كامله ندى أحمد
ميكب يعني مرطب وش وشفايف وبس.
ونور كمان لبست كانوا صحابنا بدأوا يوصلوا وقعدنا نهيص ونزغرط.
المغرب أذن فصلينا كلنا وبعدها عمير وصل هو وأهله.
االأغاني اشتغلتبالدف والأهل بدأوا يهنوا ويباركوا.
ولما جه وقت تلبيس الدبل عمير نده على والدته علشان تلبسني الدهب.
لبستني الدهب وأنا كنت مبسوطة أوي.
ومن بعدها عليت الزغاريط أكتر وأكتر.
عمير خرج قعد مع الرجالة بره واحنا فضلنا نرقص ونهيص سوا.
شوية ودخل بابا وأحمد وعمير وباباه أحمد وعمير فضلوا يرقصوا سوا لغاية لما مبقوش قادرين يقفوا بجد كان شكلهم مسخرة.
الساعة جت ١٠ والناس بدأوا يمشوا.
بدأت أودع صحابي واحدة واحدة لغاية لما مبقاش حد موجود غير نور كانت الساعة ١١ فلقيت أحمد معدي من قدامي فندهت عليه
أحمد.
نعم.
ممكن لو سمحت توصل نور أصل الوقت اتأخر.
لقيت نور برقتلي وبعدين قالت
لا يا ندي أنا هروح لوحدي.
لقيته بيقول
خمس دقايق وهاجي اوصلها اوعي تخليها تمشي لوحدها.
حاضر.
أنا حاسة أن نور عايزة تدبحني.
لقيتها قرصتني في دراعي وهي بتقول
قولتيله يوصلني ليه
قولت بخوف عليها
الوقت اتأخر يا نور.
مش هينفع امشي معاه يا ندي.
متمشيش معاه هو هيمشي قدامك لغاية البيت علشان محدش يدايقك.
قالت بضيق
ملقتيش إلا الأستاذ أحمد يعني.
معلش بقى كلهم مشغولين.
لما نشوف اخرتها.
ضحكت وأنا بقول
أخرتها
يا رب.
أحمد نزل فقلتله يمشي قدامها فهو قالي أنه هيعمل كده من غير ما اقوله.
سلمت على نور وبعدها مشيوا هى وأحمد.
وأنا دخلت قعدت مع عمير وأهله.
قعدنا نتكلم ونهزر ونضحك وبعدها قعدنا اتعشينا سوا وبعدين استأذنوا ومشيوا.
دخلت أخدت شاور وبعدها صليت العشاء لقيت أحمد بيخبط على باب أوضتي فأذنتله بالدخول.
مبارك يا دود.
الله يبارك فيك يا حبيب الدود.
وكملت بخبث
عقبالك يا رب.
لقيته قعد على السرير وهو بيقول
آه صحيح بخصوص عقبالك هي نور إيه الدنيا
ضحكت وأنا بقول بمكر
اممم بخصوص إيه
متعمليش فيها عبيطة.
فقولت ببراءة
يوه! مش افهم أنت تقصد إيه
يعني مخطوبة حد متكلم عليها
اتكلمت بخبث
وده يهمك في إيه
خبطني على إيدي بخفة وهو بيقول
بطلي رخامة بقى.
عايز إيه
حط إيديه في شعره وهو بيقول
عايز اتقدملها.
أنا من فرحتي زغرطت لقيته حط إيديه على بوقي وهو بيقول
اسكتي هتفضحينا.
يوه فرحنالك يا حبيبي.
تقومي تفضحيني.
خلاص هساعدك بس علشان أنت شرفتني النهاردة.
عدل تيشيرته وهو بيقول
أي خدمة.
يعني اخدلك منهم معاد.
لا هاتيلي رقم باباها وخلاص.
استنى.
كان معايا رقم عمو محمد فبعته ليه.
وبعدها سابني ودخل ينام.
وأنا نمت بعد ما خرج.
وبعد سنة وشهر.
مرت فترة الخطوبة بسلام ومن
وأخيرا أحب اقولكم أنه خلاص فاضل تكة وابقى على اسمه.
