الكهف الاسود

اجري لحد ما وقعت و مسكني الشيء دا من رجلي و قبل ما يسحبني و يروح بيا على مكان مجهول سمعت صوت جدي عثمان
يا مصطفى انت فين يبني !!
فجأة الشئ دا سابني و انا محستش بحاجة من بعدها لما قومت يومها لاقيت نفسي في مكان تاني غير الأرض دي قاعد في بيت جدي و لاقيته حاطط عل دماغي قماشة بيضة و ساقعة عشان تمتص الحرارة و لما سألته عن اللي حصلي قالي
انت ايه اللي دخلك ارض الحاج عبد الصمد وقت الفجرية
مش انت اللي صحتني من النوم و قولتلي تعالى
أنا!!!!!
اه يا جدي جتلي و كان معاك كشاف اصفر و قومتني
يبني انا في الجامع من بدري بسبب مشكلة عمك توفيق و بنته اللي مش لاقينها دي!
توفيق مين و بنته مين ! بقولك انت صحتني انا مش مجنون
أهدى بس أهدى و لما تخف هتبقى كويس و تفتكر اللي حصل
أنا فاكر اللي حصل بس انت اللي بتكدبني
خلاص يا مصطفى في ايه هتزعقلي
بصراحة معرفش ليه كنت منفعل على جدي بالشكل دا يمكن عشان مش بحب حد يكدبني يومها ماكنتش تعبان اوي و بعد ساعات شلت القماشة و فضلت سرحان في اللي حصل معايا و عشان اخرج نفسي من الموود دا طلبت من جدي اروح معاه القعدة اللي عملنها من بعد صلاة العشاء في الجامع عشان يعرفوا سبب اختفاء الطفلة نوارة
شيوخ البلد و الكبار كلهم قاعدين منتظرين الاذان وبعد ما الصلاة خلصت اجتمعوا في الجامع و الكلام كله داير عن الطفل صلاح اللي اختفى و هو راجع من الجامع و عن الطفل إبراهيم اللي كان بيمشي حمارته و الحمارة رجعت و هو لاء و اخر شيء عن الطفلة نوارة اللي اختفت هي والكلب البلدي اللي كانت بتربي و اخر كلام قاله ابوها توفيق
كانت بتلعب معاه قصاد البيت و فضل ينبح على شئ هو بس اللي شايفه دخلت البيت اعمل كوباية شاي خرجت ملقتش بنتي و من ساعتها معرفش راحت فين
سمعت كلام الحاج توفيق افتكرت المشهد اللي شوفته و حصل قدامي 
بس معرفش ليه مقولتش ليهم على حاجة فضلت ساكت لحد ما القاعدة انتهت و مصير نوارة زي الباقي هتبدأ الشرطة تحقق فيه بس ابوها كان عارف أن بنته راحت ضحية زي الباقين و مش هترجع تاني
رجعت بيت جدي و فضلت مستني الشوارع تهدى و الرجل تخف و العتمة تسيطر على المكان عشان اشوف اللي حصل تاني دا هيتم ولا لاء عملت القهوة و حطيت السماعة في وداني و عملت نفسي سرحان في الا شيء بس للأسف مرت ساعة والمكان هدوء تام و مفيش حاجة خرجت من الأرض دي فمت من مكاني و قفلت البلكونة بس أثناء و أنا بقفلها سمعت صوت خطوات!!
بصيت من الفتاحات اللي في الشيش لاقيت شخص بيقرب من الأرض دي وبيبص يمينه و شماله كأنه بيشوف حد مراقبه ولا لاء و أول ما وقف و صدر ظهره للأرض شوفت وشه كان الحاج توفيق والد نوارة معقولة يكون ليه يد في اللي بيحصل!!!
بصيت من الفتاحات اللي في الشيش لاقيت شخص بيقرب من الأرض دي و بيبص يمينه و شماله كأنه بيشوف حد مراقبه ولا لاء و أول ما وقف و صدر ظهره للأرض شوفت وشه كان الحاج توفيق والد نوارة معقولة يكون ليه يد في اللي بيحصل!!!
في نفس اللحظة وقبل ما أفكر هل ليه يد ولا لاء خرجت نفس الأيد السودة و مسكت في رجله وقع على وشه وبدأ يشد نفسه من الأيد دي بس مش عارف رميت كل اللي في أيدي و جريت على باب البيت و خرجت جري على علشه عشان الحقه بس عقبال ما خرجت ملقتش حاجة!! الحاج توفيق مش موجود و الأرض فاضية كنت عمال ادور عليه بس الشارع فاضي لاقيته فجأة مسك في رجلي كنت فاكر أنها نفس الأيد السودة لكن دا طلع الحاج توفيق و بيحاول ينجي بروحه
مسكت أيده وفضلت اشد فيها مرة مع مرة بدأ جسمه يظهر من تاني و يفلت من اللي بيحاول يشده كان اللي بيشده قوي جدا اقوى مني بكتير بس بعد معافرة قدرت الحقه بعد ما خرج من الأرض دي لاقيت جسمه كله حشرات كتيرة أوي و في تعبان ملفوف حوالين رجله بس أول ما عم توفيق خرج بجسمه التعبان دا جري داخل الأرض تاني عم توفيق كان في حالة اغماء مش مستوعب اللي حصله لاقيت جدي جه و طلب مني نبعد عن الأرض و ناخد توفيق بعيد رفعته أنا وجدي ودخلنا بيه البيت و بدأ جدي يجيب طبق و يحطي فيه بعض السوائل على بعض و بعدين غرق فيه حتة قماشة و حطها على راس توفيق
هو كل اللي بيدخل الأرض دي بتعمل معاه كدا ليه يا جدي!!
بصلي جدي بطرف عينه و متكلمش و بعديها الفضول دفعني اسأله تاني
مردتش عليا يعني ايه السبب اللي يخليك تعمل القماشة دي!
مصطفى في حاجات وعادات في البلد دي أنت متعرفش عنها حاجة و الأرض