كامله ندى أحمد
المحتويات
والله!
ضحك وهو بيقول
أه والله.
ابتسمت وأنا بقول
طيب يا سيدي أنا بقى عندى ٢٠ سنة في كلية تجارة وبحب القطط والقراءة.
ضحك وقال وهو بيشار بإيديه كعلامة للأنتهاء
بس كده.
سألته
تحب تعرف إيه
يعني علاقتك بالصلاة والقرآن
ابتسمت وأنا بقول
الحمد لله محافظه على صلاتي وليا ورد يومي وده كله بفضل الله.
طيب تحبي جوزك يبقى عامل ازاي برضوا
بص هى أهم حاجه الصلاة وبعدها بتيجي كل حاجه.
رجع ضهره لورا وسأل
وإيه اللي بيجي بعدها.
يعني يكون بيتقي الله في شغله ويبعد عن الحرام يكون بار بأهله
بيتصدق أنا عارفه أنها حاجه بينه وبين ربنا بس على الأقل اشوفه ولو مره بيعمل ده
جدع عقله ناضج مش أي حد يقدر يستفزه ولا أي حد يقدر يغلطه رحيم ثم رحيم ثم رحيم
إيديه مش طايشه حنين ثم حنين ثم حنين.
تصدقي بالله.
لا إله إلا الله.
عدل قميصه وهو بيقول
أنا أمي دايما بتقولي أن كل الصفات دي فيا.
ضحكت وجت في دماغي جملةالقرد في عين أمه غزال
بصلي جامد وبعدين ضحك وقال
قوليها متتكسفيش.
بصتله باستغراب وقولت
هى إيه دي.
القرد في عين أمه غزال.
ضحكت جامد وأنا بقول
عرفت ازاي
أمي دايما تقولهالي برضوا.
قولتله وأنا بضحك
تصدق بالله.
لا إله إلا الله.
طنط كريمة دي عسل.
بعد شوية كملت وقولت
طيب مثلا لو عيطت في يوم بدون سبب
اللي هو عايزة اعيط دلوقتي وخلاص أنت إيه موقفك
اتحرك بجسمه لقدام وسند إيديه على ركبته وقال
بصي كريم إسماعيل قال مرة المشاعر لا تناقش.
ابتسمت لأجل كلامه وعلشان أنا لسه قايلة كده من شويه وقولت
يعني هتعمل إيه
هحتويك واطبطب عليك وهحاول اعمل أي حاجه تفرحك.
ابتسمت
شاطر براڤوا عليك.
صلي على النبي.
عليه أفضل الصلاة والسلام.
زيدي النبي صلاة.
صلى الله عليه وسلم.
كمان صلاة على الصلاة بقى.
صلي الله عليه وسلم.
أنا ذوق عافية هتجوزك يعني هتجوزك ماشي
رفعت حاجبي وقولت باستمتاع
وده ليه إن شاء الله
قال بغرور
علشان أنا عريس لقطة وخلاص كده أنا آخر قطعة متاحة ليك يا تلحقيني يا تلحقيني
فصلي استخارة كده وقولي لعمو محمد يقولي أنك موافقة تمام
اتكلمت بجدية وقولت
بص بقى كل اللي عدى كوم وموقفك من اللي هقوله دلوقتي ده كوم تاني.
قاطعني وقال
موقفي من ناحية إيه
اتكلمت بأسف وحزن بعد ما اتنهدت
غرة.
لقيته وطى دماغه بحزن كام ثانية وبعدها رفعها وقال بحزن
أنت بتسأليني عن موقفي تجاه أهلي وأخواتي.
اتنهد بحزن وقال
ولا عمرك هتتخيلي العبأ اللي على قلبي من قعدتي دي فكرة أنك مش قادر تتحرك وتروح تقف جمبهم وتساندهم وتطبب جروحهم دي بتوجع أنا ببقى بلف حولين نفسي وأنا بشوف أطفال...أطفال ملهمش أدني ذنب بيفجروا بصواريخ ورجال مسنين يأسروا ويعذبوا ونساء تنتهك أعراضهن ببقى هطق من جنابي والله العظيم.
اتعصب هو بيقول
يعني مبيفتحوش المعبر ليه عايز افهم.
قولت بس خرية
معاهدة الس لام.
تولع المعاهدة وتولع كل حاجه قصاد دم طفل ولا عرض أمرأة والله الحساب هيكون عسير على كل اللي كان في إيديه حاجه يعملها وقعد ساكت.
الله يتولاهم برحمته.
قال بعصبية
الدعاء مش كفاية يا ندي.
كملت وأنا بقول
ولا المقاطع ة كفاية.
ولا أي حاجه كفاية قصاد دمه م.
بعدها استأذن ونزل حتى مستناش أهله.
هو معاه حق الدعاء مش كفاية ولا المقاطعة كفاية.
قومت دخلت أوضتي بهدوء على عكس النار اللي قايدة في قلبي.
شوية ولقيت ماما دخلت الأوضة وهى بتقول
هو إيه اللي حصل يا ندي عمير نزل ليه
محصلش حاجه يا ماما.