وبعد ما خلصت ميكب كنت بلبس الفستان فنور دخلت عليا وهى بتقولي
انجزي يا ندي أحمد بيقولك المأذون على وصول.
آه نسيت اقولكم أحمد ونور اتجوزوا وبقيت عمتو الحرباية بجد بس مش حرباية أوي يعني.
طيب اقفليلي سوستة الفستان.
قفلتلي السوستة وبعدها لقيت عنيها بتدمع وهى بتقول
مش مصدقة أنك خلاص هتسيبينا وتمشي.
وأنا بقول بتأثر
متعيطيش بالله علشان معيطش.
طيب يلا نزلي النقاب علشان نخرج.
ونسيت اقولكوا كمان أني لبست النقاب حبيت أن احصن نفسي من الفتن وكمان علشان اتشبه بأمهات المؤمنين.
وقبل ما اخرج لقينا أحمد بيخبط على الباب وبيقولنا أن عمير وصل.
مسكت إيديه وأنا بقول
أنا متوترة أوي.
مسك إيدي وطبطب عليا وهو بيقول
هوني على نفسك متخافيش أنا معاك ومش هسيب إيديك أبدا.
دخلت قعدت جمب عمير وبعدها المأذون بدأ يكتب الكتاب.
لغاية لما وصل لبابا
فبكيت وقت ما بابا ردد ورا المأذون
زوجتك ابنتي وموكلتي وحبيبة قلبي نور عين أبيها ومؤنسة روحه.
وبعدها بكى جامد.
ماما فضلت تطبطب عليه وأنا ونور وأحمد لغاية لما هدي شوية وبعدها المأذون كمل كتب الكتاب.
لحظة مهيبة تجللت لها قلوبنا جميعا وقت ما المأذون
بارك الله لهما وبارك عليهما وجمع بينهما في خير.
بارك الله لهما وبارك
بعدها بابا أخدني وهو بيبكي وبيقول
خلاص كده هتسبي وتمشي يا نور العين.
طبطبت عليه وأنا بقول ببكي
ما أنا قاعدة معاكوا شوية اهه يا حبيبي.
اللي بعده كان من نصيب ماما اللي قالت
مش هلاقي حد يناكف فيا من بعدك.
طبطبت عليها وأنا بقول
والله يا جماعة أنا قاعدة معاكوا مش ماشية.
ومن بعدها كان أحمد حبيب روحي ده ونور عيني فقال
مبارك يا حبيبة أيامي ونصي التاني.
ومن بعدهم نور اللي فضلت متبته فيا وهى بتقول
مبارك يا حبيبة عمري.
شوية وسحبني من إيدي لأوضتي وبعدها قفل الباب وهو بيتنهد جامد ويقول بدموع
أخيرا بقيتي على اسمي تعبتيني أوي يا نور العين.
مسحت دموعه وأنا بقول بمرح
مبارك عليك أنا.
بعدها خرجنا للناس برا وفضلنا نرقص ونهيص لنهاية الليلة.
وبعدها بكام يوم نزلت اشتري حاجات من السوبر ماركت.
فدخلت سلمت على عمو محمد فلقيت عمير هناك بيعمل إيه هنا مقاليش أنه هيجي.
دخلت أخدت الحاجات اللي أنا عايزها وبعدها وقفت قصاد عمير وأنا بقول بابتسامة
لو سمحت عايزة جوز هند.
ضحك وهو بيقول
معندناش جوز هند بس موجود جوزك تاخديه وينوبك فيه ثواب.
ضحكت وأنا بقول
خلاص ماشي هاخده وأمري لله.
سند على البترينه وهو بيقول
يقال إن العيون تتحدث بما لم يفصح به اللسان
فهل استطاعت عيناي البوح بمقدار العشق لك
ل
شروق_عمرو_هريدي.
تمت.
رحم الله أعمامي وموتى المسلمين.
.
اتمنى تسيبلي كومنت لطيف زيك.
اذكروني بدعوة طيبة.
ندى_أحمد.
