة يومان وتفاجأ طارق اثناء جلوسه بجوارها وهو يتحدث اليها كعادته فى الايام الاخيرة وإذا بها تفتح عينيها فقال بلهفة
نيرة حببتى انتى سمعانى انا جنبك يا حببتى
واخذ يدق الجرس فجائته الممرضة على الفور
اندهيلى الدكتور نيرة فتحت عينيها
ومرت الايام ونيرة تستعيد وعيها يوما بعد يوم وسط فرحة الجميع ولكن طارق بعد ان علم من مراد ان فريدة ووالدتها تريد زيارتها خشى عليها من ان تتدهور حالتها مرة اخرى فطلب من الطبيب ان يمنع عنها الزيارة نهائيا
يابابا نفسى بقه اقعد مع ماما
يابنتى الدكتور هو اللى مانع عنها الزيارة احنا مصدقنا انها تسترد وعيها بس لسه هى تحت العلاج
عاصم ما تقلقش يا عمو ان شاء اللى يتم شفاها على خير احنا ليل نهار بندعلها
وانت ياعاصم حتفضل قاعد هنا وسايب شغلك
ابدا يا عمو انا كده كده واخد أجازة
كده طيب بقولكم ايه انا داخل اقعد مع نيرة
بعد ان انصرف طارق قال عاصم لرضوى تعرفى انا قلبى بيقولى ان عمو طارق هو اللى قال للدكتور ما يدخلناش عشان يقعد يهيص مع المزة بتعته
فاڼفجرت فى الضحك وهى ټضربه على كتفه وتقول ليه هو بابا زيك
مالى ياختى ما انا قاعد جنبك اهو ليل نهار زى ازازة الخل ولا بعمل حاجة
والله بأمارة لما كنت بعيط لما الدكتور قال انهم عملوا كل حاجة لكن هى اللى رفضة تفوق وقومت مستغل الموقف
يابنتى مش كنت بهديكى يعنى انا غلطان
لا