امال نزل ليه ومستناش اهله
كنا بنتكلم عن أهل عرة وبعدها استأذن ونزل.
الله ينصرهم يا رب.
يا رب.
بابا بيقولك معاك أسبوع تفكري مع أن عمير شاب ميترفضش يعني.
رفعت حاجبي وأنا بقول بتعجب
والله!
فضحكت وقالت
أه والله.
كانت العشاء أذنت فقمت صليت وبعدها صليت استخارة.
وبعدها دخلنا أنا وماما عملنا عشاء وقعدنا نتعشى.
عملت آيس كوفي ودخلت قعدت شوية في البلكونة وبعدها دخلت نمت.
صحيت تاني يوم الفجر على صوت أحمد أخويا.
فقمت اتوضيت وصليت الفجر وبعدها قرأت أذكاري ووردي اليوم بدأ يسير كالمعتاد.
بزيادة بقى أن ماما ماشية طول اليوم ورايا تقولي عمير ده تربية إيدي
عمير ده مؤدب
عمير ده سكر
عمير ده مش عارفه إيه.
كنت حساني شوية وهنزل اقتل عمير من كتر ما هى بتتكلم عنه.
عدى يومين وكنت كل مرة بصلي فيها استخارة بحس أني مايله للموضوع.
فقولت لبابا أني موافقة.
ومكدبش عليكم يعني الواد طلع مؤدب وبيصلي ومبيشربش سجاير وحلو وكيوت ومسمسم وبسمسم كمان حاجه متتعوضش يعني شكلي كده وقعت ومحدش سمى عليا.
هو بقى مكدبش خبر ولقيناه تاني يوم عندنا وبنقرأ الفاتحة وبعدها حددوا معاد الخطوبة كمان أسبوع.
هو إيه الكروته دي يا جدعان!
الأيام جريت بسرعة وأنا اتسحلت بقى في ترويق ومسح وغسيل سجاد وشيل وحط وقطمة وسط من الآخر يعني.
رنيت على نور صحبتي وأول ما ردت صوت في ودنها وأنا بقول
بكرة خطوبتي.
منك لله يا شيخة صرعتيني.
هديت صوتي وقولت بضحك
بكرة خطوبتي يا نور.
زعقت وقالت
ما أنا متزفته عارفه أن بكرة خطوبتك بتصوتي في وداني ليه بقى
فرحانة
عقبالي لما افرح أنا كمان يا رب.
ضحكت وأنا بقول
طب ما تيجي اجوزك أخويا وابقى عمتك الحرباية.
إلا أحمد أخوكي ده لو مش هتجوز.
ضحكت وأنا بقول
ليه يا بت كده
نرجسي ورخم بشكل ببقى شوية وهقوم اجيبة من شعرة.
يعني يرضيكي يبقى عسول وكيوت مع أي واحده وخلاص.
وأنا مالي يا ماما خلينا في خطوبتك اللي بكرة.
لو مجتيش من الساعة ٧ الصبح هموتك.
ليه يا ماما هنبيع لبن.
لأ بسس علشان تيجي تنضفي مع أمي.
والله!
ضحك وقولت
أه والله.
أنا أخر واحده جاية بكره.
عادي هنخليكي تغسلي المواعين قبل ما تمشي مفيش مشكلة.
هو أي شغل وخلاص.
اتكلمت بجدية
تجيلي بدري يا نور.
حاضر عيوني هجيلك من النجمة.
فضلنا نرغي شوية وبعدها دخلت نمت.
صحيت الفجر صليت ونمت تاني.
صحيت تاني بقى على صوت نور صحبتي.
لقيتها بتفتح الشباك وهى بتقول
قومي يا عروسة ده كله نوم!
إيه يا بت حد يجي لحد بدري كده.
قومي يا بت بلاش لكاعة.
اديتها ضهري وأنا بقول
سيبني أنام شوية.
قومي يا ندي يلا الساعة ١١.
قعدت وأنا بفرك في عيني
يلهوي هو أنا نمت ده كله
قعدت هى كمان على السرير وهى بتقول
والله ما عارفه أنت نايمة ازاي ده أنتوا عندكم مرستان بره.
ليه هو مين بره.
خالاتك وعماتك وأعمامك بعيالهم ومرتاتهم.
ما شاء الله.
قومي بقى اتوضي وصلي الضحى علشان ننزل نجيب الفستان.
نطيت من على وجريت على الحمام يلهوي أنا كنت ناسية حوار الفستان ده أصلا.
دخلت اتوضيت وصليت وبعدها فطرت أنا ونور وبعدين نزلنا نجيب الفستان.
بعد ساعة.
كنا جبنا الفستان وبعدها روحنا صلينا الضهر وبعدها البنت بتاعت الديكور كانت جت وأنا ونور وقفنا معاها.
وبعد
فدخلنا صلينا وبعدها اتغدينا أنا ونور وبعدين بدأنا نجهز.
لبست الفستان مع لمسات لطيفة وخفيفة خالص من اللا
متابعة القراءة
