الكهف الاسود

أطفال البلد ليها و عشان صاحب الكف السودة دي ميخرجش من محيط الأرض كان لازم ياخد طفل لكن اللي يقرب منه يسحبه !!
ايه التخاريف اللي بتقولها دي مفيش كدا اصلا !!
قولتلك مش هتصدق يا مصطقى
أنت بتخبي على الجرايم اللي بتعملها بقصة خرفانة زي دي
جرايم أنت تصدق أن جدك ممكن يقتل يا مصطفى!!
ما أنت عملت كدا فعلا وقتلت طفلة بريئة ملهاش ذنب
دا من أجل أن باقي البلد تعيش في أمان لو الشئ دا مخدش القربان بتاعه هيخرج من الأرض و دي مصيبة 
و اللي انت بتعمله دا مش هيخلص على اطفال البلد
بعمله كل سنة غصب عني بلطخ أيدي بدم شخص من أجل الباقي
و هو مفيش حل تاني غير كدا
حاولت لكن فشلت !!
كان جوايا شئ بيقول أن جدي بيكدب و نفس الشئ مصدقه مستحيل جدي يكون بيكدب مستحيل يكون بيقتل أنا شوفته بعيني و هو بيقدم الطفلة للشئ دا بس حتى لما شوفته مكنتش مصدق يومها مفضحتش جدي بس مقدرتش اقعد في البيت او في البلد عموما بطلت أجي عند جدي تاني بعد اللي عرفنه فضلت سنتين مشوفتش جدي لحد ما سمعت خير وفاته كان خبر مرعب مش عشان مات لاء !!
عشان أنا اللي هبقى مكانه و احرس الأرض دي!!
وصية جدي اللي كان سايبها معايا و قالي مفتحاش غير لما اموت كان كاتب فيها أن البيت بتاعه بأسمي و طلب مني أحرس البلد من بعده طلب مني كل سنة اخطف طفل من أهله و اقدمه قربان ل صاحب الكف السودة و كل دا من أجل أن البلد تعيش في أمان و من بكرا لازم اعمل دا و أنا مش عارف أعمله ازاي بس خلاص بقا أمر واقع و لازم انفذه.
انتهت.
مصطفى_ أيمن_شحاته