الكهف الاسود

دي من ضمن العجائب في البلد هنا
و انت بقا اللي عارف يا جدي!!
من امبارح و انت بتتكلم معايا بطريقة غريبة يا مصطفى مش ملاحظ دا
فضلت ساكت وبعد شوية سمعنا صوت توفيق وهو بيكح و بيخرج من بوقه رزاز
حمدالله على السلامة يا ابو نوارة
الله يسلمك يا حاج عثمان
أنت ايه اللي خلاك تدخل الأرض دي يا عم توفيق
قولتها و من بعدها فضل عم توفيق باصص لجدي عثمان و لاقيت اللي بيرد جدي وقالي
الراجل تعبان يا مصطفى سيبه
مانا بطمن عليه
مفيش يبني كنت بدور على بنتي
و أنت عرفت منين انها في الأرض
ما هو قالك بدور على بنتي يا مصطفى يعني ميعرفش
بصراحة مستريحتش لكلام جدي اللي بدأت احس أنه بيخبي حاجة عني و عن الأرض دخلت اوضتي و كملت في قراءة القضية اللي جاي علشانها كانت عن جريمة قتل حصلت في حي شعبي من رجل تخلص من مراته بس الشهود كلها بتقول أنه كان في شغله و الأداة اللي تم بيها الجريمة مفقودة و حتى الكاميرات اللي في الشارع مش جايبة أي حاجة تثبت أنه دخل في وقت الجريمة بس عياله بتقول أنهم شافوا واحد شبه ابوهم موجود في البيت و دا بيزود الشكوك اكتر و في............!!
قطع تفكيري باب البيت اللي كان بيتقفل هو اه صوته كان واطي بس سمعته سبت ورق القضية من أيدي و خرجت ابص اشوف الباب لاقيت الصالة فاضية و جدي و عم توفيق مش موجودين بصيت على الساعة لاقيت أن مر وقت كتير أو عن اخر مرة لما سبتهم مع بعض معقولة دماغي انشغلت بالورق والقضية خدت الورق بتاع القضية وعملت قهوة ودخلت البلكونة عشان اركز اكتر بس من الواضح كدا قاعدة البلكونة دي مفيهاش تركيز شوفت شخص جديد داخل الأرض دي!! و داخل باراضاته
بس دا مش أي حد دا جدي عثمان!!
المرادي كانت مفاجئة ليا أن اشوفه داخل الأرض دي و مش بيحصله زي أي حد لما بيقرب منها طبعا كان لازم انزل واتابعه واعرف بيعمل أيه !!
كنت خايف ادخل الأرض ليصبني شئ زي ما حصل لعم توفيق بس فضلت ماشي ورا جدي ومحصلش أي حاجة جدي كان ماسك كشاف بينور بيه عتمة الأرض و رافع على كتفه شوال و بيتمتم بكلام مش قادر افسره فضل ماشي داخل الأرض لحد ما وصل مكان الزرع فيه قليل شبه مش موجود وفي دايرة كبيرة وقف فيه جدي و فضل يبص حواليه وبعدين حط الشوال اللي كان على كتفه و خرج من الشوال دا جثمان طفلة!!!!
طفلة شعرها اصفر و لابسة طقم لونه بنفسجي دا اللي قدرت اشوفه بس مش عايز اصدق شكي مش معقولة يكون جدي السبب في اللي بيحصل
فضلت مراقبه لاقيته بيرجع خطوات لورا بعد ما ساب الطفلة دي في الأرض كان بيقول كلام غريب كلام مش مفهوم عامل زي الطلاسم بعد شوية بدأت تحصل هزة كبيرة و الزرع بيتحرك جامد و في شئ بيقرب مننا !!
ماكنتش متوقع حاجة زي كدا تحصل ماكنتش متوقع أن في شئ زي كدا موجود على الأرض ظهرت كف سودة كبيرة خرجت من وسط الزرع وبدأت تسحب الطفلة اللي جدي سابها و معاها كان في أنفاس في كل حتة كان في حركة في كل مكان ماكنتش لوحدي!!
حسيت بشئ بيلف حوالين رجلي و شئ بيلف حوالين رقبتي كنت بتربط حاولت اصرخ بس بسبب الشئ اللي لف حواليا دا معرفتش حاولت على قد ما اقدر عشان جدي يلحقني صوتي كان مكتوم بس كان عالي وكان سبب أن جدي عثمان يسمعني بص ناحيتي و جري عليا بسرعة بس قبل ما يوصلي ركع على ركبته و رفع أيده لفوق وقال
من نسلي من نسلي
كل شئ حل عني كل شئ سابني التكتيفة اللي كانت مسكاني راحت و الأيد السودة خدت الطفلة و بعدت عننا بسرعة شدني جدي من أيدي و خرج بيا من الأرض كنت بحاول اوقفه عشان افهم منه بس قالي هفهمك كل حاجة لما نرجع البيت و لما رجعنا قولتله
ايه اللي أنا شوفته في الأرض دي
أنت مشوفتش حاجة و من بكرا ترجع القاهرة و كفاية عليك قاعدة هنا
يعني أيه مشوفتش حاجة اوعى يكون ليك يد في اللي بيحصل للأطفال هنا
مصطفى مهما اشرحلك مش هتفهم اللي بيحصل عشان كدا بقولك ارجع القاهرة احسن
مش همشي يا جدي غير لما أعرف الحقيقة لأما اجيب أهل البلد و ندخل الأرض دي و نعرف السر
لو أهل البلد كلهم دخلوا الأرض دي هيموتوا في دقيقة واحدة محدش هيقدر عليه
أنت بتقول أيه هو مين دا اللي محدش هيقدر عليه!!
صاحب الكف الأسود!!
صاحب الكف الأسود و دا مين دا!!
الحقيقة يا مصطفى أن الأرض دي انا شريك فيها مع عمك عبد الصمد كنا بنحرسها سوا بنبعد أي حد يقرب منها فيها شر مش معروف من قديم الأزل فيها قوة خفية بتقبض أرواح الاطفال و عشان عبد الصمد يبعدها عن أنها تخرج و تتجول في البلد عمل معاها عقد قربان يقدم